Popularni biblijski stihovi iz Galati 5

Podeli

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr, klei êdu êun, klei djŏ hnơ̆ng; amâo tuôm mâo klei bhiăn dưi ghă klei anăn ôh.

Ƀiădah kâo lač: Brei Yang Mngăt Jăk kiă kriê klei hdĭp diih leh anăn diih amâo srăng bi mơak kơ klei kđeh čiăng ôh.

Tơdah drei dôk hdĭp kyua Yang Mngăt Jăk, brei drei dôk dơ̆ng ƀơ̆ng huă tui si Yang Mngăt Jăk mơh.

Hlei pô jing dŏ Krist Yêsu pơ̆ng leh kđeh mbĭt hŏng klei ñu tluh leh anăn klei ñu čiăng ti kyâo bi kal.

Bruă mơ̆ng kđeh bi êdah klă leh: klei knhông, klei čhŏ mrŏ, klei knhŭk knhul, klei kkuh rup yang, klei jing mjâo, klei bi roh, klei bi msao, klei nač, klei čôñ ăl, klei čuôt klih, klei bi tăng, klei mĭn bi kah phung, klei tluh, klei kpiê ruă, klei ră huă mnăm, leh anăn jih jang klei msĕ snăn. Kâo brei diih răng msĕ si kâo hưn leh kơ diih êlâo, hlei pô ngă soh msĕ snăn amâo srăng dưn ƀuôn ala mtao Aê Diê ôh.

Ơ phung ayŏng adei, arăng iêô leh diih kơ klei êngiê, ƀiădah đăm yua ôh klei êngiê diih jing êlan brei klei ngă tui si kđeh, ƀiădah hlăm klei khăp brei diih jing dĭng buăl hdơ̆ng diih.

Kyuadah klei kđeh čiăng bi kdơ̆ng hŏng Yang Mngăt Jăk, leh anăn klei Yang Mngăt Jăk čiăng bi kdơ̆ng hŏng klei kđeh čiăng. Kyuadah dua anăn bi kdơ̆ng hdơ̆ng diñu, čiăng ghă diih ngă tui si diih čiăng.

Kyuadah jih jang klei bhiăn mâo klei bi sĭt klah čŭn snei: “Khăp bĕ kơ pô riêng gah ih msĕ si kơ ih pô.”

Đăm duah klei hing ang amâo sĭt bi nač hdơ̆ng găp leh anăn đăm čôñ ăl hdơ̆ng găp ôh.

Krist bi mtlaih drei leh, čiăng kơ drei mâo klei êngiê. Snăn dôk kjăp bĕ, đăm lŏ mjing ih pô hlŭn klei bhiăn ôh.