Popularni biblijski stihovi iz متّی ۵

Podeli

هیچکی چراغَ روشنَ نوکونه، کی بأزین اونَ کاسه جیر بنِه، بلکی او چراغَ ایتأ چراغ‌پایه سر نهِه کی اونٚ نور تومامٚ خانه ساکنأنٚ رِه بتأوه. هَطویی شومأنم وأستی وئلید شیمی نور مردومَ بتأوه کی شیمی خوروم کارأنَ بیدینید و شیمی آسمانی پئرَ ستایش بوکونید.

«شومأن اَ جهانٚ نوریدی. شهری‌یَ مأنیدی کی کوه سر چأکوده بوبوسته و نشأ اونَ قایمَ کودن.

خوشا بحالٚ کسأنی کی اوشأنٚ دیل پاکه چونکی اوشأن خودایَ دینیدی.

خوشا بحالٚ اوشأنی کی عیدالتٚ وأسی گوشنه و تشنه ایسیدی چونکی اوشأن سِئرَ بیدی.

ولی من شمرَ گم، شیمی دوشمنأنَ موحبت بوکونید و اوشأنی‌یَ کی شمرَ اذیت و آزار رسأنیدی، دوعایٚ خیر بوکونید

«خوشا بحالٚ اوشأنی کی خوشأنٚ نیازَ به خودا احساس کونیدی، چونکی آسمانٚ پادشایی اوشأنٚ شینه.

خوشا بحالٚ کسأنی کی صلح طلب ایسیدی، چونکی اوشأن خودا زأکأن دوخوأده بیدی.

خوشا بحالٚ کسأنی کی ماتم بزه‌کیدی چونکی اوشأنم آرامش پیدا کونیدی.

خوشا بحالٚ اوشأنی کی خوشأنٚ دوروستکاری وأسی اذیت و آزار دینیدی، چونکی آسمانٚ پادشایی اوشأنٚ شینه.

خوشا بحالٚ اوشأنی کی رحم و مروت دأریدی، چونکی اوشأن خودا جأ رحم و مروت دینیدی.

«خوشا بحالٚ شومأن وختی کی مردومأن می وأسی شمرَ فحش و فلاکت دیهیدی و اذیت و آزار کونیدی و شمرَ همه جوره بوهتأن زنیدی. خوشحال بیبید و شادی بوکونید، چونکی بأزین آسمانٚ جور پیله پاداش شیمی شین به، چره کی هَطویم پیغمبرأنی کی پیشتر بموییدی اذیت و آزار بیده‌ییدی.

خوشا بحالٚ فروتنأن، چونکی جهان اوشأنٚ شین به.

«شومأن اَ دونیا نمکیدی. ولی اگه نمک خو مزه‌یَ جٚه دس بده، چوطویی دوواره شورَ به؟ دِه به دردٚ هیچ کاری نوخوره، فقط وأستی اونَ فیشأدن تا مردومٚ پا جیر لقد مالَ به.

هَنٚ وأسی شومأن کامل بیبید، هوطو کی شیمی آسمانٚ پئر کامله.

شیمی گبأن وأستی یا ‹بله› یا ‹نه› ببه، ویشتر جٚه اون شیطانٚ شینه.

«بیشتأوستیدی کی بوگفته بوبوسته‌بو: ‹چوم در عوضٚ چوم و دندان در عوضٚ دندان.› ولی من شمرَ گم، شریرٚ آدمٚ اَمرأ درگیر نیبید. اگه کسی تی راستٚ دیمَ سیلی بزه، تی دیمَ وأگردأن، وهل او طرفم بزنه.

اگه تی راستٚ چوم ترَ به گوناه تأوده، اونَ بکن و فیشأن، چونکی بهتره کی ناقصَ بی، تا تومامٚ تی بدن جهندمٚ دورونی دکفه. اگه تی راستٚ دسم ترَ به گوناه فأکشه، اونم وَوین و فیشأن، چونکی بهتره کی ایتأ دس بدأری، تا تومامٚ تی بدن جهندمٚ دورونی دکفه.