Popularni biblijski stihovi iz خروج ۱۶

Podeli

و بوگفتیدی: «ایکاش خوداوند اَمرَ مصرٚ سرزیمینٚ میأن بوکوشته‌بی، اویه گوشتٚ تیأنٚ ورجأ نیشتیم و غذا مره سِئرَ بوستیم ولی شومأن اَمرَ بأوردیدی بیابانٚ میأن کی تومامٚ اَ جماعتَ ویشتأیی بوکوشید.» بأزین خوداوند موسایَ بوگفته: «من آسمانٚ جأ شِمره خوراک وأرأنم. قوم هر روز بیشید بیرون و اونقدری کی هو روزٚ رِه نیاز دأره نان اوچینه. اَطویی اوشأنَ ایمتحان کونم کی بیدینیم می فرمانَ بجا اَوریدی یا نه.

هویه بیابانٚ میأن تومامٚ قومٚ بنی‌ایسرائیل موسی و هارونٚ جُلُو شکایت بوکودیدی

و موسی بوگفته: «خوداوند، هر روز غروب گوشت و هر روز صُب نان شمرَ فده کی بوخورید و سِئرَ بید، چونکی خوداوند شیمی گِله و شکایتَ بیشنأوسته. اَمأن کیسیم کی شومأن اَمی جأ گِله و شکایت کونیدی؟ شومأن اَمی جأ شکایت نوکودَن دریدی بلکی کراَ خوداوندٚ جأ شکایت کودَن دریدی.»

«من بنی‌ایسرائیلٚ گِله و شکایتَ بیشنأوستم. اوشأنَ بوگو: ‹غروب دم گوشت خوریدی و صُب شِمره نان فراهم کونم کی سِئرَ بید. او وخت فهمیدی، من یهوه، شیمی خودا ایسم.›»