Popularni biblijski stihovi iz GALATIA 5

Podeli

Thikhabo, Bese ni bathai de hamjaoma, khajama, milima, khah laoma, gasainma, hamma, lonma gnang, grao magainyaba, saiphuyaba, ebo buthu ning ja kha; ebo buthu khe hamya thiyaba musi Dara ha bo giri.

Ebo khe ang thi du, Bese ha dong lah, ode thikhase, saomang ni mijingma khe nisi maniya ma thi.

Bese ha jing thang hi dongba thikha de, jing Bese ha ning donglai nang.

Ode, Krista Jisu ni subung buthu de, saomang ni baothai mijingma buthu khe bubim jang kross ha bonsi dikpha kha.

Saomang khusi dangyaba buthu de ragao sisi nujao du; bo de ebo buthu ning ja kha: Gaori, gusu, hamya mijingma, saokhuli khe khlimyaba, montro ringyaba, bangjaoyayaba, nam khormu, khaojiyaba, thamsi baigoyaba, jar khe se ning jajao layaba, raojao layaba, lonma gibin jayaba, hingsa, juh baola jayaba, juh lingthan ha baiyaba, oleiyaba buthu de eboni balam ha ang nisi khe thi du, ar sagang habo ang thi kha, olei khusi dangyarao de Madai ni raji khe mai nang niya.

Daphlungrao, leng jaya mani khlai hi nisi longjaoya se; thikhabo, nisi leng jayayaba khe saomang ne khlai hi hajora yaowaiya hi, hamjaoma jang saosi jang saosi khusi danglai lah.

Saomang de Bese ni nanglai mani khaja re, Bese bo saomang gede nanglai mani khaja re; nisi dangma baoyaba buthu khe nisi dangphuya mani ebo buthu de thalaiyayaba se.

Ning jar khe maya nang laba lai ning nini noharirao khe maya nang lah, thiyaba grao thaisi ha ning khrip Dara ni grao sothar du.

Badai laiya hi nisi hingsa jalaiya hi, jar khe degao laiyahi jing donglai nang.

Leng jaya mane khlai hi Krista ning jing khe sadhin ja ri kha; odebani, ebo ha ning rao hi dong lah, leng ni jowal khe da thaophin si lah.