Busa-Bisã 2005 SIM (NT) Non-Drama

Busa-Bisã 2005 SIM (NT) Drama

Siza Tiberia kíblena wɛ̃̀ gɛ̃rode gũn Pɔntiu Pilati mɛ́ à Yudea bùsu gbɛ̃ zɔ̃kɔ̃ ũ, Hɛrɔdu tɛn kí ble Galili, a vĩ̀ni Filipi tɛn kí ble Iturea bùsun kũ Tarakɔniti bùsuuo, Lisania sɔ̃ àtɛn kí ble Abilɛnɛ bùsun. Anasa kũ Kayafaoomɛ sa'orikinɔ ũ. Gɔrɔ kũ̀a Luda yã ò Zakari nɛ́ Yahayanɛ gbárannan. Akũ à fùtɛ àtɛn kure Yoda bara dire kũ bara laooi pínki, àtɛn waazi kɛ gbɛ̃nɔnɛ. À òńnɛ ò ń nɛ̀sɛ litɛ ò da'itɛ kɛ, Luda ni ń durunnanɔ kɛ̃ḿma. Lákũ à kú annabi Isaya takada gũn nà à pì:
À baarukparii kòto ma dɔ gbárannan,
àtɛn pi à zɛ́ kɛkɛ Dikirinɛ,
à zɛ́ térerenɔ poronɛ súsu.
Guvutɛ pínki ni tata,
kpinɔ kũ sĩ̀sĩnɔ ni datɛ pínki.
Zɛ́ kotinanɔ ni poro súsu,
zɛ́ wókũwokũnɔ ni kpákũsũ,
gbɛ̃ sĩnda pínki ni e lákũ Luda dì ń sura ba nà.
Gbɛ̃nɔ dìgɔ̃ su a kĩnaa dasi ò da'itɛ kɛ, akũ àdi ońnɛ: Bisãsiri pitikonɔ! De mɛ́ à lɛ́ dàáwa à bàa sí pɔfɛ̃ kũ Luda ni kipaḿmanɛɛ? À nɛ̀sɛlitɛna yã kɛ, onigɔ̃ dɔ̃ kũ a litɛ. Kũ Ibrahĩ de á dizi ũ, àsungɔ̃ da kũ abirekũ mɛ́ ani á boro. Matɛn oárɛ, Luda ni fɔ̃ à gbɛ̀ dínɔ kɛ Ibrahĩ burinɔ ũ. Kpása ditɛna línɔi kɔ̀. Lí kũ àdi nɛ́ mana iro, Luda ni zɔ̃ à zu tɛ́ gũn.
Gbɛ̃nɔ a là ò pì: Tó lɛmɛ, óni kɛ deraa? À wèḿma à pì: Gbɛ̃ kũ à uta vĩ mɛ̀n pla, à a do kpá gbɛ̃ kũ à vĩroa. Gbɛ̃ kũ à pɔ́ble vĩ, à kɛ lɛ dɔ. Bɛ'ɔgɔsirinɔ sù da'itɛ kɛ, akũ ò a là ò pì: Dannɛri, óni kɛ deraa? À wèḿma à pì: Ásun bɛ'ɔgɔ síḿma de lákũ ò dìtɛ nàlaro. Sozanɔ a là: Ókɔ̃nɔ sɔ̃, óni kɛ deraa? À òńnɛ: Ásun gbãna mɔ gbɛ̃nɔnɛ à ń blero. À zɛ kũ fĩna kũ òdi boárɛo.
Gbɛ̃nɔ wɛ́dɔina tɛn kara. Baadi pínki tɛn laasun lɛ́ a nɛ̀sɛɛ gũn Yahaya yãa, tó àkũmɛ Arumasihu ũ. Yahaya òńnɛ ń pínki à pì: Madì á da'itɛ kɛ kũ íomɛ. Ama gbɛ̃ke ni su a gbãna demala, mádi ká mà a kyate bobonɛro. Àkũ mɛ́ ani á da'itɛ kɛ kũ Luda Ninio kũ tɛ́o. À gbaka kũna kũ ani pɔ́ fão. Ani pɔ́blewɛ ká a dɔ̃̀n, ani a sàko ká tɛ́ kũ àdi garo gũn. Yahaya baaru nna kpannɛnaa gũn, à nàkaraḿma kũ yã pãndenɔo dasi. Akũ à yã kpã̀kɛ̃ kína Hɛrɔdui a vĩ̀ni nanɔ Hɛrɔdia yã musu kũ yã vãni pãnde kũ à kɛ̀nɔ pínki, akũ Hɛrɔdu ɛ̀ra à yã vãni kɛ̀ dɔ, à Yahaya dà kpɛ́siran.


Kũ Yahaya tɛn gbɛ̃nɔ da'itɛ kɛ ń pínki, à Yesu da'itɛ kɛ̀ se. Gɔrɔ kũ Yesu tɛn adua kɛ, ludambɛ wɛ̃̀kɔ̃a, akũ Luda Nini sùa à de lán potɛ̃nɛ bà. Akũ à kòto ke mà bona ludambɛ à pì: Mɔkɔ̃n ma Nɛ́ mɛ̀n do légelege yenyĩde ũ, kũ ma pɔ nnamma manamana.


Gɔrɔ kũ Yesu nà a zĩa, à kà wɛ̃̀ baraakuri taka. Òtɛn da Yusufu nɛ́'inaamɛ.
Yusufu sɔ̃ Eli nɛ́mɛ,
Eli sɔ̃ Matata nɛ́mɛ,
Matata sɔ̃ Levi nɛ́mɛ,
Levi sɔ̃ Mɛlɛki nɛ́mɛ,
Mɛlɛki sɔ̃ Yanai nɛ́mɛ,
Yanai sɔ̃ Yusufu nɛ́mɛ,
Yusufu sɔ̃ Matatia nɛ́mɛ,
Matatia sɔ̃ Amɔsi nɛ́mɛ,
Amɔsi sɔ̃ Naumu nɛ́mɛ,
Naumu sɔ̃ Ɛsɛli nɛ́mɛ,
Ɛsɛli sɔ̃ Nagai nɛ́mɛ,
Nagai sɔ̃ Maata nɛ́mɛ,
Maata sɔ̃ Matatia nɛ́mɛ,
Matatia sɔ̃ Sɛmɛi nɛ́mɛ,
Sɛmɛi sɔ̃ Yosɛki nɛ́mɛ,
Yosɛki sɔ̃ Yoda nɛ́mɛ,
Yoda sɔ̃ Yoanana nɛ́mɛ,
Yoanana sɔ̃ Resa nɛ́mɛ,
Resa sɔ̃ Zɛrubabɛli nɛ́mɛ,
Zɛrubabɛli sɔ̃ Sealatiɛli nɛ́mɛ,
Sealatiɛli sɔ̃ Nɛri nɛ́mɛ,
Nɛri sɔ̃ Mɛlɛki nɛ́mɛ,
Mɛlɛki sɔ̃ Adi nɛ́mɛ,
Adi sɔ̃ Kosamu nɛ́mɛ,
Kosamu sɔ̃ Ɛlɛmadamu nɛ́mɛ,
Ɛlɛmadamu sɔ̃ Ɛɛ nɛ́mɛ,
Ɛɛ sɔ̃ Yɔsua nɛ́mɛ,
Yɔsua sɔ̃ Ɛliɛza nɛ́mɛ,
Ɛliɛza sɔ̃ Yorimu nɛ́mɛ,
Yorimu sɔ̃ Matata nɛ́mɛ,
Matata sɔ̃ Levi nɛ́mɛ,
Levi sɔ̃ Simɛɔ nɛ́mɛ,
Simɛɔ sɔ̃ Yuda nɛ́mɛ,
Yuda sɔ̃ Yusufu nɛ́mɛ,
Yusufu sɔ̃ Yonamu nɛ́mɛ,
Yonamu sɔ̃ Ɛliakimu nɛ́mɛ,
Ɛliakimu sɔ̃ Mɛlɛa nɛ́mɛ,
Mɛlɛa sɔ̃ Mɛna nɛ́mɛ,
Mɛna sɔ̃ Matata nɛ́mɛ,
Matata sɔ̃ Natã nɛ́mɛ,
Natã sɔ̃ Dauda nɛ́mɛ,
Dauda sɔ̃ Yɛsɛ nɛ́mɛ,
Yɛsɛ sɔ̃ Ɔbɛdi nɛ́mɛ,
Ɔbɛdi sɔ̃ Bɔaza nɛ́mɛ,
Bɔaza sɔ̃ Salamɔ nɛ́mɛ,
Salamɔ sɔ̃ Nasɔ̃ nɛ́mɛ,
Nasɔ̃ sɔ̃ Aminadabu nɛ́mɛ,
Aminadabu sɔ̃ Ramu nɛ́mɛ,
Ramu sɔ̃ Ɛzɛrɔnu nɛ́mɛ,
Ɛzɛrɔnu sɔ̃ Pɛrɛzi nɛ́mɛ,
Pɛrɛzi sɔ̃ Yuda nɛ́mɛ,
Yuda sɔ̃ Yakubu nɛ́mɛ,
Yakubu sɔ̃ Isaaku nɛ́mɛ,
Isaaku sɔ̃ Ibrahĩ nɛ́mɛ,
Ibrahĩ sɔ̃ Tera nɛ́mɛ,
Tera sɔ̃ Nao nɛ́mɛ,
Nao sɔ̃ Serugu nɛ́mɛ,
Serugu sɔ̃ Rɛu nɛ́mɛ,
Rɛu sɔ̃ Pɛlɛgi nɛ́mɛ,
Pɛlɛgi sɔ̃ Eberu nɛ́mɛ,
Eberu sɔ̃ Sela nɛ́mɛ,
Sela sɔ̃ Kaina nɛ́mɛ,
Kaina sɔ̃ Apasada nɛ́mɛ,
Apasada sɔ̃ Sɛmu nɛ́mɛ,
Sɛmu sɔ̃ Nuhu nɛ́mɛ,
Nuhu sɔ̃ Lamɛki nɛ́mɛ,
Lamɛki sɔ̃ Mɛtusela nɛ́mɛ,
Mɛtusela sɔ̃ Ɛnɔku nɛ́mɛ,
Ɛnɔku sɔ̃ Yarɛdi nɛ́mɛ,
Yarɛdi sɔ̃ Malalɛli nɛ́mɛ,
Malalɛli sɔ̃ Kenana nɛ́mɛ,
Kenana sɔ̃ Ɛnɔsu nɛ́mɛ,
Ɛnɔsu sɔ̃ Sɛti nɛ́mɛ,
Sɛti sɔ̃ Adamu nɛ́mɛ,
Adamu sɔ̃ Luda nɛ́mɛ.

Slušaj LUKU 3