Jepi Perëndisë vendin e parë.Shembull

“Vendi i Perëndisë, shpërblimi im!”

Vendi i parë - është ambicia e përqëndruar e të gjithë atyre që garojnë. Qoftë një garë individuale apo në skuadër, rezultati, ose koha më e mirë fiton dhe vendi i parë sjell gjithmonë çmimin kryesor për atë që e arrin atë nder të privilegjuar. Gjithmonë është kështu, me një përjashtim të rëndësishëm.

Para shpëtimit, ne zakonisht mbajmë vendin e parë në jetën tonë - jetojmë për veten tonë, përmbushim ambiciet tona egoiste dhe promovojmë programin tonë. Por kur bëhemi të krishterë, nuk e mbajmë për vete vendin e parë; ai i takon Perëndisë.

Dhënia e vendit të parë Perëndisë në jetën tonë filloi ditën e shpëtimit tonë, por lejimi i Perëndisë që të mbetet i pari në të gjitha fushat e jetës sonë, është një proces i vazhdueshëm. Kur veprojmë kështu, jetojmë këtu në tokë një jetë të përmbushur dhe të bekuar në Krishtin dhe trashëgojmë një jetë të përjetshme me bekime të papërshkrueshme me Perëndinë, përgjithmonë në qiell.

“Dhe kushdo që merr pjesë në garë kontrollon veten në të gjitha; dhe ata e bëjnë këtë për të marrë një kurorë që prishet, kurse ne për një kurorë që nuk prishet.” 1 Korintasve 9:25.