Vargje biblike të njohura nga ROMA 5

Ndaje

Sine Ondae Ue Ala mopokitao pompehohawa-Do ndi ontae, hangano Ondae i Kerisituu mate Iramo tiato, tempono da mentehala kita.

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

Ka komba butu onae atuu. Tendeano kita koa mpo'unde mbo'u a laro marasaiato, hangano tomento'orio, nine marasaia atuu mompokohina pompedato, ka morosono aroa mompokohina mentiino pinewowolo ka mentiino pinewowolo mompokohina pomperorohi.

Onaemo pu'uno, ontae anu mempinokomentee hangano pompe'ala-ala, mentuwu kita a laro rodoa saru Ondae Ue Ala hangano Ondae Ueto, i Yesu Kerisituu. Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

Hangano tempono da memolema kita, mate Iramo i Kerisituu tiato mia anu buunto a tempo anu Dopakosiomo Ue Ala.

Tamoako, hangano ontae kanandio-andio mempinokomentee kitamo hangano rea-Do, manasa kita mengkinadudui inso a ntekuda-Do Ue Ala.

Gaagi mengkena kana hangano asa mia nahi petenunu luwuno mia megagi iramo mia ntehala, kanandio koa mbo'u hangano petenununo asa mia luwuno mia gagi mia mentee.

Ka komba butu onae! Tendeano kita memawongko ndi Ondae Ue Ala hangano Ondae i Yesu Kerisituu, Ueto, hangano Ondae ka tompotarimamo pesintuwua atuu.