Vargje biblike të njohura nga ROMA 12

Ndaje

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

Si mentenagi a mosa'oa, sine mosa'oa imenangiakono moikoa!

Asalakono ka imambe pehohawa kana pepaekompo ka mambepese'elungi a mpompelangkai.

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

Tompa pinolimiu, tewala mongkona atuu montonda omiu, imentuwumo mpesintuwuako ira luwuno mia!

Pepaekompo luwu-luwu anu pinehohawaku, si mpombalo omiu-miu, sine impeweengakono a pontekudaako-Do Ue Ala, hangano hinao teburi: Pombaloa atuu tia-Ku. Ongkuemo anu mombalo, pau-Do i Ue.

Ka si mansa luuntu mokuamiu, po'ineeomo ka itensila penaamiu ka impo'anggaako Iramo i Ue.

Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia.

Mosa'oa si pombaloakono mosa'oa; weweuomo hapa anu moiko a luwuno mia!

Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande!

Sine, tewala iwalimu mokoninggo, imempakao; tewala mokoranga, impopo'inuo! Hangano mpoweweu komiu kanandio impohowuakono waro api a ntoro'uluno.

Imeronsoomo isema anu bobarasai komiu, imeronsoomo ka si mpototonaa! Impo'undemo saru mia anu mo'unde, ka impengesemo saru mia anu mengese!

Imentulungi iramo mia mempori a laro makurado ka po'ineeomo koroimu ka iwela koa mompowee peratoa!

Hangano mengkena kana a asa koroito hadio parewa ngkoroi, sine komba luwuno parewa ngkoroi atuu mpohawe anggaa anu mengkena, kanatuu koa mbo'u ontae, maupo tomehadio, mpe'asa ngkoroi ndi Ondae i Kerisituu; sine ontae singge mia onaemo parewa saru anu mehano.