Vargje biblike të njohura nga Rimlianenge 5

Ndaje

ne Devél dophenéla Péskire laskasa ke ame, so Xristóso myjá pal aménde, kiéli ame iščo (inké) sámas grehítka.

I amarí nadiéia na podlydžala amen, pal-dová so Devléskiri láska pir Svénto Dúho (Fáno) pherdiakirdiá amaré ile laskasa, saví dyný aménge

Ne na dre jekh davá isyn amarí rádyma, a ame adiáke-pac' radynasape dre amaré pharipena, pal-dová so ame džinása, so pir pharipén barjola amaró vyrikiriben. Pir vyrikiriben ame jačasape tvardedyr dro xaraktiero, a xaraktiero duredýr déla nadiéia.

I pal-dová so amen priĥalyne pal čačunende pir patiaibén, aménde isyn ramánjo (miro) Devlésa pir amaré Raste-Devléste, Isusóste Xristosóste, pir Savéste ame sam domekne pir patiaibén ke davá bahtiakiribén, dre savó ame kakaná dživasa, i ame radynasape, so aménde isyn nadiéia pe Devléskiri sláva.

pal-dová so Xristóso, kiéli ame sámas grehítka, dro časo, Savó Devél uphendia, myjá pal nadevlytkonende.

Paldavá kakaná, kiéli ame sam pridžindle čačunenca Léskire ratésa, ame butýr patiása dre dová, so ame zrakhasape pir Léste Devléskire xoliátyr.

Pal-dová so, syr pal jekhe manušéskiro nakandypen kerdépe but manušá grehitkonenca, adiáke-pac' i pal Jekhe Manušéskiro kandypen but manušá jačénape čačunenca.

I na jekh davá, ne ame i radynasape pir amaré Raste-Devléste, Isusóste Xristosóste, pir Savéste ame doresciam (dolyjam) kakaná ramánjo Devlésa.