Vargje biblike të njohura nga Rimlianenge 1

Ndaje

Me na ladžava te rosphenav bahtalý zan (zvies'), pal-dová so joj isyn Devléskiri zor vaš zrakhibén kažnonéske devlytkoneske: angledýr Judénge, ne korigedýr (tén'či) Elinénge (Griekénge/Balaménge)

pal-dová so dre Jevángielija otčhakirelape Devléskiro čačipén patiaibnastyr dro patiaibén: syr pal davá isyn čhindló: “Manúš čačuné patiaibnása javéla te dživél.”

Pal-dová, syr Devél sozdyjá svéto, Léskiri viekoskiri zor i Devlytkima biciale dre Léskire réndy (diély), kiéli manúš šukár duminéla pal davá; adiáke so manušénge nane primangipen, kóli jone rakirna, so jone na džinéna Devlés.

Jone džindlé Devlés, ne jone na slavindle Les, syr Devlés, i na parikirenas Léske: jone jačné te košenpe, kiéli pirirakirenas, i léngire nagod'vare ile tasadyne dro kalypén

kadalé manušá parude Devléskiro čačipén xohaibnasa, jone mangénape i dynarinena (služynena) odoléske, konés jone vydumindle kokoré, butýr syr Kodoléske, Savó kerdiá davá saró, Savó isyn mol viečnone slavake. Amín'.

Pal-dová so bolybnástyr zdžála Devléskiri xolý pe kažno bidevlytkima i pe manušéngiro xohaibén, savé péskire načačipnasa xasiakirena čačipén.

Paldavá Devél otdyjá len biladžaipnytkone kamibnaske: i léngire džuvliá parudyne te dživén péskire romenca adiáke, syr natrej; adiáke-pac' i muršá, pirijačne te dživén džuvliénca, syr trej, a jone xačonas kamibnasa jekh pe jekhéste, i lyné te kerén magiripén murš muršesa, i jone doreséna (dolena) kokoré dre péste kára pal péskiro bléndo. I pal-dová, syr jone na kamlé te džinén pal Devléste, tedy Devél i mekciá len, sob (kaj) jone te kerén pir nalačhi godý, ne so lénge kamelape

kiéli jone gindlé pes god'varenca, ne syr vygijá, jačné dylynenca, i jone parude bimeribnaskiri Devléskiri sláva pe manušýtko óbrazo, savó meréla, i čiriklytko, i murdalytko i odolengiro, savé polzynena.