Zekaria 14:3-9
Zekaria 14:3-9 Bhaibheri Dzvene MuChiShona Chanhasi (BDSC)
Ipapo Jehovha achabuda kuti andorwisa ndudzi idzodzo, sokurwa kwaanoita pazuva rehondo. Pazuva iroro tsoka dzake dzichamira paGomo reMiorivhi, kumabvazuva kweJerusarema, uye Gomo reMiorivhi richapamuka napakati kubva kumabvazuva kusvikira kumadokero, pagoita mupata mukuru kwazvo, imwe hafu yegomo ichatsedukira kurutivi rwokumusoro uye imwe hafu ichatsedukira zasi. Muchatiza nomumupata wegomo rangu, nokuti uchasvika kuAzeri. Muchatiza sokutiza kwamakaita pakudengenyeka kwenyika pamazuva aUzia mambo weJudha. Ipapo Jehovha Mwari wangu achauya, uye navatsvene vose pamwe chete naye. Pazuva iroro hakuzovi nechiedza, kutonhora kana chando. Richava zuva rakasiyana namamwe, risina nguva dzousiku kana nguva dzamasikati, zuva rinozivikanwa naJehovha. Kana madekwana asvika, chiedza chichavapo. Pazuva iroro mvura mhenyu ichayerera ichibuda muJerusarema, hafu kugungwa rokumabvazuva uye imwe hafu kugungwa rokumadokero, muzhizha nomuchando. Jehovha achava mambo panyika yose. Pazuva iroro pachava naJehovha mumwe chete, uye zita rake rigova zita rimwe chete roga.
Zekaria 14:3-9 Shona Bible 1949, revised 2002 (SNA2002)
Ipapo Jehovha achabuda, ndokurwa nendudzi idzedzo, sezvaakarwa nezuva rehondo. Nezuva iro tsoka dzake dzichamira pagomo reMiorivhi, riri pamberi peJerusaremu kurutivi rwamabvazuva; gomo reMiorivhi richapamuka napakati, zvichibva kumabvazuva zvichienda kumavirazuva, kukavapo mupata mukuru kwazvo; imwe hafu yegomo ichatsedukira kurutivi rwokumusoro, imwe hafu yaro kurutivi rwezasi. Muchatiza nomumupata wamakomo angu, nokuti mupata wamakomo uchandosvika paAzeri; zvirokwazvo muchatiza, sezvamakatiza kudengenyeka kwenyika pamazuva aUziya mambo waJudha; ipapo Jehovha Mwari wangu achauya, navatsvene vose pamwechete newe. Zvino nezuva iro chiedza chichashaikwa, zvinopenya zvichadzimwa. Asi richava zuva rimwe rinozikanwa naJehovha, hapangavi namasikati kana husiku, asi nenguva yamadekwana chiedza chichavapo. Zvino nezuva iro mvura mhenyu zhinji ichabuda muJerusaremu; imwe hafu yayo ichayerera kugungwa rokumabvazuva, imwe hafu yayo kugungwa rokumavirazuva; zvichaitwa pazhizha napachando. Jehovha achava Mambo wenyika yose; nezuva iro Jehovha achava mumwechete, nezita rake rimwechete.
Zekaria 14:3-9 Bhaibhiri Idzva rechiShona rine Dhuterokanonika (SCLBD)
TENZI ndipo paachandorwisa marudzi iwayo sokurwisa kwaanoita pazuva rehondo. Pamusi iwoyo iye achanoti dzi kumira kugomo reMuorivhi riri pakatarisana neJerusaremu kumabvazuva. Gomo reMuorivhi richakamuraniswawo napakati muzvikamu zviviri kubva kumabvazuva zvichienda kumadokero richakamuraniswa nebani guru. Chimwe chikamu chichaenda kuchamhembe chimwe chikamu chichienda kumaodzanyemba. Bani iroro rinenge riri pakati pezvikomo richavharwa. Richavharwa kusvika kuJasori. Richavharwa sokuvharwa kwarakaitwa nokundengendeka kwenguva yaUziya mambo wokwaJudha. TENZI Mwari wangu ndipo paachauya pamwechete navarurami vose. Pazuva iroro panenge pasina chiedza, pasina kutonhora kana chando richange riri zuva riri roga, risina zvokuti masikati kana kuti usiku. Izvi zvinozivikanwa naTENZI. Kana kwasvika nguva yamanheru kunenge kune chiedza. Pazuva iroro mvura mhenyu ichayerera ichibva muJerusaremu imwe ichayerera kumabvazuva imwe ichiyerera kumadokero. Icharamba ichingodaro zhizha napachando. TENZI achava mambo wapasi pose. Pazuva iroro TENZI achave ndiye oga; zita rake richingova ndiro rimwechetero.
Zekaria 14:3-9 Baiberi Magwaro Matȿene aMŋari 1949 (Doke) (SUB1949)
Ipapo Jehova ucaɓuɗa, ndokurwa nendudzi idzedzo, seɀaakarwa nezuʋa rehondo. Nezuʋa iro tsoka dzake dzicamira pagomo reMiorivi, riri pamberi peJerusarema kurutiʋi rwamabvazuʋa; gomo reMiorivi ricapamuka napakati, ɀicibva kumabvazuʋa ɀicienda kumaʋirazuʋa, kukaʋa’po mupata mukuru kwaɀo; imŋe hafu yegomo icatseɗukira kurutiʋi rwokumsoro, imŋe hafu yaro kurutiʋi rwezasi. Mucatiza nomumupata wamakomo aŋgu, nokuti mupata wamakomo ucandoȿika paAzeri; ɀirokwaɀo mucatiza, seɀamakatiza kuɗeŋgenyeka kwenyika pamazuʋa aUzia mambo waJuda; ipapo Jehova Mŋari waŋgu ucaʋuya, naʋatȿene ʋose pamŋe cete newe. Ɀino nezuʋa iro ciedza cicashaikwa, ɀinopenya ɀicadzimŋa. Asi ricaʋa zuʋa rimŋe rinozikanwa naJehova, hapaŋgaʋi namasikati kana ʋusiku, asi neŋguʋa yamaɗekwana ciedza cicaʋa’po. Ɀino nezuʋa iro mvura mhenyu zhinji icaɓuɗa muJerusarema; imŋe hafu yayo icayerera kuguŋgwa rokumabvazuʋa, imŋe hafu yayo kuguŋgwa rokumaʋirazuʋa; ɀicaitwa pazhezha napacando. Jehova ucaʋa Mambo wenyika yose; nezuʋa iro Jehova ucaʋa mumŋe cete, nezita rake rimŋe cete.
Zekaria 14:3-9 Bhaibhiri Idzva rechiShona (SCLB)
TENZI ndipo paachandorwisa marudzi iwayo sokurwisa kwaanoita pazuva rehondo. Pamusi iwoyo iye achanoti dzi kumira kugomo reMuorivhi riri pakatarisana neJerusaremu kumabvazuva. Gomo reMuorivhi richakamuraniswawo napakati muzvikamu zviviri kubva kumabvazuva zvichienda kumadokero richakamuraniswa nebani guru. Chimwe chikamu chichaenda kuchamhembe chimwe chikamu chichienda kumaodzanyemba. Bani iroro rinenge riri pakati pezvikomo richavharwa. Richavharwa kusvika kuJasori. Richavharwa sokuvharwa kwarakaitwa nokundengendeka kwenguva yaUziya mambo wokwaJudha. TENZI Mwari wangu ndipo paachauya pamwechete navarurami vose. Pazuva iroro panenge pasina chiedza, pasina kutonhora kana chando richange riri zuva riri roga, risina zvokuti masikati kana kuti usiku. Izvi zvinozivikanwa naTENZI. Kana kwasvika nguva yamanheru kunenge kune chiedza. Pazuva iroro mvura mhenyu ichayerera ichibva muJerusaremu imwe ichayerera kumabvazuva imwe ichiyerera kumadokero. Icharamba ichingodaro zhizha napachando. TENZI achava mambo wapasi pose. Pazuva iroro TENZI achave ndiye oga; zita rake richingova ndiro rimwechetero.