Mapisarema 111:2-10
Mapisarema 111:2-10 Bhaibheri Dzvene MuChiShona Chanhasi (BDSC)
Mabasa aJehovha makuru; anorangarirwa navose vanofara maari. Mabasa ake ndeokukudzwa noumambo, uye kururama kwake kunogara nokusingaperi. Akaita kuti zvishamiso zvake zvirangarirwe; Jehovha ane nyasha nengoni. Anopa zvokudya kuna avo vanomutya; anorangarira sungano yake nokusingaperi. Akaratidza vanhu vake simba ramabasa ake, achivapa nyika dzedzimwe ndudzi. Mabasa amaoko ake akatendeka uye akarurama, mitemo yake yose yakavimbika. Yakasimba kusvika nokusingaperi-peri, yakaitwa mukutendeka nokururama. Akapa dzikinuro kuvanhu vake; akasimbisa sungano yake nokusingaperi, zita rake idzvene uye rinotyisa. Kutya Jehovha ndiwo mavambo enjere; vose vanotevera mitemo yake vanonzwisisa. Kurumbidzwa ndokwake nokusingaperi.
Mapisarema 111:2-10 Shona Bible 1949, revised 2002 (SNA2002)
Mabasa aJehovha makuru, Anocherechedzwa navose vanoafarira. Basa rake rinoratidza kukudzwa noumambo; Kururama kwake kunogara nokusingaperi. Mabasa ake, anoshamisa, wakaaita chiyeudziro; Jehovha anenyasha netsitsi. Akapa zvokudya vanomutya; Acharangarira sungano yake nokusingaperi. Akaratidza vanhu vake simba ramabasa ake, Zvaakavapa nhaka yavahedheni. Mabasa amaoko ake izvokwadi nokururamisira; Mirairo yake yose yakasimba. Yakasimbiswa nokusingaperi-peri, Yakaitwa nezvokwadi nokururama. Akatumira vanhu vake rudzikinuro; Akaraira sungano yake nokusingaperi; Zita rake idzvene rinotyisa. Kutya Jehovha ndiko kutanga kwouchenjeri; Vose vanozviita vanomurangariro wakanaka; Kurumbidzwa kwake kunogara nokusingaperi.
Mapisarema 111:2-10 Bhaibhiri Idzva rechiShona rine Dhuterokanonika (SCLBD)
Mabasa aTENZI makuru anodzidzwa navose vanoafarira. Basa rake rino mukurumbira nechiremera, ururami hwake hunogara huripo nokusingaperi. Akadzika chokuti timuyeuke nacho mabasa ake anoshamisa, TENZI ane mwoyo wakanaka uye ano tsitsi. Anopa chokudya vanomutya, haakanganwi chitenderano chake. Akaratidza vanhu vake simba ramabasa ake nokuvapa kwaakaita nhaka yaiva yamarudzi. Mabasa amaoko ake anotendeseka uye anoruenzaniso, mitemo yake inovimbika. Ipfirapo narini narini, yakatemwa mukutendeka nomuchokwadi. Akatuma ruponeso kuvanhu vake; akasunga chitenderano chake nokusingaperi, zita rake rinoera uye rinotyisa. Kutya TENZI ndiko kutanga kwoungwaru, vose vanoita kudaro vanobva vava nokunzwisisa chaiko. Mwari acharumbidzwa nokusingaperi.
Mapisarema 111:2-10 Baiberi Magwaro Matȿene aMŋari 1949 (Doke) (SUB1949)
Maɓasa aJehova makuru, Anocerekedzwa naʋose ʋanoafarira. Ƃasa rake rinoratidza kukudzwa noʋumambo; Kururama kwake kunogara nokusiŋgaperi. Maɓasa ake, anoshamisa, wakaaita ciyeʋudziro; Jehova unenyasha netsitsi. Wakapa ɀokudya ʋanomutya; Ucaraŋgarira suŋgano yake nokusiŋgaperi. Wakaratidza ʋanhu ʋake simba ramaɓasa ake, Ɀaakaʋapa nhaka yaʋahedeni. Maɓasa amaʋoko ake iɀokwaɗi nokururamisira; Mirairo yake yose yakasimba. Yakasimbiswa nokusiŋgaperi‐peri, Yakaitwa neɀokwaɗi nokururama. Wakatumira ʋanhu ʋake rudzikinuro; Wakaraira suŋgano yake nokusiŋgaperi; Zita rake idɀene rinotyisa. Kutya Jehova ndiko kutaŋga kwoʋucenjeri; Ʋose ʋanoɀiita ʋanomuraŋgariro wakanaka; Kurumbidzwa kwake kunogara nokusiŋgaperi.
Mapisarema 111:2-10 Bhaibhiri Idzva rechiShona (SCLB)
Mabasa aTENZI makuru anodzidzwa navose vanoafarira. Basa rake rino mukurumbira nechiremera, ururami hwake hunogara huripo nokusingaperi. Akadzika chokuti timuyeuke nacho mabasa ake anoshamisa, TENZI ane mwoyo wakanaka uye ano tsitsi. Anopa chokudya vanomutya, haakanganwi chitenderano chake. Akaratidza vanhu vake simba ramabasa ake nokuvapa kwaakaita nhaka yaiva yamarudzi. Mabasa amaoko ake anotendeseka uye anoruenzaniso, mitemo yake inovimbika. Ipfirapo narini narini, yakatemwa mukutendeka nomuchokwadi. Akatuma ruponeso kuvanhu vake; akasunga chitenderano chake nokusingaperi, zita rake rinoera uye rinotyisa. Kutya TENZI ndiko kutanga kwoungwaru, vose vanoita kudaro vanobva vava nokunzwisisa chaiko. Mwari acharumbidzwa nokusingaperi.