Joshua 20:1-9
Joshua 20:1-9 Bhaibheri Dzvene MuChiShona Chanhasi (BDSC)
Ipapo Jehovha akataura naJoshua akati, “Udza vana vaIsraeri kuti vatsaure maguta outiziro, sezvandakarayira kubudikidza naMozisi, kuitira kuti ani naani anouraya munhu netsaona uye asina kuita namaune, agone kutizira ikoko uye adzivirirwe kumutsivi weropa. “Kana atizira kune rimwe ramaguta aya, anofanira kumira pasuo reguta agorondedzera nyaya yake pamberi pavakuru veguta. Ipapo vanofanira kumupinza muguta ravo vagomupa nzvimbo yokugara. Ipapo kana mutsivi weropa akamutevera, havafaniri kutendera muurayi kuti amubate nokuti akauraya wokwake asingaiti namaune uye asinazve kumuvenga kubva kare. Iye anofanira kugara muguta iroro kusvikira amira pamberi peungano uyezve kusvikira muprista ari kushumira panguva iyoyo afa. Ipapo angazodzokera kumusha kwake kwaakanga atiza.” Saka vakatsaura Kedheshi muGarirea munyika yamakomo yaNafutari, neShekemu munyika yamakomo yaEfuremu, neKiriati Abha (iyo Hebhuroni) munyika yamakomo yaJudha. Kurutivi rwokumabvazuva kweJorodhani reJeriko vakatsaura Bhezeri pamatunhu akakwirira omugwenga rokurudzi rwaGadhi, neGorani muBhashani murudzi rwaManase. MuIsraeri upi zvake kana mutorwa aigona kutizira hake kumaguta akatsaurwa uye aisazourayiwa nomutsivi weropa asati ambomiswa pamberi peungano.
Joshua 20:1-9 Shona Bible 1949, revised 2002 (SNA2002)
Zvino Jehovha wakataura naJoshua, akati, “Taura navana vaIsiraeri, uti, ‘Muzvitsaurire maguta outiziro, andakakuudzai nomuromo waMosesi; kuti munhu wakauraya mumwe nokusaziva kana asina kuita nobwoni, atizirepo;’ achava kwamuri utiziro pamutsivi weropa. Anofanira kutizira kune rimwe ramaguta iwayo, agondomira panopindwa napo pasuo reguta, agoreva mhosva yake panzeve dzavakuru veguta iro; ipapo vanofanira kumugamuchira pakati pavo muguta, vamupe pokugara, agogara pakati pavo. Zvino kana mutsivi weropa achinge amutevera, haafaniri kuisa muurayi paruoko rwake, nokuti wakauraya wokwake asingaiti nobwoni, asina kumuvenga kare. Zvino iye anofanira kugara muguta iro, kusvikira amira pamberi peungano atongwe, kusvikira pakufa kwomupristi mukuru uchavapo namazuva iwayo; ipapo muurayi anofanira kudzoka, aende kuguta rake nokumba kwake, kuguta kwaakanga atiza.” Ipapo vakatsaura Kedheshi muGarirea panyika yamakomo yaNafutari, neShemi, panyika yamakomo yaEfuremu, neKiriati‐abha (ndiro Hebhuroni) panyika yamakomo yaJudha. Nemhiri kwaJorodhani paJeriko kumabvazuva vakatsaura Bhezeri murenje pabani kurudzi rwaRubheni, neRamoti muGireadhi kurudzi rwaGadhi, neGorani muBhashani kurudzi rwaManase. Ndiwo maguta akatsaurirwa vana vaIsiraeri, vose navatorwa vaigara pakati pavo, kuti ani naani unouraya munhu nokusaziva atizireko, arege kufa noruoko rwomutsivi weropa, kusvikira amira pamberi peungano.
Joshua 20:1-9 Bhaibhiri Idzva rechiShona rine Dhuterokanonika (SCLBD)
Tenzi akataurira Joshuwa achiti, “Taurira vaIsiraeri kuti vasarudze maguta okupotera andakati Mosesi akuudzei. Ndeekuti munhu anenge auraya mumwe zvetsaona kana mukusaziva atizire ikoko. Achava nzvimbo dzenyu dzokupotera kuti mudzivirirwe kuhama yomufi ine basa rokutsividza ropa romushakabvu. Anofanira kutizira kune rimwe ramaguta iwayo agondomira kusuo guru reguta iroro orondedzera mhosva yake kudare ravakuru vakuru veguta iroro. Ipapo vanofanira kumugamuchira muguta imomo vagomupa pokugara, agare zvake navo. Kana uya ane basa rokutsividza ropa romushakabvu akamuronda, havafanire kuisa nyakuuraya mumwe mumaoko ake nokuti akauraya mumwe wake mukusaziva asina kumbenge achivengana naye kare. Acharamba ari muguta imomo kudzamara mhosva yake yapinda mudare atotongwa kana kuti kusvikira panofa mupristi mukuru wenguva iyoyo. Panenge padaro, nyakuuraya mumwe uya anogona zvake kuzodzokera kuguta rokwake, kumusha kwake kuguta kuya kwaakambotiza.” Saka maguta avakasarudza ndeaya kunoti Kadheshi rokuGarireya riri munyika yamakomo yokwaNafutari kwouya reShikemu riri munyika yemakomo yokwaEfuraimu kwoti reKiriatiaribha ndiro Hebhuroni riri munyika yemakomo yokwaJudha. Mudzinza rokwaRubheni kumabvazuva kweJeriko kumhiri kwaJorodhani vakasarudza guta reBhezeri riri munyika yerenje yakatunhumara. Mudzinza rokwaGadhi vakasarudza guta reRamoti riri muGireadhi. Mudzinza rokwaManase vakasarudzawo guta reGorani riri muBhashani. Maguta iwaya ndiwo akasarudzirwa vaIsiraeri vose pamwechete navatorwa vavagere navo okuti munhu anouraya mumwe mukusaziva awane kwokupotera arege kuurayiwa nouya ane basa rokutsividza ropa romuchakabvu kusvikira mhosva yake yapinda mudare yatongwa.
Joshua 20:1-9 Baiberi Magwaro Matȿene aMŋari 1949 (Doke) (SUB1949)
Ɀino Jehova wakataura naJoshua, akati: Taura naʋana ʋaIsraeri, uti: Muɀitsaurire maguta oʋutiziro, andakakuʋudzai nomuromo waMosesi; kuti munhu wakaʋuraya mumŋe nokusaziʋa kana asina‐kuita nobgoni, atizire’po; acaʋa kwamuri ʋutiziro pamutsiʋi weropa. Unofanira kutizira kunerimŋe ramaguta iwayo, agondomira panopindwa napo pasuʋo reguta, agoreʋa mhoȿa yake panzeʋe dzaʋakuru ʋeguta iro; ipapo ʋanofanira kumugamucira pakati paʋo muguta, ʋamupe pokugara, agogara pakati paʋo. Ɀino kana mutsiʋi weropa aciŋge amuteʋera, haʋafaniri kuisa muʋurayi paruʋoko rwake, nokuti wakaʋuraya wokwake asiŋgaiti nobgoni, asina‐kumuʋeŋga kare. Ɀino iye unofanira kugara muguta iro, kuȿikira amira pamberi peʋuŋgano atoŋgwe, kuȿikira pakufa kwomuprista mukuru ucaʋa’po namazuʋa iwayo; ipapo muʋurayi unofanira kudzoka, aende kuguta rake nokumba kwake, kuguta kwaakaŋga atiza. Ipapo ʋakatsaura Kedeshi muGarirea panyika yamakomo yaNaftari, neShekemi, panyika yamakomo yaEfraimi, neKiriati‐arba (ndiro Hebroni) panyika yamakomo yaJuda. Nemhiri kwaJoridani paJeriko kumabvazuʋa ʋakatsaura Bezeri murenje paɓani kurudzi rwaRubeni, neRamoti muGireadi kurudzi rwaGadi, neGorani muBashani kurudzi rwaManase. Ndiwo maguta akatsaurirwa ʋana ʋaIsraeri ʋose, naʋatorwa ʋaigara pakati paʋo, kuti aninani unoʋuraya munhu nokusaziʋa atizire’ko, arege kufa noruʋoko rwomutsiʋi weropa, kuȿikira amira pamberi peʋuŋgano.
Joshua 20:1-9 Bhaibhiri Idzva rechiShona (SCLB)
Tenzi akataurira Joshuwa achiti, “Taurira vaIsiraeri kuti vasarudze maguta okupotera andakati Mosesi akuudzei. Ndeekuti munhu anenge auraya mumwe zvetsaona kana mukusaziva atizire ikoko. Achava nzvimbo dzenyu dzokupotera kuti mudzivirirwe kuhama yomufi ine basa rokutsividza ropa romushakabvu. Anofanira kutizira kune rimwe ramaguta iwayo agondomira kusuo guru reguta iroro orondedzera mhosva yake kudare ravakuru vakuru veguta iroro. Ipapo vanofanira kumugamuchira muguta imomo vagomupa pokugara, agare zvake navo. Kana uya ane basa rokutsividza ropa romushakabvu akamuronda, havafanire kuisa nyakuuraya mumwe mumaoko ake nokuti akauraya mumwe wake mukusaziva asina kumbenge achivengana naye kare. Acharamba ari muguta imomo kudzamara mhosva yake yapinda mudare atotongwa kana kuti kusvikira panofa mupristi mukuru wenguva iyoyo. Panenge padaro, nyakuuraya mumwe uya anogona zvake kuzodzokera kuguta rokwake, kumusha kwake kuguta kuya kwaakambotiza.” Saka maguta avakasarudza ndeaya kunoti Kadheshi rokuGarireya riri munyika yamakomo yokwaNafutari kwouya reShikemu riri munyika yemakomo yokwaEfuraimu kwoti reKiriatiaribha ndiro Hebhuroni riri munyika yemakomo yokwaJudha. Mudzinza rokwaRubheni kumabvazuva kweJeriko kumhiri kwaJorodhani vakasarudza guta reBhezeri riri munyika yerenje yakatunhumara. Mudzinza rokwaGadhi vakasarudza guta reRamoti riri muGireadhi. Mudzinza rokwaManase vakasarudzawo guta reGorani riri muBhashani. Maguta iwaya ndiwo akasarudzirwa vaIsiraeri vose pamwechete navatorwa vavagere navo okuti munhu anouraya mumwe mukusaziva awane kwokupotera arege kuurayiwa nouya ane basa rokutsividza ropa romuchakabvu kusvikira mhosva yake yapinda mudare yatongwa.