Joshua 15:1-12
Joshua 15:1-12 Bhaibheri Dzvene MuChiShona Chanhasi (BDSC)
Nzvimbo yakapiwa rudzi rwaJudha, mhuri nemhuri, yaisvika kunyika yeEdhomu kuGwenga reZini zasi kumagumo chaiko. Muganhu wavo wezasi waitangira pamuganhu weGungwa roMunyu, uchiyambukira zasi kwoMupata weChinyavada uchipfuurira kuenda kuZini uchizopfuurira kuenda nechezasi kweKadheshi Bharinea. Ipapo waienda uchipfuura nepaHezironi kusvika kuAdhari uchikombamira kuKarika. Ipapo waipfuurira kuAzimoni uchindobatana neRwizi rweIjipiti wogumira kugungwa. Uyu ndiwo muganhu wavo wezasi. Muganhu wokumabvazuva ndiwo Gungwa roMunyu kusvikira kumuromo werwizi rweJorodhani. Muganhu wokumusoro waitangira kugungwa pamuromo weJorodhani, uchienda kuBheti Hogira, ndokupfuurira nokumusoro kweBheti Arabha kusvika kubwe raBhohani mwanakomana waRubheni. Ipapo muganhu waizokwira kuDhebhiri uchibva paMupata weAkori uye uchidzokera nechokumusoro wakananga kuGirigari, pakatarisana noMupata weAdhumimi nechezasi kwomupata. Waipfuurira napamvura yeEni Shemeshi ndokuzobudira kuEri Rogeri. Ipapo waikwira napamupata waBheni waHinomi wakanga uri zasi kwamateru eguta ravaJebhusi (rinova Jerusarema). Kubva ipapo waikwira kumusoro kwechikomo kumavirira kwomupata waHinomi nechokumusoro kwamagumo oMupata weRefaimi. Kubva pamusoro pechikomo, muganhu wainanga kuchitubu chemvura zhinji yeNefutoa, uchibudira kumaguta eGomo reEfuroni ndokuzoburuka wakananga Bhaara iro Kiriati. Ipapo waikombamira kumavirira uchibva paBhaara kusvika paGomo reSeiri uchienda nokumawere eGomo reJearimi (iro Kesaroni), ndokupfuurira pasi kuBheti Shemeshi uchizoyambukira kuTimina. Waiendawo nokumawere echokumusoro kweEkironi, uchidzoka wakananga kuShikeroni, uchipfuura nokuGomo reBhaara uchisvika kuJabhuneeri. Muganhu waindogumira kugungwa. Muganhu wokumavirira ndiwo mahombekombe eGungwa Guru.
Joshua 15:1-12 Shona Bible 1949, revised 2002 (SNA2002)
Mugove worudzi rwavana vaJudha nemhuri dzavo wakasvikira pamuganhu waEdhomu, iko kurenje reZini kurutivi rwezasi, kusvikira zasi kwazvo. Muganhu wavo wezasi wakabva pamuganhu weGungwa roMunyu, kubva apo pakapinda nyika mugungwa, panotarira kurutivi rwezasi; ndokupfuura zasi kwegomo reAkirabhimi, ndokupfuura nokurutivi rweZini, ndokukwira nechenyasi kweKadheshi‐bharinea, ndokupfuura napaHezironi, ndokukwira napaAdhari, ndokudzoka napaKarika; ndokupfuura kusvikira paAzimoni, ndokubuda naparukova rweIjipiti; muganhu uyu ndokuguma pagungwa; ndiwo unofanira kuva muganhu wezasi. Muganhu wokumabvazuva wakatanga paGungwa roMunyu kusvikira pamuganhu waJorodhani. Muganhu worutivi rwokumusoro wakatanga apo panopinda nyika mugungwa kusvikira pamugumo waJorodhani, ndokukwira kuBheti‐hogira, ndokupfuura nokumusoro kweBheti‐arabha; muganhu ndokukwira kubwe raBhohani, mwanakomana waRubheni; muganhu ndokukwira nokuDhebhiri, uchibva pamupata weAkori, ndokudaro uchienda kumusoro wakatarisana neGirigari, pakatarisanazve negomo reAdhumimi, riri kurutivi rwezasi rworwizi; muganhu ndokupfuura napamvura yeEni‐shemeshi, ndokuguma paEni‐rogeri; muganhu ndokukwira napamupata womwanakomana waHinomi, kusvikira kurutivi rwavaJebhusi zasi (ndiro Jerusaremu); muganhu ndokukwira kusvikira pamusoro wegomo riri pamberi pomupata weHinomi kumavirazuva, uri pamugumo kwazvo womupata weRefaimu, kurutivi rwokumusoro. Muganhu ndokutarwa kubva pamusoro pegomo kusvikira kutsime remvura yeNefitoa, ndokuguma pamaguta pagomo reEfuroni; zvino muganhu ndokutarwa kusvikira Bhara (ndiro Kiriati‐jearimi). Muganhu ndokudzoka uchibva paBhara nokumavirazuva kusvikira pagomo reSeiri, ndokupfuura nokurutivi rwegomo reJearimi nechokumusoro (ndiro Kesaroni), ndokuburukira kusvikira paBheti‐shemeshi, ndokupfuura napaTimuna; muganhu ndokupfuura kurutivi rweEkironi, kumusoro; muganhu ndokutarwa kusvikira paShikeroni, ndokupfuura napagomo reBhara, ndokupfuura paJabhuneeri; muganhu ndokuguma pagungwa. Muganhu wokumavirazuva wakasvika kugungwa guru nenyika yarwo. Ndiwo muganhu wavana vaJudha kunhivi dzose nemhuri dzavo.
Joshua 15:1-12 Bhaibhiri Idzva rechiShona rine Dhuterokanonika (SCLBD)
Nyika yakagoverwa vedzinza rokwaJudha nemhuri dzavo yakanga yakamira yakadai: Kumaodzanyemba kwokupedzesera chaiko yaindosvika kumuganhu neEdhomu, kurenje reZini. Muganhu wayo wokumaodzanyemba ikoko waitangira kumahombekombe kwegungwa roMunyu, mahombekombe eko okumaodzanyemba. Woenda wakananga kumaodzanyemba kwemukwidza weAkirabhimu wopfuura wosvika kuZini, wokwidza wakananga kumaodzanyemba kweKadheshibharinea. Wonopfuura nokuHezironi wosvika kuAdhari, wopoterera nokuKarika, wozondosvika kuAzimoni, wotevedza Kakova keIjipiti kusvikira kwakanodira kugungwa reMedhiterenieni uko. Ndomuganhu wenyu wokumaodzanyemba. Muganhu wayo wokumabvazuva igungwa roMunyu, kunosvika kumadiro aJorodhani. Kuchamhembe, muganhu wayo unotangira kumahombekombe kwegungwa iroro pamadiro aJorodhani, wokwira nokuBhetihogira wopfuura nechokuchamhembe kweBhetiarabha kusvikira paDombo raBhohani mwanakomana wokwaRubheni. Muganhu wacho wozobvira ipapo mubani reAkori wokwidza wakananga kuDhebhiri uchienda kuchamhembe wakananga nechekuGirigari wakatarisana nomukwidza weAdhumimu uri kumaodzanyemba kwebani iroro. Muganhu iwoyu waizopfuura woenda kubani remvura yeEnishemeshi uchindosvika kuEnirogeri. Muganhu uyu waikwidza uchibva ipapo wakananga kubani romwanakomana waHinomu uchipfuura napamateru okumaodzanyemba kweguta reJebhusi ndiro Jerusaremu, wokwidza napamusoro pegomo rakavambirana nebani iri rokwaHinomu nechokumadokero, kusvikira kumucheto wokuchamhembe webani rokuvaRefaimu. Muganhu iwoyo unozobvira pamusoro pegomo iroro wakananga kukasipiti keNafutoa, wokwidza kumaguta okugomo reEfuroni wonanga nokuguta reBhaara ndiro Kiriatijearimu. Muganhu iwoyu waizobva kuBhaara wopindukira kumadokero, wakananga kugomo reSeiri uchipfuura nokumawere okuchamhembe kwegomo reJearimu ndiro Kesaroni wodzika nokuBhetishemeshi uchipfuura nokuTimuna. Muganhu iwoyu waizoenda nokumawere echikomo chiri kuchamhembe kweEkironi wopinduka wonanga kuShikeroni wopfuura wakananga kugomo reBhaara wosvika kuJabhuneeri wondogumira kugungwa. Muganhu wayo wokumadokero iGungwa guru namahombekombe aro. Iyoyi ndiyo miganhu yakapoteredza vemhuri dzokwaJudha.
Joshua 15:1-12 Baiberi Magwaro Matȿene aMŋari 1949 (Doke) (SUB1949)
Mugoʋe worudzi rwaʋana ʋaJuda nemhuri dzaʋo wakaȿikira pamuganho waEdomi, iko kurenje reZini kurutiʋi rwezasi, kuȿikira zasi kwaɀo. Muganho waʋo wezasi wakabva pamuganho weGuŋgwa roMunyu, kubva apo pakapinda nyika muguŋgwa, panotarira kurutiʋi rwezasi; ndokupfuʋura zasi kwegomo reAkrabimi, ndokupfuʋura nokurutiʋi rweZini, ndokukwira necenyasi kweKadeshi‐barnea, ndokupfuʋura napaHezroni, ndokukwira napaAdari, ndokudzoka napaKarka; ndokupfuʋura kuȿikira paAzmoni, ndokuɓuɗa naparukoʋa rweEgipita; muganho uyu ndokuguma paguŋgwa; ndiwo unofanira kuʋa muganho wezasi. Muganho wokumabvazuʋa wakataŋga paGuŋgwa roMunyu kuȿikira pamuganho waJoridani. Muganho worutiʋi rwokumsoro wakataŋga apo panopinda nyika muguŋgwa kuȿikira pamugumo waJoridani, ndokukwira kuBeti‐hogra, ndokupfuʋura nokumsoro kweBeti‐araba; muganho ndokukwira kubge raBohani, mŋanakomana waRubeni; muganho ndokukwira nokuDebiri, ucibva pamupata weAkori, ndokuɗaro ucienda kumsoro wakatarisana neGirgari, pakatarisana ɀe negomo reAdumimi, riri kurutiʋi rwezasi rworwizi; muganho ndokupfuʋura napamvura yeEni‐shemeshi, ndokuguma paEni‐rogeri; muganho ndokukwira napamupata womŋanakomana waHinomi, kuȿikira kurutiʋi rwaʋaJebusi zasi (ndiro Jerusarema); muganho ndokukwira kuȿikira pamusoro wegomo riri pamberi pomupata weHinomi kumaʋirazuʋa, uri pamugumo kwaɀo womupata weRefaimi, kurutiʋi rwokumsoro. Muganho ndokutarwa kubva pamsoro pegomo kuȿikira kutsime remvura yeNeftoa, ndokuguma pamaguta pagomo reEfroni; ɀino muganho ndokutarwa kuȿikira Bara (ndiro Kiriati‐jearimi). Muganho ndokudzoka ucibva paBara nokumaʋirazuʋa kuȿikira pagomo reSeiri, ndokupfuʋura nokurutiʋi rwegomo reJearimi necokumsoro (ndiro Kesaroni), ndokuɓurukira kuȿikira paBeti‐shemeshi, ndokupfuʋura napaTimna; muganho ndokupfuʋura kurutiʋi rweEkroni, kumsoro; muganho ndokutarwa kuȿikira paShikeroni, ndokupfuʋura napagomo reBara, ndokupfuʋura paJabneeri; muganho ndokuguma paguŋgwa. Muganho wokumaʋirazuʋa wakaȿika kuguŋgwa guru nenyika yarwo. Ndiwo muganho waʋana ʋaJuda kunhiʋi dzose nemhuri dzaʋo.
Joshua 15:1-12 Bhaibhiri Idzva rechiShona (SCLB)
Nyika yakagoverwa vedzinza rokwaJudha nemhuri dzavo yakanga yakamira yakadai: Kumaodzanyemba kwokupedzesera chaiko yaindosvika kumuganhu neEdhomu, kurenje reZini. Muganhu wayo wokumaodzanyemba ikoko waitangira kumahombekombe kwegungwa roMunyu, mahombekombe eko okumaodzanyemba. Woenda wakananga kumaodzanyemba kwemukwidza weAkirabhimu wopfuura wosvika kuZini, wokwidza wakananga kumaodzanyemba kweKadheshibharinea. Wonopfuura nokuHezironi wosvika kuAdhari, wopoterera nokuKarika, wozondosvika kuAzimoni, wotevedza Kakova keIjipiti kusvikira kwakanodira kugungwa reMedhiterenieni uko. Ndomuganhu wenyu wokumaodzanyemba. Muganhu wayo wokumabvazuva igungwa roMunyu, kunosvika kumadiro aJorodhani. Kuchamhembe, muganhu wayo unotangira kumahombekombe kwegungwa iroro pamadiro aJorodhani, wokwira nokuBhetihogira wopfuura nechokuchamhembe kweBhetiarabha kusvikira paDombo raBhohani mwanakomana wokwaRubheni. Muganhu wacho wozobvira ipapo mubani reAkori wokwidza wakananga kuDhebhiri uchienda kuchamhembe wakananga nechekuGirigari wakatarisana nomukwidza weAdhumimu uri kumaodzanyemba kwebani iroro. Muganhu iwoyu waizopfuura woenda kubani remvura yeEnishemeshi uchindosvika kuEnirogeri. Muganhu uyu waikwidza uchibva ipapo wakananga kubani romwanakomana waHinomu uchipfuura napamateru okumaodzanyemba kweguta reJebhusi ndiro Jerusaremu, wokwidza napamusoro pegomo rakavambirana nebani iri rokwaHinomu nechokumadokero, kusvikira kumucheto wokuchamhembe webani rokuvaRefaimu. Muganhu iwoyo unozobvira pamusoro pegomo iroro wakananga kukasipiti keNafutoa, wokwidza kumaguta okugomo reEfuroni wonanga nokuguta reBhaara ndiro Kiriatijearimu. Muganhu iwoyu waizobva kuBhaara wopindukira kumadokero, wakananga kugomo reSeiri uchipfuura nokumawere okuchamhembe kwegomo reJearimu ndiro Kesaroni wodzika nokuBhetishemeshi uchipfuura nokuTimuna. Muganhu iwoyu waizoenda nokumawere echikomo chiri kuchamhembe kweEkironi wopinduka wonanga kuShikeroni wopfuura wakananga kugomo reBhaara wosvika kuJabhuneeri wondogumira kugungwa. Muganhu wayo wokumadokero iGungwa guru namahombekombe aro. Iyoyi ndiyo miganhu yakapoteredza vemhuri dzokwaJudha.