Hosea 3:1-5
Hosea 3:1-5 Bhaibheri Dzvene MuChiShona Chanhasi (BDSC)
Jehovha akati kwandiri, “Enda, unodazve mukadzi wako, kunyange achidiwa nomumwe uye ari chifeve. Umude sokuda kunoita Jehovha vaIsraeri, kunyange vachitendeukira kuna vamwe vamwari vachida makeke akaereswa ane marezini.” Saka ndakamutenga namashekeri gumi namashanu esirivha neinenge homeri nereteki rebhari. Ipapo ndakati kwaari, “Unofanira kugara neni kwamazuva akawanda; haufaniri kuva chifeve kana kudanana nomumwe murume, uye ndichagara newe.” Nokuti vaIsraeri vachagara mazuva mazhinji vasina mambo kana muchinda, vasina chibayiro, vasina shongwe, efodhi kana chifananidzo. Mushure maizvozvo vaIsraeri vachadzoka vagotsvaka Jehovha Mwari wavo naDhavhidhi mambo wavo. Vachauya vachidedera kuna Jehovha nokumaropafadzo ake mumazuva okupedzisira.
Hosea 3:1-5 Shona Bible 1949, revised 2002 (SNA2002)
Zvino Jehovha akati kwandiri, “Chiendazve, undoda mukadzi anodikanwa nomurume wake, asi chiri chifeve, sezvinoda Jehovha vana vaIsiraeri, kunyange vachitsaukira kuna vamwe vamwari, vachida mapundu amadzambiringa.” Naizvozvo ndakamutenga namasirivha ane gumi namashanu, nehomeri yebhari, nehomeri yebhari; ndikati kwaari, “Uchafanira kundimirira mazuva mazhinji; haufaniri kupata, haufaniri kuva mukadzi womumwe murume; neniwo ndichaita saizvozvo kwauri. Nokuti vana vaIsiraeri vachagara mazuva mazhinji vasina mambo, vasina muchinda, vasina zvibayiro, vasina shongwe, vasina efodhi kana terafimi. Pashure vana vaIsiraeri vachadzoka vachitsvaka Jehovha Mwari wavo naDhavhidhi mambo wavo; vachauya kuna Jehovha vachitya, nokuunyoro hwake namazuva okupedzisira.”
Hosea 3:1-5 Bhaibhiri Idzva rechiShona rine Dhuterokanonika (SCLBD)
Tenzi akanditiwo, “Chiendazve undodanana nomukadzi ane chikomba iye ari pfambi, sezvakangoitawo Tenzi anoda vanhu veIsiraeri, kunyange zvazvo ivo vachitendeukira kune vamwe vamwari vachitorwa mwoyo nezvambwa zvamaonde, saizvozvo ndakamubvisira mari yesirivha yemashekeri gumi namashanu nebhari inoita masaga matatu.” Ndakamuti, “Unofanira kugara somudzimai wangu kwemazuva mazhinji. Zvoupfambiwo izvi kana zvokuenda kune mumwe murume, woregera. Iniwo ndozvandichaita kwauri.” Ndinodaro nokuti vaIsiraeri vachagara kwamazuva mazhinji vasina mambo kana muchinda, vasina chibayiro kana musimboti unoera zvawo kana hanzu yeefodhi kana terafimu zvaro. Mushure maizvozvo vaIsiraeri vachadzoka zvavo kuzotsvaka Tenzi, Mwari wavo, naDhavhidhi mambo wavo. Vachauya kuna Tenzi vachitya kumakomborero ake mumazuva achauya iwayo.
Hosea 3:1-5 Baiberi Magwaro Matȿene aMŋari 1949 (Doke) (SUB1949)
Ɀino Jehova akati kwandiri: Cienda ɀe, undoɗa mukadzi unoɗikanwa nomurume wake, asiciri cifeʋe, seɀinoɗa Jehova ʋana ʋaIsraeri, kunyaŋge ʋacitsaukira kunaʋamŋe ʋamŋari, ʋaciɗa mapundu amazambiriŋga. Naiɀoɀo ndakamuteŋga namasirveri anegumi namashanu, nehomeri yebari, nehomeri hafu yebari; ndikati kwaari: Ucafanira kundimirira mazuʋa mazhinji; haufaniri kupata, haufaniri kuʋa mukadzi womumŋe murume; neni ʋo ndicaita saiɀoɀo kwauri. Nokuti ʋana ʋaIsraeri ʋacagara mazuʋa mazhinji ʋasinamambo, ʋasinomucinda, ʋasineɀiɓayiro, ʋasineshoŋgwe, ʋasineefodi kana terafimi. Pashure ʋana ʋaIsraeri ʋacadzoka ʋacitȿaka Jehova Mŋari waʋo naDavidi mambo waʋo; ʋacaʋuya kunaJehova ʋacitya, nokuʋunyoro bgake namazuʋa okupedzisira.
Hosea 3:1-5 Bhaibhiri Idzva rechiShona (SCLB)
Tenzi akanditiwo, “Chiendazve undodanana nomukadzi ane chikomba iye ari pfambi, sezvakangoitawo Tenzi anoda vanhu veIsiraeri, kunyange zvazvo ivo vachitendeukira kune vamwe vamwari vachitorwa mwoyo nezvambwa zvamaonde, saizvozvo ndakamubvisira mari yesirivha yemashekeri gumi namashanu nebhari inoita masaga matatu.” Ndakamuti, “Unofanira kugara somudzimai wangu kwemazuva mazhinji. Zvoupfambiwo izvi kana zvokuenda kune mumwe murume, woregera. Iniwo ndozvandichaita kwauri.” Ndinodaro nokuti vaIsiraeri vachagara kwamazuva mazhinji vasina mambo kana muchinda, vasina chibayiro kana musimboti unoera zvawo kana hanzu yeefodhi kana terafimu zvaro. Mushure maizvozvo vaIsiraeri vachadzoka zvavo kuzotsvaka Tenzi, Mwari wavo, naDhavhidhi mambo wavo. Vachauya kuna Tenzi vachitya kumakomborero ake mumazuva achauya iwayo.