Genesisi 10:8-12 - Compare All Versions
Genesisi 10:8-12 BDSC (Bhaibheri Dzvene MuChiShona Chanhasi)
Kushi akanga ari baba vaNimurodhi, uyo akanga ari murwi ane simba panyika. Akanga ari muvhimi mukuru pamberi paJehovha; ndokusaka zvichinzi, “SaNimirodhi, muvhimi mukuru pamberi paJehovha.” Maguta okutanga oumambo hwake akanga ari Bhabhironi, Ereki, Akadhi neKarine, munyika yeShinari. Achibva munyika iyoyo akaenda kuAsiria, uko kwaakandovaka Ninevhe, Rehobhoti Iri, neKara neReseni, riri pakati peNinevhe neKara; rinova ndiro guta guru.
Genesisi 10:8-12 SNA2002 (Shona Bible 1949, revised 2002)
Kushi akabereka Nimurodhi, ndiye akatanga kuva nesimba panyika. Akanga ari mudzimba mukuru pamberi paJehovha; naizvozvo vanoti, “SaNimurodhi, mudzimba mukuru pamberi paJehovha.” Ushe hwake hwakatanga paBhabheri, neEreki, neAkadhi, neKarine, panyika yeShinari. Akabuda kunyika iyo, akaenda Asiria, akavaka Ninivhe neRohobhoti-iri, neKara, neReseni, pakati peNinivhe neKara (iri iguta guru).
Genesisi 10:8-12 SCLBD (Bhaibhiri Idzva rechiShona rine Dhuterokanonika)
Kushi akaberekawo mwana wake mukomana anonzi Nimurodhi. Nimurodhi ndiye akazova mambo wokutanga pasi pano. Nenyasha dzaTenzi, Nimurodhi aiva hombarume chaiyo ndosaka vanhu vakazoita tsumo inoti, “Nenyasha dzaTenzi, ihombarume chaiyo saNimurodhi.” Akatanga kutonga Bhabheri neEreki neAkadhi munyika yeShinari. Akabva kunyika iyoyo akaenda kunyika yeAsiria, ndokuvaka guta reNinevhe neRehobhoti neKara neReseni, guta guru riri pakati peNinevhe neKara.
Genesisi 10:8-12 SUB1949 (Baiberi Magwaro Matȿene aMŋari 1949 (Doke))
Kushi wakaɓereka Nimirodi, ndiye wakataŋga kuʋa nesimba panyika. Wakaŋga ari mudzimba mukuru pamberi paJehova; naiɀoɀo ʋanoti: SaNimirodi, mudzimba mukuru pamberi paJehova. Ʋushe bgake bgakataŋga paBaberi, neEreki, neAkadi, neKarine, panyika yeShinari. Akaɓuda kunyika iyo, akaenda Asiria, akaʋaka Ninevi, neRohoboti‐Iri, neKara, neReseni, pakati peNinevi neKara (iri iguta guru).
Genesisi 10:8-12 SCLB (Bhaibhiri Idzva rechiShona)
Kushi akaberekawo mwana wake mukomana anonzi Nimurodhi. Nimurodhi ndiye akazova mambo wokutanga pasi pano. Nenyasha dzaTenzi, Nimurodhi aiva hombarume chaiyo ndosaka vanhu vakazoita tsumo inoti, “Nenyasha dzaTenzi, ihombarume chaiyo saNimurodhi.” Akatanga kutonga Bhabheri neEreki neAkadhi munyika yeShinari. Akabva kunyika iyoyo akaenda kunyika yeAsiria, ndokuvaka guta reNinevhe neRehobhoti neKara neReseni, guta guru riri pakati peNinevhe neKara.