Tchikyꞌbꞌin 17
17
Jun kawbꞌil tibꞌajjo qya, a kyꞌaꞌjil
1Ex tzajtzin jun kyxoljo wuq angel, a tzyul teꞌ wuq laq, ex tzaj tqꞌmaꞌn weꞌy: Ku tzaja, ex kxel nyekꞌinjiꞌy tkawbꞌil Dios, a kujxix wen, a ktzajil tibꞌajjo qya, a manyor kyꞌaꞌjil, a qꞌuqlek kyibꞌajjo ma nintz aꞌ.#Jer. 51:13. 2Kykyaqil nmaq kawil te twutz txꞌotxꞌ o chi kyꞌaꞌjin tukꞌa, ex kykyaqiljo najleqe twutz txꞌotxꞌ ma chi ok aj pajil tukꞌa, nyakuj ma txi txꞌujte tukꞌa qꞌeꞌn.#Is. 23:17; Jer. 51:7.
3Attaq tipin Xewbꞌaj Xjan wibꞌaja, ex toj jun wutzikyꞌa nliꞌy, ex ajo angel xi qꞌiꞌn weꞌy tojjo txꞌotxꞌ, a ntiꞌ kynajbꞌilxjal toj. Antza, oke nkaꞌyiꞌn jun qya iqintaq tuꞌnjo ma tij txuk kyaq tiꞌj, a jaꞌ tzꞌibꞌintaq ilaꞌ bꞌibꞌaj tiꞌj, te yasbꞌil tiꞌj Dios.#Tchi. 13:1. Ex attaq wuq twiꞌ ex lajaj tkach. 4Atzin qya luꞌn toktaq t-xbꞌalin, tzeꞌnku t-xbꞌalin qꞌinin, kyaq kaꞌyin. Ex nojnin tiꞌj tuꞌn qꞌanpwaq, ex ilaꞌ wiq tal abꞌj ntzꞌiltzꞌin wen. Ex qꞌiꞌntaq jun vas toj tqꞌobꞌ bꞌinchin tuꞌn qꞌanpwaq, nojnin kyukꞌa jniꞌ til ex tkyaqil ttzꞌilil tkyꞌaꞌjbꞌin.#Jer. 51:7. 5Ex toktaq jun bꞌibꞌaj tiꞌj tplaj, a mix aꞌl aku tzꞌel tnikyꞌ te, a ntqꞌmaꞌn:
A nim tnam Babilonia, a kynana kykyaqil kyꞌaꞌjil, ex ttxuyil jniꞌ ttzꞌilil kyachbꞌilxjal twutz txꞌotxꞌ.
6Ex el nnikyꞌa te qa otaq txꞌujte qya tuꞌn kychkyꞌeljo nimil tiꞌj Jesús, ayeꞌ a otaq chi kyim, noq tuꞌn tpajjo i yolin tiꞌj.
Atzaj teꞌ tok nkaꞌyinjiꞌy luꞌn, bꞌeꞌx in jaw kaꞌylaja. 7Tuꞌnpetziꞌn, bꞌeꞌx tzaj tqꞌmaꞌn angel weꞌy: ¿Tiquꞌn njaw kaꞌylaja? Kxel nchikyꞌbꞌiꞌn teꞌy a t-xilin qya, a mix aꞌl n-el tnikyꞌ te, exsin ma tij txuk, a iqilte, a at wuq twiꞌ ex lajaj tkach.
8Atzin ma tij txuk, a ma tliꞌy, atziꞌn a attaq ojtxe, a ntiꞌ jaꞌlin, me il tiꞌj tuꞌn tjatz juntl maj tojjo jul te kawbꞌil, a nimxix t-xe, a naꞌmtaqx txiꞌ toj najin te jun majx.#Dan. 7:3; Tchi. 11:7. Ex ayetziꞌn iteꞌ twutz txꞌotxꞌ, bꞌeꞌx kchi jawil kaꞌylaj, aj tok kykaꞌyin ma tij txuk, a attaq ojtxe, a ntiꞌ jaꞌlin, me il tiꞌj tuꞌn tul juntl majl. Aye xjal lo, nya tzꞌibꞌin kybꞌi tojjo Tuꞌjil Chwinqil, a atxix teꞌ ttzaj tchꞌiysin Dios twutz txꞌotxꞌ.#Sal. 69:28.
9Me taj te luꞌn jun nim nabꞌl kyeꞌ kyaj tuꞌn tel kynikyꞌ te: Ayetziꞌn wuq twiꞌ, ntyekꞌin wuq wutz, a jaꞌ qꞌuqle qya tibꞌaj. Ex ikyxjo nyekꞌin wuq nmaq kawil. 10Kyxoljo wuq, at jweꞌ ma chi ikyꞌ, ex jun nkawin jaꞌlin, ex juntl naꞌm tul. Me ajtzin tuljo a naꞌm tul kyxoljo wuq, nya nim tqan ktenbꞌil. 11Ex ante ma tijxix txuk, a attaq ojtxe, me a ntiꞌ jaꞌlin, atzin twajxaqin nmaq kawil, ikyxjo tzeꞌnku wuql nmaq kawil. Ex kxeꞌl toj najin te jun majx.
12Me ayetzin lajaj tkach, a ma tliꞌy, ayetziꞌn lajaj nmaq kawiljo, a naꞌm t-xi xkye tuꞌn kykawin.#Dan. 7:24. Me ok ktzajil qꞌoꞌn kyoklin te kawil junx tukꞌa ma tijxix txuk, me noq te jun paq. 13Ayetziꞌn lajaj nmaq kawil kchi kyjel toj wen, ex kxel kyqꞌoꞌn kyoklin ex kykawbꞌil teyile junjun tejo ma tijxix txuk. 14Ex ok chi qꞌojil tiꞌjjo Jesús, a tal Tal rit. Me ante Jesús kꞌwel kyiꞌj tuꞌn, quꞌn a teꞌ Tajaw kyibꞌaj tkyaqil tajaw, ex Kawil tibꞌaj tkyaqil kawil. Ex ayetziꞌn iteꞌ tukꞌa o chi txket, ex o chi jaw skꞌoꞌn tuꞌn Dios, ex o chi ok lipe tiꞌj te jun majx.
15Ex tzaj tqꞌmaꞌnl angel weꞌy: Ex ayetziꞌn ma nintz aꞌ o chi tliꞌy, a jaꞌ qꞌuqlekxiꞌ a kyꞌaꞌjil, ayetziꞌn tnamjo, ex xjal, ex kyyol, ex jniꞌ txꞌotxꞌ. 16Ex ayetziꞌn lajaj tkach i tliꞌy tiꞌjjo ma tij txuk, ayexjo lajaj nmaq kawil, ex ajo ma tij txuk, ok k-elil kyikyꞌinjo qya, a kyꞌaꞌjil. Ex kyjel kytzaqpiꞌn ẍbꞌiq, ex kxel kychyoꞌn tchibꞌjil, ex kꞌwel kypatin tuꞌn qꞌaqꞌ. 17Quꞌn ate Dios kꞌwelix qꞌonte toj kyanmin tuꞌn tkubꞌ kybꞌinchin tzeꞌnku taj. Noq tuꞌn kykyij lajaj nmaq kawil toj wen, tuꞌn t-xi kyqꞌoꞌn kyoklin te ma tij txuk, tzmaxiꞌ aj tjapin tzeꞌnkuxjo o tqꞌma Dios tiꞌj tkawbꞌil tibꞌajjo qya, a kyꞌaꞌjil.
18Atzin qya, a ma tliꞌy, atziꞌn nmaq tnamjo a nkawin tibꞌajjo tkyaqil nmaq kawil twutz txꞌotxꞌ.
Zvasarudzwa nguva ino
Tchikyꞌbꞌin 17: mamC
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2003, Wycliffe Bible Translators, Inc. All rights reserved.