San Juan 4
4
Ri Jesús xch'aw ruk' jun ixoq aj Samaria
1Xo'pan jun ij, xurit'amaj Jesús che nk'aj fariseo xikta rson che Re mas umnaq chjuch u Wan. Soq xikta rson che jumpa mnaq k'an qasna' chke rmal Jesús, mas ik'i na chjuch jumpa k'an qasna' chke rmal u Wan. 2Jala xikchomaj nk'aj fariseo, miskini' jare t Jesús ku'on qasna' chke mnaq, xa jare nk'aj udiscípulo kik'an qasna' chke mnaq. 3Echi' xurit'amaj Jesús che jala xikchomaj nk'aj fariseo, xumaj ub'e, xel b'i chla' pukwent Judea, xitzlij chub'i jala Galilea. 4Nmister k'ax chla' pukwent Samaria rech ko'pan jala Galilea. 5Xo'pan chpam un tinmit Sicar ub'i', ukwent Samaria, o chunqaj ch'qap ulew che xuya kan u Jacob che nuk'jol che Jse ub'i'. 6Chla' k'wi un k'wa' che unom kanoq u Jacob. Ri Jesús, kosnaq che ub'e, xikb'e' chuchi' un k'wa', echi' xa ch'in chik kraj rech ku'on kab'aljuj (12) hora.#4:6 Tyox Wuj kch'aw chrij uwaq (6) hora. Uwaq hora kel kub'ij ptaq kab'aljuj unom ij (12:00). 7Chla' k'wi Jesús echi' xo'pan jun ixoq aj Samaria chuchi' un k'wa' che uk'amik ujron. Ena xub'ij Jesús che nixoq:
—Chay'a ch'in nijron, —xche che. 8Pre ib'enaq nk'aj udiscípulo Jesús ptinmit che ulo'ik su kiktijo.
9Nixoq xub'ij che Jesús:
—¿Suche che kta jron la chwe, in xa naj Samaria, ni la lal aj Israel? —xche che, mal kikch'ab'ej t kib' nk'aj aj Israel kuk' nk'aj aj Samaria.
10Tik'ri xub'ij Jesús che:
—Wet awit'am su kusipaj Dios, soq wet awit'am chin kitjinik kub'ij chawe: “Chay'a ch'in nijron”, at ri' kata awe chwe, ni in kinya k'aslik jron chawe che kuya k'asnmal. —Jala xub'ij Jesús che.
11Ni nixoq xub'ij che Jesús:
—Ot su ruk' kpul la ri jron, nun k'wa' mas naj qajnaq. ¿Jachi lo kpi wi un k'aslik ja' che kya la chwe? 12¿Xatb'a jare mas nim weqle'n la chjuch qari'jal Jacob che uy'om kanoq un k'wa' chqe ri'? Chi' xuresaj ujron re, chi' xikma kijron ralk'al, soq chi' xiktij kijron nk'aj utiko'n. —Jala xub'ij nixoq che Jesús.
13Ni Jesús xub'ij chik che:
—Kunjel jumpa mnaq che kiktij jron o chpam un k'wa' ri', kichqij na kchi' jmul chik. 14Per chin jun kutij re un jron che kinya in, otchich jmul kichqij uchi'. Ri jron che kinya in, chin jun kutijo, kujal rib' chpam uk'asnmal, peche jun ja' kitjinik kpo'ik, rech kuya jun k'asnmal che ot uk'isik,#Jn 7:37-38. —xche che.
15Nixoq xub'ij che Jesús:
—Chiy'a la jron chwe che xb'ij la, rech otchich chqij chi' kpi chwe, rech nmister t chik kimpi chi' che uk'amik nijron, —xche che.
16Jesús xub'ij che nixoq:
—Chask'ij nawichjil, tik'ri katpi chik chi', —xche che.
17Ni nixoq xub'ij:
—Ot wichjil, —xche che.
Ena xub'ij chik Jesús che nixoq:
—Qtzij kab'ij che ot awichjil. 18J'ob' (5) achjab' anom awichjil chke, ni nachi che o awuk' ile', awichjil taj, mal xaq jala' ik'mom iwib' ruk', jare rmal che qtzij su xab'ij, —xche Jesús che.
19Xaw xuta nixoq che jala xb'ix che, xch'awik, xub'ij che Jesús:
—Wjaw, kinwilo che lal, jare ajb'il utzij Dios, —xche che. 20Nixoq xutaqej xch'awik, xub'ij:
—Ri qati' qamam, chi' chjuch un jyub'i' xkinmirsaj u'ij Dios, ni le' kib'ij ix ixaj Israel che nmister kuj'e jala Jerusalén we kqaj kqanmirsaj u'ij Dios, —xche nixoq che Jesús.
21Jesús xub'ij che:
—Ixoq, chikjo b'a retal su kimb'ij chawe ri': ko'pan na jun ij, che mowni chi' chjuch un jyub'i', mowni jala Jerusalén, kinmirsaj u'ij qaQaw. 22Ix ixaj Samaria, iwit'am taj chin kixtjin che unmirsaxik u'ij, ni qo'j ujaj Israel qit'am chin kqanmirsaj u'ij, mal utob'nik Dios xpi chi' chuchlew kmal mnaq iyaj Israel. 23O jun ij pitnaq, che jarewa xo'pan ile', che chinoq che kikinmirsaj u'ij qaQaw, chkinmirsaj u'ij rmal Tyoxlaj Uxlab'xel Dios ruk' saqlaj tzij. Ri qaQaw, jala kraj Re che kik'an mnaq che unmirsaxik u'ij. 24Ri Dios jare uxlab'xel Re. Chintaq kikinmirsaj u'ij, nmister che kikinmirsaj u'ij rmal Tyoxlaj Uxlab'xel rech Re, rech ruk' saqlaj tzij kikinmirsaj u'ij, —xche Jesús che.
25Nixoq xub'ij che Jesús:
—Wit'am che kpi na ri Mesías, (che soq kb'ix Cristo#4:25 Un tzij Mesías kel kub'ij jun chaytajnaq rmal Dios piktzij aj hebreo. Un tzij Cristo xaq jnam kilwi piktzij aj griego. che). Echi' kpitik, jare Re kujuya psaq chrij runjel, —xche che.
26Ena xub'ij chik Jesús che nixoq:
—Ri Cristo, jare in che kintjinik kinch'aw awuk', —xche che.
27Ri Jesús kitjinik kch'aw ruk' nixoq, echi' xiyo'pan nk'aj udiscípulo. Miskini' xikmiyma' che kitjinik kch'aw ruk' jun ixoq, ot jun chke xu'on kwil xuta che Jesús su kraj nixoq, soq su chrij kiyitjinik kich'aw wi. 28Nixoq xuya kan nu'eb'al, x'e ptinmit, xub'ij chke mnaq:
29—Kixjosaj, chiwlampe jun achi, xub'ij chwe runjel su ninom. ¿Jare t lo Re Cristo? —xche chke nk'aj mnaq.
30Nk'aj mnaq xiyel b'i ptinmit, xib'e jala jachi k'wi Jesús. 31Nk'aj udiscípulo Jesús kiyitjin che utzujxik wa che Jesús, xikb'ij che:
—Ajtojnel, chitja wa la, —xiche che.
32Jesús xub'ij chke:
—In o nwa kintijo che kich'ob' t uwuch ix, —xche chke.
33Ni nk'aj udiscípulo xikmaj ub'ixik chikuch:
—¿Le xat o chin jun mnaq lo xuk'am loq uwa? —xiche chikuch.
34Ena xub'ij chik Jesús chke:
—Ri nwa in jare u'anik sutaq kraj Jun che xnutaq loq. Nmister kink'is u'anik uchak Re. 35Ix kib'ij: “Kraj na kjeb' (4) ik' rech kel loq ri qatiko'n”, kixcha'. Ni in kimb'ij chiwe: ¡chitro iwuch, chiwlampe'! Ri mnaq ijala peche jun tiko'n che chqi'j chik, pre chik chke kimolik. 36Ktoj wa' chin kusik' uwuch ri tiko'n. Ri uwuch ri tiko'n che kusik'o, jare rech jun k'asnmal che ot uk'isik. Chin kutiko rich'il chin kusik' uwuch ri tiko'n, jnam kiki'ktik. 37Xa rmal wa' che qtzij su kilwi un k'amb'al n'oj, che jawa kub'ij: “Wa'l jun che xutik nk'aj ija', soq wa'l un chik che kumol uwuch nk'aj tiko'n”. 38In xixintaq b'i che umolik uwuch nk'aj tiko'n che tkom kmal nk'aj chik mnaq. Wa'l kitjom k'ax che utikik, ni ix xaq ximol uwuch nk'aj tiko'n, —xche chke.
39Ik'i mnaq kipi Samaria, xiyikjon che Jesús rmal che jawa xub'ij un ixoq chke: «Re xub'ij chwe runjel sutaq ninom». 40Ri mnaq kipi Samaria xipi ruk' Jesús, xikb'och'ij ujlom rech kkanaj kan kuk'. Jesús xkanaj kan keb' ij kuk'. 41Ik'i nk'aj chik xiyikjonik mal xikta utzij Jesús. 42Nk'aj mnaq iyaj Samaria xikb'ij che nixoq:
—Kmik kqakojo, xaw t rmal su xab'ij at chqe, qo'j kujkjon che, mal xqato su kub'ij. Kmik qit'am che jare Re ajTo'lqe qunjel jumpa uj'o chuchlew, jarewa Re Cristo,#4:42 O nk'aj ujer taq wuj manuscrito kb'ix che, che tz'ib'tal taj jarewa Re Cristo chpam un versículo ri'. —xiche che.
Jesús xuknaj uk'jol jun achi o reqle'n
(Mt 8:5-13; Lc 7:1-10)
43Xuk'is na keb' ij che o chla', tik'ri x'e Jesús pukwent Galilea, 44rmal che ub'im chik: «Ot jun ajb'il utzij Dios nim rilik chpam utinmit jachi alaxnaq wi», xcha'. 45Echi' xo'pan jala Galilea kunjel nk'aj mnaq iyaj chla', utz xkilo che xo'pan chla' mal xkilo sutaq xu'on jala chpam un nim'ij Jerusalén echi' xipi ke che rilik un nim'ij chla' Jerusalén.
46Jesús x'e jmul chik jala chpam un tinmit ukwent Galilea, Caná ub'i', chla' jachi xuk'exo ri jron che u'al uva. Chla' Galilea chpam tinmit Capernaúm, o jun achi o reqle'n y'om rmal un rey, pre yab' pnoq jun uk'jol. 47Un achi che o reqle'n xaw xuto che Jesús xel b'i Judea xo'pan Galilea, xpi ruk'. Xuta t'ob' che, rech k'e ruk' chirchoch che ukanxik un uk'jol mal xa ch'in chik kraj kkamik rmal jun yab'il. 48Jesús xub'ij chke:
—We kiwil t nmaq taq k'utb'al, rich'il nmaq taq etal, kixikjon t wa', —xche chke.
49Ri achi o reqle'n xub'ij che Jesús:
—Wjaw, jo chanim wuk' chuja ma'ani' etajni' mja kkam un nik'jol, —xche che Jesús.
50Jesús xub'ij che un achi:
—Jat chuja, un ak'jol kik'se' na, —xche che.
Un achi xukojo su xub'ij Jesús che, xitzlij chirchoch. 51Echi' b'enaq un achi chirchoch, xikik'laj nk'aj rajchak pub'e, xikb'ij che:
—Ri k'jol la xik'chojik, —xiche che un kpatrón.
52Xuta chke chinchke hora xik'chojik, ni nk'aj rajchak xikb'ij che:
—Iwir nab'e hora rech uqajb'al ij,#4:52 Tyox Wuj kch'aw chrij uwuq (7) hora. Uwuq hora kel kub'ij 1:00 rech uqajb'al ij. xel a' chrij, —xiche che.
53Ri uqaw un yab', x'ax chpam ujlom che, jare hora wa' che xub'ij Jesús che: «Ri ak'jol kik'se' na», xche che. Xaq ruk', xikjon ri achi che Jesús, rich'il kunjel jumpa iy'o chirchoch.
54Jarewa un ukab' k'utb'al xu'on Jesús chla' Galilea, echi' tzlijnaq chuloq pukwent Judea.
Zvasarudzwa nguva ino
San Juan 4: qucSAS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Juan 4
4
Ri Jesús xch'aw ruk' jun ixoq aj Samaria
1Xo'pan jun ij, xurit'amaj Jesús che nk'aj fariseo xikta rson che Re mas umnaq chjuch u Wan. Soq xikta rson che jumpa mnaq k'an qasna' chke rmal Jesús, mas ik'i na chjuch jumpa k'an qasna' chke rmal u Wan. 2Jala xikchomaj nk'aj fariseo, miskini' jare t Jesús ku'on qasna' chke mnaq, xa jare nk'aj udiscípulo kik'an qasna' chke mnaq. 3Echi' xurit'amaj Jesús che jala xikchomaj nk'aj fariseo, xumaj ub'e, xel b'i chla' pukwent Judea, xitzlij chub'i jala Galilea. 4Nmister k'ax chla' pukwent Samaria rech ko'pan jala Galilea. 5Xo'pan chpam un tinmit Sicar ub'i', ukwent Samaria, o chunqaj ch'qap ulew che xuya kan u Jacob che nuk'jol che Jse ub'i'. 6Chla' k'wi un k'wa' che unom kanoq u Jacob. Ri Jesús, kosnaq che ub'e, xikb'e' chuchi' un k'wa', echi' xa ch'in chik kraj rech ku'on kab'aljuj (12) hora.#4:6 Tyox Wuj kch'aw chrij uwaq (6) hora. Uwaq hora kel kub'ij ptaq kab'aljuj unom ij (12:00). 7Chla' k'wi Jesús echi' xo'pan jun ixoq aj Samaria chuchi' un k'wa' che uk'amik ujron. Ena xub'ij Jesús che nixoq:
—Chay'a ch'in nijron, —xche che. 8Pre ib'enaq nk'aj udiscípulo Jesús ptinmit che ulo'ik su kiktijo.
9Nixoq xub'ij che Jesús:
—¿Suche che kta jron la chwe, in xa naj Samaria, ni la lal aj Israel? —xche che, mal kikch'ab'ej t kib' nk'aj aj Israel kuk' nk'aj aj Samaria.
10Tik'ri xub'ij Jesús che:
—Wet awit'am su kusipaj Dios, soq wet awit'am chin kitjinik kub'ij chawe: “Chay'a ch'in nijron”, at ri' kata awe chwe, ni in kinya k'aslik jron chawe che kuya k'asnmal. —Jala xub'ij Jesús che.
11Ni nixoq xub'ij che Jesús:
—Ot su ruk' kpul la ri jron, nun k'wa' mas naj qajnaq. ¿Jachi lo kpi wi un k'aslik ja' che kya la chwe? 12¿Xatb'a jare mas nim weqle'n la chjuch qari'jal Jacob che uy'om kanoq un k'wa' chqe ri'? Chi' xuresaj ujron re, chi' xikma kijron ralk'al, soq chi' xiktij kijron nk'aj utiko'n. —Jala xub'ij nixoq che Jesús.
13Ni Jesús xub'ij chik che:
—Kunjel jumpa mnaq che kiktij jron o chpam un k'wa' ri', kichqij na kchi' jmul chik. 14Per chin jun kutij re un jron che kinya in, otchich jmul kichqij uchi'. Ri jron che kinya in, chin jun kutijo, kujal rib' chpam uk'asnmal, peche jun ja' kitjinik kpo'ik, rech kuya jun k'asnmal che ot uk'isik,#Jn 7:37-38. —xche che.
15Nixoq xub'ij che Jesús:
—Chiy'a la jron chwe che xb'ij la, rech otchich chqij chi' kpi chwe, rech nmister t chik kimpi chi' che uk'amik nijron, —xche che.
16Jesús xub'ij che nixoq:
—Chask'ij nawichjil, tik'ri katpi chik chi', —xche che.
17Ni nixoq xub'ij:
—Ot wichjil, —xche che.
Ena xub'ij chik Jesús che nixoq:
—Qtzij kab'ij che ot awichjil. 18J'ob' (5) achjab' anom awichjil chke, ni nachi che o awuk' ile', awichjil taj, mal xaq jala' ik'mom iwib' ruk', jare rmal che qtzij su xab'ij, —xche Jesús che.
19Xaw xuta nixoq che jala xb'ix che, xch'awik, xub'ij che Jesús:
—Wjaw, kinwilo che lal, jare ajb'il utzij Dios, —xche che. 20Nixoq xutaqej xch'awik, xub'ij:
—Ri qati' qamam, chi' chjuch un jyub'i' xkinmirsaj u'ij Dios, ni le' kib'ij ix ixaj Israel che nmister kuj'e jala Jerusalén we kqaj kqanmirsaj u'ij Dios, —xche nixoq che Jesús.
21Jesús xub'ij che:
—Ixoq, chikjo b'a retal su kimb'ij chawe ri': ko'pan na jun ij, che mowni chi' chjuch un jyub'i', mowni jala Jerusalén, kinmirsaj u'ij qaQaw. 22Ix ixaj Samaria, iwit'am taj chin kixtjin che unmirsaxik u'ij, ni qo'j ujaj Israel qit'am chin kqanmirsaj u'ij, mal utob'nik Dios xpi chi' chuchlew kmal mnaq iyaj Israel. 23O jun ij pitnaq, che jarewa xo'pan ile', che chinoq che kikinmirsaj u'ij qaQaw, chkinmirsaj u'ij rmal Tyoxlaj Uxlab'xel Dios ruk' saqlaj tzij. Ri qaQaw, jala kraj Re che kik'an mnaq che unmirsaxik u'ij. 24Ri Dios jare uxlab'xel Re. Chintaq kikinmirsaj u'ij, nmister che kikinmirsaj u'ij rmal Tyoxlaj Uxlab'xel rech Re, rech ruk' saqlaj tzij kikinmirsaj u'ij, —xche Jesús che.
25Nixoq xub'ij che Jesús:
—Wit'am che kpi na ri Mesías, (che soq kb'ix Cristo#4:25 Un tzij Mesías kel kub'ij jun chaytajnaq rmal Dios piktzij aj hebreo. Un tzij Cristo xaq jnam kilwi piktzij aj griego. che). Echi' kpitik, jare Re kujuya psaq chrij runjel, —xche che.
26Ena xub'ij chik Jesús che nixoq:
—Ri Cristo, jare in che kintjinik kinch'aw awuk', —xche che.
27Ri Jesús kitjinik kch'aw ruk' nixoq, echi' xiyo'pan nk'aj udiscípulo. Miskini' xikmiyma' che kitjinik kch'aw ruk' jun ixoq, ot jun chke xu'on kwil xuta che Jesús su kraj nixoq, soq su chrij kiyitjinik kich'aw wi. 28Nixoq xuya kan nu'eb'al, x'e ptinmit, xub'ij chke mnaq:
29—Kixjosaj, chiwlampe jun achi, xub'ij chwe runjel su ninom. ¿Jare t lo Re Cristo? —xche chke nk'aj mnaq.
30Nk'aj mnaq xiyel b'i ptinmit, xib'e jala jachi k'wi Jesús. 31Nk'aj udiscípulo Jesús kiyitjin che utzujxik wa che Jesús, xikb'ij che:
—Ajtojnel, chitja wa la, —xiche che.
32Jesús xub'ij chke:
—In o nwa kintijo che kich'ob' t uwuch ix, —xche chke.
33Ni nk'aj udiscípulo xikmaj ub'ixik chikuch:
—¿Le xat o chin jun mnaq lo xuk'am loq uwa? —xiche chikuch.
34Ena xub'ij chik Jesús chke:
—Ri nwa in jare u'anik sutaq kraj Jun che xnutaq loq. Nmister kink'is u'anik uchak Re. 35Ix kib'ij: “Kraj na kjeb' (4) ik' rech kel loq ri qatiko'n”, kixcha'. Ni in kimb'ij chiwe: ¡chitro iwuch, chiwlampe'! Ri mnaq ijala peche jun tiko'n che chqi'j chik, pre chik chke kimolik. 36Ktoj wa' chin kusik' uwuch ri tiko'n. Ri uwuch ri tiko'n che kusik'o, jare rech jun k'asnmal che ot uk'isik. Chin kutiko rich'il chin kusik' uwuch ri tiko'n, jnam kiki'ktik. 37Xa rmal wa' che qtzij su kilwi un k'amb'al n'oj, che jawa kub'ij: “Wa'l jun che xutik nk'aj ija', soq wa'l un chik che kumol uwuch nk'aj tiko'n”. 38In xixintaq b'i che umolik uwuch nk'aj tiko'n che tkom kmal nk'aj chik mnaq. Wa'l kitjom k'ax che utikik, ni ix xaq ximol uwuch nk'aj tiko'n, —xche chke.
39Ik'i mnaq kipi Samaria, xiyikjon che Jesús rmal che jawa xub'ij un ixoq chke: «Re xub'ij chwe runjel sutaq ninom». 40Ri mnaq kipi Samaria xipi ruk' Jesús, xikb'och'ij ujlom rech kkanaj kan kuk'. Jesús xkanaj kan keb' ij kuk'. 41Ik'i nk'aj chik xiyikjonik mal xikta utzij Jesús. 42Nk'aj mnaq iyaj Samaria xikb'ij che nixoq:
—Kmik kqakojo, xaw t rmal su xab'ij at chqe, qo'j kujkjon che, mal xqato su kub'ij. Kmik qit'am che jare Re ajTo'lqe qunjel jumpa uj'o chuchlew, jarewa Re Cristo,#4:42 O nk'aj ujer taq wuj manuscrito kb'ix che, che tz'ib'tal taj jarewa Re Cristo chpam un versículo ri'. —xiche che.
Jesús xuknaj uk'jol jun achi o reqle'n
(Mt 8:5-13; Lc 7:1-10)
43Xuk'is na keb' ij che o chla', tik'ri x'e Jesús pukwent Galilea, 44rmal che ub'im chik: «Ot jun ajb'il utzij Dios nim rilik chpam utinmit jachi alaxnaq wi», xcha'. 45Echi' xo'pan jala Galilea kunjel nk'aj mnaq iyaj chla', utz xkilo che xo'pan chla' mal xkilo sutaq xu'on jala chpam un nim'ij Jerusalén echi' xipi ke che rilik un nim'ij chla' Jerusalén.
46Jesús x'e jmul chik jala chpam un tinmit ukwent Galilea, Caná ub'i', chla' jachi xuk'exo ri jron che u'al uva. Chla' Galilea chpam tinmit Capernaúm, o jun achi o reqle'n y'om rmal un rey, pre yab' pnoq jun uk'jol. 47Un achi che o reqle'n xaw xuto che Jesús xel b'i Judea xo'pan Galilea, xpi ruk'. Xuta t'ob' che, rech k'e ruk' chirchoch che ukanxik un uk'jol mal xa ch'in chik kraj kkamik rmal jun yab'il. 48Jesús xub'ij chke:
—We kiwil t nmaq taq k'utb'al, rich'il nmaq taq etal, kixikjon t wa', —xche chke.
49Ri achi o reqle'n xub'ij che Jesús:
—Wjaw, jo chanim wuk' chuja ma'ani' etajni' mja kkam un nik'jol, —xche che Jesús.
50Jesús xub'ij che un achi:
—Jat chuja, un ak'jol kik'se' na, —xche che.
Un achi xukojo su xub'ij Jesús che, xitzlij chirchoch. 51Echi' b'enaq un achi chirchoch, xikik'laj nk'aj rajchak pub'e, xikb'ij che:
—Ri k'jol la xik'chojik, —xiche che un kpatrón.
52Xuta chke chinchke hora xik'chojik, ni nk'aj rajchak xikb'ij che:
—Iwir nab'e hora rech uqajb'al ij,#4:52 Tyox Wuj kch'aw chrij uwuq (7) hora. Uwuq hora kel kub'ij 1:00 rech uqajb'al ij. xel a' chrij, —xiche che.
53Ri uqaw un yab', x'ax chpam ujlom che, jare hora wa' che xub'ij Jesús che: «Ri ak'jol kik'se' na», xche che. Xaq ruk', xikjon ri achi che Jesús, rich'il kunjel jumpa iy'o chirchoch.
54Jarewa un ukab' k'utb'al xu'on Jesús chla' Galilea, echi' tzlijnaq chuloq pukwent Judea.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global