Talamo 6

E tatakunga kē paletuangia i te vāia tūngayala

Ki te wakayaele yīmene ma ana penupenu e wakatangia ki te kati. E talamo nā Tāvita.

1E Ieova ē, auyē koe e wakalapa ia aku i tō lili!

Auyē oki e wakayako ia aku i tō lili ita!#Talamo 38:1

2Wakaaloa mai ake au, e Ieova, koa matapōulia nei,

wakaola koe ia aku, e Ieova, na tīngangā oku ivi.

3Kamuloa toku vaelua yōyātia,

e wea na wano ē ai, e Ieova, e wea te loa?

4Niko mai, e Ieova, wakaola ake au;

kē yawea au i tō aloa e yē ngata.

5Kāe oki tangata e mayala ia koe i te kau na mamaté.

E tai lā tangata ka talapayangia koe mai lalo o tona lua?

6Na vavau oku tino i te wakayapiyapi.

Na tokayūa pau toku loi i te wī pō,

yuyū ma toku ulunga i te loimata.

7Kamuloa oku mata aveave i te tangi,

pupute wua e te wakayapi i oku wī enemi.

8Wō ki nā kongá, e te kau yanga kikino ia,

na wakalongo mai ia Ieova i aku tanginga.#Mātaiō 7:23; Luka 13:27

9Na langona mai e Ieova aku tauvalonga kē aloangia mai,

na āwū oki ia Ieova ki taku pule.

10Ka tōkia oku wī enemi e te wakamā, ka tatōngia i te tīngā;

e yē loaina lātou koa nīniko ki muli ma te wakamamā.

Zvasarudzwa nguva ino

Talamo 6: PKP

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Mavhesi emuBhaibheri Ane Mukurumbira kubva kuna
Talamo 6