Ioane 5
5
Na wakaolangia te pilikoki i te vai tākele
1I nā vāia i muli mai, wakaake atu loa ia Iētū ki Iēlūtalema nō te toe imukai wakamālie a te Ngāti Iūta. 2E tayi vai tākele ko i Iēlūtalema, ko i tawa wua o te Ngūtupa Māmoe, ko lapangia tona ingoa i te leo Ālama#5:2 te leo Ālama: ko te leo teia nā ngangana ai lātou i te vāia ia. kia Pēteteta; e lima pōlōtiko ma o lātou wakamalu ko takapini i te vai ia. 3E tokawolo te kau makimaki nā momoe i loto o nā konga ia, ni matapō, ni ngungu, ni pilikoki; [nā kali wua ai kē wakalepungia te yua o te vai ia. 4I nā toe vāia, ko yau te āngela a te Atu wakalepu i nā yua o te vai ia. Ko te tangata ka taumua ki loto o te vai i te vāia e lepu ai te yuá, ka yawea tona maki.]#5:3b-4 Ko te konga nei ko yē i loto o nā pōkai talatala manakia. 5E tayi tangata nā i kiai e lautolu mā valu matawiti nā waiwai ai tona maki. 6Onoono atu ia Iētū i te tāne ia ko paloa wua i kiai, na mailonga oki ia ana na loa te vāia o tona maki ia, eia, mea loa iāna ki ai, “Ko winangalo mō koe kē yawea tō maki nā?”
7Pau atu loa te tāne maki ia, “E te vale tāne ia ē, kāe tangata oki kē tukuna au ki loto o te vai i te vāia e wakalepungia ai te yua. Kē wakawouwou atu au kē oko ki loto, na oko taumua te toe tangata lā mua ōku.”
8Eia, talatala loa ia Iētū kia ana, “Tū lā ki lunga! Liko tō pānga, yaele!” 9Na peia ngatai, yawea oki tona maki; liko loa iāna i tona pānga, yaele atu ai.
Ko te ayo na wai ai te yanga nei e Tāpati. 10Eia, mea loa te kau Ngāti Iūta ki te tāne na wakaolangia ia, “Ko te ayo nei e Tāpati. Ko yē tanga i te Tule kē tāwi tō pānga pēnā.”#Nēmia 13:19; Ielemia 17:21
11Kākole lā tana mea atunga kia lātou, “Ko te tangata na lelei ai au nei, na mea mai iāna peia kia aku, ‘Liko tō pānga, yaele!’ ”
12Eia, naumate ai lātou e te iliili kia ana, “Ko ai te kovi na mea atu kia koe nā, kē liko tō pānga, yaele?”
13Ko yē māliuliu loa i te tangata na wakaolangia ia ko ai te kovi ia, na wakangalo wua oki ia Iētū lā loto o te patanga tangata i kiai ia.
14I muli wua mai, makoyia loa e Iētū te tāne ia i te Waleyā, talatala loa iāna ki ai, “Manatu ake, na yawea koe mai tō maki. Auyē koe e yala wakawōu, ka ongo atu te kino ka pukea mai ai koe.” 15Wano ai loa te tāne ia, tala ki te kau Ngāti Iūtá, ko Iētū pē te tangata na wakaolangia iāna ia.
Te ola lā loto o te Tama
16Nō tei wai ia Iētū i nā yanga ia i te Tāpati, kāmata loa te kau Ngāti Iūta e te takikino ia ana. 17Nō kiai, talatala loa ia Iētū kia lātou, “Ko toku Matua ko yanga wua iāna i te wī ayo, peia oki au e yanga nei.” 18Nō tana talatala ia, naumate ai loa te kau Ngāti Iūta ia kē patu lātou ia Iētū, e kiai wua oki nō tana wawatinga i te tule o te Tāpati, nō tei lapa lā iāna i te Atua ko tona Matua, wakaweolo ake oki iāna ma te Atua.
19Eia, wakamaepa loa ia Iētū kia lātou pēnei: “Ko tala atu au i te tika, kāe yanga e maua i te Tama pē ko ona wua tokotai; ka maua wua lā iāna e te wai i nā yanga e ana kitea atu a tona Matua e waí. Ko te wī yanga oki a te Matua e waí, ka maua lāi i te Tama e te wai. 20Nō tēlā ko mina te Matua i te Tama, wakaāli loa iāna ki ai i ana wī mea e waí. Ēeke, ka ongo tā kōtou mīmīngutu i ana yanga wowolo ka wakaāli kia ana, nā mea wotu atu lā lunga o nā yanga nei. 21Pe te Matua oki e wakatūngia te kau na mamaté ma te tuku i te ola kia lātou, ko peia oki te Tama ka maua ia ana e te tuku i te ola ki te kau āna e popole ai. 22Wāpiki atu ki nā mea ia, ko yē wakavā oki te Matua i te tangata, na tuku lā iāna i te wī wakavānga ki te Tama, 23kē maua i te wī tāngata e te wakatiketike i te Tama pē a lātou wakatiketikenga i te Matuá. Ko te tangata e yē wakatiketike i te Tama, ko yē wakatiketike lāi iāna i te Matua na ungaina mai iāná.
24Ko tala atu au i te tika, ko te tangata ka wakalongo i aku talatala ma te nunumi kia ana na unga mai ia aku nei, ka maua tona ola kāe ngatanga, e yē tūāngia oki iāna; na tīkoti atu lā iāna mai te mate ki te ola. 25Ko tala atu au i te tika, koa yau te vāia, na oko mai oki, ka wakalongo ai te kau na mamaté i te leo o te Tama a te Atua, ko te kau oki e wakalongó ka ōla. 26Pe te Matua Yā oki e i loto ōna te olá, na peia lāi iāna i te wakalilonga i te Tama wai puyo nō te ola. 27Na tuku oki iāna i te mana ki te Tama kē maua ai ia ana e te wakavā, nō tēlā ko ona te Tama a te Tangata.
28Auyē mālili kōtou i aku talatala e avatu nei. Ko i ai te vāia ka wakalongo ai te wī tāngata na mamate i tona leo i loto o o lātou lua, 29ka lōmamai oki lātou ki vao: ko te kau yanga leleí ka wetū ki te ola kāe ngatanga, ko te kau lā yanga kikinó ka wetū mai ki tō lātou mate wuwuli.#Tāniela 12:2
30Mē ko oku tokotai, kāe loa aku mea e maua e te wai. Ko wai lā aku wakavānga mai nā mea āku e wakalongo mai te Matuá, nō kiai e tautonu ai aku wakavānga; ko yē wai oki au i aku manatunga wua, ko wai lā au i nā mea e vēvēia ai ia ana na unga mai ia aku nei.
Nā tala wakapono nō Iētū
31“Pē ka tala wakapono au nōoku, e yē ālikingia ko tautonu taku tala ia. 32Yaulā, e tayi toe ko wakaponongia oku tala, ko aku iloa oki ko tautonu ana wānonga ia.
33Ko kōtou oki na ungangia nā tāngata kē wō wakalongo kia Ioane, na wakamamata atu iāna kia lātou i nā talatala tautonu.#Ioane 1:19-27; 3:27-30 34Ko yē mea atu au pe te mea ko āwū au i te tala a te tangata, ko langaki wua atu lā au i te mea ia kē maua ai ia kōtou te ola. 35E mōlī wakayila oki ia Ioane nā mumula, na popole oki kōtou kē nī o kōtou mō vāia vēvēia i tona yila ia.
36Yaulā e tai oku wakapono ko yika atu lā lunga o nā muna a Ioané, koia nā yanga a toku Matua na tuku mai kē wakayawe ēku, ēnei e wai ēku nei, ko wakapono mai oki nā mea ia ko te Matua au na ungaina mai. 37Ko te Matua oki na ungaina mai au nei, ko ona lāi ko wakamamatangia au. E kiai oki na a kōtou langona tona leo, e kiai oki na kalowia e kōtou tona yungale;#Mātaiō 3:17; Māleko 1:11; Luka 3:22 38ko yē i loto oki o kōtou ana talatala, nō tēlā kōtou ko yē lotokono i te tangata āna na unga mai. 39Ko umati kōtou e te wakamau i nā talatala o te Puka Yā, nō tēlā ko manatu kōtou ka maua ia kōtou te ola e yē ngata i nā talatala ia. Ko nā talatala o te Puka Yā ia oki ko wakamamatangia au, 40yaulā, ko yē luluta kōtou kē lōmamai kia aku nei kē maua ai tō kōtou ola.
41Ko yē aku tuanakia te talapaya a te tangata, 42yaulā, ko aku iloa kōtou. Ko aku iloa oki ko yē i loto te aloa o te Atua i o kōtou ngākau. 43Nā yau oki au i loto o te ingoa o toku Matua, yaulā kōtou ko yē āwuwū mai kia aku; kē yau lā e toe tangata i tona ingoa wua, popole loa kōtou kia ana. 44Ka nunumi mai ai kōtou pēwea mē ko popole wua kōtou ki nā talapayanga a te toe ki te toe, ko yē umati lā kōtou kē maua ia kōtou te talapaya e yau wua maia ana te Atua tokotai?
45Auyē manatu kōtou ē, ko oku ka talā o kōtou takayala ki mua o te Matua Yā. Ko Mōte lāi ka talā o kōtou takayala, ko ona oki te kovi e manaki ai kōtou. 46Pē oki kōtou nā nunumi kia Mōte, ka nunumi mai lāi kōtou kia aku, na tuti oki iāna nōoku. 47Nō tēlā kōtou ko yē nunumi i ana muna nā tuti nōoku ia, ka nunumi ai kōtou pēwea i aku mea e yalu atu nei?”
Zvasarudzwa nguva ino
Ioane 5: PKP
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau
Ioane 5
5
Na wakaolangia te pilikoki i te vai tākele
1I nā vāia i muli mai, wakaake atu loa ia Iētū ki Iēlūtalema nō te toe imukai wakamālie a te Ngāti Iūta. 2E tayi vai tākele ko i Iēlūtalema, ko i tawa wua o te Ngūtupa Māmoe, ko lapangia tona ingoa i te leo Ālama#5:2 te leo Ālama: ko te leo teia nā ngangana ai lātou i te vāia ia. kia Pēteteta; e lima pōlōtiko ma o lātou wakamalu ko takapini i te vai ia. 3E tokawolo te kau makimaki nā momoe i loto o nā konga ia, ni matapō, ni ngungu, ni pilikoki; [nā kali wua ai kē wakalepungia te yua o te vai ia. 4I nā toe vāia, ko yau te āngela a te Atu wakalepu i nā yua o te vai ia. Ko te tangata ka taumua ki loto o te vai i te vāia e lepu ai te yuá, ka yawea tona maki.]#5:3b-4 Ko te konga nei ko yē i loto o nā pōkai talatala manakia. 5E tayi tangata nā i kiai e lautolu mā valu matawiti nā waiwai ai tona maki. 6Onoono atu ia Iētū i te tāne ia ko paloa wua i kiai, na mailonga oki ia ana na loa te vāia o tona maki ia, eia, mea loa iāna ki ai, “Ko winangalo mō koe kē yawea tō maki nā?”
7Pau atu loa te tāne maki ia, “E te vale tāne ia ē, kāe tangata oki kē tukuna au ki loto o te vai i te vāia e wakalepungia ai te yua. Kē wakawouwou atu au kē oko ki loto, na oko taumua te toe tangata lā mua ōku.”
8Eia, talatala loa ia Iētū kia ana, “Tū lā ki lunga! Liko tō pānga, yaele!” 9Na peia ngatai, yawea oki tona maki; liko loa iāna i tona pānga, yaele atu ai.
Ko te ayo na wai ai te yanga nei e Tāpati. 10Eia, mea loa te kau Ngāti Iūta ki te tāne na wakaolangia ia, “Ko te ayo nei e Tāpati. Ko yē tanga i te Tule kē tāwi tō pānga pēnā.”#Nēmia 13:19; Ielemia 17:21
11Kākole lā tana mea atunga kia lātou, “Ko te tangata na lelei ai au nei, na mea mai iāna peia kia aku, ‘Liko tō pānga, yaele!’ ”
12Eia, naumate ai lātou e te iliili kia ana, “Ko ai te kovi na mea atu kia koe nā, kē liko tō pānga, yaele?”
13Ko yē māliuliu loa i te tangata na wakaolangia ia ko ai te kovi ia, na wakangalo wua oki ia Iētū lā loto o te patanga tangata i kiai ia.
14I muli wua mai, makoyia loa e Iētū te tāne ia i te Waleyā, talatala loa iāna ki ai, “Manatu ake, na yawea koe mai tō maki. Auyē koe e yala wakawōu, ka ongo atu te kino ka pukea mai ai koe.” 15Wano ai loa te tāne ia, tala ki te kau Ngāti Iūtá, ko Iētū pē te tangata na wakaolangia iāna ia.
Te ola lā loto o te Tama
16Nō tei wai ia Iētū i nā yanga ia i te Tāpati, kāmata loa te kau Ngāti Iūta e te takikino ia ana. 17Nō kiai, talatala loa ia Iētū kia lātou, “Ko toku Matua ko yanga wua iāna i te wī ayo, peia oki au e yanga nei.” 18Nō tana talatala ia, naumate ai loa te kau Ngāti Iūta ia kē patu lātou ia Iētū, e kiai wua oki nō tana wawatinga i te tule o te Tāpati, nō tei lapa lā iāna i te Atua ko tona Matua, wakaweolo ake oki iāna ma te Atua.
19Eia, wakamaepa loa ia Iētū kia lātou pēnei: “Ko tala atu au i te tika, kāe yanga e maua i te Tama pē ko ona wua tokotai; ka maua wua lā iāna e te wai i nā yanga e ana kitea atu a tona Matua e waí. Ko te wī yanga oki a te Matua e waí, ka maua lāi i te Tama e te wai. 20Nō tēlā ko mina te Matua i te Tama, wakaāli loa iāna ki ai i ana wī mea e waí. Ēeke, ka ongo tā kōtou mīmīngutu i ana yanga wowolo ka wakaāli kia ana, nā mea wotu atu lā lunga o nā yanga nei. 21Pe te Matua oki e wakatūngia te kau na mamaté ma te tuku i te ola kia lātou, ko peia oki te Tama ka maua ia ana e te tuku i te ola ki te kau āna e popole ai. 22Wāpiki atu ki nā mea ia, ko yē wakavā oki te Matua i te tangata, na tuku lā iāna i te wī wakavānga ki te Tama, 23kē maua i te wī tāngata e te wakatiketike i te Tama pē a lātou wakatiketikenga i te Matuá. Ko te tangata e yē wakatiketike i te Tama, ko yē wakatiketike lāi iāna i te Matua na ungaina mai iāná.
24Ko tala atu au i te tika, ko te tangata ka wakalongo i aku talatala ma te nunumi kia ana na unga mai ia aku nei, ka maua tona ola kāe ngatanga, e yē tūāngia oki iāna; na tīkoti atu lā iāna mai te mate ki te ola. 25Ko tala atu au i te tika, koa yau te vāia, na oko mai oki, ka wakalongo ai te kau na mamaté i te leo o te Tama a te Atua, ko te kau oki e wakalongó ka ōla. 26Pe te Matua Yā oki e i loto ōna te olá, na peia lāi iāna i te wakalilonga i te Tama wai puyo nō te ola. 27Na tuku oki iāna i te mana ki te Tama kē maua ai ia ana e te wakavā, nō tēlā ko ona te Tama a te Tangata.
28Auyē mālili kōtou i aku talatala e avatu nei. Ko i ai te vāia ka wakalongo ai te wī tāngata na mamate i tona leo i loto o o lātou lua, 29ka lōmamai oki lātou ki vao: ko te kau yanga leleí ka wetū ki te ola kāe ngatanga, ko te kau lā yanga kikinó ka wetū mai ki tō lātou mate wuwuli.#Tāniela 12:2
30Mē ko oku tokotai, kāe loa aku mea e maua e te wai. Ko wai lā aku wakavānga mai nā mea āku e wakalongo mai te Matuá, nō kiai e tautonu ai aku wakavānga; ko yē wai oki au i aku manatunga wua, ko wai lā au i nā mea e vēvēia ai ia ana na unga mai ia aku nei.
Nā tala wakapono nō Iētū
31“Pē ka tala wakapono au nōoku, e yē ālikingia ko tautonu taku tala ia. 32Yaulā, e tayi toe ko wakaponongia oku tala, ko aku iloa oki ko tautonu ana wānonga ia.
33Ko kōtou oki na ungangia nā tāngata kē wō wakalongo kia Ioane, na wakamamata atu iāna kia lātou i nā talatala tautonu.#Ioane 1:19-27; 3:27-30 34Ko yē mea atu au pe te mea ko āwū au i te tala a te tangata, ko langaki wua atu lā au i te mea ia kē maua ai ia kōtou te ola. 35E mōlī wakayila oki ia Ioane nā mumula, na popole oki kōtou kē nī o kōtou mō vāia vēvēia i tona yila ia.
36Yaulā e tai oku wakapono ko yika atu lā lunga o nā muna a Ioané, koia nā yanga a toku Matua na tuku mai kē wakayawe ēku, ēnei e wai ēku nei, ko wakapono mai oki nā mea ia ko te Matua au na ungaina mai. 37Ko te Matua oki na ungaina mai au nei, ko ona lāi ko wakamamatangia au. E kiai oki na a kōtou langona tona leo, e kiai oki na kalowia e kōtou tona yungale;#Mātaiō 3:17; Māleko 1:11; Luka 3:22 38ko yē i loto oki o kōtou ana talatala, nō tēlā kōtou ko yē lotokono i te tangata āna na unga mai. 39Ko umati kōtou e te wakamau i nā talatala o te Puka Yā, nō tēlā ko manatu kōtou ka maua ia kōtou te ola e yē ngata i nā talatala ia. Ko nā talatala o te Puka Yā ia oki ko wakamamatangia au, 40yaulā, ko yē luluta kōtou kē lōmamai kia aku nei kē maua ai tō kōtou ola.
41Ko yē aku tuanakia te talapaya a te tangata, 42yaulā, ko aku iloa kōtou. Ko aku iloa oki ko yē i loto te aloa o te Atua i o kōtou ngākau. 43Nā yau oki au i loto o te ingoa o toku Matua, yaulā kōtou ko yē āwuwū mai kia aku; kē yau lā e toe tangata i tona ingoa wua, popole loa kōtou kia ana. 44Ka nunumi mai ai kōtou pēwea mē ko popole wua kōtou ki nā talapayanga a te toe ki te toe, ko yē umati lā kōtou kē maua ia kōtou te talapaya e yau wua maia ana te Atua tokotai?
45Auyē manatu kōtou ē, ko oku ka talā o kōtou takayala ki mua o te Matua Yā. Ko Mōte lāi ka talā o kōtou takayala, ko ona oki te kovi e manaki ai kōtou. 46Pē oki kōtou nā nunumi kia Mōte, ka nunumi mai lāi kōtou kia aku, na tuti oki iāna nōoku. 47Nō tēlā kōtou ko yē nunumi i ana muna nā tuti nōoku ia, ka nunumi ai kōtou pēwea i aku mea e yalu atu nei?”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau