Mag 11
11
Pô Yê-su tamư dhan Yê-ru-sa-lem
(Ma-thi-ơ 21:1-11; Lu-ka 19:28-40; Yâng 12:12-19)
1Tuk mưrai jek dhan Yê-ru-sa-lem nôic ganak palei Ƀêt-pha-yê thong Ƀêt-tha-ni, gan cơk Ô-liu, Pô Yê-su pađar dwa anưk xêh nao, 2thong pađar: “Xang nao tamư palei jom, birau tamư khol hư mưca ƀôh tha atheh mrek dam ô ka thei đik, dok ikak bibloh tak nan. Xang taleh nhu tabiak bloh dui mai. 3Mưyah hu thei tanhi khol hư: ‘Ywa haget dôm ong ngak yau nan?’ Xang đôm vơk: ‘Pô#11:3 Pô: Ngan nạn Pô tapôr nhu. hajat tal nhu thong mưca Bhô paywa biyar vơk vêt.’” 4Dwa urang nao bloh ƀôh di gah jalan hu tha atheh mrek dam krưh dok ikak di anak baƀang. Khol nhu taleh talei nhu tabiak. 5Dôm urang dang tak nan tanhi: “Dôm ong taleh atheh mrek dam nan ngak haget?” 6Dwa urang thuuk yau Pô Yê-su krung hu kakei; thong khol nhu brei dui atheh mrek nao. 7Khol nhu dui atheh mrek dam mai ka Pô Yê-su, lang ao drei ngok kaing nhu, bloh Bhô đik tagôk. 8Ralô urang lang ao drei ngok jalan, hu mưnuix prai dhān phun birau koh lingiu hamu. 9Urang nao dahlau, ra nao hadei jang prêu tagôk laic:
“Hô-sa-na!
Đang pôk mưyom Dê nưmax angan Pô bloh mưrai!
10Phôl ka dit biya thi mưrai, dit biya patao Đa-vit muk kei khol drei!
Hô-sa-na ngok libik glong yatha!”
11Pô Yê-su tamư dhan Yê-ru-sa-lem thong tamư huji. Bhô mong abih bruk tom dar, bloh thubik thong tha pluh dwa Xêh Pachai nao tal palei Ƀêt-tha-ni kaywa lingik tuk nan krung hu xup.
Phun hara gok hatam xap
(Ma-thi-ơ 21:18-19)
12Harei hadei, tuk niga Ƀêt-tha-ni yơ Bhô lipa. 13Mưng atah, Bhô ƀôh tha phun hara bak hala hajiơng mưrai iơk dwah bihu haget ngok phun halei. Min tuk mưrai jek, Bhô ôh ƀôh haget pakan ciêt hu hala, kaywa kal nan ô ka tal bal hara. 14Bhô bican thong phun hara: “Mưca ôh thei dok ƀang aboh hư vơk!” Dôm anưk xêh Bhô jang pang panôic nan.
Pô Yê-su pagah hacih Huji
(Ma-thi-ơ 21:12-27; Lu-ka 19:45-48; Yâng 2:13-22)
15Pô Yê-su thong dôm anưk xêh mưrai tak dhan Yê-ru-sa-lem. Bhô tamư Huji, tiaup abih ra pablei, mưnuix blei dalam Huji, blơk paban anưd dôm ra xalih jiên, talơg kik anưd dôm urang pablei katrau. 16Bhô ôh brei idin pathar pathar urang halei ba kaya haget nao gan Huji. 17Bloh Bhô pato thong bican thong khol nhu “Ôh njaup krung hu panôic vak laic:
‘Thang Ita mưca bihu iêu nạn thang lang kar ka graup paran’ ô habar?
Min khol hư krung hu xalih libik nan jiơng gôk poh blah.”
18Tuk hamit bihu dôm panôic ni, dôm gru mưliêng prong thong dôm gru pato adat dwah ganap pamưtai Bhô. Khol nhu hôic di Bhô kaywa abih tapôr bôl lijang pôk mưyom ka gruk Bhô pato pakai.
19Xup mai, Pô Yê-su thong dôm anưk xêh tabiak truh di dhan.
Kadha baic mưng phun hara
(Ma-thi-ơ 21:20-22)
20Hadah harei hadei, tuk nao tapa tak nan, khol nhu ƀôh phun hara krung hu mưtai thu tal gha; 21Phi-e-rơ kanal vơk kadha mưng harei kabrôi, nan ka pathau thong Bhô: “Gru lơy! Mong phun hara bloh Gru xayok krung hu mưtai thu bloh.” 22Pô Yê-su bican: “Xang hu sagar pak Pô Lingik.#11:22 Xang hu sagar pak Pô Lingik: Dalam tha thanôn blah vak tangin nạn Mưyah khol hư hu sagar pak Pô Lingik; ngan nạn Khol hư hu sagar di Pô Lingik njaup lei? 23#Mat 17:20; I Kô 13:2.Biak jơh, Ita đôm thong khol hư, thei pađar boh cơk ni: ‘Xang tơk tagôk, thong blāk trun tathik,’ mai dalam tian ôh đơ xit kalman halei, min dial kabha drei đôm mưca mưjiơng tabiak, yơ kabha nan mưca bihu klan. 24Kaywa di nan Ita đôm thong khol hư, pathar pathar kabha haget khol hư likau dalam tuk lang kar, xang dial laic drei krung hu tôk bihu bloh, yơ khol hư mưca bihu kabha nan. 25#Mat 6:14,15.Tuk khol hư dang lang kar mưyah hu kadha kere kaknan thong thei yơ xang ampun, piêh Amư khol hư dok ngok thôr riga lijang ampun ka dôm tanrok khol hư. 26[Min mưyah khol hư ôh ampun, yơ Amư khol hư dok ngok thôr riga lijang mưca ôh ampun dôm tanrok khol hư.”]#11:26 Dalam tha thanôn blah vak tangin ôh hu kanen 26.
Pajoh pakhen ka aco gon Pô Yê-su
(Ma-thi-ơ 21:23-27; Lu-ka 20:1-8)
27Pô Yê-su thong dôm anưk xêh gilaic vơk dhan Yê-ru-sa-lem. Tuk Bhô dok nao dalam huji, dôm gru mưliêng prong, dôm gru pato adat thong dôm ginôr taha mưrai mưthong Bhô, 28thong tanhi: “Kaywa aco gon halei bloh Gru ngak dôm bruk ni, ngan thei krung hu brei ka Gru aco gon ngak dôm bruk nan?” 29Pô Yê-su laic: “Ita lijang tanhi khol hư tha kanen; xang thuuk ka Ita yơ mưca Ita đôm ka khol hư thau Ita ngak dôm bruk ni kaywa di aco gon halei. 30Ƀap-tem anưd Yâng mưrai mưng thôr riga ngan mưng mưrôxak? Xang thuuk ka Ita mek.” 31Khol nhu xin biai thong gaup: “Mưyah khol drei đôm, ‘Mưng thôr riga’ mưca ong nan tanhi, ‘Yau nan, habar khol hư ôh dial Yâng?’ 32Dok mưyah khol drei đôm ‘Mưng mưrôxak’?” — Kaywa khol nhu hôic di bôl bhap, abih drei jang brei laic Yâng biak nạn tha pakat hôr — 33Yau nan, khol nhu thuuk Pô Yê-su: “Khol dahlak ôh thau.” Pô Yê-su đôm thong khol nhu: “Mưca Ita lijang ôh đôm ka khol hư thau kaywa aco gon halei Ita ngak dôm bruk ni.”
Zvasarudzwa nguva ino
Mag 11: CJM2024
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024 Bible Society Vietnam. All rights reserved.
Mag 11
11
Pô Yê-su tamư dhan Yê-ru-sa-lem
(Ma-thi-ơ 21:1-11; Lu-ka 19:28-40; Yâng 12:12-19)
1Tuk mưrai jek dhan Yê-ru-sa-lem nôic ganak palei Ƀêt-pha-yê thong Ƀêt-tha-ni, gan cơk Ô-liu, Pô Yê-su pađar dwa anưk xêh nao, 2thong pađar: “Xang nao tamư palei jom, birau tamư khol hư mưca ƀôh tha atheh mrek dam ô ka thei đik, dok ikak bibloh tak nan. Xang taleh nhu tabiak bloh dui mai. 3Mưyah hu thei tanhi khol hư: ‘Ywa haget dôm ong ngak yau nan?’ Xang đôm vơk: ‘Pô#11:3 Pô: Ngan nạn Pô tapôr nhu. hajat tal nhu thong mưca Bhô paywa biyar vơk vêt.’” 4Dwa urang nao bloh ƀôh di gah jalan hu tha atheh mrek dam krưh dok ikak di anak baƀang. Khol nhu taleh talei nhu tabiak. 5Dôm urang dang tak nan tanhi: “Dôm ong taleh atheh mrek dam nan ngak haget?” 6Dwa urang thuuk yau Pô Yê-su krung hu kakei; thong khol nhu brei dui atheh mrek nao. 7Khol nhu dui atheh mrek dam mai ka Pô Yê-su, lang ao drei ngok kaing nhu, bloh Bhô đik tagôk. 8Ralô urang lang ao drei ngok jalan, hu mưnuix prai dhān phun birau koh lingiu hamu. 9Urang nao dahlau, ra nao hadei jang prêu tagôk laic:
“Hô-sa-na!
Đang pôk mưyom Dê nưmax angan Pô bloh mưrai!
10Phôl ka dit biya thi mưrai, dit biya patao Đa-vit muk kei khol drei!
Hô-sa-na ngok libik glong yatha!”
11Pô Yê-su tamư dhan Yê-ru-sa-lem thong tamư huji. Bhô mong abih bruk tom dar, bloh thubik thong tha pluh dwa Xêh Pachai nao tal palei Ƀêt-tha-ni kaywa lingik tuk nan krung hu xup.
Phun hara gok hatam xap
(Ma-thi-ơ 21:18-19)
12Harei hadei, tuk niga Ƀêt-tha-ni yơ Bhô lipa. 13Mưng atah, Bhô ƀôh tha phun hara bak hala hajiơng mưrai iơk dwah bihu haget ngok phun halei. Min tuk mưrai jek, Bhô ôh ƀôh haget pakan ciêt hu hala, kaywa kal nan ô ka tal bal hara. 14Bhô bican thong phun hara: “Mưca ôh thei dok ƀang aboh hư vơk!” Dôm anưk xêh Bhô jang pang panôic nan.
Pô Yê-su pagah hacih Huji
(Ma-thi-ơ 21:12-27; Lu-ka 19:45-48; Yâng 2:13-22)
15Pô Yê-su thong dôm anưk xêh mưrai tak dhan Yê-ru-sa-lem. Bhô tamư Huji, tiaup abih ra pablei, mưnuix blei dalam Huji, blơk paban anưd dôm ra xalih jiên, talơg kik anưd dôm urang pablei katrau. 16Bhô ôh brei idin pathar pathar urang halei ba kaya haget nao gan Huji. 17Bloh Bhô pato thong bican thong khol nhu “Ôh njaup krung hu panôic vak laic:
‘Thang Ita mưca bihu iêu nạn thang lang kar ka graup paran’ ô habar?
Min khol hư krung hu xalih libik nan jiơng gôk poh blah.”
18Tuk hamit bihu dôm panôic ni, dôm gru mưliêng prong thong dôm gru pato adat dwah ganap pamưtai Bhô. Khol nhu hôic di Bhô kaywa abih tapôr bôl lijang pôk mưyom ka gruk Bhô pato pakai.
19Xup mai, Pô Yê-su thong dôm anưk xêh tabiak truh di dhan.
Kadha baic mưng phun hara
(Ma-thi-ơ 21:20-22)
20Hadah harei hadei, tuk nao tapa tak nan, khol nhu ƀôh phun hara krung hu mưtai thu tal gha; 21Phi-e-rơ kanal vơk kadha mưng harei kabrôi, nan ka pathau thong Bhô: “Gru lơy! Mong phun hara bloh Gru xayok krung hu mưtai thu bloh.” 22Pô Yê-su bican: “Xang hu sagar pak Pô Lingik.#11:22 Xang hu sagar pak Pô Lingik: Dalam tha thanôn blah vak tangin nạn Mưyah khol hư hu sagar pak Pô Lingik; ngan nạn Khol hư hu sagar di Pô Lingik njaup lei? 23#Mat 17:20; I Kô 13:2.Biak jơh, Ita đôm thong khol hư, thei pađar boh cơk ni: ‘Xang tơk tagôk, thong blāk trun tathik,’ mai dalam tian ôh đơ xit kalman halei, min dial kabha drei đôm mưca mưjiơng tabiak, yơ kabha nan mưca bihu klan. 24Kaywa di nan Ita đôm thong khol hư, pathar pathar kabha haget khol hư likau dalam tuk lang kar, xang dial laic drei krung hu tôk bihu bloh, yơ khol hư mưca bihu kabha nan. 25#Mat 6:14,15.Tuk khol hư dang lang kar mưyah hu kadha kere kaknan thong thei yơ xang ampun, piêh Amư khol hư dok ngok thôr riga lijang ampun ka dôm tanrok khol hư. 26[Min mưyah khol hư ôh ampun, yơ Amư khol hư dok ngok thôr riga lijang mưca ôh ampun dôm tanrok khol hư.”]#11:26 Dalam tha thanôn blah vak tangin ôh hu kanen 26.
Pajoh pakhen ka aco gon Pô Yê-su
(Ma-thi-ơ 21:23-27; Lu-ka 20:1-8)
27Pô Yê-su thong dôm anưk xêh gilaic vơk dhan Yê-ru-sa-lem. Tuk Bhô dok nao dalam huji, dôm gru mưliêng prong, dôm gru pato adat thong dôm ginôr taha mưrai mưthong Bhô, 28thong tanhi: “Kaywa aco gon halei bloh Gru ngak dôm bruk ni, ngan thei krung hu brei ka Gru aco gon ngak dôm bruk nan?” 29Pô Yê-su laic: “Ita lijang tanhi khol hư tha kanen; xang thuuk ka Ita yơ mưca Ita đôm ka khol hư thau Ita ngak dôm bruk ni kaywa di aco gon halei. 30Ƀap-tem anưd Yâng mưrai mưng thôr riga ngan mưng mưrôxak? Xang thuuk ka Ita mek.” 31Khol nhu xin biai thong gaup: “Mưyah khol drei đôm, ‘Mưng thôr riga’ mưca ong nan tanhi, ‘Yau nan, habar khol hư ôh dial Yâng?’ 32Dok mưyah khol drei đôm ‘Mưng mưrôxak’?” — Kaywa khol nhu hôic di bôl bhap, abih drei jang brei laic Yâng biak nạn tha pakat hôr — 33Yau nan, khol nhu thuuk Pô Yê-su: “Khol dahlak ôh thau.” Pô Yê-su đôm thong khol nhu: “Mưca Ita lijang ôh đôm ka khol hư thau kaywa aco gon halei Ita ngak dôm bruk ni.”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024 Bible Society Vietnam. All rights reserved.