Luke 15
15
1အတတ်ကအခါ အခွန်ကုန်ဟေကားလူးအိန်း ဒုစရိုက်အပြစ်ဆားရက်နာ ကိုယ်တော်ယေရှုဂါ တရားတော်အင် အတေးကဇီ ထုန်ဗာ(ဖ်)ကဟေ။ 2မှကြောင့် ဖာရိရှဲအိန်း မောရှေကျမ်းတတ်ဆရာနာ "မှလူးနာ ဒုစရိုက်အပြစ်ဆားရက်အိန်း ခင်မင်အရောနှောတုန်းက တောင်မဒင့် အမှာရက်အိန်းမက်တာ ဆားဂို့တုန်းလင်ဟေ" ငါ့ဂို့ ဝေဖန်တုန်းကဟေ။ 3ညီးင့ဒင့်ယေ့ ကိုယ်တော်ယေရှုနာ အမှာရက်အင် တန်ဓူတစ်ပုဒ်အိမ် ငှားဆနပ်ကဟေ။ 4"နနိန်ရက်နာ သိုးအကောင်တစ်ရာငါ့ကို အိမ်မာသိုးအုပ်ထဲယာ တစ်ကောင်ပျောက်ကလင်နဲ့ နင်နာ သိုးကိုးဆယ့်ကိုးကောင်ငင် ပီဒက်ဂို့ ပျောက်ကလင်ဂါး သိုးတစ်ကောင်ငင်ဆုံးဂို့ အပိုမချင်းဆုံးလင်ကအရိလဲ။ 5ပြန်ဂို့ပေါ်ကရပ်အ(လ်) အိမ်မသိုးယင် ပခုံးဖုံးငါတင်ကို ဝမ်းမြောက်ဝမ်းသာအိမ် ကိန်းငါပြန့်ငန်ကို့ 6ကိန်းတောင်ဘင်းရက်အင်ယေ့ "ငါ့က ပျောက်ကလင်ကားသိုးယင် ပြန်ကိုပိုငင်နန်းဖြိုက်ကို ငါအိမ်မက်တာ ဝမ်းသာယင့်ဂီး"ငါ့ကို ငါ့လင်ကား။ 7နနိန်ရက်အင် ငါငန်းကား။ အိမ်မဒေလေ ဖြောင့်မတ်မှန်ကန်ကလူး ကိုးဆယ်ကိုးယောက်တောင်မဒင့် အပြစ်ဒုစရိုက်ရက်အင် နောင်တသံဝေဂလူကို ဘုရားရှင်ဘက်အာ ပြန်ကို့ဗန်(ဖ်)ကလူးဟူးဝါအတွက် နိဗ္ဗာန်ရွှေမြို့တော်ယာ ဝမ်းမြောက်ဝမ်းသာငါ့လင်ကား"ငါ့ကို ငါ့လင်ကဟေ။ 8ကျီးကအိမ် ကိုယ်တော်ယေရှုနာ လူးပရိတ်သတ်ရက်အင် အယိုကာပုံပြင်တစ်ပုဒ် ငါးဆနပ်ကနာ " တင်္ဂါးဆယ်ပြားဟေက တဆလောင်ဟူးဝါဂါး တစ်ပြားပျောက်ကလင်နဲ့ အမှာနာ မီးအိမ်ငင်ထွန်းဂို ကိန်းငင် ဆဖြတ်ဖြတ်ဂို့ အပိုမချင်းဆုံးဟေအရိလဲ။ 9ပြန်ကိုပိုဟေကရပ်အ(လ်) အမာနာ မိတ်ဆွေရက် အိမ် ကိန်းတောင်ဘင်ရက်အင်အော်ကို "ပျောက်ကလင်ကားတင်္ဂါငင် ပြန်ကိုပိုဝင်နန်းဖြိုက်ကို ဝမ်းသာ ယင့်ဂီး"ငါ့ကို ငါ့လင်ကား။ 10နနိန်ရက်အင် ငါငန်းကား။ အိမ်မားဒေလေဟုန်း နောင်တသံဝေဂလှုကို ဘုရားရှင်ကဘက်အာ ပြန့်ဗန်(ဖ်)ကလူးဟူးဝါကအတွက်အင်ဒင့် ဘုရားရှင်ကနတ်ဒေဝါရက်နာ ဝမ်းမြောက်ဝမ်းသာဖြစ်လင်ကား"ငါ့ကို ငါ့လင်ကဟေ။ 11အယောက်ဟက်တာ ကိုယ်တော်နာ အယောက်ကတန်ဓူတစ်ပုဒ်အိမ် ငါ့ဆနပ်ကနာ " ဟက်တာကရပ်နာ လူးဟူးဝါကနာ အဆာနိန်ဟူးငါ့လင်ကဟေ။ 12ယက်တာကရပ် အဆာမန်ဆာနာ အမာကအဗာ(ဖ်)ဖြိုက်ကလူးယင် "အဗာ(ဖ်)၊ ငါရက်ကလူသင့်လူထိုက်ကား အမွေရက်အင် မန်အီယင့်" ငါ့ကို တောင်းဆိုဟေ။ မှအကြောင့် အဗာ(ဖ်)ဖြိုက်ကလူးနာ အဆာနိန်ဟူးဝါယင် အမာကပိုင်ဆိုင်မူရက် အင် အမွေခွဲအီဒက်ဟေ။ 13မကြာမိအချိန်ငါ အဆာမာန်ဆာနာ အမွေရက်အင်လာဂို့ နိုင်ငံခြားပြု လင်ဂါဟေ။ အမှာနာ တင်္ဂါးရက်အင် အကျိူးမဲ့ဖြုန်းတီးဂို့ မိုက်မဲဂို့တုန်းလင်ဂါဟေ။ 14အိမ်မားနောက် အာ အမာကတင်္ဂါရက် ဆုံကလင်ကအချိန်ငါ အိမ်မားတိုင်ပြည်ငါ အစာရေစာရုံဟေကား ကပ်ဆိုက်က အတွက် အမာယေ့ ပုတ်ရုံ၊ ကံရုံက ဘဝယာထုန်လင်ကဟေ။ 15မှအကြောင့် အမာနာ အိမ်မား တိုင်းပြည်က လူးဟူးဝါကမားလင်ကို အလုပ်အီကဇိစ်တောင်းဆိုကရပ် အိမ်မာလူးနာ အမာယင် ခြံထဲယာကဗက်(ဖ်)အင် ထိန်းကျောင်းကဇိစ် ဖြောက်နက်ကဟေ။ 16အိမ်မားအခါ အမာနာ အမာက အပိတ်အင် ဖြည့်ကဇိစ် ဗက်(ဖ်)ရက်ဆာတုန်းကအကြိုယင်ဒင့် ဆာကဇိစ်တောင့်တတုန်းကယေ့ အမာဇိစ် ဟူးဝါယဲ့ ဆာကဇမ်းအအီပါ(လ်)။ 17နောက်ငါက(လ်) အမာနာ အသိစိတ်ပြန့်ဆင်ကို " အဗာ(ဖ်)က ကိန်းငါ အလုပ်သမားရက် ဘောင်းကိုငါ့ကယေ့ အမာရက်နာ ဆာကဇမ်းဘောင်းကိုဆာပေါ်ဟေ။ ငါကက(လ်) မှနေရာယာ ဆာကဇမ်းအငါထမ်း ရုံတုန်းပေါ်ဟေ။ 18ငါနာ အဗား(ဖ်)ထနဲ လင်ဂို့ "အဗား(ဖ်) ငါနာ ဘုရားရှင်ငင်ယေ့ပြစ်မှားဂို့ အဗား(ဖ်)ယေ့ ပြစ်မှားမိဂို့ ငါကအပြစ်ငါးဟေ။ 19ငင် အဆာဟူးဝါငါ့ကို အသတ်မှတ်အန်ဒေဟဲ။ အငှားဆာဟူးဝါးတလည်မေ သတ်မှတ်အင်ဒက်၊" ငါးဂို့ ပြိစ်ကငါ့ကို စဉ်းစားတုန်းလင်ကဟေ။ 20မှကြောင့် အဆာမာန်ဆာနာ ရိပ်ကို အမာက အဗာ(ဖ်)ကကိန်းငါ ပြန့်ဗန်(ဖ်)လင်ကဟေ။ အဗာ(ဖ်)ဖြစ်ကလူးနာ အမာကအဆာဗန်(ဖ်)တုန်းက လင်းစံပြောင်းငါဘင်း ပေါ်လင်ကရပ် သနားဂရုဏာဆင်လင်ကဟေ။ အဆာမန်ဆာ ကတ်ကိုကြိုးဆိုကို ကဘယ်ကို အတိ(လ်) လင်ကဟေ။ 21အဆာမန်ဆာယေ့ "အဗာ(ဖ်) ၊ ငါနာ ဘုရားရှင်ငင်ပါ အဗာ(ဖ်)ယေပါ အပြစ်လုပ်ဒက်တိနန်း။ ငါနာ အဗာ(ဖ်)ကအဆာအဖြစ်ထိုက်နန်း"ငါ့ကို ငါနက်ကဟေ။ 22ညီးင့ဒင့်ယေ့ အဗား(ဖ်)ဖြစ်ကလူးနာ အငှားဆာရက်အင် "အဝတ်မှီရက် မလားလာလင်ဂို့ အမင်တူအီယင့်။ တာဟူးဝါယေ့ နစောက်စွပ်အီကို၊ ဖိနပ်စောက်အီနာအင် ငါးဂို့ ငှားလင်ကဟေ။ 23ပျော်ပွဲရွှင်ပွဲလုပ်ကဇိစ် ဆူဖြိုးဟေကဆမုတ်ဆာအိမ် ကံဟြုံကဇိစ် ပြင်ဆင်ယင့်ဂီး။ 24ငါဂါးအဆာနာ ဆိန်းကန်ကယေ့ အတတ်ပြန်းဂို ဆိမ်းယိုးဝန်ကို၊ ပျောက်ကလင်ကယေ့ အတက်ပြန်းဂို့ကဒိန်ငင်နန်း" ငါးဂို့ အမာရက်နာ ပျော်ပွဲရွှင်ပွဲ လိစ်လင်ကဟေ။ 25အိမ်မာအချိန်ငါ လယ်ထဲယာ အလုပ်လုပ်ကို ပြန်ငန်ကအဆာပြာနာ ကိန်းအနားဆာထုပ်ကရပ် အတေးဟြင်းရက်အိမ် ဇာတ်အဆားတုန်းက တတ်ကရပ် 26အမှာနာ အငှားဆာဟူးဝါးယင် အော်ကို "အဇာရက်ဖြစ်တုန်းဟေကယာ" ငါးဂို့ ကတာလင်ကဟေ။ 27အငှားဆာယေ့ "နင်ကအနည်းဆီနာ ကျန်းကျန်းမာမာအိမ် ကိန်းငါထုန်းဗာ(ဖ်)ကို နင်ကအဗာ(ဖ်)နာ ဆူးဖြိုကဆမုတ်ဆာ ဟြုံကို ပျော်ပွဲရွှင်ပွဲ ကျင်းပတုန်းကဖြစ်ဟေ"ငါ့ကို ဖြေလင်ကဟေ။ 28အိမ်မားအခါ အဆာပြာနာ မာန်ချေဂို ကိန်းအတာ ဟုန်းငါအဆင်ထမ်း တုန်းလင်ကဟေ။ အဗား(ဖ်)နာ အပြင်ငါပြုယောဝန်ကို ဖျောင်းဖျကရပ် 29အဆာပြာနာ "ငါနာ အဗာ(ဖ်)ဖန်းဟေကစုတ်ရက်အင် တသွေမတိန်းလိုက်နာကို နှစ်ပေါင်းများစွာ အလုပ်လုပ်ကို ကျွေးမွေးဒက်ကယဲ့ အဗာ(ဖ်)နာ ငါကအဖက်ရက်အိမ်မက်တာ ဆာကဇိစ် ကာပိတရာအိမ်ဒင့် ပွဲလုပ်ကို အအီဒက်ပါ(လ်)။ 30ညီးင့ဒင့်ယေ့ မှအဆာမန်ဆာနာ အဗာ(ဖ်)က အမွေးရက်အင် ပြည့်တန်ဆာရက်အိမ် ဖြုန်းတီးကိုပြန့်ငန်ကရပ် အဗာ(ဖ်)က ဆမုတ်ဆာကတိုက်ကို ပျော်ပွဲရွှင်ပွဲကျင်းပအီဟေ"ငါ့ကို ငါ့နက်ကဟေ။ 31အဗား(ဖ်)ယေ့ "အဆာ၊ နင်နာ ငါအိမ်မက်တာ ရက်ပိုက်ငါ့တုန်းကဖြစ်ကို ငါပိုင်ဆိုင်ဟေက ဥစ္စာဓနရက်နာ နင်ဂါအတွက်မယ်ဖြစ်ဟေ။ 32ညီးင့ဒင့်ယေ့ " နင်ကအနည်းဆီနာ ဆိန်းဒက်ကယေ့ အတတ်ဆိန်းငန်နန်း၊ ပျောက်တက်ကယေ့ အတတ်ပြန်ကိုပိုဝင်နန်း ဖြစ်ကို ငါရက်ဝမ်းမြောက်ပျော်ရွှင်သင့်ဟေ"ငါကို ငါ့ဆနပ်လင်ဟေ"ငါ့ကို ဖြစ်ဟေ
Zvasarudzwa nguva ino
Luke 15: ttpv-rv
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.