रोमि 1
1
1का पावल इसु ख्रिस्टको चाकर इदोइ चिथि लेखिदोङखा। परमेस्वर कासेहेङ साल्तेङ दिङगिल्का जेङलि साल्हि रो वाको रेम्काबानाल पारचार पाका कामता कासेहेङ खेङहि। 2हेन्जाङ बाअ्सार लाम्फा परमेस्वर रेम्काबानाल प्याङका दोअ्तेङ केरा चाका हिघाहि। इदोङ केरा परमेस्वर पाहासो धुइकालाइ पुनित धरमकिताबता लेखिका हिघाखे।
3इदोइ रेम्काबानालचाहिँ परमेस्वरको चानको बारेता। वा द्याङ जेङतेङ राजा दाउदको खालता जोलोम जेङहि। 4कालाउ पुनित हाङसाको सरबङसो इसुहेङ परमेस्वरको चान दोअ्तेङ देखाल पाहि। हाइदोनु वासेहेङ परमेस्वर सिकासो सिन्हुपाहि रो वादोङ केलाइको प्रभु इसु ख्रिस्ट हि। 5प्रभु इसु ख्रिस्टसो परमेस्वर कासेहेङ वाको निगाहा तिङपातेङ साल्तेङ दिङगिल्का बान्हाइहि। कालाउ गोताङ जात्याको द्याङगेलाइ खान्धुरपातेङ वाको दोअ्का काथा मान्याको दोअ्तेङ कासेहेङ वाको मिङता दिङगिल्हि। 6कालाउ नेलाइ रोमता हिकालाइ बुङ इङको बोजात्यागेलाइदोफा इसु ख्रिस्टको द्याङगेलाइ जेङलि काइका हिसुन्हा।
7परमेस्वर माया पातेङ वाको पुनित द्याङ जेङलि काइका रोम पुरको दादाओने बाइओनेगेलाइहेङ केलाइको आबा परमेस्वर रो प्रभु इसु ख्रिस्ट नेलाइहेङ निगाहा रो सान्ति प्याको।
रोम हानिलि पावलको इछा
8झाराङखान्तेङ लाम्फा, नेलाइ झाराङको भाअ्सिङ का इसु ख्रिस्टको मिङता काङको परमेस्वरहेङ च्याबास चार्हाइखा। हाइदोनु ख्रिस्टता पाका नेलाइको खान्धुरको काथा गोताङ दुनियाता पारचार जेङका हि। 9का काङको कोन्धाङसो दोङ परमेस्वरको चानको बारेता रेम्काबानाल पारचार पातेङ वाको चाकर पाखा। कालाउ का पारथाना पालाउ नेलाइहेङ दिनाङ फोम पाका काथा वादोङ गिखे। 10एदि परमेस्वरको इछा हिनु नेलाइहेङ दुसुलि द्वाको दोअ्तेङ का पारथाना पाखा।
11हाइदोनु पुनित हाङसाको पिका सहसाम्पा बाखाराइतेङ ख्रिस्टता बोल्याका बान्हाइलि नेलाइहेङ दुसुलि काङको बारका इछा हि। 12काङको दोअ्लि भोका काथाचाहिँ काङको खान्धुरहोइ नेलाइहेङ, नेलाइको खान्धुरसो कासेहेङ कालाउ एअ्मि भेनेङहेङ बल मिल्याको दोअ्का का भोखा। 13दादाओने बाइओनेगेलाइ, का नेलाइकोता लोलि हेन्जाङखे मन पालाउ बुङ हाइ हाइ काथाहोइ लोलि मादोघा। का बो थामेता बोजात्यागेलाइहेङ ख्रिस्टता चुमाकाभाइपाङ नेलाइको थामेता बुङ द्याङगेलाइहेङ ख्रिस्टता चुमालि इछा पाखा।
14हाइदोनु कासेहेङ देराता रो पुरता हिका द्याङगेलाइ, पर्हिका रो मापर्हेका द्याङगेलाइ झाराङहेङ रेम्काबानाल हिङपालि कर लागिका हि। 15इदोइभाअ्सिङ नेलाइ रोमता हिकालाइहेङ बुङ इदोइ रेम्काबानाल हिङपालि का हेन्जाङ इछा पाका हिघा।
16का ख्रिस्टको रेम्काबानाल हिङपालि मालेदेरखा। हाइदोनु इदोइ रेम्काबानाल खान्धुर पाका गोताङ द्याङगेलाइता लाम्फा यहुदिगेलाइ कालाउ एला बोजात्यागेलाइहेङ सिन्हुपाका परमेस्वरको सरबङ।#मरकुस ८:३८ 17हाइपानु रेम्काबानालता परमेस्वरसो लोका धरमाति काथा देखाल जेङका हि। कालाउ इदोइ ते खान्धुरसो सुरु जेङतेङ खान्धुरसो दोङ पोङघाखे। धरमकिताबता इस्काङ लेखिका हि, “धरमाति द्याङचाहिँ खान्धुरसो दोङ सिन्हुतावा।”#हबकुक २:४
परमेस्वरको चेर
18स्वरगसो परमेस्वरको चेर द्याङगेलाइको पापिर्हुता रो दुरजन काम पाकालाइर्हुता परेका हि। इदोङ दुरजन कामसो दोङ सत्तेहेङ थुमपिका हि। 19परमेस्वर एम्बालाइहेङ दार पिखे, हाइदोनु परमेस्वरको बारेता द्याङको गिलिगोइका काथा वा ताइमिङ एम्बालाइहेङ रेम्फा तिङपाका हि। 20इदोइ काथा सत्ते, परमेस्वरको हेअ्लाउ मामुअ्का सरबङ रो वा हिसिका हि दोअ्तेङ केलाइ ताइको मिँहोइ तिङलि माद्वाङ। कालाउ दुनियाको सिरजाइसो दोङ वाको बान्हाइका थोकगेलाइसो द्याङगेलाइ परमेस्वरहेङ रेम्फा बुझिलि दोखे। इङकोभाअ्सिङ एम्बालाइहेङ हिदिङ आलपाका थामेदोङ मान्थु।
21इङको द्याङगेलाइ परमेस्वरहेङ नाल्तेङ बुङ वासेहेङ पालिगोइका मान मापाहि रो वासेहेङ च्याबास बुङ माचार्हाइहि। कालाउ द्याङगेलाइको बिचारगेलाइ काम मालागिका जेङहि रो कितिकितिकाहोइ एम्बालाइको कोन्धाङहेङ थुमपिहि।#एफिसि ४:१७-१८ 22द्याङगेलाइ ताइमिहेङ आकिल हिका हिघा दोअ्तेङ फोम पाघाखे। कालाउ एम्बालाइ आकिल मान्थुका जेङहि। 23एम्बालाइ हेअ्लाउ मामुअ्का परमेस्वरहेङ मान पालिगोइकाता मुअ्का द्याङ, गुपुस, जिह्याँ जुइल्हेङ रो सेसालाइका गुपुसगेलाइको रुपहेङ पुजिहि।#न्याम ४:१६-१८
24इदोइभाअ्सिङ परमेस्वर द्याङगेलाइहेङ ताइको कोन्धाङहोइ भोका दिगमिगजेङका कामगेलाइ पालि लाअ्पिहि। कालाउ एम्बालाइ ताताइमिता लेदेरपाका कामगेलाइ पाहि। 25एम्बालाइ परमेस्वरको सत्तेहेङ आसत्तेदोफा सोहि। कालाउ सिरजाइका रो दिनाङ मान निङलिगोइका परमेस्वरहेङ माको कालाउ वाको बान्हाइका थोकहेङ एम्बालाइ पुजिहि रो चाकर पाहि।
26इदोइभाअ्सिङ परमेस्वर एम्बालाइहेङ ताइको इछा आन्सार आखेका रो लेदेरका काम पालि लाअ्पिहि। एम्बालाइको बेबालाइ ताइ केअ्गेलाइदोफा जिम्लि लाअ्तेङ बेबालाइदोफाङ जिम्लि तेङहि। 27एम्बालाइको केअ्गेलाइ बुङ ताइ बेबालाइदोफा जिम्लि लाअ्तेङ वाबालाइदोफाङ जिम्लि तेङहि। कालाउ एम्बालाइको पाका मारेम्का कामगेलाइको दार एम्बालाइ ताइमिङ भोगेलि गोइहि।
28एसापा एम्बालाइ परमेस्वरहेङ पिलिगोइका मान बुङ पिलि लाअ्हि। एसा जेङलाउ वा एम्बालाइहेङ आखेका कामगेलाइ पाको दोअ्तेङ एम्बालाइकोङ इछाता लाअ्पिहि। 29एम्बालाइ गोताङ खाल्को आखेका रो दुरजनहोइ पोङघाका हि। एम्बालाइ दिअ्का रो दिगमिग पाखे, बोमिहेङ दाहा पाखे रो सेअ्खे। एम्बालाइ झागारा पाखे, जाल पाखे, ढाटाइखे रो एअ्मि भेनेङहेङ चुकिलि चुपिखे। 30एम्बालाइ बोमिको निन्दा पाखे, परमेस्वरहेङ बुङ दिगमिग पाखे रो हासुहेङ बुङ मान मापाखे। एम्बालाइ ताइमिङ तुजुकसो फुलिखे रो बाबारका काथागेलाइ पाखे। कालाउ एम्बालाइ आखेका काथागेलाइ भोतेङभोतेङ ओल्हिपाखे रो ताइको आबा आमाइको काथा बुङ मासाअ्खे। 31एम्बालाइ आकिल मान्थुका हिखे रो ताइमिको केरा चाका कामगेलाइ बुङ मापाखे। एम्बालाइ बोमिहेङ दाया माया बुङ मापाखे। 32इस्का काम पाकालाइ परमेस्वरको सिकाको दार निङखे दोअ्का धरमाति न्याम गितेङ बुङ एम्बालाइ एन्सिकाङ काम पातेङ हिखे। इङको खिनिङ माको एम्बालाइ इस्का काम पालिको भाअ्सिङ बुङ बोमिहेङ तोल्हेखे।
Zvasarudzwa nguva ino
रोमि 1: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.
रोमि 1
1
1का पावल इसु ख्रिस्टको चाकर इदोइ चिथि लेखिदोङखा। परमेस्वर कासेहेङ साल्तेङ दिङगिल्का जेङलि साल्हि रो वाको रेम्काबानाल पारचार पाका कामता कासेहेङ खेङहि। 2हेन्जाङ बाअ्सार लाम्फा परमेस्वर रेम्काबानाल प्याङका दोअ्तेङ केरा चाका हिघाहि। इदोङ केरा परमेस्वर पाहासो धुइकालाइ पुनित धरमकिताबता लेखिका हिघाखे।
3इदोइ रेम्काबानालचाहिँ परमेस्वरको चानको बारेता। वा द्याङ जेङतेङ राजा दाउदको खालता जोलोम जेङहि। 4कालाउ पुनित हाङसाको सरबङसो इसुहेङ परमेस्वरको चान दोअ्तेङ देखाल पाहि। हाइदोनु वासेहेङ परमेस्वर सिकासो सिन्हुपाहि रो वादोङ केलाइको प्रभु इसु ख्रिस्ट हि। 5प्रभु इसु ख्रिस्टसो परमेस्वर कासेहेङ वाको निगाहा तिङपातेङ साल्तेङ दिङगिल्का बान्हाइहि। कालाउ गोताङ जात्याको द्याङगेलाइ खान्धुरपातेङ वाको दोअ्का काथा मान्याको दोअ्तेङ कासेहेङ वाको मिङता दिङगिल्हि। 6कालाउ नेलाइ रोमता हिकालाइ बुङ इङको बोजात्यागेलाइदोफा इसु ख्रिस्टको द्याङगेलाइ जेङलि काइका हिसुन्हा।
7परमेस्वर माया पातेङ वाको पुनित द्याङ जेङलि काइका रोम पुरको दादाओने बाइओनेगेलाइहेङ केलाइको आबा परमेस्वर रो प्रभु इसु ख्रिस्ट नेलाइहेङ निगाहा रो सान्ति प्याको।
रोम हानिलि पावलको इछा
8झाराङखान्तेङ लाम्फा, नेलाइ झाराङको भाअ्सिङ का इसु ख्रिस्टको मिङता काङको परमेस्वरहेङ च्याबास चार्हाइखा। हाइदोनु ख्रिस्टता पाका नेलाइको खान्धुरको काथा गोताङ दुनियाता पारचार जेङका हि। 9का काङको कोन्धाङसो दोङ परमेस्वरको चानको बारेता रेम्काबानाल पारचार पातेङ वाको चाकर पाखा। कालाउ का पारथाना पालाउ नेलाइहेङ दिनाङ फोम पाका काथा वादोङ गिखे। 10एदि परमेस्वरको इछा हिनु नेलाइहेङ दुसुलि द्वाको दोअ्तेङ का पारथाना पाखा।
11हाइदोनु पुनित हाङसाको पिका सहसाम्पा बाखाराइतेङ ख्रिस्टता बोल्याका बान्हाइलि नेलाइहेङ दुसुलि काङको बारका इछा हि। 12काङको दोअ्लि भोका काथाचाहिँ काङको खान्धुरहोइ नेलाइहेङ, नेलाइको खान्धुरसो कासेहेङ कालाउ एअ्मि भेनेङहेङ बल मिल्याको दोअ्का का भोखा। 13दादाओने बाइओनेगेलाइ, का नेलाइकोता लोलि हेन्जाङखे मन पालाउ बुङ हाइ हाइ काथाहोइ लोलि मादोघा। का बो थामेता बोजात्यागेलाइहेङ ख्रिस्टता चुमाकाभाइपाङ नेलाइको थामेता बुङ द्याङगेलाइहेङ ख्रिस्टता चुमालि इछा पाखा।
14हाइदोनु कासेहेङ देराता रो पुरता हिका द्याङगेलाइ, पर्हिका रो मापर्हेका द्याङगेलाइ झाराङहेङ रेम्काबानाल हिङपालि कर लागिका हि। 15इदोइभाअ्सिङ नेलाइ रोमता हिकालाइहेङ बुङ इदोइ रेम्काबानाल हिङपालि का हेन्जाङ इछा पाका हिघा।
16का ख्रिस्टको रेम्काबानाल हिङपालि मालेदेरखा। हाइदोनु इदोइ रेम्काबानाल खान्धुर पाका गोताङ द्याङगेलाइता लाम्फा यहुदिगेलाइ कालाउ एला बोजात्यागेलाइहेङ सिन्हुपाका परमेस्वरको सरबङ।#मरकुस ८:३८ 17हाइपानु रेम्काबानालता परमेस्वरसो लोका धरमाति काथा देखाल जेङका हि। कालाउ इदोइ ते खान्धुरसो सुरु जेङतेङ खान्धुरसो दोङ पोङघाखे। धरमकिताबता इस्काङ लेखिका हि, “धरमाति द्याङचाहिँ खान्धुरसो दोङ सिन्हुतावा।”#हबकुक २:४
परमेस्वरको चेर
18स्वरगसो परमेस्वरको चेर द्याङगेलाइको पापिर्हुता रो दुरजन काम पाकालाइर्हुता परेका हि। इदोङ दुरजन कामसो दोङ सत्तेहेङ थुमपिका हि। 19परमेस्वर एम्बालाइहेङ दार पिखे, हाइदोनु परमेस्वरको बारेता द्याङको गिलिगोइका काथा वा ताइमिङ एम्बालाइहेङ रेम्फा तिङपाका हि। 20इदोइ काथा सत्ते, परमेस्वरको हेअ्लाउ मामुअ्का सरबङ रो वा हिसिका हि दोअ्तेङ केलाइ ताइको मिँहोइ तिङलि माद्वाङ। कालाउ दुनियाको सिरजाइसो दोङ वाको बान्हाइका थोकगेलाइसो द्याङगेलाइ परमेस्वरहेङ रेम्फा बुझिलि दोखे। इङकोभाअ्सिङ एम्बालाइहेङ हिदिङ आलपाका थामेदोङ मान्थु।
21इङको द्याङगेलाइ परमेस्वरहेङ नाल्तेङ बुङ वासेहेङ पालिगोइका मान मापाहि रो वासेहेङ च्याबास बुङ माचार्हाइहि। कालाउ द्याङगेलाइको बिचारगेलाइ काम मालागिका जेङहि रो कितिकितिकाहोइ एम्बालाइको कोन्धाङहेङ थुमपिहि।#एफिसि ४:१७-१८ 22द्याङगेलाइ ताइमिहेङ आकिल हिका हिघा दोअ्तेङ फोम पाघाखे। कालाउ एम्बालाइ आकिल मान्थुका जेङहि। 23एम्बालाइ हेअ्लाउ मामुअ्का परमेस्वरहेङ मान पालिगोइकाता मुअ्का द्याङ, गुपुस, जिह्याँ जुइल्हेङ रो सेसालाइका गुपुसगेलाइको रुपहेङ पुजिहि।#न्याम ४:१६-१८
24इदोइभाअ्सिङ परमेस्वर द्याङगेलाइहेङ ताइको कोन्धाङहोइ भोका दिगमिगजेङका कामगेलाइ पालि लाअ्पिहि। कालाउ एम्बालाइ ताताइमिता लेदेरपाका कामगेलाइ पाहि। 25एम्बालाइ परमेस्वरको सत्तेहेङ आसत्तेदोफा सोहि। कालाउ सिरजाइका रो दिनाङ मान निङलिगोइका परमेस्वरहेङ माको कालाउ वाको बान्हाइका थोकहेङ एम्बालाइ पुजिहि रो चाकर पाहि।
26इदोइभाअ्सिङ परमेस्वर एम्बालाइहेङ ताइको इछा आन्सार आखेका रो लेदेरका काम पालि लाअ्पिहि। एम्बालाइको बेबालाइ ताइ केअ्गेलाइदोफा जिम्लि लाअ्तेङ बेबालाइदोफाङ जिम्लि तेङहि। 27एम्बालाइको केअ्गेलाइ बुङ ताइ बेबालाइदोफा जिम्लि लाअ्तेङ वाबालाइदोफाङ जिम्लि तेङहि। कालाउ एम्बालाइको पाका मारेम्का कामगेलाइको दार एम्बालाइ ताइमिङ भोगेलि गोइहि।
28एसापा एम्बालाइ परमेस्वरहेङ पिलिगोइका मान बुङ पिलि लाअ्हि। एसा जेङलाउ वा एम्बालाइहेङ आखेका कामगेलाइ पाको दोअ्तेङ एम्बालाइकोङ इछाता लाअ्पिहि। 29एम्बालाइ गोताङ खाल्को आखेका रो दुरजनहोइ पोङघाका हि। एम्बालाइ दिअ्का रो दिगमिग पाखे, बोमिहेङ दाहा पाखे रो सेअ्खे। एम्बालाइ झागारा पाखे, जाल पाखे, ढाटाइखे रो एअ्मि भेनेङहेङ चुकिलि चुपिखे। 30एम्बालाइ बोमिको निन्दा पाखे, परमेस्वरहेङ बुङ दिगमिग पाखे रो हासुहेङ बुङ मान मापाखे। एम्बालाइ ताइमिङ तुजुकसो फुलिखे रो बाबारका काथागेलाइ पाखे। कालाउ एम्बालाइ आखेका काथागेलाइ भोतेङभोतेङ ओल्हिपाखे रो ताइको आबा आमाइको काथा बुङ मासाअ्खे। 31एम्बालाइ आकिल मान्थुका हिखे रो ताइमिको केरा चाका कामगेलाइ बुङ मापाखे। एम्बालाइ बोमिहेङ दाया माया बुङ मापाखे। 32इस्का काम पाकालाइ परमेस्वरको सिकाको दार निङखे दोअ्का धरमाति न्याम गितेङ बुङ एम्बालाइ एन्सिकाङ काम पातेङ हिखे। इङको खिनिङ माको एम्बालाइ इस्का काम पालिको भाअ्सिङ बुङ बोमिहेङ तोल्हेखे।
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.