साल्तेङ दिङगिल्का 25
25
पावल रोमि माहाराजाहेङ उजुर पाखे
1फेस्तस ताइको यहुदिया माउजासो लोका सुम्नि दिनान्हुअ्सो दोङ काइसरियासो यरुसलेम हानिहि। 2इन्ता हिलाउ मुल धामिगेलाइ रो यहुदिगेलाइको मुल द्याङगेलाइ पावलको खिलापता आभियोग लागाइहि 3रो वासेहेङ दामाताङ सेअ्लि योजना पातेङ वासेहेङ यरुसलेमता दिङगिल्पि दोअ्तेङ बाराहाकिम फेस्तसदोफा बिम्ति पाहि। 4कालाउ फेस्तस एम्बालाइहेङ एसा दोअ्हि, “पावलहेङ काइसरियाताङ थुनितेङ ताअ्काहि रो ताइमि बुङ मार्फाङ इन्ता हानिदोङखा। 5नेलाइता हासुङ आगुवागेलाइ कादोफाङ हानिलि भोनु हानिलि द्वावा। यदि वा हाइ बिराइका हि पानु एम्बालाइ इन्ता दोङ उजुर पालि द्वावा।”
6फेस्तस येअ्निसो तेनिथिकापा यरुसलेमता हिकान्हुअ्सो काइसरियाता घुरिहि। जुम्निदिनाङ वा निया पाका थामेता योम्तेङ पावलहेङ चुमालि हुकुम पिहि। 7जेलाउ पावल थुकालिलोहि कालाउ यरुसलेमसो लोका यहुदिगेलाइ वासेहेङ चारबितिङसो गोर्हाइतेङ मारेम्फाङ दुसिहि। कालाउबुङ एम्बालाइ हिदि बुङ दुसिका काथाको दासि पिलि मादोहि। 8पावल ताइको पक्छता धुइतेङ दोअ्हि, “का यहुदि न्यामको खिलापता, थानको खिलापता रो रोमि बाराराजाको खिलापता हिदिङ आपाराध पानाङ मान्थुघा।”
9यहुदिगेलाइहेङ लेङचापालिको भाअ्सिङ फेस्तस पावलहेङ दोअ्हि, “का नासेहेङ यरुसलेम दिङगिलप्याङका कालाउ इदोइ काथाको बारेता का नाङको निया इन्ता दोङ पाङका, माज्याङ कुनु?” 10कालाउबुङ पावल दोअ्हि, “का रोमि बाराराजाको निया पाकाको आगाता जाअ्तेङ हिघा, इता दोङ काङको निया जेङलिगोयाङ। का यहुदिगेलाइको खिलापता हिदिङ मारेम्का पानाङ मान्थुघा दोअ्का काथा नादोङ गिखेना। 11यदि का आइन कानुनहेङ मिचिका हिघा रो सिका दार निङलिगोइका हिदिङ आपाराध पाका हिघा पानु का सिलि बुङ त्यार हिघा। कालाउ यदि यहुदिगेलाइको कासेहेङ लागाइका दुस जातिङको मान्थुनु कासेहेङ एम्बालाइको खुरता हासु बुङ जिम्मापिलि माद्वावा। का रोमि बाराराजाकोता बिम्ति पाखा।”
12कालाउ फेस्तस वाको साल्हा पिकालाइदोफा साल्हा पातेङ पावलहेङ दोअ्हि, “ना रोमि माहाराजाको आगाता दोङ बिम्ति पान्हा। एन्साजेङलाउ का नासेहेङ रोमि बाराराजाकोता दोङ दिङगिलप्याङका।”
फेस्तस राजा आग्रिपासदोफा साल्हा र्हुका
13आसा दिनान्हुअ्सो राजा आग्रिपास रो वाको ओने बरनिकि फेस्तसहेङ दुसुलि काइसरियाता लोहि। 14एम्बालाइ आसा दिना काइसरियाता हिकान्हुअ्सो फेस्तस एम्बालाइहेङ पावलको काथा एसापा हिम्पाहि, “इता फेलिक्सको थुनितेङ ताअ्का एअ्मि द्याङ हि। 15का यरुसलेम हानिका पहरता यहुदिगेलाइको मुल धामिगेलाइ रो बो आगुवागेलाइ वाको खिलापता दुस लागाइका हिघाखे रो वासेहेङ दार पिलिगोयाङ दोअ्हि। 16कालाउ का एम्बालाइहेङ दोअ्घा, ‘द्याङहेङ दुस मालागाइपाधाउ रोमि सारकारको दार पिका चलन मान्थु। दुस लागाइका द्याङ दुस लागाइकाको आगाता ताइको काथा हिम्पालि माउका निङलिगोयाङ।’ 17एम्बालाइ इता लोकान्हुअ्सो का माबेलोमपासिङ जुम्निङ पावलहेङ निया पाका थामेता चुमालि हुकुम पिघा। 18पावलको बिरोधिगेलाइ वाको पाका आपाराधता दुस्याङ वाला दोअ्घाहि, कालाउ एम्बालाइ इस्का हाइदोङ दुसिलि मादोहि। 19ओबालाइकोङ धरम रो सिका इसु दोअ्का द्याङको बारेता खिनिङ एम्बालाइको पावलदोफा चेरसुका हिघाहि। पावलचाहिँ सिका इसु सिन्हुहि दोअ्तेङ जिद्दि पाघाहि। 20इदोइ काथागेलाइको बारेता हाइदोङ मागिनाङसिङ काते हिअ्लि बुङ मादोघा। एन्साजेङलाउ का पावलहेङ ‘यरुसलेम हानितेङ नाङको निया इन्ता दोङ पालाउ ज्याङ बे’ दोअ्तेङ हिअ्घा। 21कालाउबुङ पावल रोमि माहाराजासो निया निनाको दोअ्तेङ बिम्ति पाहि रो का रोमि बाराराजाकोता मादिङल्पाधाउ वासेहेङ रेम्फा पहरा पितेङ इता दोङ ताअ्लि हुकुम पिका हिघा।”
22इदोइ बायान हिङतेङ राजा आग्रिपास फेस्तसहेङ दोअ्हि, “कासेहेङ ताइमिङ इङकोको काथा हिङलि मन जेङहि।” फेस्तस दोअ्हि, “जुम्नि दोङ ना हिङलि निनाना।”
पावलहेङ राजा आग्रिपासकोता चुमाका
23जुम्निदिना राजा आग्रिपास रो बरनिकि बारका मानता लोहि। ओबालाइ पलटनको हाकिमगेलाइ रो पुरको मुल द्याङगेलाइदोफा बाराकचहरि योम्हि। फेस्तस हुकुम पिकान्हुअ्सो पावलहेङ बाराकचहरिता चुमाहि। 24फेस्तस दोअ्हि, “राजा आग्रिपास रो इता हिका यहुदिगेलाइ झाराङ काङकोता उजुर पाका द्याङ या दोङ। इदोइ द्याङहेङ सेअ्लिदोङ गोयाङ दोअ्तेङ झाराङ यहुदिगेलाइ यरुसलेमता रो इता काइसरियाता बुङ बिम्ति पाका हि। 25कालाउ का इदोइ द्याङहेङ सेअ्लि गोइका इन्सिका हिदोइ बुङ दुस निङलि मादोघा। कालाउ वा ताइमिङ रोमि महाराजाकोता बिम्ति पालि र्हेनाङसिङ का वासेहेङ रोमता दिङगिल्लि निधो पाघा। 26कालाउबुङ का वासेहेङ दुस लागाइका बारेता माहाराजाहेङ हाइदोङ लेखिलि मादोघा। इदोइभाअ्सिङ का वासेहेङ नेलाइको आगाता रो खासपातेङ ना राजा आग्रिपासको आगाता चुमाका हिघा। नेलाइ याको जाच पापिसुन्हा पानु का लेखिका काथा निनाङका बे दोअ्का आस ताअ्का हिघा 27हाइदोनु हाइदोङ दुस मातिम्पासिङ काइदिहेङ रोमि माहाराजाकोता दिङगिल्लि कासेहेङ रेम्का मालागिहि।”
Zvasarudzwa nguva ino
साल्तेङ दिङगिल्का 25: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.
साल्तेङ दिङगिल्का 25
25
पावल रोमि माहाराजाहेङ उजुर पाखे
1फेस्तस ताइको यहुदिया माउजासो लोका सुम्नि दिनान्हुअ्सो दोङ काइसरियासो यरुसलेम हानिहि। 2इन्ता हिलाउ मुल धामिगेलाइ रो यहुदिगेलाइको मुल द्याङगेलाइ पावलको खिलापता आभियोग लागाइहि 3रो वासेहेङ दामाताङ सेअ्लि योजना पातेङ वासेहेङ यरुसलेमता दिङगिल्पि दोअ्तेङ बाराहाकिम फेस्तसदोफा बिम्ति पाहि। 4कालाउ फेस्तस एम्बालाइहेङ एसा दोअ्हि, “पावलहेङ काइसरियाताङ थुनितेङ ताअ्काहि रो ताइमि बुङ मार्फाङ इन्ता हानिदोङखा। 5नेलाइता हासुङ आगुवागेलाइ कादोफाङ हानिलि भोनु हानिलि द्वावा। यदि वा हाइ बिराइका हि पानु एम्बालाइ इन्ता दोङ उजुर पालि द्वावा।”
6फेस्तस येअ्निसो तेनिथिकापा यरुसलेमता हिकान्हुअ्सो काइसरियाता घुरिहि। जुम्निदिनाङ वा निया पाका थामेता योम्तेङ पावलहेङ चुमालि हुकुम पिहि। 7जेलाउ पावल थुकालिलोहि कालाउ यरुसलेमसो लोका यहुदिगेलाइ वासेहेङ चारबितिङसो गोर्हाइतेङ मारेम्फाङ दुसिहि। कालाउबुङ एम्बालाइ हिदि बुङ दुसिका काथाको दासि पिलि मादोहि। 8पावल ताइको पक्छता धुइतेङ दोअ्हि, “का यहुदि न्यामको खिलापता, थानको खिलापता रो रोमि बाराराजाको खिलापता हिदिङ आपाराध पानाङ मान्थुघा।”
9यहुदिगेलाइहेङ लेङचापालिको भाअ्सिङ फेस्तस पावलहेङ दोअ्हि, “का नासेहेङ यरुसलेम दिङगिलप्याङका कालाउ इदोइ काथाको बारेता का नाङको निया इन्ता दोङ पाङका, माज्याङ कुनु?” 10कालाउबुङ पावल दोअ्हि, “का रोमि बाराराजाको निया पाकाको आगाता जाअ्तेङ हिघा, इता दोङ काङको निया जेङलिगोयाङ। का यहुदिगेलाइको खिलापता हिदिङ मारेम्का पानाङ मान्थुघा दोअ्का काथा नादोङ गिखेना। 11यदि का आइन कानुनहेङ मिचिका हिघा रो सिका दार निङलिगोइका हिदिङ आपाराध पाका हिघा पानु का सिलि बुङ त्यार हिघा। कालाउ यदि यहुदिगेलाइको कासेहेङ लागाइका दुस जातिङको मान्थुनु कासेहेङ एम्बालाइको खुरता हासु बुङ जिम्मापिलि माद्वावा। का रोमि बाराराजाकोता बिम्ति पाखा।”
12कालाउ फेस्तस वाको साल्हा पिकालाइदोफा साल्हा पातेङ पावलहेङ दोअ्हि, “ना रोमि माहाराजाको आगाता दोङ बिम्ति पान्हा। एन्साजेङलाउ का नासेहेङ रोमि बाराराजाकोता दोङ दिङगिलप्याङका।”
फेस्तस राजा आग्रिपासदोफा साल्हा र्हुका
13आसा दिनान्हुअ्सो राजा आग्रिपास रो वाको ओने बरनिकि फेस्तसहेङ दुसुलि काइसरियाता लोहि। 14एम्बालाइ आसा दिना काइसरियाता हिकान्हुअ्सो फेस्तस एम्बालाइहेङ पावलको काथा एसापा हिम्पाहि, “इता फेलिक्सको थुनितेङ ताअ्का एअ्मि द्याङ हि। 15का यरुसलेम हानिका पहरता यहुदिगेलाइको मुल धामिगेलाइ रो बो आगुवागेलाइ वाको खिलापता दुस लागाइका हिघाखे रो वासेहेङ दार पिलिगोयाङ दोअ्हि। 16कालाउ का एम्बालाइहेङ दोअ्घा, ‘द्याङहेङ दुस मालागाइपाधाउ रोमि सारकारको दार पिका चलन मान्थु। दुस लागाइका द्याङ दुस लागाइकाको आगाता ताइको काथा हिम्पालि माउका निङलिगोयाङ।’ 17एम्बालाइ इता लोकान्हुअ्सो का माबेलोमपासिङ जुम्निङ पावलहेङ निया पाका थामेता चुमालि हुकुम पिघा। 18पावलको बिरोधिगेलाइ वाको पाका आपाराधता दुस्याङ वाला दोअ्घाहि, कालाउ एम्बालाइ इस्का हाइदोङ दुसिलि मादोहि। 19ओबालाइकोङ धरम रो सिका इसु दोअ्का द्याङको बारेता खिनिङ एम्बालाइको पावलदोफा चेरसुका हिघाहि। पावलचाहिँ सिका इसु सिन्हुहि दोअ्तेङ जिद्दि पाघाहि। 20इदोइ काथागेलाइको बारेता हाइदोङ मागिनाङसिङ काते हिअ्लि बुङ मादोघा। एन्साजेङलाउ का पावलहेङ ‘यरुसलेम हानितेङ नाङको निया इन्ता दोङ पालाउ ज्याङ बे’ दोअ्तेङ हिअ्घा। 21कालाउबुङ पावल रोमि माहाराजासो निया निनाको दोअ्तेङ बिम्ति पाहि रो का रोमि बाराराजाकोता मादिङल्पाधाउ वासेहेङ रेम्फा पहरा पितेङ इता दोङ ताअ्लि हुकुम पिका हिघा।”
22इदोइ बायान हिङतेङ राजा आग्रिपास फेस्तसहेङ दोअ्हि, “कासेहेङ ताइमिङ इङकोको काथा हिङलि मन जेङहि।” फेस्तस दोअ्हि, “जुम्नि दोङ ना हिङलि निनाना।”
पावलहेङ राजा आग्रिपासकोता चुमाका
23जुम्निदिना राजा आग्रिपास रो बरनिकि बारका मानता लोहि। ओबालाइ पलटनको हाकिमगेलाइ रो पुरको मुल द्याङगेलाइदोफा बाराकचहरि योम्हि। फेस्तस हुकुम पिकान्हुअ्सो पावलहेङ बाराकचहरिता चुमाहि। 24फेस्तस दोअ्हि, “राजा आग्रिपास रो इता हिका यहुदिगेलाइ झाराङ काङकोता उजुर पाका द्याङ या दोङ। इदोइ द्याङहेङ सेअ्लिदोङ गोयाङ दोअ्तेङ झाराङ यहुदिगेलाइ यरुसलेमता रो इता काइसरियाता बुङ बिम्ति पाका हि। 25कालाउ का इदोइ द्याङहेङ सेअ्लि गोइका इन्सिका हिदोइ बुङ दुस निङलि मादोघा। कालाउ वा ताइमिङ रोमि महाराजाकोता बिम्ति पालि र्हेनाङसिङ का वासेहेङ रोमता दिङगिल्लि निधो पाघा। 26कालाउबुङ का वासेहेङ दुस लागाइका बारेता माहाराजाहेङ हाइदोङ लेखिलि मादोघा। इदोइभाअ्सिङ का वासेहेङ नेलाइको आगाता रो खासपातेङ ना राजा आग्रिपासको आगाता चुमाका हिघा। नेलाइ याको जाच पापिसुन्हा पानु का लेखिका काथा निनाङका बे दोअ्का आस ताअ्का हिघा 27हाइदोनु हाइदोङ दुस मातिम्पासिङ काइदिहेङ रोमि माहाराजाकोता दिङगिल्लि कासेहेङ रेम्का मालागिहि।”
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.