साल्तेङ दिङगिल्का 20
20
पावल माकेडोनिया रो ग्रिसता
1इङको खाइला बाइला निचालाकान्हुअ्सो पावल प्रभु इसुको चात्यागेलाइहेङ जोम्पाहि रो एम्बालाइहेङ खान्धुरता बोल्यातेङ हिलि आट पितेङ माकेडोनिया माउजाभारि हानिहि। 2इन्ता थुकाकान्हुअ्सो पावल थामेथामेता हानितेङ प्रभुको चात्यागेलाइहेङ आट पितेङ धिरपाहि। इङकोन्हुअ्सो वा ग्रिस मुलुकता लोहि। 3वा सुम माहिन्हाथिकापा इन्ताङ हि। इङकोन्हुअ्सो पावल चिजाहाजसो सोझाङ सिरिया माउजा हानिलि बिचार पाहि। एसापा हानिलि खाङलाउ यहुदिगेलाइ वासेहेङ सेअ्लि भोदोङखे दोअ्का हिङतेङ वा तेतेङ माकेडोनिया जेङतेङ हानिलि बिचार पाहि। 4इदोइ यात्राता भेभेनाङ मन्डलिको दादाओनेगेलाइ दोसाङ हानिहि। पावल दोसाङ हानिकालाइता बेरिया पुरता हिका पुरसको चान सोपात्रोस, थेसलोनिके पुरता हिका आरिस्तारखस रो सिकन्दस, डरबि पुरता हिका गायस, गलातिया माउजाको तिमोथि कालाउ एसिया माउजासो लोका तुखिकस रो त्रोफिमस हिघाखे। 5एम्बालाइ केलाइखान्तेङ लाम्फादोङ हानिहि रो केलाइहेङ त्रोआस पुरता र्हुम्तेङ हि। 6केलाइचाहिँ लाअ्पिका पारबा मानिलिदोकान्हुअ्सो फिलिप्पि पुरसो जाहादिको दामा जेङतेङ हानिन्हाहि कालाउ नानि दिनान्हुअ्सो एम्बालाइहेङ त्रोआस पुरता दुसुन्हाहि। इन्ता केलाइ एआथार थिकापा हिन्हाहि।
पावल आखिरिता त्रोआस पुरता हानिका
7सानचारबार#२०:७ सानचारबार यहुदि चलनता आथारको लाङ दिना जेङघाखे। दिलिमा केलाइ इन्ता हिका प्रभुको चात्यागेलाइदोफा प्रभुभतेर चालिको भाअ्सिङ जोमन्हाहि। पावल जुम्निर्हिमा हानिलि गोइनाङसिङ वा आधान्हिसिङता थिकापा एम्बालाइदोफा काथापातेङ हिहि। 8केलाइ जोम्तेङ हिका र्हुताको तालाता हेन्जा गेसागेलाइ जोल्तेङ हिघाखे। 9युटिकस दोअ्का एअ्मि वाजान झ्यालता योम्तेङ हिघाहि। पावल धुइकाताङ पालाउ इङको वाजान निन्धा धुलातेङ जिम्हि। वा जिम्लाउ र्हुताको सुम तालासो लेता हुल्हि। एम्बालाइ वासेहेङ तोल्हेलि हानिलाउ वा सिलिदोका हिघाहि।
10कालाउ पावल खुअ्तेङ वाजानर्हुता सालाल्हाङतेङ वासेहेङ खोमतेङ कोरबितिङ हिका द्याङगेलाइहेङ दोअ्हि, “नेलाइ माथिसु, इदोइ वाजान ते सिन्हुपाङ हि।” 11इङकोन्हुअ्सो पावल र्हुताको तालाता ताङहि रो झाराङ मिलितेङ प्रभुभतेर चाहि। प्रभुभतेर चाकान्हुअ्सो वा माझेङपाधाउ एम्बालाइदोफा काथापातेङ हि। इङकोन्हुअ्सो वा एम्बालाइसो बेदाङगि र्हुतेङ हानिहि। 12इन्ताको चात्यागेलाइ चाहिँ इङको वाजानहेङ सिता सिरपुहि। वाजान बान्चिकाता झाराङ लेन्चा हि।
पावल त्रोआससो मिलेटसथिकापा तेतेङ हानिका
13त्रोआससो पावलबिना केलाइ झाराङ चिजाहाजता धोल्तेङ आस्सोस पुरता हानिन्हाहि। पावल आस्सोस पुरथिकापा तेतेङ हानिलि भोनाङसिङ वा केलाइदोफा ताइमिहेङ आस्सोसता खिनिङ चिजाहाजता धोल्लि बन्दोबस्त पाका हिघाखे। 14केलाइ आस्सोसता थुकाकान्हुअ्सो वा बुङ लोतेङ चिजाहाजता धोल्हि रो केलाइ झाराङ मिलितेङ मितिलेने पुरता हानिन्हाहि। 15जुम्निदिना केलाइ जाहादिको दामा जेङतेङ खियस टापुको भेरपा रो सुम्निता सामोस टापुता थुकान्हाहि। इन्तासो भेनेङ दिना मिलेटस पुरता थुकालिलोन्हाहि। 16पावलहेङ यरुसलेमता थुकालि हातार जेङनाङसिङ एसियाता आवायाङका दोअ्तेङ वा एफिसस पुरता मादुल्लि निधो पाहि हाइदोनु वा पेन्तिकोसको पारबाता जेथेङदो मारफाङ यरुसलेम थुकालि मन पाका हिघाहि।
पावल एफिससको मन्डलिको आगुवागेलाइदोसा बेदाङगि र्हेका
17मिलेटस पुरसो पावल एफिसस पुरता हिका मन्डलिको एल्डरगेलाइहेङ काइलि दिङगिल्हि। 18जेलाउ एम्बालाइ थुकालिलोहि कालाउ वा एम्बालाइहेङ दोअ्हि, “एसियाता लोका दिनासोङ नेलाइदोफाङ हिलाउ का इङको दिनागेलाइ हेसापा दोपाघा इङको नेलाइदोङ गिसुखेना। 19यहुदिगेलाइ घुरिघुरि सानताइलाउ बुङ का नोइतेङ मिँति ह्याअ्पातेङ प्रभुको सेवा पाघा। 20नेलाइ झाराङको आगाता रो साअ्साअ्ता दुल्तेङ धिरपालाउ का नेलाइको भालाइ जेङका हिदिङ काथा मनता माम्होअ्घा। 21का यहुदि रो बोजात्यागेलाइहेङ पास्ताइतेङ परमेस्वरभारि घुरिसु रो केलाइको प्रभु इसुता खान्धुर पासु दोअ्तेङ पारचार पाघा।
22“एला का पुनित हाङसासो दोअ्का मानितेङ यरुसलेम हानिदोङखा। इन्ता कासेहेङ हाइ हाइ ज्याङ, का माग्याङका। 23का इदोइझोको ते गिखा, गोताङ पुरगेलाइता थुना रो पिर यरुसलेमता भोगिलिगोयाङ दोअ्तेङ पुनित हाङसा कासेहेङ गिपाका हि। 24कालाउबुङ काङको जिबन ताइको भाअ्सिङ हिदिङ मोलको मान्थु। का इदोइझोको खिनिङ भोखा, परमेस्वर द्याङगेलाइहेङ दाया पाका हि दोअ्का रेम्काबानाल पारचार पाका कामहेङ का पुरा पालि द्वाको, जेदोङ कामचाहिँ प्रभु इसु दोङ कासेहेङ आर्हाइका हि। 25कालाउ नेलाइ जाइको माझाता का स्वरगको सारभिको पारचार पातेङ लोका हिघा, नेलाइदोफा आरोङ काङको हेअ्लाउ बुङ मादुस्वाङ दोअ्का काथा का गिखा। 26इदोइभाअ्सिङ नानि का नेलाइहेङ दोअ्दोङखा, नेलाइता हासु बुङ मुअ्सुन्हा पानु कासेहेङ इङकोको दुस मालाग्याङ 27हाइदोनु परमेस्वर केलाइको भाअ्सिङ पालि खाङका हिदिङ काथा बुङ मादाइपासिङ का नेलाइहेङ गोताङ दोअ्पिहोइका।
28“एला नेलाइ ताइमिङ ताइको रेखदेख पासु रो पुनित हाङसा नेलाइहेङ जिम्मा पिका जेरगेलाइको बुङ रेखदेख पासु। परमेस्वरको मन्डलिको रेम्का घोका जेङसु हाइदोनु प्रभु इसु इङको द्याङगेलाइहेङ ताइकोङ हिति होपातेङ चोल्का हि। 29कालाउ का हानिकान्हुअ्सो झारको स्याइलेभाइका द्याङगेलाइ नेलाइको माझाता दुलावा रो मन्डलिहेङ पिर पिलि मालाअ्तावा दोअ्तेङ का गिखा। 30नेलाइकोङ माझासो बुङ ढाटाइका बिद्या पिका द्याङगेलाइ ओल्ह्यावा। एम्बालाइ प्रभुको चात्यागेलाइहेङ ताइकोङ मारेम्का दामाता चुमपुलि भोकावा। 31एन्साजेङलाउ चालाक जेङतेङ हिसु कालाउ का सुम बाअ्सारथिकापा नितिमन्हिसिङ मिँति ह्याअ्पातेङ प्रभुको एअ्मि एअ्मिहेङ पिका चेतानि मानिल्सु।
32“एला का नेलाइहेङ परमेस्वरको खुरता जिम्मा पिदोङखा रो वाकोङ दायासो पोङघाका बानालको भरता लाअ्प्याङका, जाइसो वा नेलाइहेङ खान्धुरता बोल्याका बान्हाइलि द्वावा रो ताइको द्याङगेलाइहेङ सहसाम्पाको हाकदार बान्हायावा।
33“का हासुको सोना, रुपा रो धाबा मादिअ्घा। 34नेलाइ ताइमिङ गिसुखेना, काङको खुरहोइ काम पातेङ कासेहेङ रो काङको सानाइतिगेलाइहेङ गोइका आनेमाने जुराइघा। 35एसापा ‘र्हुकाखान्तेङ पिकाता हेन्जा सहसाम्पा हि#२०:३५र्हुकाखान्तेङ पिकाता हेन्जा सहसाम्पा हि इदोइ इसुको दोअ्का काथा द्यालोङ रेम्काबानालगेलाइता मानिङखे। ’ दोङतेङ प्रभु इसु ताइमिङ दोअ्का काथाहेङ फोमपातेङ मादोका द्याङगेलाइको खाङलि दोकाझोको काम पालिगोयाङ दोअ्तेङ का गोताङ काथाता तिङपाका हिघा।”
36इदोइ दोअ्तेङ पावल झाराङदोफा मिलितेङ तिर्हो थोतेङ पारथाना पाहि। 37एम्बालाइ झाराङ खारहि रो पावलहेङ खोम्तेङ चुमाइतेङ बिदा पाहि। 38पावल “नेलाइ आरोङ कासेहेङ हेअ्लाउ मादुसुस्वाना” दोअ्काता एम्बालाइ हेन्जाङ मन तु:पाहि। इङकोन्हुअ्सो एम्बालाइ पावलहेङ चिजाहाजथिकापा सिरपुहि।
Zvasarudzwa nguva ino
साल्तेङ दिङगिल्का 20: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.
साल्तेङ दिङगिल्का 20
20
पावल माकेडोनिया रो ग्रिसता
1इङको खाइला बाइला निचालाकान्हुअ्सो पावल प्रभु इसुको चात्यागेलाइहेङ जोम्पाहि रो एम्बालाइहेङ खान्धुरता बोल्यातेङ हिलि आट पितेङ माकेडोनिया माउजाभारि हानिहि। 2इन्ता थुकाकान्हुअ्सो पावल थामेथामेता हानितेङ प्रभुको चात्यागेलाइहेङ आट पितेङ धिरपाहि। इङकोन्हुअ्सो वा ग्रिस मुलुकता लोहि। 3वा सुम माहिन्हाथिकापा इन्ताङ हि। इङकोन्हुअ्सो पावल चिजाहाजसो सोझाङ सिरिया माउजा हानिलि बिचार पाहि। एसापा हानिलि खाङलाउ यहुदिगेलाइ वासेहेङ सेअ्लि भोदोङखे दोअ्का हिङतेङ वा तेतेङ माकेडोनिया जेङतेङ हानिलि बिचार पाहि। 4इदोइ यात्राता भेभेनाङ मन्डलिको दादाओनेगेलाइ दोसाङ हानिहि। पावल दोसाङ हानिकालाइता बेरिया पुरता हिका पुरसको चान सोपात्रोस, थेसलोनिके पुरता हिका आरिस्तारखस रो सिकन्दस, डरबि पुरता हिका गायस, गलातिया माउजाको तिमोथि कालाउ एसिया माउजासो लोका तुखिकस रो त्रोफिमस हिघाखे। 5एम्बालाइ केलाइखान्तेङ लाम्फादोङ हानिहि रो केलाइहेङ त्रोआस पुरता र्हुम्तेङ हि। 6केलाइचाहिँ लाअ्पिका पारबा मानिलिदोकान्हुअ्सो फिलिप्पि पुरसो जाहादिको दामा जेङतेङ हानिन्हाहि कालाउ नानि दिनान्हुअ्सो एम्बालाइहेङ त्रोआस पुरता दुसुन्हाहि। इन्ता केलाइ एआथार थिकापा हिन्हाहि।
पावल आखिरिता त्रोआस पुरता हानिका
7सानचारबार#२०:७ सानचारबार यहुदि चलनता आथारको लाङ दिना जेङघाखे। दिलिमा केलाइ इन्ता हिका प्रभुको चात्यागेलाइदोफा प्रभुभतेर चालिको भाअ्सिङ जोमन्हाहि। पावल जुम्निर्हिमा हानिलि गोइनाङसिङ वा आधान्हिसिङता थिकापा एम्बालाइदोफा काथापातेङ हिहि। 8केलाइ जोम्तेङ हिका र्हुताको तालाता हेन्जा गेसागेलाइ जोल्तेङ हिघाखे। 9युटिकस दोअ्का एअ्मि वाजान झ्यालता योम्तेङ हिघाहि। पावल धुइकाताङ पालाउ इङको वाजान निन्धा धुलातेङ जिम्हि। वा जिम्लाउ र्हुताको सुम तालासो लेता हुल्हि। एम्बालाइ वासेहेङ तोल्हेलि हानिलाउ वा सिलिदोका हिघाहि।
10कालाउ पावल खुअ्तेङ वाजानर्हुता सालाल्हाङतेङ वासेहेङ खोमतेङ कोरबितिङ हिका द्याङगेलाइहेङ दोअ्हि, “नेलाइ माथिसु, इदोइ वाजान ते सिन्हुपाङ हि।” 11इङकोन्हुअ्सो पावल र्हुताको तालाता ताङहि रो झाराङ मिलितेङ प्रभुभतेर चाहि। प्रभुभतेर चाकान्हुअ्सो वा माझेङपाधाउ एम्बालाइदोफा काथापातेङ हि। इङकोन्हुअ्सो वा एम्बालाइसो बेदाङगि र्हुतेङ हानिहि। 12इन्ताको चात्यागेलाइ चाहिँ इङको वाजानहेङ सिता सिरपुहि। वाजान बान्चिकाता झाराङ लेन्चा हि।
पावल त्रोआससो मिलेटसथिकापा तेतेङ हानिका
13त्रोआससो पावलबिना केलाइ झाराङ चिजाहाजता धोल्तेङ आस्सोस पुरता हानिन्हाहि। पावल आस्सोस पुरथिकापा तेतेङ हानिलि भोनाङसिङ वा केलाइदोफा ताइमिहेङ आस्सोसता खिनिङ चिजाहाजता धोल्लि बन्दोबस्त पाका हिघाखे। 14केलाइ आस्सोसता थुकाकान्हुअ्सो वा बुङ लोतेङ चिजाहाजता धोल्हि रो केलाइ झाराङ मिलितेङ मितिलेने पुरता हानिन्हाहि। 15जुम्निदिना केलाइ जाहादिको दामा जेङतेङ खियस टापुको भेरपा रो सुम्निता सामोस टापुता थुकान्हाहि। इन्तासो भेनेङ दिना मिलेटस पुरता थुकालिलोन्हाहि। 16पावलहेङ यरुसलेमता थुकालि हातार जेङनाङसिङ एसियाता आवायाङका दोअ्तेङ वा एफिसस पुरता मादुल्लि निधो पाहि हाइदोनु वा पेन्तिकोसको पारबाता जेथेङदो मारफाङ यरुसलेम थुकालि मन पाका हिघाहि।
पावल एफिससको मन्डलिको आगुवागेलाइदोसा बेदाङगि र्हेका
17मिलेटस पुरसो पावल एफिसस पुरता हिका मन्डलिको एल्डरगेलाइहेङ काइलि दिङगिल्हि। 18जेलाउ एम्बालाइ थुकालिलोहि कालाउ वा एम्बालाइहेङ दोअ्हि, “एसियाता लोका दिनासोङ नेलाइदोफाङ हिलाउ का इङको दिनागेलाइ हेसापा दोपाघा इङको नेलाइदोङ गिसुखेना। 19यहुदिगेलाइ घुरिघुरि सानताइलाउ बुङ का नोइतेङ मिँति ह्याअ्पातेङ प्रभुको सेवा पाघा। 20नेलाइ झाराङको आगाता रो साअ्साअ्ता दुल्तेङ धिरपालाउ का नेलाइको भालाइ जेङका हिदिङ काथा मनता माम्होअ्घा। 21का यहुदि रो बोजात्यागेलाइहेङ पास्ताइतेङ परमेस्वरभारि घुरिसु रो केलाइको प्रभु इसुता खान्धुर पासु दोअ्तेङ पारचार पाघा।
22“एला का पुनित हाङसासो दोअ्का मानितेङ यरुसलेम हानिदोङखा। इन्ता कासेहेङ हाइ हाइ ज्याङ, का माग्याङका। 23का इदोइझोको ते गिखा, गोताङ पुरगेलाइता थुना रो पिर यरुसलेमता भोगिलिगोयाङ दोअ्तेङ पुनित हाङसा कासेहेङ गिपाका हि। 24कालाउबुङ काङको जिबन ताइको भाअ्सिङ हिदिङ मोलको मान्थु। का इदोइझोको खिनिङ भोखा, परमेस्वर द्याङगेलाइहेङ दाया पाका हि दोअ्का रेम्काबानाल पारचार पाका कामहेङ का पुरा पालि द्वाको, जेदोङ कामचाहिँ प्रभु इसु दोङ कासेहेङ आर्हाइका हि। 25कालाउ नेलाइ जाइको माझाता का स्वरगको सारभिको पारचार पातेङ लोका हिघा, नेलाइदोफा आरोङ काङको हेअ्लाउ बुङ मादुस्वाङ दोअ्का काथा का गिखा। 26इदोइभाअ्सिङ नानि का नेलाइहेङ दोअ्दोङखा, नेलाइता हासु बुङ मुअ्सुन्हा पानु कासेहेङ इङकोको दुस मालाग्याङ 27हाइदोनु परमेस्वर केलाइको भाअ्सिङ पालि खाङका हिदिङ काथा बुङ मादाइपासिङ का नेलाइहेङ गोताङ दोअ्पिहोइका।
28“एला नेलाइ ताइमिङ ताइको रेखदेख पासु रो पुनित हाङसा नेलाइहेङ जिम्मा पिका जेरगेलाइको बुङ रेखदेख पासु। परमेस्वरको मन्डलिको रेम्का घोका जेङसु हाइदोनु प्रभु इसु इङको द्याङगेलाइहेङ ताइकोङ हिति होपातेङ चोल्का हि। 29कालाउ का हानिकान्हुअ्सो झारको स्याइलेभाइका द्याङगेलाइ नेलाइको माझाता दुलावा रो मन्डलिहेङ पिर पिलि मालाअ्तावा दोअ्तेङ का गिखा। 30नेलाइकोङ माझासो बुङ ढाटाइका बिद्या पिका द्याङगेलाइ ओल्ह्यावा। एम्बालाइ प्रभुको चात्यागेलाइहेङ ताइकोङ मारेम्का दामाता चुमपुलि भोकावा। 31एन्साजेङलाउ चालाक जेङतेङ हिसु कालाउ का सुम बाअ्सारथिकापा नितिमन्हिसिङ मिँति ह्याअ्पातेङ प्रभुको एअ्मि एअ्मिहेङ पिका चेतानि मानिल्सु।
32“एला का नेलाइहेङ परमेस्वरको खुरता जिम्मा पिदोङखा रो वाकोङ दायासो पोङघाका बानालको भरता लाअ्प्याङका, जाइसो वा नेलाइहेङ खान्धुरता बोल्याका बान्हाइलि द्वावा रो ताइको द्याङगेलाइहेङ सहसाम्पाको हाकदार बान्हायावा।
33“का हासुको सोना, रुपा रो धाबा मादिअ्घा। 34नेलाइ ताइमिङ गिसुखेना, काङको खुरहोइ काम पातेङ कासेहेङ रो काङको सानाइतिगेलाइहेङ गोइका आनेमाने जुराइघा। 35एसापा ‘र्हुकाखान्तेङ पिकाता हेन्जा सहसाम्पा हि#२०:३५र्हुकाखान्तेङ पिकाता हेन्जा सहसाम्पा हि इदोइ इसुको दोअ्का काथा द्यालोङ रेम्काबानालगेलाइता मानिङखे। ’ दोङतेङ प्रभु इसु ताइमिङ दोअ्का काथाहेङ फोमपातेङ मादोका द्याङगेलाइको खाङलि दोकाझोको काम पालिगोयाङ दोअ्तेङ का गोताङ काथाता तिङपाका हिघा।”
36इदोइ दोअ्तेङ पावल झाराङदोफा मिलितेङ तिर्हो थोतेङ पारथाना पाहि। 37एम्बालाइ झाराङ खारहि रो पावलहेङ खोम्तेङ चुमाइतेङ बिदा पाहि। 38पावल “नेलाइ आरोङ कासेहेङ हेअ्लाउ मादुसुस्वाना” दोअ्काता एम्बालाइ हेन्जाङ मन तु:पाहि। इङकोन्हुअ्सो एम्बालाइ पावलहेङ चिजाहाजथिकापा सिरपुहि।
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.