Ɔrɔmutɔnŋ kiri 9
9
Kirinŋ fa awɔ konanbi ɲaannashimaan ki bi ki
(Galasitɔnŋ kiri 4.22–31)
1Míŋ fa Kirisa wɔ tenbi ki ciiru, míŋ i wɔ̀ bi-a niŋ i sɛli i, míŋ puru bi-a kì, sabu Ɲiniwɔlinŋ ki fa míŋ ciiru ɲakili ki i niŋ bi-a míŋ tɛ. 2Míŋ tɔnfɔɔmaan fa ńʼcɔɔrimaan yɛ waarinŋ bataa ru ńʼtindaŋ Isirayɛlitɔnŋ kiri bira. 3Sabu, hali míŋ ji-a danka kila, ŋí i po san Kirisa wɔ tindaŋ bi ki ru, ńʼtindaŋ Yawutu kiri bira, míŋ a ńʼtu niŋ na. 4Kíbɛɛ kiri i Isirayɛlidaŋ kiri i. Kirinŋ kí ji-i a daŋ ni i. Ŋì i a yɛri ji kí wu nɔɔri sinaŋ nu, ŋì i tɔnwɔri mwɔɔnna de a fa kí faninmwuŋ. Ŋì i sariya ri wɔri kí tɛ, ŋì i a gbɛka ɲaan ki ji kí wu, ŋì i a tɔnŋ wɔri kí tɛ. 5Yibɛɛ tiŋ cɛɛnni kiri po-i kíbɛɛ kiri ru, Kirisa i ji po kí ru ŋì i kɛɲɛ konanminibi saa ki wu. Niŋ Kirisa wɔ̀ i Kirinŋ i, ŋì i ji finŋ bataa ŋununu, niŋ gbɛ waarinŋ bataa ru. Amiina!
6Niŋ i ǹʼbi-a tu Kirinŋ awɔ tɔnwɔri ki rafaaka shɔ kì wa? Niŋ i kì dɛ! Sabu Isirayɛlitɔnŋ kiri bataa Isirayɛlidaŋ sɛlɛsɛli li i kì. 7Aburahamu nupo ki bataa Aburahamu daŋ sɛlɛsɛli li i kì. Sabu Kirinŋ ǹʼbi-i Aburahamu tɛ tu : « Míŋ ńʼtɔnŋ wɔri-i miŋ tɛ nupo wɔ̀ri bira, nini a po Ishaka ru. » 8Niŋ i ǹʼbi-a tu daŋ wɔ̀ri ji-i, ŋì i kɛɲɛ konanminibi saa ki wu, tu nini Kirinŋ daŋ ni kì, nka nwɔ̀ri ji kɛɲɛ-i Kirinŋ wɔ tɔnwɔri ki wu, tu nini bantenŋ shɛɛli-la Aburahamu nupo sɛlɛsɛli kiri i. 9Sabu Kirinŋ a tɔnŋ wɔri-i ɲaan wɔ̀ tɛ, niŋ i kaa tu : « Ka bishi waari ru jirira, míŋ a ńʼpwulu na, danshuru ra na ji Sara gbɛ. »#Tɔnpa ki 18.10.
10Niŋ bantenŋ i kì, Erebeka yɛrima ki ji? Nmari awɔ fili kiri kila-i shuru tenŋ gbɛ, ninwɔ̀ i yibɛɛ tiŋ cɛɛnni Ishaka. 11-12Daŋ kiri ji-ri waarinŋ wɔ̀ ru sun kì, kí bi shɔɔrinŋ walima bi kulinŋ ma-ni kì, nka ǹʼbi-i Erebeka tɛ tu : « Wɔrinŋ ki a na ji pwaŋ ki tɛ baara matɔnŋ i. »#Tɔnpa ki 25.23. Niŋ ma-i, nwɔma Kirinŋ wɔ bi gbɛbilimaan ki i nafaa. Kirinŋ koŋ ɲaannashi-a, ŋì i kɛɲɛ ntiŋ mabi ri wu kì, nka ŋì i konaŋ kiri dɔri-ra, ŋì i ǹʼkɛɲɛ a yɛrima ki dintɛ bi ki wu. 13Miŋ tu ǹʼsɛbɛ-i ɲaan wɔ̀ tɛ tu : « Míŋ Yakuba bidi-i ńʼtɛ, ŋí i ńʼkaan Insawu tɛ. »#Malaki 1.2–3.
Kirinŋ wɔ koŋ ɲaannashika ɲaan ki
14Niŋ ɲaan ki tɛ, yi a ǹʼdanwɔ bi, Kirinŋ telimaan i kì wa? Aayi dɛ! 15Sabu Kirinŋ ǹʼbi-i Musa tɛ tu :
« Míŋ i ǹʼtɛ ŋí i shɔɔrinŋ ma konwɔtiŋ tɛ,
míŋ i shɔɔrinŋ ma-a nintiŋ tɛ.
Míŋ i ǹʼtɛ ŋí i konwɔtiŋ sunmakwulupa,
míŋ i nintiŋ sunmakwulupa-a. »#Pobi ki 33.19.
16Niŋ ɲaan ki tɛ, koŋ tɔri tenŋ dintɛ bi walima ntiŋ mabi ncusun-a Kirinŋ i ntiŋ sunmakwulupa kì, nka niŋ i ma kɛɲɛ-a sunmakwulupatɔnŋ Kirinŋ dintɛ bi ki wu. 17Kirinŋ ǹʼbi-i Firawuna tɛ awɔ wulu sɛbɛ kiri ru tu :
« Míŋ miŋ ji-i masa a ŋuŋ wɔ̀ ra tikitiki, niŋ i,
nwɔma ŋí i miŋ sɔɔ, ŋí i ńʼwɔ sotinbi ki ji,
niŋ fa míŋ tɔ ki i bi pwɔkulinŋ ki mani ki bataa ru. »#Pobi ki 9.16.
18Niŋ ki ra, Kirinŋ i ǹʼtɛ a i konwɔtiŋ sunmakwulupa, ŋì i nintiŋ sunmakwulupa-a, ŋì i ǹʼtɛ a i konwɔtiŋ ɲakilila furu, ŋì i nintiŋ ɲakilila furu-ra.
Kirinŋ wɔ tɔnkwulu ki fa ǹʼwɔ sunmakwulupabi ki
19Ǹʼbɛɛ ra so ǹʼbi-i tu : « Nfɛnŋ na, Kirinŋ i ji faa jɛbi-a konaŋ gbɛ? Nkɛnŋ a so a kaan-a ǹʼdintɛ bi ki sun? » 20Miŋ konanmini, miŋ nkɛnŋ, fɔ miŋ i Kirinŋ sɔsɔ-ri? Duŋ a so ǹʼbi-i a ramɔnɔtɔnŋ ki tɛ tu : « Nfɛnŋ na, miŋ míŋ namɔni ka ɲaan ka tɛ wa? » 21Duŋ namɔnɔtɔnŋ ki a dintɛ bi ki ma-a jɔ ki wu kì wa? Ntiŋ i so-a miŋ jɔ tenŋ ki sɔɔ-ɔ, ntiŋ i duŋ shɔɔrinŋ kpaafuru ramɔni, ntiŋ i mìŋ jɔ tenŋ ki sɔɔ, ntiŋ i duŋ kpaajii ramɔni.
22Kirinŋ wuru ǹʼtɛ a i awɔ tɔnkwulu ki fa awɔ sotinbi ki ji konaŋ haliki wɔ kiri wu, nka ŋì a tɔnsunfili-i kí tɛ kusɛbɛ, ŋì i kɔ́ɔ́ bi kiri kwun a ru, miŋ a nfɛnŋ bi niŋ na? 23Kirinŋ niŋ ma-i, ŋì i awɔ nɔɔri sinaŋ ki ji kpeeri wu, ŋì nini wɔ̀ri sunmakwulupa-i, ŋì i ji kí ramɔni bo-ri a nɔɔri ki tɛ kabi juniɲa cɛtu ki jɛŋ.
24Yibɛɛ kiri i niŋ finŋ sunmakwulupa wɔ kiri, Kirinŋ yibɛɛ wɔ̀ri dɔri-i, ŋì i po Yawutu kiri fa shiya tɔri kiri ru. 25Ŋì ninki bi-i Ose wɔ sɛbɛ ki ru tu :
« Koŋ wɔ̀ri wuru mɔ́ɔ́n konanbi i kì,
míŋ a nini dɔri tu ńʼwɔ konanbi.
Koŋ wɔ̀ri wuru míŋ dintɛtɔnŋ ni i kì,
míŋ a nini dɔri tu ńʼdintɛtiiri.#Ose 2.22.
26Ǹʼbi wuru kí tɛ mani wɔ̀ ru tu :
‹ Ábɛɛ mɔ́ɔ́n konanbi i kì ›,
ŋì a bi kí tɛ mìŋ mani tenŋ ki ru tu,
‹ ábɛɛ i Kirinŋ ɲaninkulutɔnŋ ki daŋ ni i. › »#Ose 2.1–3; 2.25.
27Cintɔnŋ Esayi yɛri ki fali-i, ntiŋ i ǹʼbi Isirayɛlitɔnŋ kiri bi sun tu :
« Hali Isirayɛlitɔnŋ kiri mwɔ miŋ tu baa tɔnŋ na ɲɛniŋ,
kí pyɛ tumaan ki bantenŋ a a mwu.
28Sabu Ŋuntiŋ ki nwɔ̀ bi-i, ŋì a niŋ ma,
ŋì i ǹʼnafaa pwɔkulinŋ sun jona jona,
fɔ ŋì i so a daŋ ki ra. »#Esayi 10.22–23.
29Cintɔnŋ Esayi ǹʼbi wuru sɛbɛ tu :
« A kari jɛntɔnŋ kiri Ŋuntiŋ ki ji wuru yibɛɛ tu pyɛ tu-ri kì,
yibɛɛ wuru-ra ji miŋ tu Sodɔmu,
yibɛɛ wuru-ra ji Gomɔri sali. »#Esayi 1.9.
Telibi ki kila-a sariya ki sababu ra kì
(Ɔrɔmutɔnŋ kiri 3.19–29; Galasitɔnŋ kiri 3.8–14, 21–29)
30Ka bataa nfɛnŋ bi-a dɔnsaŋ? Ǹʼyɔ ǹʼbi-a tu shiya tɔri wɔ̀ri wuru telibi ki ceeli-la kì, Kirinŋ nini shɛɛli-i koŋ telimaan ni i a yɛri ɲaanfɛ bilinabi ki baraka ra. 31Nka Isirayɛlitɔnŋ kiri, kíbɛɛ wɔ̀ri wuru telibi ki ceeli-la sariya ki baraka ra, kíbɛɛ ǹʼpɔli-i. 32Nfɛnŋ na? Sabu kíbɛɛ wuru telibi ki ceeli-la bilinabi ki baraka ra kì, nka kí wuru ǹʼceeli-la arì mabi kiri wu. Niŋ ki ra, kí i arì kanŋ nakwuru arì fɛɛn kwɔ ra, 33miŋ tu ǹʼsɛbɛ-i Kirinŋ wɔ wulu ki ru ɲaan wɔ̀ tɛ tu :
« Míŋ a kanŋ nakwuru kwɔ sɔɔ-ɔ Siyɔn,
faa yɛ, nwɔ̀ i koŋ fɛɛn-na.
A konwɔtiŋ bili niŋ kwɔ ki ra,
nintiŋ a ɲaankwun fyewu kì. »#Esayi 28.16.
Zvasarudzwa nguva ino
Ɔrɔmutɔnŋ kiri 9: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Ɔrɔmutɔnŋ kiri 9
9
Kirinŋ fa awɔ konanbi ɲaannashimaan ki bi ki
(Galasitɔnŋ kiri 4.22–31)
1Míŋ fa Kirisa wɔ tenbi ki ciiru, míŋ i wɔ̀ bi-a niŋ i sɛli i, míŋ puru bi-a kì, sabu Ɲiniwɔlinŋ ki fa míŋ ciiru ɲakili ki i niŋ bi-a míŋ tɛ. 2Míŋ tɔnfɔɔmaan fa ńʼcɔɔrimaan yɛ waarinŋ bataa ru ńʼtindaŋ Isirayɛlitɔnŋ kiri bira. 3Sabu, hali míŋ ji-a danka kila, ŋí i po san Kirisa wɔ tindaŋ bi ki ru, ńʼtindaŋ Yawutu kiri bira, míŋ a ńʼtu niŋ na. 4Kíbɛɛ kiri i Isirayɛlidaŋ kiri i. Kirinŋ kí ji-i a daŋ ni i. Ŋì i a yɛri ji kí wu nɔɔri sinaŋ nu, ŋì i tɔnwɔri mwɔɔnna de a fa kí faninmwuŋ. Ŋì i sariya ri wɔri kí tɛ, ŋì i a gbɛka ɲaan ki ji kí wu, ŋì i a tɔnŋ wɔri kí tɛ. 5Yibɛɛ tiŋ cɛɛnni kiri po-i kíbɛɛ kiri ru, Kirisa i ji po kí ru ŋì i kɛɲɛ konanminibi saa ki wu. Niŋ Kirisa wɔ̀ i Kirinŋ i, ŋì i ji finŋ bataa ŋununu, niŋ gbɛ waarinŋ bataa ru. Amiina!
6Niŋ i ǹʼbi-a tu Kirinŋ awɔ tɔnwɔri ki rafaaka shɔ kì wa? Niŋ i kì dɛ! Sabu Isirayɛlitɔnŋ kiri bataa Isirayɛlidaŋ sɛlɛsɛli li i kì. 7Aburahamu nupo ki bataa Aburahamu daŋ sɛlɛsɛli li i kì. Sabu Kirinŋ ǹʼbi-i Aburahamu tɛ tu : « Míŋ ńʼtɔnŋ wɔri-i miŋ tɛ nupo wɔ̀ri bira, nini a po Ishaka ru. » 8Niŋ i ǹʼbi-a tu daŋ wɔ̀ri ji-i, ŋì i kɛɲɛ konanminibi saa ki wu, tu nini Kirinŋ daŋ ni kì, nka nwɔ̀ri ji kɛɲɛ-i Kirinŋ wɔ tɔnwɔri ki wu, tu nini bantenŋ shɛɛli-la Aburahamu nupo sɛlɛsɛli kiri i. 9Sabu Kirinŋ a tɔnŋ wɔri-i ɲaan wɔ̀ tɛ, niŋ i kaa tu : « Ka bishi waari ru jirira, míŋ a ńʼpwulu na, danshuru ra na ji Sara gbɛ. »#Tɔnpa ki 18.10.
10Niŋ bantenŋ i kì, Erebeka yɛrima ki ji? Nmari awɔ fili kiri kila-i shuru tenŋ gbɛ, ninwɔ̀ i yibɛɛ tiŋ cɛɛnni Ishaka. 11-12Daŋ kiri ji-ri waarinŋ wɔ̀ ru sun kì, kí bi shɔɔrinŋ walima bi kulinŋ ma-ni kì, nka ǹʼbi-i Erebeka tɛ tu : « Wɔrinŋ ki a na ji pwaŋ ki tɛ baara matɔnŋ i. »#Tɔnpa ki 25.23. Niŋ ma-i, nwɔma Kirinŋ wɔ bi gbɛbilimaan ki i nafaa. Kirinŋ koŋ ɲaannashi-a, ŋì i kɛɲɛ ntiŋ mabi ri wu kì, nka ŋì i konaŋ kiri dɔri-ra, ŋì i ǹʼkɛɲɛ a yɛrima ki dintɛ bi ki wu. 13Miŋ tu ǹʼsɛbɛ-i ɲaan wɔ̀ tɛ tu : « Míŋ Yakuba bidi-i ńʼtɛ, ŋí i ńʼkaan Insawu tɛ. »#Malaki 1.2–3.
Kirinŋ wɔ koŋ ɲaannashika ɲaan ki
14Niŋ ɲaan ki tɛ, yi a ǹʼdanwɔ bi, Kirinŋ telimaan i kì wa? Aayi dɛ! 15Sabu Kirinŋ ǹʼbi-i Musa tɛ tu :
« Míŋ i ǹʼtɛ ŋí i shɔɔrinŋ ma konwɔtiŋ tɛ,
míŋ i shɔɔrinŋ ma-a nintiŋ tɛ.
Míŋ i ǹʼtɛ ŋí i konwɔtiŋ sunmakwulupa,
míŋ i nintiŋ sunmakwulupa-a. »#Pobi ki 33.19.
16Niŋ ɲaan ki tɛ, koŋ tɔri tenŋ dintɛ bi walima ntiŋ mabi ncusun-a Kirinŋ i ntiŋ sunmakwulupa kì, nka niŋ i ma kɛɲɛ-a sunmakwulupatɔnŋ Kirinŋ dintɛ bi ki wu. 17Kirinŋ ǹʼbi-i Firawuna tɛ awɔ wulu sɛbɛ kiri ru tu :
« Míŋ miŋ ji-i masa a ŋuŋ wɔ̀ ra tikitiki, niŋ i,
nwɔma ŋí i miŋ sɔɔ, ŋí i ńʼwɔ sotinbi ki ji,
niŋ fa míŋ tɔ ki i bi pwɔkulinŋ ki mani ki bataa ru. »#Pobi ki 9.16.
18Niŋ ki ra, Kirinŋ i ǹʼtɛ a i konwɔtiŋ sunmakwulupa, ŋì i nintiŋ sunmakwulupa-a, ŋì i ǹʼtɛ a i konwɔtiŋ ɲakilila furu, ŋì i nintiŋ ɲakilila furu-ra.
Kirinŋ wɔ tɔnkwulu ki fa ǹʼwɔ sunmakwulupabi ki
19Ǹʼbɛɛ ra so ǹʼbi-i tu : « Nfɛnŋ na, Kirinŋ i ji faa jɛbi-a konaŋ gbɛ? Nkɛnŋ a so a kaan-a ǹʼdintɛ bi ki sun? » 20Miŋ konanmini, miŋ nkɛnŋ, fɔ miŋ i Kirinŋ sɔsɔ-ri? Duŋ a so ǹʼbi-i a ramɔnɔtɔnŋ ki tɛ tu : « Nfɛnŋ na, miŋ míŋ namɔni ka ɲaan ka tɛ wa? » 21Duŋ namɔnɔtɔnŋ ki a dintɛ bi ki ma-a jɔ ki wu kì wa? Ntiŋ i so-a miŋ jɔ tenŋ ki sɔɔ-ɔ, ntiŋ i duŋ shɔɔrinŋ kpaafuru ramɔni, ntiŋ i mìŋ jɔ tenŋ ki sɔɔ, ntiŋ i duŋ kpaajii ramɔni.
22Kirinŋ wuru ǹʼtɛ a i awɔ tɔnkwulu ki fa awɔ sotinbi ki ji konaŋ haliki wɔ kiri wu, nka ŋì a tɔnsunfili-i kí tɛ kusɛbɛ, ŋì i kɔ́ɔ́ bi kiri kwun a ru, miŋ a nfɛnŋ bi niŋ na? 23Kirinŋ niŋ ma-i, ŋì i awɔ nɔɔri sinaŋ ki ji kpeeri wu, ŋì nini wɔ̀ri sunmakwulupa-i, ŋì i ji kí ramɔni bo-ri a nɔɔri ki tɛ kabi juniɲa cɛtu ki jɛŋ.
24Yibɛɛ kiri i niŋ finŋ sunmakwulupa wɔ kiri, Kirinŋ yibɛɛ wɔ̀ri dɔri-i, ŋì i po Yawutu kiri fa shiya tɔri kiri ru. 25Ŋì ninki bi-i Ose wɔ sɛbɛ ki ru tu :
« Koŋ wɔ̀ri wuru mɔ́ɔ́n konanbi i kì,
míŋ a nini dɔri tu ńʼwɔ konanbi.
Koŋ wɔ̀ri wuru míŋ dintɛtɔnŋ ni i kì,
míŋ a nini dɔri tu ńʼdintɛtiiri.#Ose 2.22.
26Ǹʼbi wuru kí tɛ mani wɔ̀ ru tu :
‹ Ábɛɛ mɔ́ɔ́n konanbi i kì ›,
ŋì a bi kí tɛ mìŋ mani tenŋ ki ru tu,
‹ ábɛɛ i Kirinŋ ɲaninkulutɔnŋ ki daŋ ni i. › »#Ose 2.1–3; 2.25.
27Cintɔnŋ Esayi yɛri ki fali-i, ntiŋ i ǹʼbi Isirayɛlitɔnŋ kiri bi sun tu :
« Hali Isirayɛlitɔnŋ kiri mwɔ miŋ tu baa tɔnŋ na ɲɛniŋ,
kí pyɛ tumaan ki bantenŋ a a mwu.
28Sabu Ŋuntiŋ ki nwɔ̀ bi-i, ŋì a niŋ ma,
ŋì i ǹʼnafaa pwɔkulinŋ sun jona jona,
fɔ ŋì i so a daŋ ki ra. »#Esayi 10.22–23.
29Cintɔnŋ Esayi ǹʼbi wuru sɛbɛ tu :
« A kari jɛntɔnŋ kiri Ŋuntiŋ ki ji wuru yibɛɛ tu pyɛ tu-ri kì,
yibɛɛ wuru-ra ji miŋ tu Sodɔmu,
yibɛɛ wuru-ra ji Gomɔri sali. »#Esayi 1.9.
Telibi ki kila-a sariya ki sababu ra kì
(Ɔrɔmutɔnŋ kiri 3.19–29; Galasitɔnŋ kiri 3.8–14, 21–29)
30Ka bataa nfɛnŋ bi-a dɔnsaŋ? Ǹʼyɔ ǹʼbi-a tu shiya tɔri wɔ̀ri wuru telibi ki ceeli-la kì, Kirinŋ nini shɛɛli-i koŋ telimaan ni i a yɛri ɲaanfɛ bilinabi ki baraka ra. 31Nka Isirayɛlitɔnŋ kiri, kíbɛɛ wɔ̀ri wuru telibi ki ceeli-la sariya ki baraka ra, kíbɛɛ ǹʼpɔli-i. 32Nfɛnŋ na? Sabu kíbɛɛ wuru telibi ki ceeli-la bilinabi ki baraka ra kì, nka kí wuru ǹʼceeli-la arì mabi kiri wu. Niŋ ki ra, kí i arì kanŋ nakwuru arì fɛɛn kwɔ ra, 33miŋ tu ǹʼsɛbɛ-i Kirinŋ wɔ wulu ki ru ɲaan wɔ̀ tɛ tu :
« Míŋ a kanŋ nakwuru kwɔ sɔɔ-ɔ Siyɔn,
faa yɛ, nwɔ̀ i koŋ fɛɛn-na.
A konwɔtiŋ bili niŋ kwɔ ki ra,
nintiŋ a ɲaankwun fyewu kì. »#Esayi 28.16.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.