Ɔrɔmutɔnŋ kiri 15
15
Bilinatɔnŋ kiri wɔ maŋ dintɛbi mabi ki
1Yibɛɛ wɔ̀ri wɔ bilinabi ki faan ki gbɛ-i, yi ye yi tindaŋ bilinatɔnŋ ni tɛ, nwɔ̀ri wɔ bilinabi ki rakuru-i, yi i kɔ́ɔ́ baraka kurubi ki shii ki shi. Yi fa yi yɛri dintɛ bi ri ma-ni kì. 2Koŋ fɔn tenŋ tenŋ ǹʼceeli, ŋi i nʼkaashi ki dintɛ bi kiri ma, nwɔma ntiŋ i shɔ, ǹʼbɛɛ i bo ntiŋ wɔ bilinabi ki sun. 3Kirisa a yɛri dintɛ bi ceeli kì, nka miŋ tu Kirinŋ wɔ wulu sɛbɛ kiri i ǹʼbi-a ɲaan wɔ̀ tɛ tu : « Miŋ kitɔnŋ kiri miŋ ki kì, nka kí mínki ki-i. »
4Finŋ woo finŋ sɛbɛ-i Kirinŋ wɔ wulu sɛbɛ ki ru kabi fɔlɔfɔlɔ, yìrì sɛbɛ ŋuŋ ki ji-i tu yìrì yibɛɛ kali. Niŋ ɲaan ki tɛ, Kirinŋ wɔ wulu ki i tɔnsunfili wɔ̀ fa cunadibi wɔ̀ wɔri-ra, yibɛɛ i gbɛbilimaŋ kila niŋ nu.
5Kirinŋ wɔ̀ ki i tɔnsunfili ki fa cunadibi ki wɔri-ra, niŋ ncusun á i fu tenŋ sun, á i ji Yesu Kirisa rakitiiri i. 6A niŋ ma, ábɛɛ bataa ra dɛbɛ, á i á wulu ki ji tenŋ i, á i Kirinŋ gbɛ, ninwɔ̀ i yibɛɛ Ŋuntiŋ Yesu Kirisa Tiŋ ki i.
Yesu Kirisa na-i konaŋ ki bataa bira
(Efɛsitɔnŋ kiri 2.11–19)
7Kirisa ji-i ábɛɛ tɛ ɲaan wɔ̀ tɛ, á ji ámaŋ tɛ mìŋ ɲaan tenŋ ki tɛ, á i gbɛbi bili Kirinŋ tɔ ki sun. 8Míŋ i ǹʼbi-a ábɛɛ tɛ, ńʼtu Kirisa ji Yawutu kiri tɛ baara matɔnŋ i, nwɔma ŋì i Kirinŋ wɔ dariwulutinbi ki ji. Niŋ ɲaan ki tɛ, Kirinŋ a tɔnŋ wɔri wuru kí tiŋ cɛɛnni kiri tɛ bi woo bi ra, ntiŋ nini nafaa-a. 9Ntiŋ na-i sɛbɛ, nwɔma shiya tɔri kiri i so Kirinŋ gbɛ-i, awɔ sunmakwulupabi ki bira, miŋ tu ǹʼsɛbɛ-i Kirinŋ wɔ wulu sɛbɛ ki ru ɲaan wɔ̀ tɛ tu :
« Niŋ ki ra, míŋ a miŋ gbɛ shiya tɔri kiri faninmwuŋ,
ŋí i nʼtɔ ki gbɛ shu ri ru. »
10Ǹʼsɛbɛ-i sɛbɛ tu :
« Ábɛɛ shiya tɔri kiri,
á á ciirudi Kirinŋ wɔ konanbi ki fan! »
11Niŋ fa sɛbɛ-i tu :
« Ábɛɛ shiya tɔri kiri, á bataa Ŋuntiŋ ki gbɛ.
Ábɛɛ juniɲa nu konaŋ ki bataa,
á Ŋuntiŋ ki gbɛ. »
12Cintɔnŋ Esayi ǹʼbi-i sɛbɛ :
« Kaninu bɛɛ ra na po Yesayi ru.
Ntiŋ a na jɔrɔkɔ ji shiya kiri ŋununtiŋ i.
Ntiŋ a na ji shiya tɔri kiri gbɛbilimaŋ i. »
13Yibɛɛ gbɛbilimaŋ ki i Kirinŋ wɔ̀, míŋ i niŋ nafɛ-a ńʼtu ŋì i ciirudibi fa tɔnsunfili wɔri á tɛ, bilinabi ki baraka ra, nwɔma á gbɛbilimaŋ ki i gbɛ kusɛbɛ Ɲiniwɔlinŋ ki wɔ sotinbi ki baraka ra.
Pooli wɔ baara ki shiya tɔri kiri kanfɛ
(Korɛntitɔnŋ kiri (2) 10.13–18)
14Ńʼtindaŋ ni, míŋ kɔniŋ bili-i ǹʼna, ńʼtu ábɛɛ faa-a shɔɔrinŋ fa tɔbi ra, ńʼtu ábɛɛ ra so ámaŋ nacin-i. 15Niŋ fa a fɔn na, míŋ ńʼŋununfuru-i, ŋí i bi bɛɛ ri sɛbɛ wɔri ta ábɛɛ tɛ, ŋí i ábɛɛ ɲakilila bo yìrì bi tɛ. Míŋ i niŋ ma-a, ŋì i kɛɲɛ Kirinŋ wɔ shɔɔrinŋ mamaan ki wu míŋ tɛ. 16Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.
17Niŋ ki ra, míŋ a so ńʼyɛri ragbɛ-i ńʼwɔ Kirinŋ tɛ baara ki wu, Yesu Kirisa baraka ra. 18Yesu Kirisa nwɔ̀ ki ma-i míŋ gbɛfɛ, nwɔma shiya kiri i Kirinŋ gbɛ, a míŋ ji-a wulubi, míŋ a wulubi nini bantenŋ bi sun. Ŋì nini ma-i míŋ wulu fa ńʼmabi ri wu, 19niŋ fa awɔ taanmashɛ kiri fa awɔ kabakobi kiri wɔ sotinbi ki wu, Ɲiniwɔlinŋ ki wɔ sotinbi ki i nini wɔ̀ri wɔri-ra. Niŋ ɲaan ki tɛ, míŋ so-i Kirisa Wulujii ki sunjo-i mani bataa ru, ŋì i shi Yerusalɛmu fa a tonfan sɔɔta kiri bataa ra, ŋì i ta so fɔ Iliri kɛniŋ ki ru. 20Kirisa tɔ ki bi-ri mani wɔ̀ri ru sun kì, míŋ wuru ǹʼtɛ, ŋí i ta Kirinŋ wɔ Wulujii ki sunjo mani tɔri ru, niŋ mani kiri ciniŋ kì, nwɔma míŋ fa na ta baara ma koŋ tɔri wɔ cɛ sɔɔmaan sun kì. 21Miŋ tu ǹʼsɛbɛ-i Kirinŋ wɔ wulu sɛbɛ ki ru ɲaan wɔ̀ tɛ tu :
« Ǹʼwulu ki bi-ri nwɔ̀ri tɛ kì, nini a ǹʼja.
Nwɔ̀ri ǹʼwulu ki rama-ni kì, nini a ǹʼɲaantɔ. »
Pooli ta bi ki Ɔrɔmu
22Niŋ cinŋ kiri mamaanna ki míŋ suu-u ta ki sun ábɛɛ tɛ kaan mwɔɔnna.
23Nka dɔnsaŋ, mɔ́ɔ́n cinŋ ki rafaa-a kwumaŋ sɔɔta kiri ru. Ŋì i jiri dama po-i kɔ, ǹʼdi wuru míŋ tɛ kusɛbɛ, ŋí i ta po ábɛɛ tɛ. 24Á míŋ ji-a ta Ɛsipaɲi waarinŋ wɔ̀ ru, míŋ a fwuude ábɛɛ tɛ nmaŋ. Á yi ta yimaŋ nafyii kɔ waarinŋ wɔ̀ ru, míŋ i ǹʼtɛ, ábɛɛ ye míŋ tɛ, ŋí i so niŋ kɛniŋ ki ru.
25Nka, míŋ ta ki jɛŋ ábɛɛ tɛ, míŋ kakan-i ŋí i ta Yerusalɛmu sun, ŋí i ta ye Kirinŋ wɔ konanbi ki tɛ niŋ mani ki ru. 26Sabu, Maseduwanɛ fa Akayi bilinatɔnŋ kiri fu-i ǹʼsun, tu arìbɛɛ ra ye Kirinŋ wɔ konanbi gbɛwɔ kiri tɛ, Yerusalɛmu kili ki ru, arì gbɛfɛfinŋ ni wu. 27Kí niŋ po-i arì yɛri ru, nka kí kakan wuru-i kí i ǹʼma. Sabu, Yawutu kiri Kirinŋ wɔ shɔɔrinŋ wɔ̀ kila-i, a kíbɛɛ shiya tɔri kiri ji lu kila niŋ na, ǹʼshɔ-i kíbɛɛ yɛrima kiri i ye Yawutu bilinatɔnŋ kiri tɛ, arì gbɛfɛfinŋ ni wu. 28A míŋ niŋ bi kiri ɲaanpo kɔ waarinŋ wɔ̀ ru, ŋí i niŋ gbɛfɛfinŋ nakɔlimaan kiri wɔri Yerusalɛmu bilinatɔnŋ kiri tɛ, míŋ a fwuude ábɛɛ tɛ nmaŋ, ŋí i kila, ŋí i tiri Ɛsipaɲi. 29Míŋ bili-i ǹʼna, ńʼtu míŋ na so ábɛɛ tɛ, ńʼtu yibɛɛ ra ta waaci wɔ̀ ma yimaŋ fan, ńʼtu Kirisa a baraka de niŋ nu ǹʼmwɔɔnna.
30Ńʼtindaŋ ni, míŋ i ábɛɛ rafɛ-a, ńʼtu á ǹʼma Ŋuntiŋ Yesu Kirisa bira, niŋ fa Ɲiniwɔlinŋ ki wɔ bidintɛbi ki bira, á i ye míŋ tɛ ka kari ka ra, áwɔ Kirinŋ nafɛ kiri wu míŋ tɛ. 31Á Kirinŋ nafɛ, nwɔma míŋ i ńʼmwu Yude kɛniŋ ki ru Kirinŋ wulu pabali kiri wu, niŋ fa míŋ i ta-a buɲafinŋ wɔ̀ri wu Yerusalɛmu, Kirinŋ wɔ konanbi ki i ta nini mwu ciirudibi wu. 32A niŋ ma, míŋ ciirudimaan a so ábɛɛ tɛ, ŋì i kɛɲɛ Kirinŋ dintɛ bi ki wu, niŋ fa ŋí i so ńʼnufaan-a pyaanniŋ ábɛɛ gbɛ nmaŋ.
33Kirinŋ wɔ̀ ki i ɲaanfɛfili ki wɔri-ra, niŋ tu á bataa fan. Amiina!
Zvasarudzwa nguva ino
Ɔrɔmutɔnŋ kiri 15: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Ɔrɔmutɔnŋ kiri 15
15
Bilinatɔnŋ kiri wɔ maŋ dintɛbi mabi ki
1Yibɛɛ wɔ̀ri wɔ bilinabi ki faan ki gbɛ-i, yi ye yi tindaŋ bilinatɔnŋ ni tɛ, nwɔ̀ri wɔ bilinabi ki rakuru-i, yi i kɔ́ɔ́ baraka kurubi ki shii ki shi. Yi fa yi yɛri dintɛ bi ri ma-ni kì. 2Koŋ fɔn tenŋ tenŋ ǹʼceeli, ŋi i nʼkaashi ki dintɛ bi kiri ma, nwɔma ntiŋ i shɔ, ǹʼbɛɛ i bo ntiŋ wɔ bilinabi ki sun. 3Kirisa a yɛri dintɛ bi ceeli kì, nka miŋ tu Kirinŋ wɔ wulu sɛbɛ kiri i ǹʼbi-a ɲaan wɔ̀ tɛ tu : « Miŋ kitɔnŋ kiri miŋ ki kì, nka kí mínki ki-i. »
4Finŋ woo finŋ sɛbɛ-i Kirinŋ wɔ wulu sɛbɛ ki ru kabi fɔlɔfɔlɔ, yìrì sɛbɛ ŋuŋ ki ji-i tu yìrì yibɛɛ kali. Niŋ ɲaan ki tɛ, Kirinŋ wɔ wulu ki i tɔnsunfili wɔ̀ fa cunadibi wɔ̀ wɔri-ra, yibɛɛ i gbɛbilimaŋ kila niŋ nu.
5Kirinŋ wɔ̀ ki i tɔnsunfili ki fa cunadibi ki wɔri-ra, niŋ ncusun á i fu tenŋ sun, á i ji Yesu Kirisa rakitiiri i. 6A niŋ ma, ábɛɛ bataa ra dɛbɛ, á i á wulu ki ji tenŋ i, á i Kirinŋ gbɛ, ninwɔ̀ i yibɛɛ Ŋuntiŋ Yesu Kirisa Tiŋ ki i.
Yesu Kirisa na-i konaŋ ki bataa bira
(Efɛsitɔnŋ kiri 2.11–19)
7Kirisa ji-i ábɛɛ tɛ ɲaan wɔ̀ tɛ, á ji ámaŋ tɛ mìŋ ɲaan tenŋ ki tɛ, á i gbɛbi bili Kirinŋ tɔ ki sun. 8Míŋ i ǹʼbi-a ábɛɛ tɛ, ńʼtu Kirisa ji Yawutu kiri tɛ baara matɔnŋ i, nwɔma ŋì i Kirinŋ wɔ dariwulutinbi ki ji. Niŋ ɲaan ki tɛ, Kirinŋ a tɔnŋ wɔri wuru kí tiŋ cɛɛnni kiri tɛ bi woo bi ra, ntiŋ nini nafaa-a. 9Ntiŋ na-i sɛbɛ, nwɔma shiya tɔri kiri i so Kirinŋ gbɛ-i, awɔ sunmakwulupabi ki bira, miŋ tu ǹʼsɛbɛ-i Kirinŋ wɔ wulu sɛbɛ ki ru ɲaan wɔ̀ tɛ tu :
« Niŋ ki ra, míŋ a miŋ gbɛ shiya tɔri kiri faninmwuŋ,
ŋí i nʼtɔ ki gbɛ shu ri ru. »
10Ǹʼsɛbɛ-i sɛbɛ tu :
« Ábɛɛ shiya tɔri kiri,
á á ciirudi Kirinŋ wɔ konanbi ki fan! »
11Niŋ fa sɛbɛ-i tu :
« Ábɛɛ shiya tɔri kiri, á bataa Ŋuntiŋ ki gbɛ.
Ábɛɛ juniɲa nu konaŋ ki bataa,
á Ŋuntiŋ ki gbɛ. »
12Cintɔnŋ Esayi ǹʼbi-i sɛbɛ :
« Kaninu bɛɛ ra na po Yesayi ru.
Ntiŋ a na jɔrɔkɔ ji shiya kiri ŋununtiŋ i.
Ntiŋ a na ji shiya tɔri kiri gbɛbilimaŋ i. »
13Yibɛɛ gbɛbilimaŋ ki i Kirinŋ wɔ̀, míŋ i niŋ nafɛ-a ńʼtu ŋì i ciirudibi fa tɔnsunfili wɔri á tɛ, bilinabi ki baraka ra, nwɔma á gbɛbilimaŋ ki i gbɛ kusɛbɛ Ɲiniwɔlinŋ ki wɔ sotinbi ki baraka ra.
Pooli wɔ baara ki shiya tɔri kiri kanfɛ
(Korɛntitɔnŋ kiri (2) 10.13–18)
14Ńʼtindaŋ ni, míŋ kɔniŋ bili-i ǹʼna, ńʼtu ábɛɛ faa-a shɔɔrinŋ fa tɔbi ra, ńʼtu ábɛɛ ra so ámaŋ nacin-i. 15Niŋ fa a fɔn na, míŋ ńʼŋununfuru-i, ŋí i bi bɛɛ ri sɛbɛ wɔri ta ábɛɛ tɛ, ŋí i ábɛɛ ɲakilila bo yìrì bi tɛ. Míŋ i niŋ ma-a, ŋì i kɛɲɛ Kirinŋ wɔ shɔɔrinŋ mamaan ki wu míŋ tɛ. 16Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.
17Niŋ ki ra, míŋ a so ńʼyɛri ragbɛ-i ńʼwɔ Kirinŋ tɛ baara ki wu, Yesu Kirisa baraka ra. 18Yesu Kirisa nwɔ̀ ki ma-i míŋ gbɛfɛ, nwɔma shiya kiri i Kirinŋ gbɛ, a míŋ ji-a wulubi, míŋ a wulubi nini bantenŋ bi sun. Ŋì nini ma-i míŋ wulu fa ńʼmabi ri wu, 19niŋ fa awɔ taanmashɛ kiri fa awɔ kabakobi kiri wɔ sotinbi ki wu, Ɲiniwɔlinŋ ki wɔ sotinbi ki i nini wɔ̀ri wɔri-ra. Niŋ ɲaan ki tɛ, míŋ so-i Kirisa Wulujii ki sunjo-i mani bataa ru, ŋì i shi Yerusalɛmu fa a tonfan sɔɔta kiri bataa ra, ŋì i ta so fɔ Iliri kɛniŋ ki ru. 20Kirisa tɔ ki bi-ri mani wɔ̀ri ru sun kì, míŋ wuru ǹʼtɛ, ŋí i ta Kirinŋ wɔ Wulujii ki sunjo mani tɔri ru, niŋ mani kiri ciniŋ kì, nwɔma míŋ fa na ta baara ma koŋ tɔri wɔ cɛ sɔɔmaan sun kì. 21Miŋ tu ǹʼsɛbɛ-i Kirinŋ wɔ wulu sɛbɛ ki ru ɲaan wɔ̀ tɛ tu :
« Ǹʼwulu ki bi-ri nwɔ̀ri tɛ kì, nini a ǹʼja.
Nwɔ̀ri ǹʼwulu ki rama-ni kì, nini a ǹʼɲaantɔ. »
Pooli ta bi ki Ɔrɔmu
22Niŋ cinŋ kiri mamaanna ki míŋ suu-u ta ki sun ábɛɛ tɛ kaan mwɔɔnna.
23Nka dɔnsaŋ, mɔ́ɔ́n cinŋ ki rafaa-a kwumaŋ sɔɔta kiri ru. Ŋì i jiri dama po-i kɔ, ǹʼdi wuru míŋ tɛ kusɛbɛ, ŋí i ta po ábɛɛ tɛ. 24Á míŋ ji-a ta Ɛsipaɲi waarinŋ wɔ̀ ru, míŋ a fwuude ábɛɛ tɛ nmaŋ. Á yi ta yimaŋ nafyii kɔ waarinŋ wɔ̀ ru, míŋ i ǹʼtɛ, ábɛɛ ye míŋ tɛ, ŋí i so niŋ kɛniŋ ki ru.
25Nka, míŋ ta ki jɛŋ ábɛɛ tɛ, míŋ kakan-i ŋí i ta Yerusalɛmu sun, ŋí i ta ye Kirinŋ wɔ konanbi ki tɛ niŋ mani ki ru. 26Sabu, Maseduwanɛ fa Akayi bilinatɔnŋ kiri fu-i ǹʼsun, tu arìbɛɛ ra ye Kirinŋ wɔ konanbi gbɛwɔ kiri tɛ, Yerusalɛmu kili ki ru, arì gbɛfɛfinŋ ni wu. 27Kí niŋ po-i arì yɛri ru, nka kí kakan wuru-i kí i ǹʼma. Sabu, Yawutu kiri Kirinŋ wɔ shɔɔrinŋ wɔ̀ kila-i, a kíbɛɛ shiya tɔri kiri ji lu kila niŋ na, ǹʼshɔ-i kíbɛɛ yɛrima kiri i ye Yawutu bilinatɔnŋ kiri tɛ, arì gbɛfɛfinŋ ni wu. 28A míŋ niŋ bi kiri ɲaanpo kɔ waarinŋ wɔ̀ ru, ŋí i niŋ gbɛfɛfinŋ nakɔlimaan kiri wɔri Yerusalɛmu bilinatɔnŋ kiri tɛ, míŋ a fwuude ábɛɛ tɛ nmaŋ, ŋí i kila, ŋí i tiri Ɛsipaɲi. 29Míŋ bili-i ǹʼna, ńʼtu míŋ na so ábɛɛ tɛ, ńʼtu yibɛɛ ra ta waaci wɔ̀ ma yimaŋ fan, ńʼtu Kirisa a baraka de niŋ nu ǹʼmwɔɔnna.
30Ńʼtindaŋ ni, míŋ i ábɛɛ rafɛ-a, ńʼtu á ǹʼma Ŋuntiŋ Yesu Kirisa bira, niŋ fa Ɲiniwɔlinŋ ki wɔ bidintɛbi ki bira, á i ye míŋ tɛ ka kari ka ra, áwɔ Kirinŋ nafɛ kiri wu míŋ tɛ. 31Á Kirinŋ nafɛ, nwɔma míŋ i ńʼmwu Yude kɛniŋ ki ru Kirinŋ wulu pabali kiri wu, niŋ fa míŋ i ta-a buɲafinŋ wɔ̀ri wu Yerusalɛmu, Kirinŋ wɔ konanbi ki i ta nini mwu ciirudibi wu. 32A niŋ ma, míŋ ciirudimaan a so ábɛɛ tɛ, ŋì i kɛɲɛ Kirinŋ dintɛ bi ki wu, niŋ fa ŋí i so ńʼnufaan-a pyaanniŋ ábɛɛ gbɛ nmaŋ.
33Kirinŋ wɔ̀ ki i ɲaanfɛfili ki wɔri-ra, niŋ tu á bataa fan. Amiina!
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.