Ɔrɔmutɔnŋ kiri 11
11
Kirinŋ a a kaan Isirayɛlitɔnŋ kiri tɛ kì
1Míŋ tu, Kirinŋ a kaan-a awɔ konanbi ki tɛ wa? Fyewu! Sabu míŋ yɛrima ki i Isirayɛlidaŋ ki bɛɛ ɛ, ŋì i po Bɛnyamɛŋ wɔ kanintɔnŋ ki ru. Míŋ i Aburahamu nupo ki bɛɛ ɛ. 2Kirinŋ awɔ konanbi wɔ̀ ɲaannashi-i kabi juniɲa cɛtu ki jɛŋ, ŋì a kaan niŋ tɛ kì. Cintɔnŋ Eli#11.2 Ǹʼbɛɛ ri i Eli tɔ ki ji-a tu Iliya. wulubi-i Kirinŋ wɔ wulu sɛbɛ ki ru mani wɔ̀ ru, ntiŋ Isirayɛlidaŋ kiri wɔ paka jɛ ki wulu bi Kirinŋ tɛ, á á ɲakilila bo niŋ tɛ. 3Ntiŋ tu : « Ŋuntiŋ ki, kí mɔɔn cintɔnŋ kiri kilɛn-i, kí i miŋ tɛ sarakawɔrɔmaŋ kiri li, ǹʼtu-i míŋ tenŋ i, kí i míŋ kilɛnmaŋ ceeli-li sɛbɛ. »
4Nka, Kirinŋ ntiŋ nupwulu dɔɔkunŋ? Kirinŋ tu : « Míŋ koŋ waa jɔnpɔni (7.000) tu-i ńʼyɛri tɛ, nini dantenŋ arì kwushiri Baali fɛ, kí i ǹʼgbɛ kì. » 5Mìŋ ɲaan tenŋ ki tɛ, yi i waaci wɔ̀ri ka dɔɔ, Isirayɛlidaŋ pyɛaŋ i nmaŋ, Kirinŋ nini wɔ̀ ɲaannashi-i, ŋì i kɛɲɛ awɔ shɔɔrinŋ ki wu. 6A Kirinŋ ji kí ɲaannashi, ŋì i ǹʼkɛɲɛ a yɛri ki wɔ shɔɔrinŋ wu, niŋ i ji-a tu kí mabi ri mwɔɔn i kì. A ǹʼji-ri ninkunŋ kì, Kirinŋ wɔ shɔɔrinŋ ki wuru-ra ji shɔɔrinŋ i kì. 7Niŋ nfɛnŋ bi-a? Isirayɛlitɔnŋ kiri wuru finŋ wɔ̀ ceeli-la, kí niŋ kila kì, nka Kirinŋ nwɔ̀ri ɲaannashi-i, nini ǹʼkila-i. Koŋ pyɛ kiri i arì tɔɔnnufuru, kí so sɛli ki tɔ-i kì. 8Niŋ i kɛɲɛ Kirinŋ wɔ wulu ki wu tu :
« Kirinŋ kí ciiru kiri la,
ŋì i maannajabali ɲaninaŋ ni wɔri kí tɛ,
ŋì i wulu lamabali tɔɔn ni wɔri kí tɛ,
fɔ ŋì i na so jiŋ sun. »#Esayi 29.10.
9 Masa Dawuda tu sɛbɛ tu :
« Kɔ́ɔ́ nufinŋ sinaŋ kiri ji kí pa pee cumaan ni i kí jɛŋ,
niŋ fa kí pa yaa ri i.
Yìrì i ji kí kanŋ nakwuru kwɔ ri,
yìrì i kí fɛɛn, niŋ i ji kí sali jɛ ɛ.
10Mancinŋ i de kí ɲaninaŋ kiri ru,
kí fa maannaja kì,
kí bwɔ kiri nukwunumaan i tu waarinŋ bataa ru. »#Shu kiri 69.23–24.
Yawutu kiri fa shiya tɔri kiri bi ki
(Matiyu 21.40–43; Efɛsitɔnŋ kiri 2.7–13)
11Niŋ na, míŋ tu Isirayɛlitɔnŋ kiri kanŋ nakwuru-i, kí i fɛɛn-ɛ pewu pewu wa? Aayi dɛ! Nka kɔ́ɔ́ fɔni ki ncusun-i shiya tɔri kiri i arì mwu, nwɔma tɛnbi i de Isirayɛlitɔnŋ kiri ru. 12A Isirayɛlitɔnŋ kiri wɔ fɔni ki ji ncusun juniɲa nu konaŋ kiri i ŋununadibi sinaŋ kila, kí waamaan ki i ncusun shiya tɔri kiri i ŋununadibi kila, a kí bataa rafaamaan ki na arì pwulu na Kirinŋ tɛ waarinŋ wɔ̀ ru, niŋ a ji bi sinaŋ i, ŋì i fwuu ǹʼbataa sun kì wa? 13Dɔnsaŋ, míŋ i ka wulu ka bi-a ábɛɛ shiya tɔri kiri tɛ, míŋ i cindaŋ i, nwɔ̀ cin-i shiya tɔri kiri tɛ. Míŋ i ńʼciirudi-a niŋ cinŋ ki wu kusɛbɛ, 14nwɔma tɛnbi i de míŋ tindaŋ Yawutu kiri ru, niŋ i ji sababu, ǹʼbɛɛ ri i arì mwu. 15A kí pomaan ki kɛlinsun, a niŋ ji ncin Kirinŋ fa juniɲa nu konaŋ kiri faninmwuŋ ki i ramɔni, a Kirinŋ kí shi, niŋ a ji dɔɔkunŋ sa? Ŋì a na ji miŋ tu konkwuu ŋmɛni po san beŋ nu kì wa? 16A nufinŋ ki jɔnɔ ki wɔri Kirinŋ tɛ, nufinŋ pyɛ ki bataa i Kirinŋ wɔ#Nubitan kiri 15.17–21.. A jirinŋ ki kanaŋ ki wɔri Kirinŋ tɛ, jirinŋ kanŋ kiri yɛrima kiri i ǹʼwɔ ri.
17Isirayɛlitɔnŋ kiri i miŋ tu ji ru olinfye#11.17 Ɲɛniŋ sun jirinŋ yɛ, ǹʼŋmaka ki i so-a mɛtɛri byinŋ sun. Ɲɛniŋ sun tɔnŋ kiri i ǹʼji-a jirinŋ kɔri shɔɔrinŋ i. Niŋ fa ǹʼgbɛmaŋ di kì. Niŋ shɔ jirinŋ ki i jiri mwɔɔnna ma-a fɔlɔ, ŋì i kila ŋì i gbɛ. Nu jirinŋ yɛ, nwɔ̀ fa shɔ jirinŋ po-i. jirinŋ kanŋ ni i. Kirinŋ niŋ kanŋ kiri wɔ̀ri bɛɛ ri kwuru-i, ŋì i juunŋ olinfye jirinŋ kanŋ ni kwuru, ŋì i na nini kɔli, niŋ ji ru olinfye jirinŋ kanŋ kwurumaan kiri ta ru. Niŋ juunŋ olinfye jirinŋ wɔ̀ i ábɛɛ shiya tɔri kiri i, ábɛɛ i niŋ ji ru olinfye jirinŋ ki kanaŋ ki fa a jɔɔ ki bɛɛ kila-a. 18Niŋ na, fa nʼyɛri ragbɛ niŋ ji ru olinfye jirinŋ kanŋ kiri ɲaanfɛ kì, sabu minki jirinŋ kanaŋ ki tɔnnafɛ-a kì, nka kanaŋ ki i miŋ tɔnnafɛ-a.
19Miŋ a so ǹʼbi-i tu : « Niŋ jirinŋ kanŋ kiri kwuru san nmaŋ, nwɔma míŋ i da yìrì ta ru. » 20Sɛli yɛ, nini wɔ bilinabalibi ki ncin-i yìrì i kwuru san nmaŋ, mɔɔn bilinabi ki i ncin miŋ i da tu nmaŋ. Niŋ ki ra, fa nʼyɛri ragbɛ kì, nka kɛni dɛ. 21Sabu a Kirinŋ ji jirinŋ ki yɛrima ki kanŋ kiri tu nmaŋ kì, ŋì a miŋ yɛrima ki tu nmaŋ kì dɛ. 22Ǹʼshɛɛli, Kirinŋ wɔ shɔɔrinŋ ki fa ǹʼwɔ fariyabi ki i ma-a ka ɲaan ka tɛ. Nwɔ̀ri fɛɛn-ɛ, ǹʼwɔ fariyabi ki so-i nini sun, ŋì i awɔ shɔɔrinŋ ma miŋ tɛ. Niŋ na, nʼbanba, ŋi i tu niŋ shɔɔrinŋ ki ru, a niŋ ji-i kì, miŋ yɛrima ki ra kwuru san nmaŋ.
23A Isirayɛlitɔnŋ kiri po san arɔɔ bilinabalibi ki ru, Kirinŋ a kí pwulu da arì damaŋ bwuumaan ki ru, sabu so i ǹʼgbɛ, ŋì i kí da arì damaŋ bwuumaan ki ru. 24Miŋ wuru miŋ tu juunŋ olinfye jirinŋ kanŋ, Kirinŋ ninwɔ̀ kwuru-i, ŋi i na ǹʼda ji ru olinfye jirinŋ kanŋ na. Miŋ fa niŋ wuru kwuru kì. A Kirinŋ ji niŋ ma, kanŋ wɔ̀ri kwuru-i ji ru olinfye jirinŋ ki yɛrima ki ra, nini damaŋ a di ǹʼgbɛ ŋì i fwuu mɔɔn ki sun kì wa?
Isirayɛli mwu bi ki
25Ayiwa ńʼtindaŋ ni, míŋ i ǹʼtɛ ábɛɛ i tu ka gonto ka tɔbali kì, nwɔma á fa na á yɛri ji ɲakilitiŋ ni i kì. Isirayɛlidaŋ kiri bɛɛ ri ɲakilila ki ra furu tu, fɔ Kirinŋ wɔ̀ri ɲaannashi-i shiya tɔri kiri ru, nini bataa i na Kirinŋ tɛ sun. 26Niŋ ɲaan ki tɛ, Isirayɛlitɔnŋ kiri bataa ra na arì mwu, miŋ tu ǹʼsɛbɛ-i ɲaan wɔ̀ tɛ, tu :
« Mwutɔnŋ ki ra na, ŋì i po Siyɔn#Yuhana 12.15.,
ŋì i na Yakuba daŋ kiri wɔ telibalibi ki po san kí ru.
27Waarinŋ wɔ̀ ru, a míŋ kɔ́ɔ́ bijɛ kiri tu kí tɛ,
ninki a na ji mɔ́ɔ́n tɔnwɔri ki i kí tɛ. »#Esayi 27.9.
28Isirayɛlidaŋ kiri arì kaan-a Kirinŋ wɔ Wulujii ki tɛ, niŋ i kí ji Kirinŋ ɲa ni i, nwɔma ábɛɛ i ŋununadibi kila. Nka, ŋì i kɛɲɛ Kirinŋ wɔ ɲaannashika ki wu, kí bidi-i Kirinŋ tɛ arì tiŋ cɛɛnni kiri bira. 29Sabu, a Kirinŋ finŋ wɔri koŋ tɛ, ŋì a pwulu-la ŋì i ǹʼmwu kì, a ŋì koŋ dɔri, ŋì a pwulu-la ŋì a kaan ntiŋ tɛ kì. 30Ábɛɛ yɛrima kiri wuru Kirinŋ wulu pa-a sun kì, nka Kirinŋ ábɛɛ sunmakwulupa-i dɔnsaŋ, kíbɔɔ Kirinŋ wulu pabalibi ki bira. 31Kíbɛɛ yɛrima kiri wɔ ki i mìŋ ɲaan ki tɛ. Kíbɛɛ ji-i Kirinŋ wulu pabali li i dɔnsaŋ, nwɔma Kirinŋ i ábɛɛ sunmakwulupa ɲaan wɔ̀ tɛ, ŋì a kíbɛɛ yɛrima kiri sunmakwulupa mìŋ ɲaan ki tɛ. 32Kirinŋ ncusun-i konaŋ kiri i ji miŋ tu nkasudaŋ ni i, arɔɔ kulubalibi ki bira, nwɔma a i awɔ sunmakwulupabi ki ji koŋ bataa wu.
Kirinŋ wɔ sotinbi sinaŋ ki bi ki
33Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì. 34Miŋ tu ǹʼsɛbɛ-i ɲaan wɔ̀ tɛ tu :
« Nkɛnŋ Ŋuntiŋ ki ɲakilila bi kiri tɔ-a?
Nkɛnŋ ji ǹʼnacintɔnŋ ki i?
35Nkɛnŋ finŋ wɔri-ri Ŋuntiŋ tɛ nmaŋ sun,
ŋì i ji-a na niŋ kɔni ki sali-li? »
36Finŋ bataa po-i Kirinŋ nu, finŋ bataa i ji a ta ru mìnki baraka ra, finŋ bataa i ǹʼwɔ. Ǹʼfa gbɛ kakan-i waarinŋ bataa ru. Amiina!
Zvasarudzwa nguva ino
Ɔrɔmutɔnŋ kiri 11: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Ɔrɔmutɔnŋ kiri 11
11
Kirinŋ a a kaan Isirayɛlitɔnŋ kiri tɛ kì
1Míŋ tu, Kirinŋ a kaan-a awɔ konanbi ki tɛ wa? Fyewu! Sabu míŋ yɛrima ki i Isirayɛlidaŋ ki bɛɛ ɛ, ŋì i po Bɛnyamɛŋ wɔ kanintɔnŋ ki ru. Míŋ i Aburahamu nupo ki bɛɛ ɛ. 2Kirinŋ awɔ konanbi wɔ̀ ɲaannashi-i kabi juniɲa cɛtu ki jɛŋ, ŋì a kaan niŋ tɛ kì. Cintɔnŋ Eli#11.2 Ǹʼbɛɛ ri i Eli tɔ ki ji-a tu Iliya. wulubi-i Kirinŋ wɔ wulu sɛbɛ ki ru mani wɔ̀ ru, ntiŋ Isirayɛlidaŋ kiri wɔ paka jɛ ki wulu bi Kirinŋ tɛ, á á ɲakilila bo niŋ tɛ. 3Ntiŋ tu : « Ŋuntiŋ ki, kí mɔɔn cintɔnŋ kiri kilɛn-i, kí i miŋ tɛ sarakawɔrɔmaŋ kiri li, ǹʼtu-i míŋ tenŋ i, kí i míŋ kilɛnmaŋ ceeli-li sɛbɛ. »
4Nka, Kirinŋ ntiŋ nupwulu dɔɔkunŋ? Kirinŋ tu : « Míŋ koŋ waa jɔnpɔni (7.000) tu-i ńʼyɛri tɛ, nini dantenŋ arì kwushiri Baali fɛ, kí i ǹʼgbɛ kì. » 5Mìŋ ɲaan tenŋ ki tɛ, yi i waaci wɔ̀ri ka dɔɔ, Isirayɛlidaŋ pyɛaŋ i nmaŋ, Kirinŋ nini wɔ̀ ɲaannashi-i, ŋì i kɛɲɛ awɔ shɔɔrinŋ ki wu. 6A Kirinŋ ji kí ɲaannashi, ŋì i ǹʼkɛɲɛ a yɛri ki wɔ shɔɔrinŋ wu, niŋ i ji-a tu kí mabi ri mwɔɔn i kì. A ǹʼji-ri ninkunŋ kì, Kirinŋ wɔ shɔɔrinŋ ki wuru-ra ji shɔɔrinŋ i kì. 7Niŋ nfɛnŋ bi-a? Isirayɛlitɔnŋ kiri wuru finŋ wɔ̀ ceeli-la, kí niŋ kila kì, nka Kirinŋ nwɔ̀ri ɲaannashi-i, nini ǹʼkila-i. Koŋ pyɛ kiri i arì tɔɔnnufuru, kí so sɛli ki tɔ-i kì. 8Niŋ i kɛɲɛ Kirinŋ wɔ wulu ki wu tu :
« Kirinŋ kí ciiru kiri la,
ŋì i maannajabali ɲaninaŋ ni wɔri kí tɛ,
ŋì i wulu lamabali tɔɔn ni wɔri kí tɛ,
fɔ ŋì i na so jiŋ sun. »#Esayi 29.10.
9 Masa Dawuda tu sɛbɛ tu :
« Kɔ́ɔ́ nufinŋ sinaŋ kiri ji kí pa pee cumaan ni i kí jɛŋ,
niŋ fa kí pa yaa ri i.
Yìrì i ji kí kanŋ nakwuru kwɔ ri,
yìrì i kí fɛɛn, niŋ i ji kí sali jɛ ɛ.
10Mancinŋ i de kí ɲaninaŋ kiri ru,
kí fa maannaja kì,
kí bwɔ kiri nukwunumaan i tu waarinŋ bataa ru. »#Shu kiri 69.23–24.
Yawutu kiri fa shiya tɔri kiri bi ki
(Matiyu 21.40–43; Efɛsitɔnŋ kiri 2.7–13)
11Niŋ na, míŋ tu Isirayɛlitɔnŋ kiri kanŋ nakwuru-i, kí i fɛɛn-ɛ pewu pewu wa? Aayi dɛ! Nka kɔ́ɔ́ fɔni ki ncusun-i shiya tɔri kiri i arì mwu, nwɔma tɛnbi i de Isirayɛlitɔnŋ kiri ru. 12A Isirayɛlitɔnŋ kiri wɔ fɔni ki ji ncusun juniɲa nu konaŋ kiri i ŋununadibi sinaŋ kila, kí waamaan ki i ncusun shiya tɔri kiri i ŋununadibi kila, a kí bataa rafaamaan ki na arì pwulu na Kirinŋ tɛ waarinŋ wɔ̀ ru, niŋ a ji bi sinaŋ i, ŋì i fwuu ǹʼbataa sun kì wa? 13Dɔnsaŋ, míŋ i ka wulu ka bi-a ábɛɛ shiya tɔri kiri tɛ, míŋ i cindaŋ i, nwɔ̀ cin-i shiya tɔri kiri tɛ. Míŋ i ńʼciirudi-a niŋ cinŋ ki wu kusɛbɛ, 14nwɔma tɛnbi i de míŋ tindaŋ Yawutu kiri ru, niŋ i ji sababu, ǹʼbɛɛ ri i arì mwu. 15A kí pomaan ki kɛlinsun, a niŋ ji ncin Kirinŋ fa juniɲa nu konaŋ kiri faninmwuŋ ki i ramɔni, a Kirinŋ kí shi, niŋ a ji dɔɔkunŋ sa? Ŋì a na ji miŋ tu konkwuu ŋmɛni po san beŋ nu kì wa? 16A nufinŋ ki jɔnɔ ki wɔri Kirinŋ tɛ, nufinŋ pyɛ ki bataa i Kirinŋ wɔ#Nubitan kiri 15.17–21.. A jirinŋ ki kanaŋ ki wɔri Kirinŋ tɛ, jirinŋ kanŋ kiri yɛrima kiri i ǹʼwɔ ri.
17Isirayɛlitɔnŋ kiri i miŋ tu ji ru olinfye#11.17 Ɲɛniŋ sun jirinŋ yɛ, ǹʼŋmaka ki i so-a mɛtɛri byinŋ sun. Ɲɛniŋ sun tɔnŋ kiri i ǹʼji-a jirinŋ kɔri shɔɔrinŋ i. Niŋ fa ǹʼgbɛmaŋ di kì. Niŋ shɔ jirinŋ ki i jiri mwɔɔnna ma-a fɔlɔ, ŋì i kila ŋì i gbɛ. Nu jirinŋ yɛ, nwɔ̀ fa shɔ jirinŋ po-i. jirinŋ kanŋ ni i. Kirinŋ niŋ kanŋ kiri wɔ̀ri bɛɛ ri kwuru-i, ŋì i juunŋ olinfye jirinŋ kanŋ ni kwuru, ŋì i na nini kɔli, niŋ ji ru olinfye jirinŋ kanŋ kwurumaan kiri ta ru. Niŋ juunŋ olinfye jirinŋ wɔ̀ i ábɛɛ shiya tɔri kiri i, ábɛɛ i niŋ ji ru olinfye jirinŋ ki kanaŋ ki fa a jɔɔ ki bɛɛ kila-a. 18Niŋ na, fa nʼyɛri ragbɛ niŋ ji ru olinfye jirinŋ kanŋ kiri ɲaanfɛ kì, sabu minki jirinŋ kanaŋ ki tɔnnafɛ-a kì, nka kanaŋ ki i miŋ tɔnnafɛ-a.
19Miŋ a so ǹʼbi-i tu : « Niŋ jirinŋ kanŋ kiri kwuru san nmaŋ, nwɔma míŋ i da yìrì ta ru. » 20Sɛli yɛ, nini wɔ bilinabalibi ki ncin-i yìrì i kwuru san nmaŋ, mɔɔn bilinabi ki i ncin miŋ i da tu nmaŋ. Niŋ ki ra, fa nʼyɛri ragbɛ kì, nka kɛni dɛ. 21Sabu a Kirinŋ ji jirinŋ ki yɛrima ki kanŋ kiri tu nmaŋ kì, ŋì a miŋ yɛrima ki tu nmaŋ kì dɛ. 22Ǹʼshɛɛli, Kirinŋ wɔ shɔɔrinŋ ki fa ǹʼwɔ fariyabi ki i ma-a ka ɲaan ka tɛ. Nwɔ̀ri fɛɛn-ɛ, ǹʼwɔ fariyabi ki so-i nini sun, ŋì i awɔ shɔɔrinŋ ma miŋ tɛ. Niŋ na, nʼbanba, ŋi i tu niŋ shɔɔrinŋ ki ru, a niŋ ji-i kì, miŋ yɛrima ki ra kwuru san nmaŋ.
23A Isirayɛlitɔnŋ kiri po san arɔɔ bilinabalibi ki ru, Kirinŋ a kí pwulu da arì damaŋ bwuumaan ki ru, sabu so i ǹʼgbɛ, ŋì i kí da arì damaŋ bwuumaan ki ru. 24Miŋ wuru miŋ tu juunŋ olinfye jirinŋ kanŋ, Kirinŋ ninwɔ̀ kwuru-i, ŋi i na ǹʼda ji ru olinfye jirinŋ kanŋ na. Miŋ fa niŋ wuru kwuru kì. A Kirinŋ ji niŋ ma, kanŋ wɔ̀ri kwuru-i ji ru olinfye jirinŋ ki yɛrima ki ra, nini damaŋ a di ǹʼgbɛ ŋì i fwuu mɔɔn ki sun kì wa?
Isirayɛli mwu bi ki
25Ayiwa ńʼtindaŋ ni, míŋ i ǹʼtɛ ábɛɛ i tu ka gonto ka tɔbali kì, nwɔma á fa na á yɛri ji ɲakilitiŋ ni i kì. Isirayɛlidaŋ kiri bɛɛ ri ɲakilila ki ra furu tu, fɔ Kirinŋ wɔ̀ri ɲaannashi-i shiya tɔri kiri ru, nini bataa i na Kirinŋ tɛ sun. 26Niŋ ɲaan ki tɛ, Isirayɛlitɔnŋ kiri bataa ra na arì mwu, miŋ tu ǹʼsɛbɛ-i ɲaan wɔ̀ tɛ, tu :
« Mwutɔnŋ ki ra na, ŋì i po Siyɔn#Yuhana 12.15.,
ŋì i na Yakuba daŋ kiri wɔ telibalibi ki po san kí ru.
27Waarinŋ wɔ̀ ru, a míŋ kɔ́ɔ́ bijɛ kiri tu kí tɛ,
ninki a na ji mɔ́ɔ́n tɔnwɔri ki i kí tɛ. »#Esayi 27.9.
28Isirayɛlidaŋ kiri arì kaan-a Kirinŋ wɔ Wulujii ki tɛ, niŋ i kí ji Kirinŋ ɲa ni i, nwɔma ábɛɛ i ŋununadibi kila. Nka, ŋì i kɛɲɛ Kirinŋ wɔ ɲaannashika ki wu, kí bidi-i Kirinŋ tɛ arì tiŋ cɛɛnni kiri bira. 29Sabu, a Kirinŋ finŋ wɔri koŋ tɛ, ŋì a pwulu-la ŋì i ǹʼmwu kì, a ŋì koŋ dɔri, ŋì a pwulu-la ŋì a kaan ntiŋ tɛ kì. 30Ábɛɛ yɛrima kiri wuru Kirinŋ wulu pa-a sun kì, nka Kirinŋ ábɛɛ sunmakwulupa-i dɔnsaŋ, kíbɔɔ Kirinŋ wulu pabalibi ki bira. 31Kíbɛɛ yɛrima kiri wɔ ki i mìŋ ɲaan ki tɛ. Kíbɛɛ ji-i Kirinŋ wulu pabali li i dɔnsaŋ, nwɔma Kirinŋ i ábɛɛ sunmakwulupa ɲaan wɔ̀ tɛ, ŋì a kíbɛɛ yɛrima kiri sunmakwulupa mìŋ ɲaan ki tɛ. 32Kirinŋ ncusun-i konaŋ kiri i ji miŋ tu nkasudaŋ ni i, arɔɔ kulubalibi ki bira, nwɔma a i awɔ sunmakwulupabi ki ji koŋ bataa wu.
Kirinŋ wɔ sotinbi sinaŋ ki bi ki
33Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì. 34Miŋ tu ǹʼsɛbɛ-i ɲaan wɔ̀ tɛ tu :
« Nkɛnŋ Ŋuntiŋ ki ɲakilila bi kiri tɔ-a?
Nkɛnŋ ji ǹʼnacintɔnŋ ki i?
35Nkɛnŋ finŋ wɔri-ri Ŋuntiŋ tɛ nmaŋ sun,
ŋì i ji-a na niŋ kɔni ki sali-li? »
36Finŋ bataa po-i Kirinŋ nu, finŋ bataa i ji a ta ru mìnki baraka ra, finŋ bataa i ǹʼwɔ. Ǹʼfa gbɛ kakan-i waarinŋ bataa ru. Amiina!
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.