Mabikiri 28
28
Pooli so-i Maliti
1Yibɛɛ bataa yi mwu-i waarinŋ wɔ̀ ru, yi i po san wɛɛlufinju ki ru, kí tu yibɛɛ tɛ tu niŋ ju faninmwuŋ tintiŋ ki tɔ ki tu Maliti. 2Niŋ mani nu tɔnŋ kiri bi shɔɔrinŋ wɔ̀ ma-i yibɛɛ tɛ, niŋ bishi rakuru-i. Kí jɔrɔkɔ-i, kí i tuu sinaŋ nakili, kí i yibɛɛ dɔri tu yi na sɔɔ ǹʼna, sabu kirinŋ na wuru nmaŋ, ŋì i shii sinaŋ jɛri.
3Niŋ kɔɔtɛ, Pooli i ta suu ki bɛɛ ceeli, tu a na-a ǹʼbo tuu ki sun. Ntiŋ tu-i niŋ na, myɛɛn i po niŋ suu ki bɛɛ kulu tɛ, manifwuu ki kwuluka jɛ ki ǹʼna, niŋ i na Pooli ɲiin a gbɛɛra fɔ ŋì i lɔ tu ǹʼna. 4Niŋ ju faninmwuŋ tintiŋ suntɔnŋ kiri myɛɛn ki lɔ ja-i Pooli gbɛ ki ra waarinŋ wɔ̀ ru, kí tu arìmaŋ tɛ : « Sii ǹʼna ǹʼnu kì, koŋ ka a ji koŋ kilɛntɔnŋ ncinŋ. Sabu, ntiŋ a mwu-i, ntiŋ i so po san-i wɛɛlufinju ki ru, niŋ fa a fɔn na, yibɔɔ pɛli Sɛli#28.4 Sɛli : Kɔ́ɔ́ pɛli ki bɛɛ tɔ wuru niŋ i. ki ncusun ntiŋ ɲaninkulutɔnŋ tu kì. » 5Nka, Pooli i a gbɛ ki yuuyuu, myɛɛn ki i fɛɛn tuu ki ru. Ntiŋ mani tɔri tenŋ ntiŋ yaa kì.
6Niŋ mani nu tɔnŋ kiri i sɔɔ tu Pooli gbɛ ki a sunye, walima tu ntiŋ a po fɛɛn, ntiŋ i beeni myɛɛn ki baa ki gbɛɛra. Nka ǹʼna-i cin, kí i ǹʼja tu bi tɔri ma-a Pooli wu kì, kí ɲakilila ki i rapwulu, kí tu Pooli tanfinŋ ki bɛɛ.
7Niŋ ta wuru fa yibɛɛ myɛ niŋ ju faninmwuŋ tintiŋ ki sun tɔnŋ kiri wɔ koŋ sinaŋ ki wɔ mani ki tɛ. Niŋ koŋ sinaŋ ki tɔ ki wuru tu Pubilusi. Niŋ i yibɛɛ jɛri a gbɛ, ntiŋ i yi ŋununafu miŋ tu awɔ wɔshuru ri. Ntiŋ i yibɛɛ jɛbima fɔ sunŋ byaŋ. 8Pubilusi tiŋ ki kenemaan wuru-i kì, shii wuru po-a ntiŋ wu, tɔɔtɔɔniŋ i ji ntiŋ wu sɛbɛ. Pooli niŋ nama-i waarinŋ wɔ̀ ru, niŋ i ta Kirinŋ nafɛ ntiŋ tɛ. Pooli i a gbɛ ki bili ntiŋ sun, ntiŋ i ntiŋ kene. 9Niŋ so-i ma-i waarinŋ wɔ̀ ru, niŋ mani nu kiratɔnŋ kiri bataa i na Pooli tɛ. Kí bataa fani i kene. 10Niŋ koŋ kiri fani i yibɛɛ paka shɔ haali. Yibɛɛ tiri shikaŋ ki so-i, yibɛɛ maku wuru finŋ woo finŋ na, kí i niŋ bataa wɔri yibɛɛ tɛ.
Pooli so-i Ɔrɔmu
(Ɔrɔmutɔnŋ kiri 1.9–15)
11Yibɛɛ i ɲɛ byaŋ ma niŋ mani nu, shii ki kɔ ki sunsuu-ra. Kwurinŋ bɛɛ po wuru Alɛkisandiri kili ki ra, niŋ yɛri ki wuru shii ki kɔ ki suu-ra yibɛɛ maŋ ki ru nmaŋ. Niŋ kwurinŋ ki tɔ ki i tu « Fili kiri. » Shii ki na-i kɔ waarinŋ wɔ̀ ru, yibɛɛ i de niŋ kwurinŋ ki ru. 12Yi i tiri kili bɛɛ ra, nwɔ̀ tɔ i tu Sirakusi, yi i sunŋ byaŋ ma niŋ mani nu nmaŋ. 13Yibɛɛ po-i niŋ kili ki ra, yi i de kwurinŋ ki ru, yi i ta so kili bɛɛ ra, nwɔ̀ tɔ i tu Erɛjɔ. Niŋ sisarifuluntɔnŋ ki, faa ki i yali bo yibɛɛ sun, ŋì i yibɛɛ rucuru ta-ri jɛŋ. Niŋ ɲaan ki tɛ, sunŋ fuuli bantenŋ i yibɛɛ so Pusɔɔli. 14Yibɛɛ bilinatɔnŋ bɛɛ ri kila-i Pusɔɔli kili ki ru, nini tu yi kufuluntɔnŋ ma arì fan. Yibɛɛ ta-i Ɔrɔmu ka ɲaan ka tɛ.
15Ɔrɔmu bilinatɔnŋ kiri yibɛɛ wulu ki rama-i waarinŋ wɔ̀ ru, kí i na yibɛɛ ŋununafu Apiyusi kuka ki ra, niŋ fa mani bɛɛ ru, nwɔ̀ tɔ i tu Jɛ Jɛrimaŋ Byaŋ. Pooli nini ja-i waarinŋ wɔ̀ ru, ntiŋ i baraka bi Kirinŋ tɛ, ntiŋ i tɔnnafurubi kila. 16Yibɛɛ so-i Ɔrɔmu kili ki ru waarinŋ wɔ̀ ru, surudashi kiri i arì tu kí i Pooli bo a cinancinŋ, kí i surudashi tenŋ bo ntiŋ ɲaannasuutɔnŋ ki i.
Pooli i Kirinŋ wɔ wulu ki sunjo-a Ɔrɔmutɔnŋ kiri tɛ
17Sunŋ byaŋ kɔɔtɛ, Pooli i Ɔrɔmu Yawutu kiri dɔri na a tɛ. Kí rakɔli-i waarinŋ wɔ̀ ru, ntiŋ tu kí tɛ : « Ńʼtindaŋ ni, míŋ bijɛ dantenŋ ma yibɔɔ shiya ki wu kì, ńʼfani yi tiŋ cɛɛnni kiri wɔ ladaŋ kiri li kì, niŋ fa a fɔn na, kí míŋ pa-i Yerusalɛmu, kí i míŋ de Ɔrɔmutɔnŋ kiri gbɛfɛ. 18Nini mɔ́ɔ́n bi kiri rufɔɔ waarinŋ wɔ̀ ru, kí wuru ǹʼtɛ arì i míŋ pani, sabu kí finŋ tɔri kila-ri míŋ mwɔɔn nu tu nwɔ̀ a míŋ kilɛn ŋuŋ po kì. 19Nka, yibɔɔ konanbi ki a tu kí i míŋ pani kì. Ninki ncin-i, míŋ i ǹʼbi ńʼtu Ɔrɔmu masa sinaŋ ki a mɔ́ɔ́n kiti ki kwuru. A míŋ niŋ ma, niŋ i ǹʼji-a tu míŋ ńʼtɛ, ŋí i cɔɔri so ńʼwɔ shiya ki sun wa? 20Niŋ ki ra, míŋ i ábɛɛ dɔri na-a kwumaŋ, nwɔma ŋí i wulubi ábɛɛ tɛ, sabu Isirayɛli bili-i bi wɔ̀ ra, míŋ kɔli-i jɔlɔkɔ ra ninki bira. » 21Kí i Pooli wɔ wulu ki rupwulu tu : « Yibɛɛ sɛbɛ kila, ŋì i po Yude sɔɔta ki ru miŋ bi sun kì. Tindaŋ tɔri tenŋ dumiŋ po nmaŋ, ntiŋ i na miŋ tɔ jɛ bi kwumaŋ kì. 22Nka yibɛɛ i ǹʼtɛ yi miŋ ɲakilila ki tɔ ka toŋ ka bi ki sun, sabu yibɛɛ ǹʼtɔ-i tu sɔsɔɔlinŋ mwɔɔnna tan-a ǹʼsun mani ki bataa ru. »
23Kí fa Pooli i jibi bi arìmaŋ tɛ. Niŋ jibi kubilimaan ki so-i, kí i na ǹʼmwɔɔnna Pooli sanmaŋ ki ru. Pooli i wulubi kí tɛ, ntiŋ i Kirinŋ wɔ Masabi ki ɲaanbi kí tɛ. Ntiŋ wuru ǹʼtɛ kí i bili Yesu bi ki ra, ŋì i kɛɲɛ Musa wɔ sariya ki fa cintɔnŋ kiri wɔ wulu bimaan kiri wu. Pooli fa kí tu-i niŋ na, ŋì i shi siira fɔ bilana. 24Niŋ ɲaan ki tɛ, ǹʼbɛɛ ri i bili Pooli wɔ wulu kiri ra, nka ǹʼbɛɛ ri bili yìrì ra kì. 25Niŋ koŋ kiri na-i ǹʼja tu arìbɛɛ ra fu wulu ki sun kì, kí i pyɛ-ri. Kí so-i tiri sun, Pooli i ka wulu ka bi kí tɛ : « Cintɔnŋ Esayi wulu wɔ bi wuru ábɛɛ tiŋ cɛɛnni kiri tɛ Ɲiniwɔlinŋ ki baraka ra, niŋ i sɛli yɛrima ki i dɛ! 26Ntiŋ ǹʼbi wuru tu :
‹ Ta ǹʼbi ka shiya ka ru konaŋ kiri tɛ tu :
Ábɛɛ tɔɔncumaan ki a na wulu lama, nka á ra ǹʼdaŋ tɔ kì.
Ábɛɛ ra na maannashɛɛli, nka ábɛɛ ra na finŋ tɔri ja kì.
27Sabu ka shiya ka ru konaŋ kiri ciiru ɲakili ki furu-i,
kí i arì tɔɔn kiri raye,
kí i arì ɲaninaŋ kiri rala,
nwɔma arì ɲaninaŋ kiri fa maannaja kì,
arì tɔɔn kiri fa wulu lama kì,
arì ciiru ɲakili kiri fa bi tɔ,
arì i arì ɲaannu pwulu míŋ Kirinŋ tɛ,
nwɔma ŋí i kí kene kì. ›#Esayi 6.9–10. »
28Pooli tu kí tɛ sɛbɛ : « Á ǹʼtɔ tu Kirinŋ wɔ koŋ mwu bi ki so shiya tɔri kiri tɛ sɛbɛ. Nini kɔniŋ na ǹʼnama woo. » 29[Pooli kɔmaan ki awɔ wulu ki ra, sɔsɔɔlinŋ sinaŋ i de Yawutu kiri tirira ki faninmwuŋ.]
30Pooli i jiri fuuli lafaa awɔ fu shimaan ki ru Ɔrɔmu ciiru. Koŋ woo koŋ wuru na-a ntiŋ shɛɛli, ntiŋ wuru niŋ ŋununafuka shɔ-a, ntiŋ i a tɔɔnye ntiŋ tɛ. 31Pooli wuru Kirinŋ wɔ Masabi ki sunjo-a, ntiŋ i konaŋ kiri kali-li, ntiŋ i Ŋuntiŋ Yesu Kirisa bi ki ji-ri kí wu tɔnnafurubi wu. Koŋ fani ntiŋ fwuurapa ǹʼsun kì.
Zvasarudzwa nguva ino
Mabikiri 28: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Mabikiri 28
28
Pooli so-i Maliti
1Yibɛɛ bataa yi mwu-i waarinŋ wɔ̀ ru, yi i po san wɛɛlufinju ki ru, kí tu yibɛɛ tɛ tu niŋ ju faninmwuŋ tintiŋ ki tɔ ki tu Maliti. 2Niŋ mani nu tɔnŋ kiri bi shɔɔrinŋ wɔ̀ ma-i yibɛɛ tɛ, niŋ bishi rakuru-i. Kí jɔrɔkɔ-i, kí i tuu sinaŋ nakili, kí i yibɛɛ dɔri tu yi na sɔɔ ǹʼna, sabu kirinŋ na wuru nmaŋ, ŋì i shii sinaŋ jɛri.
3Niŋ kɔɔtɛ, Pooli i ta suu ki bɛɛ ceeli, tu a na-a ǹʼbo tuu ki sun. Ntiŋ tu-i niŋ na, myɛɛn i po niŋ suu ki bɛɛ kulu tɛ, manifwuu ki kwuluka jɛ ki ǹʼna, niŋ i na Pooli ɲiin a gbɛɛra fɔ ŋì i lɔ tu ǹʼna. 4Niŋ ju faninmwuŋ tintiŋ suntɔnŋ kiri myɛɛn ki lɔ ja-i Pooli gbɛ ki ra waarinŋ wɔ̀ ru, kí tu arìmaŋ tɛ : « Sii ǹʼna ǹʼnu kì, koŋ ka a ji koŋ kilɛntɔnŋ ncinŋ. Sabu, ntiŋ a mwu-i, ntiŋ i so po san-i wɛɛlufinju ki ru, niŋ fa a fɔn na, yibɔɔ pɛli Sɛli#28.4 Sɛli : Kɔ́ɔ́ pɛli ki bɛɛ tɔ wuru niŋ i. ki ncusun ntiŋ ɲaninkulutɔnŋ tu kì. » 5Nka, Pooli i a gbɛ ki yuuyuu, myɛɛn ki i fɛɛn tuu ki ru. Ntiŋ mani tɔri tenŋ ntiŋ yaa kì.
6Niŋ mani nu tɔnŋ kiri i sɔɔ tu Pooli gbɛ ki a sunye, walima tu ntiŋ a po fɛɛn, ntiŋ i beeni myɛɛn ki baa ki gbɛɛra. Nka ǹʼna-i cin, kí i ǹʼja tu bi tɔri ma-a Pooli wu kì, kí ɲakilila ki i rapwulu, kí tu Pooli tanfinŋ ki bɛɛ.
7Niŋ ta wuru fa yibɛɛ myɛ niŋ ju faninmwuŋ tintiŋ ki sun tɔnŋ kiri wɔ koŋ sinaŋ ki wɔ mani ki tɛ. Niŋ koŋ sinaŋ ki tɔ ki wuru tu Pubilusi. Niŋ i yibɛɛ jɛri a gbɛ, ntiŋ i yi ŋununafu miŋ tu awɔ wɔshuru ri. Ntiŋ i yibɛɛ jɛbima fɔ sunŋ byaŋ. 8Pubilusi tiŋ ki kenemaan wuru-i kì, shii wuru po-a ntiŋ wu, tɔɔtɔɔniŋ i ji ntiŋ wu sɛbɛ. Pooli niŋ nama-i waarinŋ wɔ̀ ru, niŋ i ta Kirinŋ nafɛ ntiŋ tɛ. Pooli i a gbɛ ki bili ntiŋ sun, ntiŋ i ntiŋ kene. 9Niŋ so-i ma-i waarinŋ wɔ̀ ru, niŋ mani nu kiratɔnŋ kiri bataa i na Pooli tɛ. Kí bataa fani i kene. 10Niŋ koŋ kiri fani i yibɛɛ paka shɔ haali. Yibɛɛ tiri shikaŋ ki so-i, yibɛɛ maku wuru finŋ woo finŋ na, kí i niŋ bataa wɔri yibɛɛ tɛ.
Pooli so-i Ɔrɔmu
(Ɔrɔmutɔnŋ kiri 1.9–15)
11Yibɛɛ i ɲɛ byaŋ ma niŋ mani nu, shii ki kɔ ki sunsuu-ra. Kwurinŋ bɛɛ po wuru Alɛkisandiri kili ki ra, niŋ yɛri ki wuru shii ki kɔ ki suu-ra yibɛɛ maŋ ki ru nmaŋ. Niŋ kwurinŋ ki tɔ ki i tu « Fili kiri. » Shii ki na-i kɔ waarinŋ wɔ̀ ru, yibɛɛ i de niŋ kwurinŋ ki ru. 12Yi i tiri kili bɛɛ ra, nwɔ̀ tɔ i tu Sirakusi, yi i sunŋ byaŋ ma niŋ mani nu nmaŋ. 13Yibɛɛ po-i niŋ kili ki ra, yi i de kwurinŋ ki ru, yi i ta so kili bɛɛ ra, nwɔ̀ tɔ i tu Erɛjɔ. Niŋ sisarifuluntɔnŋ ki, faa ki i yali bo yibɛɛ sun, ŋì i yibɛɛ rucuru ta-ri jɛŋ. Niŋ ɲaan ki tɛ, sunŋ fuuli bantenŋ i yibɛɛ so Pusɔɔli. 14Yibɛɛ bilinatɔnŋ bɛɛ ri kila-i Pusɔɔli kili ki ru, nini tu yi kufuluntɔnŋ ma arì fan. Yibɛɛ ta-i Ɔrɔmu ka ɲaan ka tɛ.
15Ɔrɔmu bilinatɔnŋ kiri yibɛɛ wulu ki rama-i waarinŋ wɔ̀ ru, kí i na yibɛɛ ŋununafu Apiyusi kuka ki ra, niŋ fa mani bɛɛ ru, nwɔ̀ tɔ i tu Jɛ Jɛrimaŋ Byaŋ. Pooli nini ja-i waarinŋ wɔ̀ ru, ntiŋ i baraka bi Kirinŋ tɛ, ntiŋ i tɔnnafurubi kila. 16Yibɛɛ so-i Ɔrɔmu kili ki ru waarinŋ wɔ̀ ru, surudashi kiri i arì tu kí i Pooli bo a cinancinŋ, kí i surudashi tenŋ bo ntiŋ ɲaannasuutɔnŋ ki i.
Pooli i Kirinŋ wɔ wulu ki sunjo-a Ɔrɔmutɔnŋ kiri tɛ
17Sunŋ byaŋ kɔɔtɛ, Pooli i Ɔrɔmu Yawutu kiri dɔri na a tɛ. Kí rakɔli-i waarinŋ wɔ̀ ru, ntiŋ tu kí tɛ : « Ńʼtindaŋ ni, míŋ bijɛ dantenŋ ma yibɔɔ shiya ki wu kì, ńʼfani yi tiŋ cɛɛnni kiri wɔ ladaŋ kiri li kì, niŋ fa a fɔn na, kí míŋ pa-i Yerusalɛmu, kí i míŋ de Ɔrɔmutɔnŋ kiri gbɛfɛ. 18Nini mɔ́ɔ́n bi kiri rufɔɔ waarinŋ wɔ̀ ru, kí wuru ǹʼtɛ arì i míŋ pani, sabu kí finŋ tɔri kila-ri míŋ mwɔɔn nu tu nwɔ̀ a míŋ kilɛn ŋuŋ po kì. 19Nka, yibɔɔ konanbi ki a tu kí i míŋ pani kì. Ninki ncin-i, míŋ i ǹʼbi ńʼtu Ɔrɔmu masa sinaŋ ki a mɔ́ɔ́n kiti ki kwuru. A míŋ niŋ ma, niŋ i ǹʼji-a tu míŋ ńʼtɛ, ŋí i cɔɔri so ńʼwɔ shiya ki sun wa? 20Niŋ ki ra, míŋ i ábɛɛ dɔri na-a kwumaŋ, nwɔma ŋí i wulubi ábɛɛ tɛ, sabu Isirayɛli bili-i bi wɔ̀ ra, míŋ kɔli-i jɔlɔkɔ ra ninki bira. » 21Kí i Pooli wɔ wulu ki rupwulu tu : « Yibɛɛ sɛbɛ kila, ŋì i po Yude sɔɔta ki ru miŋ bi sun kì. Tindaŋ tɔri tenŋ dumiŋ po nmaŋ, ntiŋ i na miŋ tɔ jɛ bi kwumaŋ kì. 22Nka yibɛɛ i ǹʼtɛ yi miŋ ɲakilila ki tɔ ka toŋ ka bi ki sun, sabu yibɛɛ ǹʼtɔ-i tu sɔsɔɔlinŋ mwɔɔnna tan-a ǹʼsun mani ki bataa ru. »
23Kí fa Pooli i jibi bi arìmaŋ tɛ. Niŋ jibi kubilimaan ki so-i, kí i na ǹʼmwɔɔnna Pooli sanmaŋ ki ru. Pooli i wulubi kí tɛ, ntiŋ i Kirinŋ wɔ Masabi ki ɲaanbi kí tɛ. Ntiŋ wuru ǹʼtɛ kí i bili Yesu bi ki ra, ŋì i kɛɲɛ Musa wɔ sariya ki fa cintɔnŋ kiri wɔ wulu bimaan kiri wu. Pooli fa kí tu-i niŋ na, ŋì i shi siira fɔ bilana. 24Niŋ ɲaan ki tɛ, ǹʼbɛɛ ri i bili Pooli wɔ wulu kiri ra, nka ǹʼbɛɛ ri bili yìrì ra kì. 25Niŋ koŋ kiri na-i ǹʼja tu arìbɛɛ ra fu wulu ki sun kì, kí i pyɛ-ri. Kí so-i tiri sun, Pooli i ka wulu ka bi kí tɛ : « Cintɔnŋ Esayi wulu wɔ bi wuru ábɛɛ tiŋ cɛɛnni kiri tɛ Ɲiniwɔlinŋ ki baraka ra, niŋ i sɛli yɛrima ki i dɛ! 26Ntiŋ ǹʼbi wuru tu :
‹ Ta ǹʼbi ka shiya ka ru konaŋ kiri tɛ tu :
Ábɛɛ tɔɔncumaan ki a na wulu lama, nka á ra ǹʼdaŋ tɔ kì.
Ábɛɛ ra na maannashɛɛli, nka ábɛɛ ra na finŋ tɔri ja kì.
27Sabu ka shiya ka ru konaŋ kiri ciiru ɲakili ki furu-i,
kí i arì tɔɔn kiri raye,
kí i arì ɲaninaŋ kiri rala,
nwɔma arì ɲaninaŋ kiri fa maannaja kì,
arì tɔɔn kiri fa wulu lama kì,
arì ciiru ɲakili kiri fa bi tɔ,
arì i arì ɲaannu pwulu míŋ Kirinŋ tɛ,
nwɔma ŋí i kí kene kì. ›#Esayi 6.9–10. »
28Pooli tu kí tɛ sɛbɛ : « Á ǹʼtɔ tu Kirinŋ wɔ koŋ mwu bi ki so shiya tɔri kiri tɛ sɛbɛ. Nini kɔniŋ na ǹʼnama woo. » 29[Pooli kɔmaan ki awɔ wulu ki ra, sɔsɔɔlinŋ sinaŋ i de Yawutu kiri tirira ki faninmwuŋ.]
30Pooli i jiri fuuli lafaa awɔ fu shimaan ki ru Ɔrɔmu ciiru. Koŋ woo koŋ wuru na-a ntiŋ shɛɛli, ntiŋ wuru niŋ ŋununafuka shɔ-a, ntiŋ i a tɔɔnye ntiŋ tɛ. 31Pooli wuru Kirinŋ wɔ Masabi ki sunjo-a, ntiŋ i konaŋ kiri kali-li, ntiŋ i Ŋuntiŋ Yesu Kirisa bi ki ji-ri kí wu tɔnnafurubi wu. Koŋ fani ntiŋ fwuurapa ǹʼsun kì.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.