Mabikiri 26
26
Pooli a wulubi masa Agiripa ɲaanfɛ
(Mabikiri 9.1–30; 22.1–21)
1Niŋ wulu kiri kɔɔtɛ, masa Agiripa tu Pooli tɛ : « Wulu ki wɔri-i miŋ tɛ, ŋi i nʼyɛri ŋununu wulu bi. »
Niŋ mani nu, nwɔ̀ wuru Pooli gbɛ, ntiŋ i a gbɛ ki fɛshi, ntiŋ tu : 2« Masa Agiripa, míŋ i koŋ ŋununadimaan a, ŋí i wulu ki shi ábɛɛ ɲaanfɛ jiŋ, ŋí i ǹʼji ábɛɛ wu, tu Yawutu kiri i wulu finŋ woo finŋ bi-a míŋ sun, tu sɛli ǹʼtɔri tenŋ nu kì. 3Sabu ábɛɛ yɛrima kiri i Yawutu kiri wɔ ladaŋ kiri fa kɔ́ɔ́ sɔsɔɔlinŋ kiri bataa tɔ-a. Niŋ ki ra, míŋ i ábɛɛ rafɛ-a, á á tɔnsunfili míŋ tɛ.
4Ŋì i tɔnpa míŋ i ji faa daanwulu, Yawutu kiri bataa i míŋ tirikanŋ ki tɔ-a Yerusalɛmu ciiru, niŋ fa ńʼwɔ shiya ki kanfɛ. 5A kí ji ǹʼtɛ arì i sɛli bi, kí ǹʼtɔ-i waaci ŋmani na nmaŋ, tu míŋ wuru Farinsiyɛnŋ kiri wɔ toŋ ki ru, ninwɔ̀ i yibɔɔ dinɛ ki ru saa furumaan ki i.
6Kirinŋ tɔnwɔri wɔ̀ shi-i yibɛɛ tiŋ cɛɛnni kiri tɛ, míŋ gbɛbilimaŋ ki wɔ̀ i niŋ i, ninki míŋ bo-i kiti ka ru jiŋ. 7Yibɔɔ shiya bwununfuuli ki bataa sɔɔ ǹʼsun, tu niŋ tɔnwɔri ki a rafaa. Niŋ ki ra, kí i arì cɛrukɔli Kirinŋ gbɛ ki ra, kí i baara ki ma-ni ǹʼtɛ cii fa sunŋ. Masa Agiripa, míŋ bili-i mìŋ tɔnwɔri tenŋ ki na, niŋ fa a fɔn na, Yawutu kiri i kiti ki fɛɛn-ni míŋ sun. 8Míŋ tu nfɛnŋ na ábɛɛ konanmini ki i ǹʼmiiri-ri tu Kirinŋ a so konkwuu kiri ŋmɛni-i kì?
9Míŋ yɛri ki wuru ǹʼmiiri-ra, tu míŋ kakan ŋí i Nansarɛtitɔnŋ kiri wɔ Yesu wɔ saa ki tiritɔnŋ kiri kari ɲaan ki fɔn bataa tɛ. 10Míŋ ninki ma-i Yerusalɛmu ciiru. Kirinŋ tɛ sarakawɔrɔtɔnŋ kiri ŋununtiŋ kiri faan wɔri wuru míŋ tɛ, ŋí i bilinatɔnŋ mwɔɔnna bo nkasu ru. Ŋì i bo niŋ bataa sun, míŋ yɛri ki wuru ńʼtɔnŋ wɔri-ra bilinatɔnŋ kiri kilɛnbi ki ra. 11Waaci mwɔɔnna, míŋ wuru ta-a kalinfu kiri ru, ŋí i ta kí makwulujuu-ri, ŋí i kí karaba po san-ni bilinabi ki ru. Kí bi juuka jɛ ki míŋ tɛ, fɔ míŋ wuru ta-a kí cɛfan sɔɔta tɔri ru kili li la, ŋí i ta kí ɲaanfɛkwulu-li.
12Niŋ ɲaan ki tɛ, jibi bɛɛ, Kirinŋ tɛ sarakawɔrɔtɔnŋ kiri ŋununtiŋ kiri i faan wɔri míŋ tɛ, kí i ńʼcin Damasi kili ki ru bilinatɔnŋ kiri cɛsun. 13Masa Agiripa, niŋ ɲaan ki tɛ, míŋ tirira ki ji-i Damasi, sunŋ kwulu papa ki ra, míŋ kwulu-i, manisarinŋ sinaŋ bɛɛ i po kirinpɔli ki ra, ǹʼsarinŋ ki i di sunŋ sarinŋ wu, ŋì i na míŋ fa ńʼtirishi kiri rakwunu. 14Yibɛɛ bataa i fɛɛn fwuniŋ sun. Míŋ wulu bɛɛ rama ǹʼnu míŋ tɛ, yɔɔ wulu ki ru tu : ‹ Sɔɔli, Sɔɔli, miŋ míŋ cɔɔri-ra nfɛnŋ na? Miŋ a so míŋ jan-i ɲaan tɔri tenŋ tɛ kì, miŋ tu nafulufinŋ so-a a faa jan-i ɲaan wɔ̀ tɛ kì. ›
15Míŋ i nanɔri tan ńʼtu : ‹ Ábɛɛ nkɛnŋ, Ŋuntiŋ? › Ŋuntiŋ ki tu : ‹ Míŋ i Yesu, miŋ i nwɔ̀ ki cɔɔri-ra, míŋ yɛ. 16Jɔrɔkɔ tu nʼkanŋ na, sabu míŋ ńʼyɛri ji-i miŋ wu, nwɔma miŋ i ji míŋ tɛ baara matɔnŋ i. Miŋ míŋ ja-i ɲaan wɔ̀ tɛ jiŋ, miŋ a na niŋ ɲaanbi-ri koŋ tɔri ri tɛ, niŋ fa míŋ a bi wɔ̀ri ji miŋ wu, miŋ a na nini ɲaanbi kí tɛ sɛbɛ. 17Míŋ a miŋ cin Yawutu kiri fa shiya tɔri wɔ̀ri tɛ, nini a na ɲaanfɛkwulu bi wɔ̀ri sɔɔ miŋ sun, míŋ a na ye miŋ tɛ ŋí i nʼpo san niŋ bataa ru. 18Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »
19Pooli niŋ wulu kiri bi kɔ-i waarinŋ wɔ̀ ru, ntiŋ tu : « Masa Agiripa, niŋ ɲaan ki tɛ, míŋ wulu wɔ̀ri rama-i niŋ fa míŋ finŋ wɔ̀ ja-i kirinpɔli ki ra, míŋ i ninki ma ki sun kaa. 20Míŋ niŋ bi kiri sunjo de-i Damasi kili ki ru sun, niŋ kɔɔtɛ, ŋí i ǹʼsunjo Yerusalɛmu, niŋ fa Yude sɔɔta ki bataa ru, fɔ ŋí i ta so shiya tɔri kiri sun. Míŋ ǹʼbi-i kí bataa tɛ, tu kí ntɔri bi arɔɔ bijɛ kiri ra, kí i na Kirinŋ tɛ. Bi wɔ̀ri i ǹʼji-a tu kí ntɔri bi arɔɔ bijɛ kiri ra, kí i nini ma-ni. 21Niŋ ki ra, Yawutu kiri i míŋ pa yibɔɔ Kirinfusinaŋ ki ra, tu arì ra míŋ kilɛn.
22Nka, Kirinŋ wɔ shɔɔrinŋ ki baraka ra, míŋ i faa ńʼɲaanna jiŋ. Míŋ nwɔ̀ tɔ-i Kirinŋ bi ki sun, míŋ i niŋ sunjo-a koŋ pyaanŋ kiri fa koŋ sinaŋ kiri tɛ. Cintɔnŋ kiri fa Musa wɔ sariya ki bi wɔ̀ri ma wulu jɛŋ bi wuru-i, míŋ mini nini ŋununa kì. 23Nini ǹʼbi wuru tu kí a na Kirinŋ Ɲaannakonshimaan ki makwulujuu, kí i ntiŋ kilɛn. Tu mìntiŋ jɔnɔ ki a ŋmɛni po san konkwuu kiri ru, ntiŋ i manisarinŋ ki bi ki sunjo yibɔɔ konanbi ki tɛ, niŋ fa shiya tɔri kiri tɛ. »
24Ŋì i Pooli tu wulu ki bi-a, Fɛsitusi i fali ntiŋ sun tu : « Pooli, julu i bo-a miŋ nu dɛ! Miŋ kalika jɛ ki julu bo-i nʼnu. » 25Nka Pooli tu : « Kɛnintiŋ shɔɔrinŋ, Fɛsitusi, julu míŋ nu kì dɛ! Míŋ i wulu wɔ̀ri bi-a, nini i sɛli i, yìrì fɔɔmaan i ji-i. 26Masa Agiripa yɛrima ki i niŋ bi kiri bataa tɔ-a, niŋ ki ra, míŋ i so-a wulu ki bi-i tɔnnafurubi wu ntiŋ ɲaanfɛ, sabu niŋ bi kiri ma du ru kì. 27Masa Agiripa, ábɛɛ bili-i cintɔnŋ kiri wɔ wulu kiri ra wa? Míŋ ǹʼtɔ-i tu ábɛɛ bili yìrì ra. » 28Niŋ ki ra, Agiripa tu Pooli tɛ : « Miŋ i ǹʼtɛ ŋi i míŋ napwulu ji kiricɛn ki bɛɛ ɛ shuu wa? »
29Pooli tu : « Ŋì i ji dɔɔ walima kɔɔtɛ, míŋ i Kirinŋ nafɛ-a ńʼtu ábɛɛ ji míŋ sali. Ábɛɛ bantenŋ bi i kili kì, nka tu finŋ woo finŋ mɔ́ɔ́n wulu kiri rama-i jiŋ, tu niŋ bataa ji míŋ sali, nka kí fa ji jɔlɔkɔ ra miŋ tu míŋ i kì. »
30Niŋ ɲaan ki tɛ, kɛnintiŋ Fɛsitusi fa masa Agiripa fa Berenisi i jɔrɔkɔ po, ŋì i bo arì fan sɔɔtɔnŋ kiri sun. 31Kí pomaan ki kɔɔtɛ, kí tu arìmaŋ tɛ tu : « Ka koŋ ka bijɛ tɔri tenŋ ma, nwɔ̀ a so ji-i sababu, ntiŋ i kilɛn walima ntiŋ i bo nkasu ru kì. »
32Agiripa tu Fɛsitusi tɛ tu : « Shuru ka wuru-ra so pani-i, a ntiŋ ji wuru ǹʼbi-ri tu, afɔɔn kiti ki a ta kwuru Ɔrɔmu masa sinaŋ ki ɲaanfɛ kì. »
Zvasarudzwa nguva ino
Mabikiri 26: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Mabikiri 26
26
Pooli a wulubi masa Agiripa ɲaanfɛ
(Mabikiri 9.1–30; 22.1–21)
1Niŋ wulu kiri kɔɔtɛ, masa Agiripa tu Pooli tɛ : « Wulu ki wɔri-i miŋ tɛ, ŋi i nʼyɛri ŋununu wulu bi. »
Niŋ mani nu, nwɔ̀ wuru Pooli gbɛ, ntiŋ i a gbɛ ki fɛshi, ntiŋ tu : 2« Masa Agiripa, míŋ i koŋ ŋununadimaan a, ŋí i wulu ki shi ábɛɛ ɲaanfɛ jiŋ, ŋí i ǹʼji ábɛɛ wu, tu Yawutu kiri i wulu finŋ woo finŋ bi-a míŋ sun, tu sɛli ǹʼtɔri tenŋ nu kì. 3Sabu ábɛɛ yɛrima kiri i Yawutu kiri wɔ ladaŋ kiri fa kɔ́ɔ́ sɔsɔɔlinŋ kiri bataa tɔ-a. Niŋ ki ra, míŋ i ábɛɛ rafɛ-a, á á tɔnsunfili míŋ tɛ.
4Ŋì i tɔnpa míŋ i ji faa daanwulu, Yawutu kiri bataa i míŋ tirikanŋ ki tɔ-a Yerusalɛmu ciiru, niŋ fa ńʼwɔ shiya ki kanfɛ. 5A kí ji ǹʼtɛ arì i sɛli bi, kí ǹʼtɔ-i waaci ŋmani na nmaŋ, tu míŋ wuru Farinsiyɛnŋ kiri wɔ toŋ ki ru, ninwɔ̀ i yibɔɔ dinɛ ki ru saa furumaan ki i.
6Kirinŋ tɔnwɔri wɔ̀ shi-i yibɛɛ tiŋ cɛɛnni kiri tɛ, míŋ gbɛbilimaŋ ki wɔ̀ i niŋ i, ninki míŋ bo-i kiti ka ru jiŋ. 7Yibɔɔ shiya bwununfuuli ki bataa sɔɔ ǹʼsun, tu niŋ tɔnwɔri ki a rafaa. Niŋ ki ra, kí i arì cɛrukɔli Kirinŋ gbɛ ki ra, kí i baara ki ma-ni ǹʼtɛ cii fa sunŋ. Masa Agiripa, míŋ bili-i mìŋ tɔnwɔri tenŋ ki na, niŋ fa a fɔn na, Yawutu kiri i kiti ki fɛɛn-ni míŋ sun. 8Míŋ tu nfɛnŋ na ábɛɛ konanmini ki i ǹʼmiiri-ri tu Kirinŋ a so konkwuu kiri ŋmɛni-i kì?
9Míŋ yɛri ki wuru ǹʼmiiri-ra, tu míŋ kakan ŋí i Nansarɛtitɔnŋ kiri wɔ Yesu wɔ saa ki tiritɔnŋ kiri kari ɲaan ki fɔn bataa tɛ. 10Míŋ ninki ma-i Yerusalɛmu ciiru. Kirinŋ tɛ sarakawɔrɔtɔnŋ kiri ŋununtiŋ kiri faan wɔri wuru míŋ tɛ, ŋí i bilinatɔnŋ mwɔɔnna bo nkasu ru. Ŋì i bo niŋ bataa sun, míŋ yɛri ki wuru ńʼtɔnŋ wɔri-ra bilinatɔnŋ kiri kilɛnbi ki ra. 11Waaci mwɔɔnna, míŋ wuru ta-a kalinfu kiri ru, ŋí i ta kí makwulujuu-ri, ŋí i kí karaba po san-ni bilinabi ki ru. Kí bi juuka jɛ ki míŋ tɛ, fɔ míŋ wuru ta-a kí cɛfan sɔɔta tɔri ru kili li la, ŋí i ta kí ɲaanfɛkwulu-li.
12Niŋ ɲaan ki tɛ, jibi bɛɛ, Kirinŋ tɛ sarakawɔrɔtɔnŋ kiri ŋununtiŋ kiri i faan wɔri míŋ tɛ, kí i ńʼcin Damasi kili ki ru bilinatɔnŋ kiri cɛsun. 13Masa Agiripa, niŋ ɲaan ki tɛ, míŋ tirira ki ji-i Damasi, sunŋ kwulu papa ki ra, míŋ kwulu-i, manisarinŋ sinaŋ bɛɛ i po kirinpɔli ki ra, ǹʼsarinŋ ki i di sunŋ sarinŋ wu, ŋì i na míŋ fa ńʼtirishi kiri rakwunu. 14Yibɛɛ bataa i fɛɛn fwuniŋ sun. Míŋ wulu bɛɛ rama ǹʼnu míŋ tɛ, yɔɔ wulu ki ru tu : ‹ Sɔɔli, Sɔɔli, miŋ míŋ cɔɔri-ra nfɛnŋ na? Miŋ a so míŋ jan-i ɲaan tɔri tenŋ tɛ kì, miŋ tu nafulufinŋ so-a a faa jan-i ɲaan wɔ̀ tɛ kì. ›
15Míŋ i nanɔri tan ńʼtu : ‹ Ábɛɛ nkɛnŋ, Ŋuntiŋ? › Ŋuntiŋ ki tu : ‹ Míŋ i Yesu, miŋ i nwɔ̀ ki cɔɔri-ra, míŋ yɛ. 16Jɔrɔkɔ tu nʼkanŋ na, sabu míŋ ńʼyɛri ji-i miŋ wu, nwɔma miŋ i ji míŋ tɛ baara matɔnŋ i. Miŋ míŋ ja-i ɲaan wɔ̀ tɛ jiŋ, miŋ a na niŋ ɲaanbi-ri koŋ tɔri ri tɛ, niŋ fa míŋ a bi wɔ̀ri ji miŋ wu, miŋ a na nini ɲaanbi kí tɛ sɛbɛ. 17Míŋ a miŋ cin Yawutu kiri fa shiya tɔri wɔ̀ri tɛ, nini a na ɲaanfɛkwulu bi wɔ̀ri sɔɔ miŋ sun, míŋ a na ye miŋ tɛ ŋí i nʼpo san niŋ bataa ru. 18Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »
19Pooli niŋ wulu kiri bi kɔ-i waarinŋ wɔ̀ ru, ntiŋ tu : « Masa Agiripa, niŋ ɲaan ki tɛ, míŋ wulu wɔ̀ri rama-i niŋ fa míŋ finŋ wɔ̀ ja-i kirinpɔli ki ra, míŋ i ninki ma ki sun kaa. 20Míŋ niŋ bi kiri sunjo de-i Damasi kili ki ru sun, niŋ kɔɔtɛ, ŋí i ǹʼsunjo Yerusalɛmu, niŋ fa Yude sɔɔta ki bataa ru, fɔ ŋí i ta so shiya tɔri kiri sun. Míŋ ǹʼbi-i kí bataa tɛ, tu kí ntɔri bi arɔɔ bijɛ kiri ra, kí i na Kirinŋ tɛ. Bi wɔ̀ri i ǹʼji-a tu kí ntɔri bi arɔɔ bijɛ kiri ra, kí i nini ma-ni. 21Niŋ ki ra, Yawutu kiri i míŋ pa yibɔɔ Kirinfusinaŋ ki ra, tu arì ra míŋ kilɛn.
22Nka, Kirinŋ wɔ shɔɔrinŋ ki baraka ra, míŋ i faa ńʼɲaanna jiŋ. Míŋ nwɔ̀ tɔ-i Kirinŋ bi ki sun, míŋ i niŋ sunjo-a koŋ pyaanŋ kiri fa koŋ sinaŋ kiri tɛ. Cintɔnŋ kiri fa Musa wɔ sariya ki bi wɔ̀ri ma wulu jɛŋ bi wuru-i, míŋ mini nini ŋununa kì. 23Nini ǹʼbi wuru tu kí a na Kirinŋ Ɲaannakonshimaan ki makwulujuu, kí i ntiŋ kilɛn. Tu mìntiŋ jɔnɔ ki a ŋmɛni po san konkwuu kiri ru, ntiŋ i manisarinŋ ki bi ki sunjo yibɔɔ konanbi ki tɛ, niŋ fa shiya tɔri kiri tɛ. »
24Ŋì i Pooli tu wulu ki bi-a, Fɛsitusi i fali ntiŋ sun tu : « Pooli, julu i bo-a miŋ nu dɛ! Miŋ kalika jɛ ki julu bo-i nʼnu. » 25Nka Pooli tu : « Kɛnintiŋ shɔɔrinŋ, Fɛsitusi, julu míŋ nu kì dɛ! Míŋ i wulu wɔ̀ri bi-a, nini i sɛli i, yìrì fɔɔmaan i ji-i. 26Masa Agiripa yɛrima ki i niŋ bi kiri bataa tɔ-a, niŋ ki ra, míŋ i so-a wulu ki bi-i tɔnnafurubi wu ntiŋ ɲaanfɛ, sabu niŋ bi kiri ma du ru kì. 27Masa Agiripa, ábɛɛ bili-i cintɔnŋ kiri wɔ wulu kiri ra wa? Míŋ ǹʼtɔ-i tu ábɛɛ bili yìrì ra. » 28Niŋ ki ra, Agiripa tu Pooli tɛ : « Miŋ i ǹʼtɛ ŋi i míŋ napwulu ji kiricɛn ki bɛɛ ɛ shuu wa? »
29Pooli tu : « Ŋì i ji dɔɔ walima kɔɔtɛ, míŋ i Kirinŋ nafɛ-a ńʼtu ábɛɛ ji míŋ sali. Ábɛɛ bantenŋ bi i kili kì, nka tu finŋ woo finŋ mɔ́ɔ́n wulu kiri rama-i jiŋ, tu niŋ bataa ji míŋ sali, nka kí fa ji jɔlɔkɔ ra miŋ tu míŋ i kì. »
30Niŋ ɲaan ki tɛ, kɛnintiŋ Fɛsitusi fa masa Agiripa fa Berenisi i jɔrɔkɔ po, ŋì i bo arì fan sɔɔtɔnŋ kiri sun. 31Kí pomaan ki kɔɔtɛ, kí tu arìmaŋ tɛ tu : « Ka koŋ ka bijɛ tɔri tenŋ ma, nwɔ̀ a so ji-i sababu, ntiŋ i kilɛn walima ntiŋ i bo nkasu ru kì. »
32Agiripa tu Fɛsitusi tɛ tu : « Shuru ka wuru-ra so pani-i, a ntiŋ ji wuru ǹʼbi-ri tu, afɔɔn kiti ki a ta kwuru Ɔrɔmu masa sinaŋ ki ɲaanfɛ kì. »
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.