मत्ती 28:12-15

जब मुख्य पुजारीनके यहूदी दलके नेतन संग जमा हुइलाँ। ओइने सल्लाहा करलाँ। और सिपाहिनहे असिक कहिके बहुत्ते पैँसक घुस देलाँ। “तुहुरे सक्कु मनैनहे कहहो, कि ‘रातके जब हम्रे निदागिल रही। तब् ओकर चेलनके आके उहिहे चोराके लैगिलाँ।’ कहुँ हाकिमके कानेम यी बात पुगगिल कलेसे हम्रे हुँकिन्हे मनाके हम्रे तुहुरिन्हे समस्यामे परे नै देबी।” तब् ओइने उ पैँसा लेलाँ, और ओइन्के सिखाइल हस करलाँ, और यहूदिनमे आजसम यहे बात फैलल पलि बा।