१ पत्रुस 2:4

तुहुरे प्रभु येशूक थेन आइल बतो। ऊ एकथो भवनके जग बैठैलक मूल ढुंगक हस बताँ। पर येशू जित्ती ढुंगा हुइँत। हुँकिन्हे बहुत्ते मनै अस्वीकार कर्लिन। पर परमेश्वर हुँकिन्हे चुन्लाँ। और हुँकिन्हे बहुमूल्य बनैलाँ। और जसिके मनै ढुंगालेके भवन बनैथाँ, ओस्तेहेँके परमेश्वर फेन तुहुरिन्हे एकथो समूहमे जमा करैले बताँ। जेम्ने परमेश्वरके आत्मा रथिन, ताकि तुहुरे पुजारीनके हस हुँकार सेवा करो, जेने बलिदान चह्रैथाँ। और ओइने असिन काम करथाँ, जोन काम परमेश्वरहे खुशी बनैथिन। असिन काम तुहुरे यहे कारणसे कर्बो जोन काम येशू ख्रीष्ट कर्ले बताँ।”