लुका 17:1-2

येसु ताइको चात्यागेलाइहेङ दोअ्हि, जातिङ भारि द्‍याङगेलाइहेङ पापता फासिपाका काथागेलाइते आइपरिखे कालाउ नेलाइको भाअ्सिङ हेथे थिलि गोइका हि, पापता फासिपाका द्‍याङगेलाइहेङ। येसु आरोङ दोअ्हि, हासुहेङ बुङ ताइको निर्घाता जान्ता तोइतेङ समुन्द्रता थाल्लि मारेम्का साजाइ दोङ हि। कालाउ जेसापा हासु बुङ काङको ह्रुता खाङधुरि पाका इदोइ म्हुइकालाइको मध्ये एमिहेङ बाधा पिनु वासेहेङ इदोइ खान्तेङ मारेम्का साजाइ जेनावा।