Levítico 1
1
Sacrificio ofrenda k'ananamanta
1Señor Diosmi Moisesta waqyamuran Dioswan tupana carpamanta. Hinaspan khaynata niran:
2—Israelpa miraynin runakunata khaynata niy: Sichus pipas qankuna ukhumanta huk animalta noqa Señor Diosman *ofrendata apamuwanqa chayqa, wakata otaq ovejata otaq orqo cabratan apamuwanan.
3Sichus *sacrificio ofrenda k'ananapaq huk torillota apamunqa chayqa, mana defectoyoq sano torillotan apamunan. Hinaspapas chay ofrendataqa tabernáculo nisqa temploman haykuna punkumanmi apamunan, saynapi chay sacrificio ofrendata Señor Dios chashkinanpaq. 4Chay sacrificio ofrenda apamuqmi animalpa umanman makinta churaykunqa. Saynapin paypa rantinta noqa Señor Diosqa chay ofrendata chashkisaq. Hinaspan huchankunatapas perdonasaq. 5Chaymantan chay torillota ñak'anqa noqa Señor Diospa ñawpaqniypi. Ichaqa Aaronpa wawan *sacerdotekunañataqmi chay torillopa yawarninta ch'allanqaku *altarpa muyuriqninman. Chay altarqa kashan tabernáculo nisqa templopa punkunpin. 6Chaymantan chay k'ananapaq ofrenda animalta apamuq runaqa chay animalpa qaranta ch'ustinqa. Hinaspan aychanta kuchuspa pedaseanqa. 7Aaronpa wawan sacerdotekunañataqmi sacrificio ofrenda k'anana altar hawapi ninata ratachinqaku. Hinaspan chay ninaman llant'ata churanqaku. 8Chaymantan Aaronpa wawan sacerdotekuna chay pedaseasqanku aychata churanqaku nina ratachisqanku llant'a hawaman, umantawan hinallataq ch'unchulninkunapa wirantawan kushkata. 9Chaymantan chay sacrificio ofrendata apamuq runa unuwan mayllinqa chay animalpa ch'unchulninkunata hinallataq chakinkunatapas. Hinaqtinmi chaytaqa llapallanta altarpa hawanpi sacerdote k'ananqa. Chay sacrificio ofrendaqa altarpi k'anaspa ofrecemuwasqaykichis mishk'i q'apariq ofrendan noqa Señor Diospaqqa.
10Sichus noqa Señor Diosman sacrificio ofrendata k'anaspa ofrecewananpaq apamunqa huk corderota otaq huk orqo cabratapas chayqa, chay apamusqan animalqa mana defectoyoq sanon kanan. 11Chaymantan chay ofrenda apamuq runaqa chay ofrenda apamusqanku animalta ñak'anqa altarpa norte nisqa lawninpi noqa Señor Diospa ñawpaqniypi. Ichaqa Aaronpa wawan sacerdotekunañataqmi chay animalpa yawarninta ch'allanqaku altarpa enteron muyuriqninman. 12Chaymantan chay k'ananapaq ofrendata apamuq runaqa, chay animalta kuchuspa, pedaseanqa. Hinaqtinmi chay pedaseasqa aychataqa, umantawan hinallataq wirantawan kushkata sacerdote churaykunqa altarpi nina ratachisqanku llant'a hawaman. 13Ichaqa chay sacrificio ofrendata apamuq runan ch'unchulninkunatapas hinallataq chakinkunatapas unuwan mayllinqa. Hinaqtinmi chaytaqa llapanta altar hawapi sacerdote k'ananqa. Chay sacrificio ofrendaqa, altarpi k'anaspa, ofrecemuwasqaykichis mishk'i q'apariq ofrendan noqa Señor Diospaqqa.
14Sichus pipas altarpi k'anaspa noqa Señor Diosman ofrecewananpaq phawaq animalta apamunqa chayqa, apamunanmi kullkuta otaq malqo palomata. 15Chay phawaq animaltan sacerdote apanqa altar hawaman. Hinaspan kunkanta t'ipispa, yawarninta sut'uchinqa altarpa waqtan lawkunaman. Aychatataqmi altarpi k'ananqa. 16Phurunta p'elaspan uytunta hinallataq ch'unchulninkunatapas orqonqa. Hinaspan chaykunataqa wikapayunqa ushpakuna hich'ana lugarman. Chay lugarqa kashan altarpa ladonpin intipa lloqsimunan lawpi. 17Chaymantan sacerdote chay phawaq animaltaqa raphrankunamanta hap'iykuspa ishkayman (pechonta) kichanqa. Ichaqa manan chay animaltaqa partinqachu. Hinaspan chay aychantaqa altarpi ratashaq ninapi llant'a hawaman churaspa k'ananqa. Chay sacrificio ofrendaqa altarpi k'anaspa, ofrecemuwasqaykichis mishk'i q'apariq ofrendan noqa Señor Diospaqqa, nispa.
Zvasarudzwa nguva ino
Levítico 1: QEAÑT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 1
1
Sacrificio ofrenda k'ananamanta
1Señor Diosmi Moisesta waqyamuran Dioswan tupana carpamanta. Hinaspan khaynata niran:
2—Israelpa miraynin runakunata khaynata niy: Sichus pipas qankuna ukhumanta huk animalta noqa Señor Diosman *ofrendata apamuwanqa chayqa, wakata otaq ovejata otaq orqo cabratan apamuwanan.
3Sichus *sacrificio ofrenda k'ananapaq huk torillota apamunqa chayqa, mana defectoyoq sano torillotan apamunan. Hinaspapas chay ofrendataqa tabernáculo nisqa temploman haykuna punkumanmi apamunan, saynapi chay sacrificio ofrendata Señor Dios chashkinanpaq. 4Chay sacrificio ofrenda apamuqmi animalpa umanman makinta churaykunqa. Saynapin paypa rantinta noqa Señor Diosqa chay ofrendata chashkisaq. Hinaspan huchankunatapas perdonasaq. 5Chaymantan chay torillota ñak'anqa noqa Señor Diospa ñawpaqniypi. Ichaqa Aaronpa wawan *sacerdotekunañataqmi chay torillopa yawarninta ch'allanqaku *altarpa muyuriqninman. Chay altarqa kashan tabernáculo nisqa templopa punkunpin. 6Chaymantan chay k'ananapaq ofrenda animalta apamuq runaqa chay animalpa qaranta ch'ustinqa. Hinaspan aychanta kuchuspa pedaseanqa. 7Aaronpa wawan sacerdotekunañataqmi sacrificio ofrenda k'anana altar hawapi ninata ratachinqaku. Hinaspan chay ninaman llant'ata churanqaku. 8Chaymantan Aaronpa wawan sacerdotekuna chay pedaseasqanku aychata churanqaku nina ratachisqanku llant'a hawaman, umantawan hinallataq ch'unchulninkunapa wirantawan kushkata. 9Chaymantan chay sacrificio ofrendata apamuq runa unuwan mayllinqa chay animalpa ch'unchulninkunata hinallataq chakinkunatapas. Hinaqtinmi chaytaqa llapallanta altarpa hawanpi sacerdote k'ananqa. Chay sacrificio ofrendaqa altarpi k'anaspa ofrecemuwasqaykichis mishk'i q'apariq ofrendan noqa Señor Diospaqqa.
10Sichus noqa Señor Diosman sacrificio ofrendata k'anaspa ofrecewananpaq apamunqa huk corderota otaq huk orqo cabratapas chayqa, chay apamusqan animalqa mana defectoyoq sanon kanan. 11Chaymantan chay ofrenda apamuq runaqa chay ofrenda apamusqanku animalta ñak'anqa altarpa norte nisqa lawninpi noqa Señor Diospa ñawpaqniypi. Ichaqa Aaronpa wawan sacerdotekunañataqmi chay animalpa yawarninta ch'allanqaku altarpa enteron muyuriqninman. 12Chaymantan chay k'ananapaq ofrendata apamuq runaqa, chay animalta kuchuspa, pedaseanqa. Hinaqtinmi chay pedaseasqa aychataqa, umantawan hinallataq wirantawan kushkata sacerdote churaykunqa altarpi nina ratachisqanku llant'a hawaman. 13Ichaqa chay sacrificio ofrendata apamuq runan ch'unchulninkunatapas hinallataq chakinkunatapas unuwan mayllinqa. Hinaqtinmi chaytaqa llapanta altar hawapi sacerdote k'ananqa. Chay sacrificio ofrendaqa, altarpi k'anaspa, ofrecemuwasqaykichis mishk'i q'apariq ofrendan noqa Señor Diospaqqa.
14Sichus pipas altarpi k'anaspa noqa Señor Diosman ofrecewananpaq phawaq animalta apamunqa chayqa, apamunanmi kullkuta otaq malqo palomata. 15Chay phawaq animaltan sacerdote apanqa altar hawaman. Hinaspan kunkanta t'ipispa, yawarninta sut'uchinqa altarpa waqtan lawkunaman. Aychatataqmi altarpi k'ananqa. 16Phurunta p'elaspan uytunta hinallataq ch'unchulninkunatapas orqonqa. Hinaspan chaykunataqa wikapayunqa ushpakuna hich'ana lugarman. Chay lugarqa kashan altarpa ladonpin intipa lloqsimunan lawpi. 17Chaymantan sacerdote chay phawaq animaltaqa raphrankunamanta hap'iykuspa ishkayman (pechonta) kichanqa. Ichaqa manan chay animaltaqa partinqachu. Hinaspan chay aychantaqa altarpi ratashaq ninapi llant'a hawaman churaspa k'ananqa. Chay sacrificio ofrendaqa altarpi k'anaspa, ofrecemuwasqaykichis mishk'i q'apariq ofrendan noqa Señor Diospaqqa, nispa.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional