Mavaanga 3
3
Nga ipiha wu abeeluhi hu nzo a Nzambi
1Peetelo na Yowani baakumi hu nzo a Nzambi mu lisambulu mu ngunga yi matatu ya humbisa a mwangulu. 2Ŋa muvanga a ikotili hya mumbu a nzo a Nzambi, hi baakateele «ikotili hi ibwe», hwaba na muutu nga ipiha hi imbutala-ngu. Pasi ilumbu, baakabehe na baakatsahisa nde ŋana. Bo baakasa buuna, mana nde abaavondo bungodu huli ba baakakoto mu litandala la nzo a Nzambi. 3Nde amono Peetelo na Yowani ba baakakoto mu nzo a Nzambi, nde avondi bo mbongo. 4Peetelo na Yowani baasungimini nde, na Peetelo aleeli nde: «Tala bisu!» 5Nde atali bo na hiitu hyoosi, mu tooni ati, nde akakeele uyaka isiha huli bo. 6Buuna Peetelo aleeli nde: «Me a handi na mbongo, tso wolo ve. Ka bi me ndi na byo, me miipa we byo, mu nduhi a Yisu Kristo musi Nazareti: teleme na yene!» 7Titswene, Peetelo akaangi nde mu hoho hwa mbahala, atelimisi nde. Masulubete, miilu mya nde na makede byahwadi. 8Mu dambuha limosi, nde atelimi na ayeni. Nde akoti na biluumbi mu litandala la nzo a Nzambi mu uyene, mu udambuha, na mu ubaayusa Nzambi. 9Baatu boosi baamoni nde, mu uyene na mu uyusa Nzambi. 10Baatu baadihuli ti wunuwu ni nde wu akabaavondo bungodu matsahala, ŋa ikotili hya mumbu a nzo a Nzambi. Bo boosi baakimuhi na baamoni tsisu mu ma maabwili muutu mo wunuwu.
Peetelo li mu ulongese mu litandala la nzo a Nzambi
11Bu muutu mo wunuuwu hakaveletahuha na Peetelo buna Yowani, boosi hutso a kimuhili, baahidumini huli bo hu mbongi yi baakateele «mbongi a Soolomo». 12Bu Peetelo hamoni buuna, nde ayabisi huli bo: «Bisu Isereli, mu hima benu likimuhi mu ipadi mo hinihi? Benu litsimi ti, ni mu matwala ma bisu, buuve mu ukangama hwa bisu mu Nzambi, bisu limiitelemese muutu mo wunuuwu. Naana a buuna ve! 13Nzambi a Abrahami, wa Isaki na wa Yakobi, Nzambi bakaaha ba bisu, miimweese muyusu a musalili a nde Yisu. Benu mwakulu laayehuli nde huli bakuutu, na utuna nde ŋa busu bwa Pilaato. Humbisa utsikaha mambu, Pilaato abeedi na tsimi yi unyahula nde. 14Benu laanyanzi wu abeedi wa ngidi na wu akuha, na benu laatondi ti banyahula benu mudubi a baatu. 15Buuna, benu laatumi uduba Pfumu a moonyi. Ka Nzambi asuuli nde mu babaakwa, na bisu lili bambangi baa mambu mo maana. 16Mu tooni imiinu hi lili na hyo mu nduhi a Yisu, matwala ma nduhi a nde maabweva mifudi huli muutu mo wu benu limiimono, na wu benu liyabi. Ni imiinu hi nde ali na hyo mu Yisu, himiibeloso nde nzyeni ŋa busu bwa benu. 17Bunuubu, baana ba ngu, me nzaabi bubwe ti benu na bakuutu ba benu, laavaangi buuna hutso budimbu. 18Ka Nzambi hakuhasa buuna, ma nde haba hamiiteehele uyabisa mu minywa mi mimbihuli myosi. Nde aleeli ti Kristo a nde afwana umono munyongi. 19Sobwaani mbiili, na yafutahani huli Nzambi, mana nde atsindula masumu ma benu. 20Buuna Pfumu Nzambi uva benu matangu ma pumili. Nde utsindaha benu Yisu, ni Kristo wu nde hasooli mu tooni a benu. 21Mu taangu mo yiniiyi, hwafwana ti nde aba hu yulu. Nde utsahala na Nzambi natee taangu yi Nzambi hu ukitusa byosi bunyatihi, we bu nde hayabisi umata tsikulu, mu minywa mi mimbihuli mya nde. 22Ka Moose aleeli: “Pfumu Nzambi a benu utsindaha mumosi ŋa hati la baana ba ngu a benu, mumbihuli we me. Benu laafwana uyuha moosi ma nde huleele benu. 23Ka pasi muutu wu uveleyuhala mumbihuli mo wunuuwu, bu udimbasa nde ŋa hati la buli la Nzambi na uduba nde#Pfu 18.15,18,19.” 24Umata taangu a mumbihuli Samweli, mimbihuli myosi myatoyi ilandi-ilandi, na myayabisi mambu ma mu uya mu bilumbu mo biniibi. 25Benu lili baana ba mimbihuli, na baa nzuhisini li Nzambi hakuti na bakaaha ba benu, ŋa nde haleeli huli Abrahami ti: “Mu bikiisa bya we#Mba 22.18, me utsyeme bibandu byosi bya ŋa toto.” 26Ni mu tooni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavaanga ma nde ma mabi.»
Zvasarudzwa nguva ino
Mavaanga 3: TSA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.
Mavaanga 3
3
Nga ipiha wu abeeluhi hu nzo a Nzambi
1Peetelo na Yowani baakumi hu nzo a Nzambi mu lisambulu mu ngunga yi matatu ya humbisa a mwangulu. 2Ŋa muvanga a ikotili hya mumbu a nzo a Nzambi, hi baakateele «ikotili hi ibwe», hwaba na muutu nga ipiha hi imbutala-ngu. Pasi ilumbu, baakabehe na baakatsahisa nde ŋana. Bo baakasa buuna, mana nde abaavondo bungodu huli ba baakakoto mu litandala la nzo a Nzambi. 3Nde amono Peetelo na Yowani ba baakakoto mu nzo a Nzambi, nde avondi bo mbongo. 4Peetelo na Yowani baasungimini nde, na Peetelo aleeli nde: «Tala bisu!» 5Nde atali bo na hiitu hyoosi, mu tooni ati, nde akakeele uyaka isiha huli bo. 6Buuna Peetelo aleeli nde: «Me a handi na mbongo, tso wolo ve. Ka bi me ndi na byo, me miipa we byo, mu nduhi a Yisu Kristo musi Nazareti: teleme na yene!» 7Titswene, Peetelo akaangi nde mu hoho hwa mbahala, atelimisi nde. Masulubete, miilu mya nde na makede byahwadi. 8Mu dambuha limosi, nde atelimi na ayeni. Nde akoti na biluumbi mu litandala la nzo a Nzambi mu uyene, mu udambuha, na mu ubaayusa Nzambi. 9Baatu boosi baamoni nde, mu uyene na mu uyusa Nzambi. 10Baatu baadihuli ti wunuwu ni nde wu akabaavondo bungodu matsahala, ŋa ikotili hya mumbu a nzo a Nzambi. Bo boosi baakimuhi na baamoni tsisu mu ma maabwili muutu mo wunuwu.
Peetelo li mu ulongese mu litandala la nzo a Nzambi
11Bu muutu mo wunuuwu hakaveletahuha na Peetelo buna Yowani, boosi hutso a kimuhili, baahidumini huli bo hu mbongi yi baakateele «mbongi a Soolomo». 12Bu Peetelo hamoni buuna, nde ayabisi huli bo: «Bisu Isereli, mu hima benu likimuhi mu ipadi mo hinihi? Benu litsimi ti, ni mu matwala ma bisu, buuve mu ukangama hwa bisu mu Nzambi, bisu limiitelemese muutu mo wunuuwu. Naana a buuna ve! 13Nzambi a Abrahami, wa Isaki na wa Yakobi, Nzambi bakaaha ba bisu, miimweese muyusu a musalili a nde Yisu. Benu mwakulu laayehuli nde huli bakuutu, na utuna nde ŋa busu bwa Pilaato. Humbisa utsikaha mambu, Pilaato abeedi na tsimi yi unyahula nde. 14Benu laanyanzi wu abeedi wa ngidi na wu akuha, na benu laatondi ti banyahula benu mudubi a baatu. 15Buuna, benu laatumi uduba Pfumu a moonyi. Ka Nzambi asuuli nde mu babaakwa, na bisu lili bambangi baa mambu mo maana. 16Mu tooni imiinu hi lili na hyo mu nduhi a Yisu, matwala ma nduhi a nde maabweva mifudi huli muutu mo wu benu limiimono, na wu benu liyabi. Ni imiinu hi nde ali na hyo mu Yisu, himiibeloso nde nzyeni ŋa busu bwa benu. 17Bunuubu, baana ba ngu, me nzaabi bubwe ti benu na bakuutu ba benu, laavaangi buuna hutso budimbu. 18Ka Nzambi hakuhasa buuna, ma nde haba hamiiteehele uyabisa mu minywa mi mimbihuli myosi. Nde aleeli ti Kristo a nde afwana umono munyongi. 19Sobwaani mbiili, na yafutahani huli Nzambi, mana nde atsindula masumu ma benu. 20Buuna Pfumu Nzambi uva benu matangu ma pumili. Nde utsindaha benu Yisu, ni Kristo wu nde hasooli mu tooni a benu. 21Mu taangu mo yiniiyi, hwafwana ti nde aba hu yulu. Nde utsahala na Nzambi natee taangu yi Nzambi hu ukitusa byosi bunyatihi, we bu nde hayabisi umata tsikulu, mu minywa mi mimbihuli mya nde. 22Ka Moose aleeli: “Pfumu Nzambi a benu utsindaha mumosi ŋa hati la baana ba ngu a benu, mumbihuli we me. Benu laafwana uyuha moosi ma nde huleele benu. 23Ka pasi muutu wu uveleyuhala mumbihuli mo wunuuwu, bu udimbasa nde ŋa hati la buli la Nzambi na uduba nde#Pfu 18.15,18,19.” 24Umata taangu a mumbihuli Samweli, mimbihuli myosi myatoyi ilandi-ilandi, na myayabisi mambu ma mu uya mu bilumbu mo biniibi. 25Benu lili baana ba mimbihuli, na baa nzuhisini li Nzambi hakuti na bakaaha ba benu, ŋa nde haleeli huli Abrahami ti: “Mu bikiisa bya we#Mba 22.18, me utsyeme bibandu byosi bya ŋa toto.” 26Ni mu tooni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavaanga ma nde ma mabi.»
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.