Mavaanga 19
19
Pahuli li mu ulongese hu musyenge a Efeso
1Bu Apoloosi haba hu musyenge a Koliito, Pahuli ataatili itaanzi hi bisyelo bya hu Asiya na atoodi hu musyenge a Efeso. Huuna, nde abwani na mwaana a kabu li bayihi. 2Nde afuuli bo: «Benu laayaki Livupu la Ngidi ŋa benu laasiidi hiitu mu Nzambi?» Bo baafutili: «Bisu kini a laayuhi batoyi mu Livupu la Ngidi ve.» 3Pahuli afuuli bo: «Ki tondihili benu laayaki?» Bo baafutili: «Bisu laayaki tondihili a Yowani.» 4Pahuli aleeli bo: «Yowani akatondehe ba baakasiinga usobo mbiili. Nde akaleele huli bisu Isereli, mu usa hiitu mu muutu wu uya ŋa mbisa a nde, muutu mowuna ni Yisu.» 5Humbisa uyuha mambu mo maana, bo baayaki tondihili mu nduhi a Pfumu Yisu. 6Pahuli asuusili bo myoho, na Livupu la Ngidi laakulimini ŋa yulu a bo. Lo laaviidi bo matwala ma utoyo mu mandaha ma baaveleyaba, na ubihula. 7Bo baabeedi bebele a kuumi na baatu boole. 8Pahuli akayene taangu yoosi hu nzo lisambulu yi Bayudaayo, na nde akatoyo na imbuli hyoosi. Mu batsungi batatu, nde akayabisa bo misamu mi Ipfumu hya Nzambi. Nde akahwada mu usundasa matsimi ma ba baakayuha nde. 9Ka mitima mya ba banzuhisini ŋa hati la bo, myaba miminono. Bo a baakasa hiitu ve, na baakakwede ŋa kuungi la baatu boosi, baana ba baakaduukala nzila a Pfumu. Ka Pahuli atahuhi na bo. Nde abiti bayihi hu nzo a nzihili ya Tiranyusi, na akatoyo na bo pasi ilumbu. 10Pahuli ahwadi mu ulongese mu bilima byole, mana Bayudaayo na Bangeleke boosi, ba baakatsahala hu itaanzi hya Asiya, bayuha mambu ma Pfumu.
Baana tsambu baa Seva
11Nzambi akavaanga bipadi bya kimuhili mu myoho mya Pahuli. 12Baatu baakasuusala babeedu matsaanda, buuve maleeso ma maakakubaana nyutu a Pahuli. Babeedu baakabeloho mu mabeedu ma bo, na mavupu ma mabi maakapala mu bo.
13Bayudaayo bamosi, baakadyengele ibiingi na ibiingi mu ubinga mavupu ma mabi. Baatu mo baana, baayehili usalila nduhi a Pfumu Yisu mu musamu mowuna. Bo baakaleele huli mavupu ma mabi: «Me tumi benu mu upala mu nyutu a muutu mo wunuuwu, mu nduhi a Yisu mo wu Pahuli ubaalongese!» 14Buuna ni bu tsambu la baana ba Seva baakavaanga. Seva aba mukuutu bangaanga ba Bayudaayo, wu akasa isalu hya ngaanga a Nzambi. 15Ka ilumbu imosi, livupu lilibi laafutili bo bu: «Me nzaabi Yisu, na me atsikaha Pahuli na ali. Ka benu, benu baana lili?» 16Na muutu nga livupu lilibi ayabwa ŋa yulu a bo, na amweesi ti nde afula bo mifudi. Nde amweesi bo pasi, na boosi baapali mu nzo a nde pene na mbuma. 17Musamu mo wunuuwu ayabiini huli bisu musyenge a Efeso boosi. Bayudaayo na Bangeleke baayabi matwala ma Nzambi, na baabaandihi usinzakiinza nduhi a Pfumu Yisu. 18Ba banzuhisini mu ba baasiidi hiitu mu Nzambi, baakayasiinga ma mabi ma bo ŋa kuungi la baatu. 19Kabu lilinene la baatu ba baakasalila maviingu, baabehi mabuuku ma baakasalila, na baatsuhi mo ŋa kuungi la baatu boosi. Talu mabuuku mo maana, yatoodi iteesi hi maku mataanu ma biveeve bi makuta ma mbongo (5 0000). 20Ni mu buuna, mu matwala ma Pfumu, mambu ma nde maakatsaamuha na maakafulala ubaha mifudi.
Muyungisi a baatu hu musyenge a Efeso
21Bu misamu mo miina myavyohi, Pahuli atsimi uyene hu Yeruselemi mu uvyohele mu bitaanzi bya Masedonya na Akayi. Nde akaleele: «Bu me umata huuna, me apfwana uyene ka hu musyenge a Looma.» 22Nde atsindihi Timoteho na Erasite, ba baakakumbasa nde mu isalu, hu Masedonya. Ka nde mwakulu amasaala mwaana a taangu hole, hu itaanzi hya Asiya.
23Mu taangu mo yiina, muyungisi wu munene abwidi hu musyenge a Efeso, mu tooni a ndongisili yi yatala «Nzila a Pfumu». 24Mutsuli bilunga mumosi, nga nduhi Demetiyusi, akatsula bifwaani bi manzo ma nzambi mu mbongo. Bi nde hakatsula, aba bifwaani bya nzo yi baatu baakasambila inzanzambi, hi mukaasu nga kuumbu Aritemisi. Demetiyusi akabutasa kaluha yinene huli nde, na huli ba baakasala na nde. 25Ilumbu imosi, nde ateeli basali ba nde boosi, napa bakima ba baakasala isalu mo hina. Nde aleeli bo: «Bambaahi ba me, benu liyaabi ti isalu mo hinihi hibaabutala bisu a benu kaluha yimbwe. 26Ka benu lili mu umono, tso uyuha ma mali mu uvyoho mu musyenge a Efeso, natee mu itaanzi hya Asiya hyoosi. Pahuli mo wunuuwu amiikingula matsimi ma makonge ma baatu, ti banzambi baa myoho mya baatu myavaanga, a bali banzambi baa mbuli ve! 27Monwaani! Isalu hya bisu a benu hyufwa tsoongo, na muyusu a nzo a nzambi mukaasu Aritemisi, sa afwa. Buuna, inzanzambi mo hinihi, hi baatu bubaayusa mu itaanzi hya Asiya hyoosi, na mu toto yoosi, sa hitsulaana.» 28Bu baatu baayuhi mambu mo maana, bo baaluuli mu kesi, na baakafulaha: «Aritemisi a bisu Efeso wu munene ali!»
29Buuna, bisu musyenge a Efeso boosi, baakoti mu muyungisi. Koonge a baatu yaakaangi bisu Masedonya boole, Ngayusi na Arisitake, batsyengi baa Pahuli baa mudyenge. Boosi mu mutima mumosi, baabingilili udutaha bo ŋa litandala li mikungi. 30Pahuli akatondo umonehele mu utoyo ŋa busu bwa baatu boosi, ka bayihi baalihi nde. 31Bamosi ka mu bafoko ba basyenoho baa itaanzi hya Asiya, bambaahi baa Pahuli, baatsindihi nde baatu mana bayalembesene Pahuli mu uveleyene hu litandala li mikungi. 32Mu taangu mo yiina, kuungi la baatu laakoti hutso muyungisi. Baniiba baakafulaha dyaambu limosi, bana baakafulaha likima. Na ba banzuhisini ŋa hati la bo, a baakayaba tso tooni ya kuukimini a bo ve. 33Mwana a kabu la baatu mu konge, baabinduli musamu huli muutu mumosi nga kuumbu Alezande, wu Bayudaayo baakatehese ŋa busu. Alezande asyenuli hoho, mu uyabisa ti nde tondi utoyo. Na nde abinduli ŋa busu bwa konge ti ba bo baakangi, a bali na mbele ve. 34Ka bu baayaabi ti nde Muyudaayo haba, baatu boosi baakafulaha mu itwadi mu mangunga moole: «Aritemisi a bisu Efeso, we li wu munene!»
Foko mumosi wu musyenge a Efeso, miivumasa konge
35Tangu mosi, foko wu lituma li musyenge, avumisi konge na aleeli: «Benu bisu Efeso, boosi bayaabi ti musyenge a Efeso, ni keedi a nzo a nzambi a Aritemisi. Benu liyabi ka ti iliimbu hi inzambi hya nde, hyamati hu yulu we manya, na hyabwidi ŋa toto. 36Muutu utwala utuna love. Ni mu buuna, benu laafwana uba swii na utsima, na uvelebingalala uvanga pasi dyaambu. 37Benu limiibehe baatu mobaniba ŋa. Bo a baayiba bi bili mu manzo ma nzambi ma Aritemisi ve. Pila mosi ka, bo a baatuha nde, tso uleele dyaambu lilibi mu nde ve. 38Tso Demetiyusi na bambaahi ba nde baa isalu batondi ukese muutu, bo baafwana uyene mu manzo ma tsundusu, ŋa busu bu banzonzi. Ni huuna baafwana uyakese bo. 39Na tso benu lili na musamu mukima wu ukese, sa bavanga nde hu likutuunu li laayelemene mu mikele. 40Livelekebani, bisu Looma sa bayakese bisu a benu, ti lili mu utuumbasa konge a baatu mu usa muyungisi. Umono ti ni buuna, bisu a benu a lu ubaha mbiinga mu ubindula ma mamiivyoho loloyi ve.» 41Humbisa uleele buuna, foko mo wunuuwu afutili baatu boosi.
Zvasarudzwa nguva ino
Mavaanga 19: TSA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.
Mavaanga 19
19
Pahuli li mu ulongese hu musyenge a Efeso
1Bu Apoloosi haba hu musyenge a Koliito, Pahuli ataatili itaanzi hi bisyelo bya hu Asiya na atoodi hu musyenge a Efeso. Huuna, nde abwani na mwaana a kabu li bayihi. 2Nde afuuli bo: «Benu laayaki Livupu la Ngidi ŋa benu laasiidi hiitu mu Nzambi?» Bo baafutili: «Bisu kini a laayuhi batoyi mu Livupu la Ngidi ve.» 3Pahuli afuuli bo: «Ki tondihili benu laayaki?» Bo baafutili: «Bisu laayaki tondihili a Yowani.» 4Pahuli aleeli bo: «Yowani akatondehe ba baakasiinga usobo mbiili. Nde akaleele huli bisu Isereli, mu usa hiitu mu muutu wu uya ŋa mbisa a nde, muutu mowuna ni Yisu.» 5Humbisa uyuha mambu mo maana, bo baayaki tondihili mu nduhi a Pfumu Yisu. 6Pahuli asuusili bo myoho, na Livupu la Ngidi laakulimini ŋa yulu a bo. Lo laaviidi bo matwala ma utoyo mu mandaha ma baaveleyaba, na ubihula. 7Bo baabeedi bebele a kuumi na baatu boole. 8Pahuli akayene taangu yoosi hu nzo lisambulu yi Bayudaayo, na nde akatoyo na imbuli hyoosi. Mu batsungi batatu, nde akayabisa bo misamu mi Ipfumu hya Nzambi. Nde akahwada mu usundasa matsimi ma ba baakayuha nde. 9Ka mitima mya ba banzuhisini ŋa hati la bo, myaba miminono. Bo a baakasa hiitu ve, na baakakwede ŋa kuungi la baatu boosi, baana ba baakaduukala nzila a Pfumu. Ka Pahuli atahuhi na bo. Nde abiti bayihi hu nzo a nzihili ya Tiranyusi, na akatoyo na bo pasi ilumbu. 10Pahuli ahwadi mu ulongese mu bilima byole, mana Bayudaayo na Bangeleke boosi, ba baakatsahala hu itaanzi hya Asiya, bayuha mambu ma Pfumu.
Baana tsambu baa Seva
11Nzambi akavaanga bipadi bya kimuhili mu myoho mya Pahuli. 12Baatu baakasuusala babeedu matsaanda, buuve maleeso ma maakakubaana nyutu a Pahuli. Babeedu baakabeloho mu mabeedu ma bo, na mavupu ma mabi maakapala mu bo.
13Bayudaayo bamosi, baakadyengele ibiingi na ibiingi mu ubinga mavupu ma mabi. Baatu mo baana, baayehili usalila nduhi a Pfumu Yisu mu musamu mowuna. Bo baakaleele huli mavupu ma mabi: «Me tumi benu mu upala mu nyutu a muutu mo wunuuwu, mu nduhi a Yisu mo wu Pahuli ubaalongese!» 14Buuna ni bu tsambu la baana ba Seva baakavaanga. Seva aba mukuutu bangaanga ba Bayudaayo, wu akasa isalu hya ngaanga a Nzambi. 15Ka ilumbu imosi, livupu lilibi laafutili bo bu: «Me nzaabi Yisu, na me atsikaha Pahuli na ali. Ka benu, benu baana lili?» 16Na muutu nga livupu lilibi ayabwa ŋa yulu a bo, na amweesi ti nde afula bo mifudi. Nde amweesi bo pasi, na boosi baapali mu nzo a nde pene na mbuma. 17Musamu mo wunuuwu ayabiini huli bisu musyenge a Efeso boosi. Bayudaayo na Bangeleke baayabi matwala ma Nzambi, na baabaandihi usinzakiinza nduhi a Pfumu Yisu. 18Ba banzuhisini mu ba baasiidi hiitu mu Nzambi, baakayasiinga ma mabi ma bo ŋa kuungi la baatu. 19Kabu lilinene la baatu ba baakasalila maviingu, baabehi mabuuku ma baakasalila, na baatsuhi mo ŋa kuungi la baatu boosi. Talu mabuuku mo maana, yatoodi iteesi hi maku mataanu ma biveeve bi makuta ma mbongo (5 0000). 20Ni mu buuna, mu matwala ma Pfumu, mambu ma nde maakatsaamuha na maakafulala ubaha mifudi.
Muyungisi a baatu hu musyenge a Efeso
21Bu misamu mo miina myavyohi, Pahuli atsimi uyene hu Yeruselemi mu uvyohele mu bitaanzi bya Masedonya na Akayi. Nde akaleele: «Bu me umata huuna, me apfwana uyene ka hu musyenge a Looma.» 22Nde atsindihi Timoteho na Erasite, ba baakakumbasa nde mu isalu, hu Masedonya. Ka nde mwakulu amasaala mwaana a taangu hole, hu itaanzi hya Asiya.
23Mu taangu mo yiina, muyungisi wu munene abwidi hu musyenge a Efeso, mu tooni a ndongisili yi yatala «Nzila a Pfumu». 24Mutsuli bilunga mumosi, nga nduhi Demetiyusi, akatsula bifwaani bi manzo ma nzambi mu mbongo. Bi nde hakatsula, aba bifwaani bya nzo yi baatu baakasambila inzanzambi, hi mukaasu nga kuumbu Aritemisi. Demetiyusi akabutasa kaluha yinene huli nde, na huli ba baakasala na nde. 25Ilumbu imosi, nde ateeli basali ba nde boosi, napa bakima ba baakasala isalu mo hina. Nde aleeli bo: «Bambaahi ba me, benu liyaabi ti isalu mo hinihi hibaabutala bisu a benu kaluha yimbwe. 26Ka benu lili mu umono, tso uyuha ma mali mu uvyoho mu musyenge a Efeso, natee mu itaanzi hya Asiya hyoosi. Pahuli mo wunuuwu amiikingula matsimi ma makonge ma baatu, ti banzambi baa myoho mya baatu myavaanga, a bali banzambi baa mbuli ve! 27Monwaani! Isalu hya bisu a benu hyufwa tsoongo, na muyusu a nzo a nzambi mukaasu Aritemisi, sa afwa. Buuna, inzanzambi mo hinihi, hi baatu bubaayusa mu itaanzi hya Asiya hyoosi, na mu toto yoosi, sa hitsulaana.» 28Bu baatu baayuhi mambu mo maana, bo baaluuli mu kesi, na baakafulaha: «Aritemisi a bisu Efeso wu munene ali!»
29Buuna, bisu musyenge a Efeso boosi, baakoti mu muyungisi. Koonge a baatu yaakaangi bisu Masedonya boole, Ngayusi na Arisitake, batsyengi baa Pahuli baa mudyenge. Boosi mu mutima mumosi, baabingilili udutaha bo ŋa litandala li mikungi. 30Pahuli akatondo umonehele mu utoyo ŋa busu bwa baatu boosi, ka bayihi baalihi nde. 31Bamosi ka mu bafoko ba basyenoho baa itaanzi hya Asiya, bambaahi baa Pahuli, baatsindihi nde baatu mana bayalembesene Pahuli mu uveleyene hu litandala li mikungi. 32Mu taangu mo yiina, kuungi la baatu laakoti hutso muyungisi. Baniiba baakafulaha dyaambu limosi, bana baakafulaha likima. Na ba banzuhisini ŋa hati la bo, a baakayaba tso tooni ya kuukimini a bo ve. 33Mwana a kabu la baatu mu konge, baabinduli musamu huli muutu mumosi nga kuumbu Alezande, wu Bayudaayo baakatehese ŋa busu. Alezande asyenuli hoho, mu uyabisa ti nde tondi utoyo. Na nde abinduli ŋa busu bwa konge ti ba bo baakangi, a bali na mbele ve. 34Ka bu baayaabi ti nde Muyudaayo haba, baatu boosi baakafulaha mu itwadi mu mangunga moole: «Aritemisi a bisu Efeso, we li wu munene!»
Foko mumosi wu musyenge a Efeso, miivumasa konge
35Tangu mosi, foko wu lituma li musyenge, avumisi konge na aleeli: «Benu bisu Efeso, boosi bayaabi ti musyenge a Efeso, ni keedi a nzo a nzambi a Aritemisi. Benu liyabi ka ti iliimbu hi inzambi hya nde, hyamati hu yulu we manya, na hyabwidi ŋa toto. 36Muutu utwala utuna love. Ni mu buuna, benu laafwana uba swii na utsima, na uvelebingalala uvanga pasi dyaambu. 37Benu limiibehe baatu mobaniba ŋa. Bo a baayiba bi bili mu manzo ma nzambi ma Aritemisi ve. Pila mosi ka, bo a baatuha nde, tso uleele dyaambu lilibi mu nde ve. 38Tso Demetiyusi na bambaahi ba nde baa isalu batondi ukese muutu, bo baafwana uyene mu manzo ma tsundusu, ŋa busu bu banzonzi. Ni huuna baafwana uyakese bo. 39Na tso benu lili na musamu mukima wu ukese, sa bavanga nde hu likutuunu li laayelemene mu mikele. 40Livelekebani, bisu Looma sa bayakese bisu a benu, ti lili mu utuumbasa konge a baatu mu usa muyungisi. Umono ti ni buuna, bisu a benu a lu ubaha mbiinga mu ubindula ma mamiivyoho loloyi ve.» 41Humbisa uleele buuna, foko mo wunuuwu afutili baatu boosi.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.