Mavaanga 14
14
Pahuli na Baranabasi hu Ikoniwumi
1Bu Pahuli na Baranabasi baatoodi hu musyenge a Ikoniwumi, bo baakoti mu nzo lisambulu yi Bayudaayo. Huuna, ndongisili a bo yasiidi ti Bayudaayo na ba bavele Bayudaayo, baasiidi hiitu mu Pfumu. 2Ka Bayudaayo bakima ba baavelisa hiitu mu Pfumu, baatumbisi ba bavele Bayudaayo mana bayalwanisa baana ba bangu ba bo ba baasiidi hiitu. 3Ka Pahuli na Baranabasi baadiingi hu Ikoniwumi. Bo baakalongese mambu ma Pfumu na hiitu hyoosi, mu tooni a Pfumu. Ni Pfumu akamweese imbuli hya ndongisili a bo. Na nde akava bo matwala ma uvanga bipadi bya kimuhili, mu umweese imbuli hya ma bo baakalongese mu Pfumu. 4Buli li musyenge laakabuhi. Bamosi baakakalila Bayudaayo, bana baakakalila biluumbi bya Nzambi. 5Bisu musyenge na Bayudaayo napa bakuutu baba baavele Bayudaayo, baakavangama mu ukwamisa biluumbi na uduba bo mu mamanya. 6Ka bu bo baayabi lo, bo baabati hu tsyelo a Lisitele na Derebe, misyenge mya itaanzi hya Likawoni, na mala ma bibiingi bya mo bina. 7Huuna ka, bo baatsaamuni Tsangu yi Mbwe.
Pahuli na Baranabasi hu Lisitele
8Hu musyenge a Lisitele, hwaba na bahala limosi li miilu myaba myavolo. Nde aba imbolo hi imbutala-ngu, wu akaveletwala dwe. 9Bahala mo akayuha ma Pahuli hakaleele. Bu Pahuli hasungimini nde, Pahuli amoni ti hiitu hya nde mu Nzambi, ubeeloso nde. 10Pahuli atumi nde mu mifudi: «Teleme! Na sungama mu miilu mya we!» Bahala mo linili laadambuhi na laatakuli. 11Bu konge yamoni ma Pahuli havangi, bo baafulihi mu ndaha a bo bisu Likayoni: «Banzambi bamiivolo ifwaani hya baatu, na bamiisutaha ŋa hati la bisu.» 12Bo baaviidi bo makuumbu ma banzambi ba bo. Baakateele Baranabasi «Zusi», na Pahuli «Emesi», mu tooni ati Pahuli aba mutoosili. 13Nzo a nzambi a Zusi yaba ŋa kotili musyenge. Ngaanga a nzambi mo yiina, abehi bangombe ba baalwatisa bifulu bi baatunga natee ŋa kotili musyenge. Nde akasaha uva bungodu, mu itwadi na konge, huli Pahuli na Baranabasi. 14Bu biluumbi bya byole byayuhi lo, baakasuli bikutu bya bo mu umweese lingebe ŋa busu bwa Nzambi. Na baabingilili ukoto hutso a konge a baatu, na ubaafulaha mu mifudi: 15«Oh! Bambaahi, hima lili mu usa buuna? Bisu ka baatu lili we benu. Bisu Musamu wu Mubwe lili mu ubehele benu, na uvondo benu mu utimba banzambi babavele na tsoongo. Buuna benu likinguha huli Nzambi a moonyi, wu avanga yulu, toto, mubu, na byosi bi bili muuna. 16Mu tsikulu, Nzambi anyahi baatu ba matsi moosi, baduukala manzila ma bo mwakulu baatondo. 17Nde amweese ti nde moonyi ali mu ma mabwe moosi ma nde ubaasa mu boosi. Mu tooni ati, nde Nzambi wu ubaanohese mvula, na uva mbutu yindahi mu taangu yi yafwana. Nde ubaava benu byudya mana aluusa mitima mya benu mu kinya.» 18Tso bu bo baakaleele buuna, bo baamoni pasi mu ukala konge a baatu mu uva bo bungodu. 19Bayudaayo ba baamati hu misyenge mya Antyokya na Ikoniwumi baayatumbasa konge. Baateti Pahuli mamanya mu uduba nde, na baadutihi nde hu mbadi musyenge, bu baatsimi ti nde miikwa. 20Ka bu bayihi baadiingi nde, Pahuli atelimi na afutihi hutso musyenge. Ilumbu hi hyaduuki, Pahuli na Baranabasi baayeni hu musyenge a Derebe.
Pahuli na Baranabasi baafutihi hu Antyokya
21Pahuli na Baranabasi baamani ulongese Musamu wu Mubwe hutso musyenge a Derebe. Huuna, baatu ba banzuhisini baakinguli buyedi mu usa hiitu mu Yisu. Buuna bo baafutihi hu misyenge mya Lisitele, Ikoniwumi na hu Antyokya. 22Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi ma malahi, tswamina mu ukoto mu Ipfumu hya Nzambi.» 23Mu pasi libundu, Pahuli na Baranabasi baakatsahisa bakuutu mu isalu hya Nzambi. Bo baakadya ikaandi na usambila mu bo. Na bo baakayeholo bakuutu mo baana ŋa myoho mya Pfumu Yisu, wu bo baakasa hiitu mu nde.
24Titswene Pahuli na Baranabasi baavyohi mu mukesu itaanzi hya Pisidiya natee bu baatoodi hu Papfiliya. 25Bo balongisi mambu ma Nzambi hu musyenge a Perege, na bo baakulimini natee ŋa ngulu yi makuumbi ma nzali mabaatsikama, hu Ataliya. 26Bu Pahuli na Baranabasi baapali hu Ataliya, bo baakoti likuumbi la nzali mu uyene hu Antyokya musyenge a tsi a Syriya. Umata taangu mo yiina, hu Antyokya, ni huuna baasuusi bo ŋa myoho mya Nzambi, mu tooni isalu hi bo baamani usa. 27Bu bo baatoodi hu musyenge a Antyokya, baakuukihi libundu. Baayabisi bo mambu ma Nzambi havangi mu mambuha moosi ma bo baaba. Na buni Nzambi hadibuli huli ba bavele Bayudaayo, nzila yi usa hiitu mu Pfumu. 28Pahuli na Baranabasi baavyosi bilumbu bi bilahi itwadi na bayihi mo baana.
Zvasarudzwa nguva ino
Mavaanga 14: TSA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.
Mavaanga 14
14
Pahuli na Baranabasi hu Ikoniwumi
1Bu Pahuli na Baranabasi baatoodi hu musyenge a Ikoniwumi, bo baakoti mu nzo lisambulu yi Bayudaayo. Huuna, ndongisili a bo yasiidi ti Bayudaayo na ba bavele Bayudaayo, baasiidi hiitu mu Pfumu. 2Ka Bayudaayo bakima ba baavelisa hiitu mu Pfumu, baatumbisi ba bavele Bayudaayo mana bayalwanisa baana ba bangu ba bo ba baasiidi hiitu. 3Ka Pahuli na Baranabasi baadiingi hu Ikoniwumi. Bo baakalongese mambu ma Pfumu na hiitu hyoosi, mu tooni a Pfumu. Ni Pfumu akamweese imbuli hya ndongisili a bo. Na nde akava bo matwala ma uvanga bipadi bya kimuhili, mu umweese imbuli hya ma bo baakalongese mu Pfumu. 4Buli li musyenge laakabuhi. Bamosi baakakalila Bayudaayo, bana baakakalila biluumbi bya Nzambi. 5Bisu musyenge na Bayudaayo napa bakuutu baba baavele Bayudaayo, baakavangama mu ukwamisa biluumbi na uduba bo mu mamanya. 6Ka bu bo baayabi lo, bo baabati hu tsyelo a Lisitele na Derebe, misyenge mya itaanzi hya Likawoni, na mala ma bibiingi bya mo bina. 7Huuna ka, bo baatsaamuni Tsangu yi Mbwe.
Pahuli na Baranabasi hu Lisitele
8Hu musyenge a Lisitele, hwaba na bahala limosi li miilu myaba myavolo. Nde aba imbolo hi imbutala-ngu, wu akaveletwala dwe. 9Bahala mo akayuha ma Pahuli hakaleele. Bu Pahuli hasungimini nde, Pahuli amoni ti hiitu hya nde mu Nzambi, ubeeloso nde. 10Pahuli atumi nde mu mifudi: «Teleme! Na sungama mu miilu mya we!» Bahala mo linili laadambuhi na laatakuli. 11Bu konge yamoni ma Pahuli havangi, bo baafulihi mu ndaha a bo bisu Likayoni: «Banzambi bamiivolo ifwaani hya baatu, na bamiisutaha ŋa hati la bisu.» 12Bo baaviidi bo makuumbu ma banzambi ba bo. Baakateele Baranabasi «Zusi», na Pahuli «Emesi», mu tooni ati Pahuli aba mutoosili. 13Nzo a nzambi a Zusi yaba ŋa kotili musyenge. Ngaanga a nzambi mo yiina, abehi bangombe ba baalwatisa bifulu bi baatunga natee ŋa kotili musyenge. Nde akasaha uva bungodu, mu itwadi na konge, huli Pahuli na Baranabasi. 14Bu biluumbi bya byole byayuhi lo, baakasuli bikutu bya bo mu umweese lingebe ŋa busu bwa Nzambi. Na baabingilili ukoto hutso a konge a baatu, na ubaafulaha mu mifudi: 15«Oh! Bambaahi, hima lili mu usa buuna? Bisu ka baatu lili we benu. Bisu Musamu wu Mubwe lili mu ubehele benu, na uvondo benu mu utimba banzambi babavele na tsoongo. Buuna benu likinguha huli Nzambi a moonyi, wu avanga yulu, toto, mubu, na byosi bi bili muuna. 16Mu tsikulu, Nzambi anyahi baatu ba matsi moosi, baduukala manzila ma bo mwakulu baatondo. 17Nde amweese ti nde moonyi ali mu ma mabwe moosi ma nde ubaasa mu boosi. Mu tooni ati, nde Nzambi wu ubaanohese mvula, na uva mbutu yindahi mu taangu yi yafwana. Nde ubaava benu byudya mana aluusa mitima mya benu mu kinya.» 18Tso bu bo baakaleele buuna, bo baamoni pasi mu ukala konge a baatu mu uva bo bungodu. 19Bayudaayo ba baamati hu misyenge mya Antyokya na Ikoniwumi baayatumbasa konge. Baateti Pahuli mamanya mu uduba nde, na baadutihi nde hu mbadi musyenge, bu baatsimi ti nde miikwa. 20Ka bu bayihi baadiingi nde, Pahuli atelimi na afutihi hutso musyenge. Ilumbu hi hyaduuki, Pahuli na Baranabasi baayeni hu musyenge a Derebe.
Pahuli na Baranabasi baafutihi hu Antyokya
21Pahuli na Baranabasi baamani ulongese Musamu wu Mubwe hutso musyenge a Derebe. Huuna, baatu ba banzuhisini baakinguli buyedi mu usa hiitu mu Yisu. Buuna bo baafutihi hu misyenge mya Lisitele, Ikoniwumi na hu Antyokya. 22Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi ma malahi, tswamina mu ukoto mu Ipfumu hya Nzambi.» 23Mu pasi libundu, Pahuli na Baranabasi baakatsahisa bakuutu mu isalu hya Nzambi. Bo baakadya ikaandi na usambila mu bo. Na bo baakayeholo bakuutu mo baana ŋa myoho mya Pfumu Yisu, wu bo baakasa hiitu mu nde.
24Titswene Pahuli na Baranabasi baavyohi mu mukesu itaanzi hya Pisidiya natee bu baatoodi hu Papfiliya. 25Bo balongisi mambu ma Nzambi hu musyenge a Perege, na bo baakulimini natee ŋa ngulu yi makuumbi ma nzali mabaatsikama, hu Ataliya. 26Bu Pahuli na Baranabasi baapali hu Ataliya, bo baakoti likuumbi la nzali mu uyene hu Antyokya musyenge a tsi a Syriya. Umata taangu mo yiina, hu Antyokya, ni huuna baasuusi bo ŋa myoho mya Nzambi, mu tooni isalu hi bo baamani usa. 27Bu bo baatoodi hu musyenge a Antyokya, baakuukihi libundu. Baayabisi bo mambu ma Nzambi havangi mu mambuha moosi ma bo baaba. Na buni Nzambi hadibuli huli ba bavele Bayudaayo, nzila yi usa hiitu mu Pfumu. 28Pahuli na Baranabasi baavyosi bilumbu bi bilahi itwadi na bayihi mo baana.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.