ኀበ ጢሞቴዎስ 1 2
2
ምዕራፍ 2
በእንተ ጸሎት ወስኢል
1 #
ፊልጵ. 4፥6። አስተበቍዐከ ቀዳሜ ኵሉ ትግበር ጸሎተ ወስኢለ ወተጋንዮ። 2#ኤር. 29፥7፤ ሮሜ 13፥1። ወበእንተዝ ጸልዩ ላዕለ ኵሉ ሰብእ ወላዕለ ኵሉ ነገሥት ወመኳንንት ከመ በህዱእ ወበጽምው ይኩን ንብረትነ በኵሉ ጽድቅ ወንጽሕ። 3#1፥1፤ 4፥10። ዝኬ ሠናይ ወኅሩይ በቅድመ እግዚአብሔር መድኀኒነ። 4#ሕዝ. 18፥23፤ 2ጴጥ. 3፥9። እስመ ውእቱ ይፈቅድ ኵሉ ሰብእ ይሕየው ወያእምርዋ ለጽድቅ። 5#ኢሳ. 45፥21-22። አሐዱ እግዚአብሔር ወአሐዱ ኅሩይ ማእከለ እግዚአብሔር ወሰብእ ኢየሱስ ክርስቶስ ዘኮነ ሰብአ። 6#ገላ. 1፥4። ዘመጠወ ርእሶ ቤዛ ኵሉ ወኮነ ሰማዕተ በዕድሜሁ። 7#ግብረ ሐዋ. 9፥15፤ 2ጢሞ. 1፥11። ዘሎቱ ተሠየምኩ ሐዋርያ ወዐዋዴ እሙነ እብል ወኢይሔሱ ተሠየምኩ መምህረ ለአሕዛብ በሃይማኖት ወበጽድቅ። 8#ሚል. 1፥11። ወእፈቅድ ለኵሉ ሰብእ ይጸልዩ በኵሉ ገጸ መካን ወያንሥኡ እደዊሆሙ በንጽሕ ዘእንበለ ነጐርጓር ወኑፋቄ። 9#1ጴጥ. 3፥3-5። ወከማሁ አንስትኒ ይትረሰያ ለጸሎት በፈሪሀ እግዚአብሔር ወበኀፍረት ወበልቡና ወበአንጽሖ ርእሶን እምዝሙት አኮ በሐብላተ ወርቅ ወበባሕርይ ወበአልባስ ቅድው ዘዕፁብ ሤጡ ወአኮ በተጸፍሮ ሥዕርቶን። 10#5፥10። ዘእንበለ በዘይደልዎን ለአንስት ቀዲሙ አምልኮ እግዚአብሔር በትምህርተ ጽድቅ ወበምግባረ ሠናይ። 11#ኤፌ. 5፥22። ብእሲትኒ በጽምው ትትመሀር ወትትአዘዝ በኵሉ የውሀት ወብእሲትሰ ትምሀር ኢናበውሓ ወኢትመብል ላዕለ ብእሲ። 12#ዘፍ. 3፥16። ዳእሙ በጽምው ተሀሉ። 13#ዘፍ. 1፥27። እስመ አዳም ቀደመ ተፈጥሮ ወእምድኅሬሁ ሔዋን። 14#ዘፍ. 3፥6፤ 2ቆሮ. 11፥3። ወአዳምሰ ኢስሕተ አላ ብእሲት ስሕተት ወዐለወት። 15ወባሕቱ ተሐዩ በእንተ ውሉዳ ለእመ ነበሩ በሃይማኖት ወበተፋቅሮ ወበቅድሳት ወበአንጽሖ ርእሶሙ በአእምሮ።
Zvasarudzwa nguva ino
ኀበ ጢሞቴዎስ 1 2: ሐኪግ
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda