مرقس 8
8
سِيذِيثْنغ عِيْسَى يسشّ اَرْبعَاڒَاف ن يِوْذَان
1ذِي ڒِيَّام نِّي، مُوْنن-د خَاس عَاوذ ڒْغَاشِي اَطَّاس أُو نِثْنِي وَار غَارْسن مِين غَا شّن. ئِڒَاغَا-د عِيْسَى إِ يمحْضَارن نّس ينَّا-ٱسن: 2"نش قّْسن-اَيِي يِوْذَان-أَ. ثڒْتِيَّام زݣ وَامِي اَقَاثن اَكِذِي وَار غَارْسن شَا مِين غَا شّن. 3مڒَا سّكّغ-ثن غَار ثُوْذْرِين نْسن وَار شِّين شَا اَتَاف اَذ سخْفن ذݣ وبْرِيذ، ذِنِّي شَا زَّايْسن ؤُسِين-د زِي ڒݣّْوَاج."
4نَّان-اَس يمحْضَارن نّس: "ذِي ڒخْڒَا-يَا مَانِي غَا نَاف اَغْرُوْم إِي زِي غَا نْسشّ قَاع لْعَدَد-أَ ن يِوْذَان؟"
5ينَّا-ٱسن عِيْسَى: "شْحَاڒ غَارْوم ن وغْرُوْم؟"
نَّان-اَس: "غَارْنغ سبْعَا ن ثشْنِيفِين."
6يُوْمَر عِيْسَى ڒْغَاشِي نِّي اَذ قِّيمن ذِي ثْمُوْرْث. ئِطّف سبْعَا نِّي ن ثشْنِيفِين يشكَّر أَربِّـي، يرْزِي-ثنْت يُوْشِي-ثنْت إِ يمحْضَارن نّس اَثنت فرْقن خ يِوْذَان نِّي. ڒخْدّنِّي فرْقن-ثنْت. 7غَارْسن ذِنِّي عَاوذ ڒبْعَاض ن يسڒْمَان ذ يمزْيَانن. عِيْسَى يشكَّر أَربِّـي ينَّا-ٱسن: "فرْقم ؤُڒَا ذ يِيْنَا خ يِوْذَان-أَ." 8شِّين جِّيوْنن، شطّنْت سبْعَا ن ثقْرَابِين عمَّرنْت س يڒقُّوْزن. 9تُوغَا ذِنِّي شَان اَرْبعَاڒَاف ن يِوْذَان. سّنِّي يمْسَافَاض خَاسن ؤُيُوْرن. 10ڒخْدّنِّي ينْيَا عِيْسَى ذݣ يِجّن ن ثْغَرَّابُوْت اَك يمحْضَارن نّس يرُوْح غَار جْوَايه ن دَلْمَانْيُوْثَا.
ئِوْذَان وَار تفْهِيمن شَا مِين عْنَانْت لْمُعْجِيزَاث ن سِيذِيثْنغ عِيْسَى
11ؤُسِين-د غَارس ڒْحِزب ن يفَرِّيسِيْين بْذَان تْمنْغَان اَكِذس، تَّارن زَّايس يجّن ن لْعَلَامَا ثَمقّْرَانْت زݣ وجنَّا بَاش اَث جَرّْبن. 12ئِحْرق وُوْڒ نّس اَطَّاس ينَّا-ٱسن: "مَايمِّي يوْذَان ن ڒْوقْث-أَ تتَّارن لْعَلَامَا ثَمقّْرَانْت؟ أَقَا تسْڒَام ڒْحَقّ: ئِوْذَان ن ڒْوقْث-أَ وَار ذَاسن تِيشّ بُو لْعَلَامَا ثَمقّْرَانْت، قَاع."
13ئِجِّي-ثن عِيْسَى ينْيَا ذِي ثْغَرَّابُوْت يرُوْح غَار وجمَّاض-ين ن ڒبْحَر. 14ئِمحْضَارن تُّوْن اَغْرُوْم وَار ث يْسِين شَا، غَارْسن غِير يجّن ن ثشْنِيفْث وَاهَا ذِي ثْغَرَّابُوْت. 15ئِوصَّا-ثن عِيْسَى ينَّا-ٱسن: "شُوْف! حْضَام يخف نْوم زݣ ونْتُوْن#8.15 أَنْتُون نتَّا ذ أَمْثُون. ن ڒْحِزب ن يفَرِّيسِيْين ذ ونْتُوْن ن وزدْجِيذ هِيرُوْدُس."
16بْذَان سَّاوَاڒن جَارَاسن نَّان قَا نشِّين وَار غَارْنغ ذَانِيتَا بُو وغْرُوْم.
17ئِسّن عِيْسَى مِينْخف تُوْغَا سَّاوَاڒن ينَّا-ٱسن: "مَايمِّي ثقَّارم جَارَاوم وَار غَارْنغ بُو وغْرُوْم؟ مَا عَاذ وَار ثسِّينم؟ مَا عَاذ وَار ثفْهِيمم؟ ؤُڒَاون نْوم، مَا تْوَاقْسْحن نِغ؟ 18غَارْوم ثِيطَّاوِين، مَا وَار تْوِيڒِيم شَا نِغ؟ غَارْوم يمجُّوْنن، مَا وَار تسْڒِيم شَا نِغ؟ مَا وَار ثعْقِيڒم شَا نِغ؟ 19وَامِي رْزِيغ خمْسَا نِّي ن ثشْنِيفِين إِ خمْسَاڒَاف نِّي ن يِوْذَان، مشْحَاڒ ن ثقْرَابِين إِي ثشُّوْرم س يڒقُّوْزن يشطّن؟" نَّان-اَس: "ثنْعَاش ن ثقْرَابِين." 20ينَّا-ٱسن: "إِيوَا عَاوذ، وَامِي رْزِيغ سبْعَا نِّي ن ثشْنِيفِين إِ أَرْبعَاڒَاف نِّي ن يِوْذَان، مشْحَاڒ ن ثقْرَابِين إِي ثشُّوْرم س يڒقُّوْزن يشطّن؟" نَّان-اَس: "سبْعَا ن ثقْرَابِين." 21ينَّا-ٱسن: "مَا عَاذ وَار ثفْهِيمم شَا؟"
سِيذِيثْنغ عِيْسَى يسْݣنْفَا يجّن ن وضَرْغَاڒ ذِي بَيْت صَيْدَا
22وَامِي ؤُوْضن غَار وبِيلَاج ن بَيْت صَيْدَا، ؤُوِين-اَس-د يجّن ن وضَرْغَاڒ إِ عِيْسَى تَّارن زَّايس اَث يحَاذَا. 23ئِطّف اَضَرْغَاڒ نِّي س وفُوْس يسُوْفغ-يث غَار بَارَّا ن وبِيلَاج نِّي. ئِسُّوْسف-اَس خ ثِيطَّاوِين نّس يݣَّا خَاس يفَاسّن نّس ينَّا-ٱس: "مَا تْوَاڒِيذ شَان ڒْحَاجث مَا لَّا؟"
24ئِخْزَر ينَّا-ٱس: "تْوَاڒِيغ يوْذَان ݣِّين اَم ڒْشجُّوْر ݣُّوْرن-د."
25ئِݣَّا خَاس عَاوذ يفَاسّن نّس خ ثِيطَّاوِين ن وضَرْغَاڒ نِّي. صَافِي يݣنْفَا، ثِيطَّاوِين نّس نُوْزْمنْت يبْذَا يتْوَاڒَا مْلِيح. 26يسّكّ-يث غَار ثدَّارْث نّس ينَّا-ٱس: "وَار تْروَّاح شَا غَار وبِيلَاج ن بَيْت صَيْدَا."
أَرَّسُوْل بُطْرُس يشهّذ خ لْمَسِيح
27ئِرُوْح عِيْسَى نتَّا ذ يمحْضَارن نّس غَار ڒدْشُوْرَاث ن ثنْدِينْت ن قَيْصَارِيَا ن فِيلِيـپَّـاس. ݣُّوْرن خ وبْرِيذ يسّقْسَا يمحْضَارن نّس ينَّا-ٱسن: "مِين خَافِي قَّارن يِوْذَان؟"
28أَرِّين خَاس نَّان-اَس: "ئِجّن يقَّار شك ذ يَحْيَى، ئِجّن يقَّار شك ذ إِلْيَاس، ئِجّن يقَّار شك زِي لْأَنْبِيَا."
29ينَّا-ٱسن عِيْسَى: "ئِي كنِّيو، مِين ذَايِي د تَارَّام نش؟"
ئِنْدق-د بُطْرُس ينَّا-ٱس: "شك ذ لْمَسِيح."
30ئِعْڒم-اَسن عِيْسَى ينَّا-ٱسن: "وَار قَّارم شَا مَانَايَا خَافِي إِ حَدّ."
سِيذِيثْنغ عِيْسَى يسَّاوَاڒ خ ڒْموْث نّس
31ئِبْذَا يسڒْمَاذ-يثن ينَّا-ٱسن: "أَقَا مِّيس ن بْنَاذم يتْخصَّا-يَاس اَذ يتْوَاعدّب خ وَاطَّاس ن ثْمسْڒَايِين، أَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يكَّر زِي ڒْموْث." 32ئِسِّيوڒ اَكِسن نِيشَان خ مَانَايَا. ئِسْبعّذ-يث بُطْرُس ينْهَا-ث.
33وَلَكِن عِيْسَى ينقْڒب غَارس يخْزَر غَار يمحْضَارن نّس، ئِنْهَا بُطْرُس ينَّا-ٱس: "أَݣّْوج خَافِي غَار ذفَّار آ شِّيطَان! شك وَار تْفكَّرذ شَا اَمشْنَاو أَربِّـي؛ لَّا، شك تْفكَّرذ اَمشْنَاو بْنَاذم."
34ئِڒَاغَا-د خ يمحْضَارن نّس ذ ڒْغَاشِي ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس مِينْخف غَا يعدّب اَذَايِي يذْفَار. 35ڒَاحقَّاش ونِّي يخْسن اَذ يسنْجم ثُوْذَارْث نّس اَتَاف اَت يخْسَر. ونِّي إِي غَا يخْسَرن ثُوْذَارْث نّس خ سَّبَاب ينُو ذ سَّبَاب ن لْإِنْجِيل اَتَاف اَت يسنْجم. 36مِيزِي غَا ثنْفع بْنَاذم مڒَا يرْبح دُّنشْت قَاع، وَا يخْسَر ڒَعْمَر نّس؟ 37شُوْف، بْنَاذم وَار يزمَّر اَذ يبدّڒ وَالُو ذݣ ومْشَان ن ڒَعْمَر نّس. 38ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.
Zvasarudzwa nguva ino
مرقس 8: ريف
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
مرقس 8
8
سِيذِيثْنغ عِيْسَى يسشّ اَرْبعَاڒَاف ن يِوْذَان
1ذِي ڒِيَّام نِّي، مُوْنن-د خَاس عَاوذ ڒْغَاشِي اَطَّاس أُو نِثْنِي وَار غَارْسن مِين غَا شّن. ئِڒَاغَا-د عِيْسَى إِ يمحْضَارن نّس ينَّا-ٱسن: 2"نش قّْسن-اَيِي يِوْذَان-أَ. ثڒْتِيَّام زݣ وَامِي اَقَاثن اَكِذِي وَار غَارْسن شَا مِين غَا شّن. 3مڒَا سّكّغ-ثن غَار ثُوْذْرِين نْسن وَار شِّين شَا اَتَاف اَذ سخْفن ذݣ وبْرِيذ، ذِنِّي شَا زَّايْسن ؤُسِين-د زِي ڒݣّْوَاج."
4نَّان-اَس يمحْضَارن نّس: "ذِي ڒخْڒَا-يَا مَانِي غَا نَاف اَغْرُوْم إِي زِي غَا نْسشّ قَاع لْعَدَد-أَ ن يِوْذَان؟"
5ينَّا-ٱسن عِيْسَى: "شْحَاڒ غَارْوم ن وغْرُوْم؟"
نَّان-اَس: "غَارْنغ سبْعَا ن ثشْنِيفِين."
6يُوْمَر عِيْسَى ڒْغَاشِي نِّي اَذ قِّيمن ذِي ثْمُوْرْث. ئِطّف سبْعَا نِّي ن ثشْنِيفِين يشكَّر أَربِّـي، يرْزِي-ثنْت يُوْشِي-ثنْت إِ يمحْضَارن نّس اَثنت فرْقن خ يِوْذَان نِّي. ڒخْدّنِّي فرْقن-ثنْت. 7غَارْسن ذِنِّي عَاوذ ڒبْعَاض ن يسڒْمَان ذ يمزْيَانن. عِيْسَى يشكَّر أَربِّـي ينَّا-ٱسن: "فرْقم ؤُڒَا ذ يِيْنَا خ يِوْذَان-أَ." 8شِّين جِّيوْنن، شطّنْت سبْعَا ن ثقْرَابِين عمَّرنْت س يڒقُّوْزن. 9تُوغَا ذِنِّي شَان اَرْبعَاڒَاف ن يِوْذَان. سّنِّي يمْسَافَاض خَاسن ؤُيُوْرن. 10ڒخْدّنِّي ينْيَا عِيْسَى ذݣ يِجّن ن ثْغَرَّابُوْت اَك يمحْضَارن نّس يرُوْح غَار جْوَايه ن دَلْمَانْيُوْثَا.
ئِوْذَان وَار تفْهِيمن شَا مِين عْنَانْت لْمُعْجِيزَاث ن سِيذِيثْنغ عِيْسَى
11ؤُسِين-د غَارس ڒْحِزب ن يفَرِّيسِيْين بْذَان تْمنْغَان اَكِذس، تَّارن زَّايس يجّن ن لْعَلَامَا ثَمقّْرَانْت زݣ وجنَّا بَاش اَث جَرّْبن. 12ئِحْرق وُوْڒ نّس اَطَّاس ينَّا-ٱسن: "مَايمِّي يوْذَان ن ڒْوقْث-أَ تتَّارن لْعَلَامَا ثَمقّْرَانْت؟ أَقَا تسْڒَام ڒْحَقّ: ئِوْذَان ن ڒْوقْث-أَ وَار ذَاسن تِيشّ بُو لْعَلَامَا ثَمقّْرَانْت، قَاع."
13ئِجِّي-ثن عِيْسَى ينْيَا ذِي ثْغَرَّابُوْت يرُوْح غَار وجمَّاض-ين ن ڒبْحَر. 14ئِمحْضَارن تُّوْن اَغْرُوْم وَار ث يْسِين شَا، غَارْسن غِير يجّن ن ثشْنِيفْث وَاهَا ذِي ثْغَرَّابُوْت. 15ئِوصَّا-ثن عِيْسَى ينَّا-ٱسن: "شُوْف! حْضَام يخف نْوم زݣ ونْتُوْن#8.15 أَنْتُون نتَّا ذ أَمْثُون. ن ڒْحِزب ن يفَرِّيسِيْين ذ ونْتُوْن ن وزدْجِيذ هِيرُوْدُس."
16بْذَان سَّاوَاڒن جَارَاسن نَّان قَا نشِّين وَار غَارْنغ ذَانِيتَا بُو وغْرُوْم.
17ئِسّن عِيْسَى مِينْخف تُوْغَا سَّاوَاڒن ينَّا-ٱسن: "مَايمِّي ثقَّارم جَارَاوم وَار غَارْنغ بُو وغْرُوْم؟ مَا عَاذ وَار ثسِّينم؟ مَا عَاذ وَار ثفْهِيمم؟ ؤُڒَاون نْوم، مَا تْوَاقْسْحن نِغ؟ 18غَارْوم ثِيطَّاوِين، مَا وَار تْوِيڒِيم شَا نِغ؟ غَارْوم يمجُّوْنن، مَا وَار تسْڒِيم شَا نِغ؟ مَا وَار ثعْقِيڒم شَا نِغ؟ 19وَامِي رْزِيغ خمْسَا نِّي ن ثشْنِيفِين إِ خمْسَاڒَاف نِّي ن يِوْذَان، مشْحَاڒ ن ثقْرَابِين إِي ثشُّوْرم س يڒقُّوْزن يشطّن؟" نَّان-اَس: "ثنْعَاش ن ثقْرَابِين." 20ينَّا-ٱسن: "إِيوَا عَاوذ، وَامِي رْزِيغ سبْعَا نِّي ن ثشْنِيفِين إِ أَرْبعَاڒَاف نِّي ن يِوْذَان، مشْحَاڒ ن ثقْرَابِين إِي ثشُّوْرم س يڒقُّوْزن يشطّن؟" نَّان-اَس: "سبْعَا ن ثقْرَابِين." 21ينَّا-ٱسن: "مَا عَاذ وَار ثفْهِيمم شَا؟"
سِيذِيثْنغ عِيْسَى يسْݣنْفَا يجّن ن وضَرْغَاڒ ذِي بَيْت صَيْدَا
22وَامِي ؤُوْضن غَار وبِيلَاج ن بَيْت صَيْدَا، ؤُوِين-اَس-د يجّن ن وضَرْغَاڒ إِ عِيْسَى تَّارن زَّايس اَث يحَاذَا. 23ئِطّف اَضَرْغَاڒ نِّي س وفُوْس يسُوْفغ-يث غَار بَارَّا ن وبِيلَاج نِّي. ئِسُّوْسف-اَس خ ثِيطَّاوِين نّس يݣَّا خَاس يفَاسّن نّس ينَّا-ٱس: "مَا تْوَاڒِيذ شَان ڒْحَاجث مَا لَّا؟"
24ئِخْزَر ينَّا-ٱس: "تْوَاڒِيغ يوْذَان ݣِّين اَم ڒْشجُّوْر ݣُّوْرن-د."
25ئِݣَّا خَاس عَاوذ يفَاسّن نّس خ ثِيطَّاوِين ن وضَرْغَاڒ نِّي. صَافِي يݣنْفَا، ثِيطَّاوِين نّس نُوْزْمنْت يبْذَا يتْوَاڒَا مْلِيح. 26يسّكّ-يث غَار ثدَّارْث نّس ينَّا-ٱس: "وَار تْروَّاح شَا غَار وبِيلَاج ن بَيْت صَيْدَا."
أَرَّسُوْل بُطْرُس يشهّذ خ لْمَسِيح
27ئِرُوْح عِيْسَى نتَّا ذ يمحْضَارن نّس غَار ڒدْشُوْرَاث ن ثنْدِينْت ن قَيْصَارِيَا ن فِيلِيـپَّـاس. ݣُّوْرن خ وبْرِيذ يسّقْسَا يمحْضَارن نّس ينَّا-ٱسن: "مِين خَافِي قَّارن يِوْذَان؟"
28أَرِّين خَاس نَّان-اَس: "ئِجّن يقَّار شك ذ يَحْيَى، ئِجّن يقَّار شك ذ إِلْيَاس، ئِجّن يقَّار شك زِي لْأَنْبِيَا."
29ينَّا-ٱسن عِيْسَى: "ئِي كنِّيو، مِين ذَايِي د تَارَّام نش؟"
ئِنْدق-د بُطْرُس ينَّا-ٱس: "شك ذ لْمَسِيح."
30ئِعْڒم-اَسن عِيْسَى ينَّا-ٱسن: "وَار قَّارم شَا مَانَايَا خَافِي إِ حَدّ."
سِيذِيثْنغ عِيْسَى يسَّاوَاڒ خ ڒْموْث نّس
31ئِبْذَا يسڒْمَاذ-يثن ينَّا-ٱسن: "أَقَا مِّيس ن بْنَاذم يتْخصَّا-يَاس اَذ يتْوَاعدّب خ وَاطَّاس ن ثْمسْڒَايِين، أَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يكَّر زِي ڒْموْث." 32ئِسِّيوڒ اَكِسن نِيشَان خ مَانَايَا. ئِسْبعّذ-يث بُطْرُس ينْهَا-ث.
33وَلَكِن عِيْسَى ينقْڒب غَارس يخْزَر غَار يمحْضَارن نّس، ئِنْهَا بُطْرُس ينَّا-ٱس: "أَݣّْوج خَافِي غَار ذفَّار آ شِّيطَان! شك وَار تْفكَّرذ شَا اَمشْنَاو أَربِّـي؛ لَّا، شك تْفكَّرذ اَمشْنَاو بْنَاذم."
34ئِڒَاغَا-د خ يمحْضَارن نّس ذ ڒْغَاشِي ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس مِينْخف غَا يعدّب اَذَايِي يذْفَار. 35ڒَاحقَّاش ونِّي يخْسن اَذ يسنْجم ثُوْذَارْث نّس اَتَاف اَت يخْسَر. ونِّي إِي غَا يخْسَرن ثُوْذَارْث نّس خ سَّبَاب ينُو ذ سَّبَاب ن لْإِنْجِيل اَتَاف اَت يسنْجم. 36مِيزِي غَا ثنْفع بْنَاذم مڒَا يرْبح دُّنشْت قَاع، وَا يخْسَر ڒَعْمَر نّس؟ 37شُوْف، بْنَاذم وَار يزمَّر اَذ يبدّڒ وَالُو ذݣ ومْشَان ن ڒَعْمَر نّس. 38ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda