لوقا 9
9
سِيذِيثْنغ عِيْسَى يسّكّ ارُّسُل أَذ بشَّرن
1ئِڒَاغَا-د عِيْسَى خ ثنْعَاش ن اَرُّسُل، يُوْشَا-ٱسن ثِزمَّار ذ سُّلْطَا اَذ حكْمن خ مَارَّا جْنُوْن أُو عَاوذ حمَا اَذ سْݣنْفَان ڒهْڒَاشَاث. 2ئِسّكّ-يثن حمَا اَذ بشَّرن س ڒْمُلْك ن أَربِّـي اَذ سْݣنْفَان يمهْڒَاش. 3ينَّا-ٱسن: "وَار كِذْوم تِيوِيم وَالُو خ وبْرِيذ. وَار كسِّيم نِي اَعكَّاز، نِي اَقْرَاب، نِي اَغْرُوْم، نِي نُّقَارْث، نِي ثْنَاين ن يتْشَامِّيرن. 4خْمِي غَا ثَاذْفم غَار شَان ثدَّارْث، قِّيمم ذِنِّي اَڒ غَا ثُوْيُوْرم سّنِّي. 5مڒَا وَار كنِّيو قْبِيڒن شَا ذِي شَان ثنْدِينْت، فّْغم سّنِّي مسْحث ثَعجَّاشْت زݣ يضَارن نْوم اَم شَا ن شْهَاذث خَاسن." 6صَافِي رُوْحن اَرُّسُل عْذُوْن ذِي ڒدْشُوْرَاث، تْبشَّارن سْݣنْفَان يوْذَان ذِي مْكُڒ اَمْشَان.
7لْوَالِي هِيرُودُس يَارَّا-د ڒخْبَار خ مَارَّا مِين يتوْقِيعن، ئِذْهش مِينْزِي شَان يِوْذَان قَّارن قَا وَانِيتَا ذ يَحْيَى نِّي، ئِتْوَاسكَّر-د زِي ڒْموْث. 8ئِجّن يقَّار لَّا، قَا ذ إِلْيَاس إِي د يمظْهَارن. ئِجّن يقَّار لَّا، قَا يكَّر-د يجّن زِي لْأَنْبِيَا نِّي يقْذِيمن.
9هِيرُوْدُس ينَّا: "أَقَا نش قسّغ اَزدْجِيف إِ يَحْيَى نِّي، مِين يعْنَا وَانِيتَا إِي خف تسْڒِيغ مَانَايَا؟" ئِخس اَث يࢲر.
سِيذِيثْنغ عِيْسَى يسشّ خمْسَاڒَاف ن يرْيَازن
10وَامِي د ذوْڒن اَرُّسُل، عَوْذن-اَس إِ عِيْسَى خ مَارَّا مِين ݣِّين. يُوْوِي-ثن سّنِّي غَار جِّهث ن يِجّن ن وبِيلَاج ؤُمِي قَّارن بَيْت صَيْدَا. 11وَامِي ڒْغَاشِي سّْنن مَانَايَا ذْفَارن-ث. نتَّا يسْتقْبڒ-يثن يبْذَا يسَّاوَاڒ اَكِذْسن خ ڒْمُلْك ن أَربِّـي يسْݣنْفَا يِنِّي يخْسن اَذ ݣنْفَان.
12وَامِي يعْذُو ڒْحَاڒ ؤُسِين-د غَارس ثنْعَاش ن يمحْضَارن نّس نَّان-اَس: "سكّ يوْذَان-أَ سَّا غَار ڒدْشُوْرَاث ذ ثُوْذْرِين يُوْذْسن اَمُّو ذ وَامُّو، أَذ رْزُوْن مِين غَا شّن ذ مَانِي غَا سنْسن مِينْزِي اَمْشَان-أَ ذ ڒخْڒَا وَاهَا."
13ينَّا-ٱسن عِيْسَى: "ؤُشم-اَسن كنِّيو مِين غَا شّن."
نَّان-اَس: "نشِّين غَارْنغ ذَا غِير خمْسَا ن ثْخبَّازِين ذ ثْنَاين ن يسڒْمَان. مَا أَ نْرَاح نشِّين أَ نْسغ مَشَّا إِ مَارَّا يوْذَان-أَ؟" 14(مِينْزِي ذِنِّي شَان خمْسَاڒَاف ن يرْيَازن).
ينَّا-ٱسن عِيْسَى إِ يمحْضَارن نّس: "سْغِيمم-ثن ذ لْفِرْقَاث، خمْسِين خمْسِين."
15ݣِّين مَانَاينِّي، سْغِيمن-ثن مَارَّا. 16ئِكَّر يطّف خمْسَا نِّي ن ثْخبَّازِين ذ ثْنَاين نِّي ن يسڒْمَان، ئِيْسِي ثِيطَّاوِين نّس غَار وجنَّا أُوْشَا يشكَّر أَربِّـي. يرْزَا اَغْرُوْم نِّي يُوْشَا-اَسن-ث إِ يمحْضَارن نّس حمَا اَث فرْقن خ يِوْذَان نِّي مَارَّا. 17شِّين مَارَّا جِّيوْنن. سّنِّي يْسِين ثنْعَاش ن ثقْرَابِين عمَّارنْت س يڒقُّوْزن نِّي يشطّن.
بُطْرُس يتْشهَّاذ خ لْمَسِيح
18ئِجّن ن نْهَار عِيْسَى يتْࢲَادْجَا وَاحْذس طَّارْف نّس يمحْضَارن نّس. ئِكَّر يسّقْسَا-ثن ينَّا-ٱسن: "مِين خَافِي قَّارن يِوْذَان؟"
19أَرِّين خَاس نَّان-اَس: "ئِجّن يقَّار شك ذ يَحْيَى. ئِجّن يقَّار شك ذ إِلْيَاس. ئِجّن يقَّار شك زِي لْأَنْبِيَا يقْذِيمن إِي د يكَّرن زِي ڒْموْث."
20ينَّا-ٱسن عِيْسَى: "ئِي كنِّيو، مِين ذَايِي د تَارَّام نش؟"
ئِنْدق-د بُطْرُس ينَّا-ٱس: "شك ذ لْمَسِيح ن أَربِّـي."
21عِيْسَى يأَكّد خَاسن يُوْمَر-يثن بَاش وَار تْخبَّارن حَدّ خ مَانَاينِّي.
22ينَّا-ٱسن إِ يمحْضَارن نّس: "مِّيس ن بْنَاذم لَابُد اَذ يتْوَاعدّب خ وَاطَّاس ن ثْمسْڒَايِين، اَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْموْث."
23ثُمَّا ينَّا-ٱسن إِ مَارَّا يوْذَان نِّي: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس، لَابُد كُڒ نْهَار اَذ يكسِّي صَّلِيب نّس مِينْخف غَا يعدّب اَذَايِي يذْفَار. 24ڒَاحقَّاش ونِّي يرزُّوْن اَذ يسنْجم ثُوْذَارْث نّس اَتَاف اَث يخْسَر. ونِّي غَا يخْسَرن ثُوْذَارْث نّس خ سَّبَاب ينُو اَتَاف اَث يسنْجم. 25مِينْزِي غَا ينْفع بْنَاذم مڒَا يرْبح دُّنشْت-أَ قَاع وَا يخْسَر يخف نّس نِغ يضيّع يخف نّس؟ 26ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا نّس ذ لْعَظَمَا ن بَابَاس اَك لْمَلَائِكَاث يقدّْسن. 27أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن ڒْمُلْك ن أَربِّـي."
سِيذْنَا مُوْسَى ذ سِيذْنَا إِلْيَاس تْمظْهَارن-د اَك سِيذِيثْنغ عِيْسَى
28منْبَعْد إِ وَاوَاڒ نِّي شَان ثْمنْيَام يݣَعّذ عِيْسَى غَار وذْرَار حمَا اَذ يࢲَّادْج، يُوْوِي اَكِذس بُطْرُس ذ يُوْحَنَّا ذ يَعْقُوْب. 29وَامِي يࢲُّوْدْج، ئِبدّڒ وغمْبُوْب نّس يذْوڒ ذَايس نُّوْر، يذْوڒ وَارُّوْض نّس ذ اَشمْڒَاڒ يتْشعْشِيع. 30مظْهَارن-د ثْنَاين ن يرْيَازن سَّاوَاڒن اَكِذس يجّن ذ نَّبِي مُوْسَى يجّن ذ نَّبِي إِلْيَاس. 31مظْهَارن-د اَك عِيْسَى س يِجّن ن لْعَظَمَا ذ ثَمقّْرَانْت، بْذَان سَّاوَاڒن اَكِذس خ وُوْفُوْغ نّس إِي زِي غَا يفّغ ذغْيَا زِي لْقُدْس. 32وَلَكِن بُطْرُس ذ يِنِّي اَكِذس تطّْصن تْنُوْدُّوْمن س يِيضص، وَامِي فَاقن مْلِيح ثُمَّا ؤُفِين لْعَظَمَا ن عِيْسَى، أَكِذس ثْنَاين ن يرْيَازن بدّن.
33وَامِي عَاذ ݣُّوْرن زَّايس يرْيَازن نِّي، ئِنْدق-د بُطْرُس ينَّا-ٱس إِ عِيْسَى: "آ سِيذِي، ذ اَصبْحَان اَكِذش نقِّيم ذَانِيتَا. نشِّين أَ نݣّ ثْڒَاثَا ن يقِيضَان، ئِجّن إِ شك، ئِجّن إِ مُوْسَى، ئِجّن إِ إِلْيَاس."
بُطْرُس تُوْغَا يفَجَا، وَار يُوْفِي شَا مِين غَا يِينِي. 34وَامِي نتَّا تُوْغَاث عَاذ يسَّاوَاڒ يهْوَا-د خَاسن يج وسيْنُو#9.34 أَسيْنُو نتَّا ذ اَسݣْنُو. يغطَّا-ثن ݣّْوْذن.
35ثنْدق-د زَّايس يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي إِي يخْضَرغ، صنّْطث غَارس."
36وَامِي صَافِي ثْمِيجَّا نِّي ثسِّيوڒ ؤُفِين عِيْسَى وَاحْذس. ئِمحْضَارن نِّي سْنُوْفَّرن مَانَاينِّي ذݣ وُوْڒ نْسن وَار خبَّرن حَدّ ذِي لْأَيَامَاث نِّي خ مِين ࢲْرِين.
سِيذِيثْنغ عِيْسَى يسْݣنْفَا يجّن ن وحنْجِير ذَايس جّنّ
37ثِيوشَّا نّس هْوَان-د زݣ وذْرَار، رحّْبن زَّايْسن ڒْغَاشِي اَطَّاس.
38ئِڒَاغَا يجّن ن ورْيَاز زِي ڒْغَاشِي نِّي ينَّا: "آ لْمُعَلِّم، تتَّارغ زَّايش اَذ تخْزَرذ مِّي اَقَا ذ وَا وَاهَا إِي غَارِي. 39ممِّي يخطّف-يث يجّن ن جّنّ، ذغْيَا يسْنكَّر ثْغُوْيّث. جّنّ نِّي يسرْجِيجِي-ث اَڒ د غَا يسُوْفغ نتَّا كُوْفُّو زݣ وقمُّوْم نّس، وَار ذَاس يرخُّو حتَّا ٱڒ ث غَا يسَالَا. 40تَّارغ زݣ يمحْضَارن نّش اَزَّايس سُوْفْغن جّنّ-أَ وَلَكِن نِثْنِي وَار ذَاس زمَّرن شَا."
41يَارَّا خَاسن عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان، آ يِنِّي يفّْغن اَبْرِيذ! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِي-يَايِي-د مِّيش ذَانِيتَا."
42وَامِي د يقَارّب وحنْجِير نِّي غَار عِيْسَى، ئِسرْجِيجِي-ث جّنّ نِّي يغْضڒ-يث غَار ثْمُورْث. ئِسْبدّ عِيْسَى جّنّ نِّي اَعفَّان، ئِسْݣنْفَا اَحنْجِير نِّي يَارِّي-ث إِ بَابَاس. 43قِّيمن يِوْذَان نِّي مَارَّا تْعجّْبن ذِي جّْهذ ن أَربِّـي.
وَامِي تْعجّْبن مَارَّا ذِي قَاع مِين يݣَّا عِيْسَى، ئِكَّر نتَّا ينَّا-ٱسن إِ يمحْضَارن نّس: 44"صنّْطث مْلِيح إِ وَاوَاڒ-أَ إِي ذَاوم غَا ينِيغ: مِّيس ن بْنَاذم عْڒَاين اَذ يتْوَاسلّم غَار يفَاسّن ن يِوْذَان." 45وَلَكِن نِثْنِي وَار فهِيمن شَا إِ وَاوَاڒ نِّي، ئِقْسح خَاسن حمَا اَذ فهْمن، ݣّْوْذن اَث سّقْسَان خ مِين ذَاسن ينَّا.
مَانْون إِݣ يدْجَان ذ اَمقّْرَان قَاع؟
46تْمنْغَان يمحْضَارن اَك وَايَاوْيَا ؤُݣ يدْجَان ذ اَمقّْرَان زَّايْسن. 47عِيْسَى يسّن مِين غَارْسن ذݣ وُوْڒَاون نْسن. ئِسْقَارّب-د غَارس يج وحنْجِير ذ اَمزْيَان، ئِسْبدّ-يث زَّاثس. 48ينَّا-ٱسن: "ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن. مِينْزِي ونِّي يدْجَان زَّايْوم ذ اَمزْيَان قَاع، ذ نتَّا إِݣ يدْجَان ذ اَمقّْرَان."
49ينَّا-ٱس يُوْحَنَّا: "آ لْمُعَلِّم، قَا نࢲْرَا يجّن يسُوْفُوْغ جْنُوْن عْلَاحْسَاب يسم نّش. نشِّين نرْزُو اَث نسْبدّ وَامِي وَار يدْجِي شَا ذ اَمحْضَار اَكِذْنغ."
50ينَّا-ٱس عِيْسَى: "وَار ث سْبدَّام شَا. مِينْزِي يِنِّي وَار يدْجِين شَا ضد نْوم، أَقَاثن اَكِذْوم."
ئِجّن ن دْشَار ذِي سَامَارْيَا وَار يقبّڒ شَا سِيذِيثْنغ عِيْسَى
51عِيْسَى وَامِي د تُوْوض ڒْوقْث نّس إِي ذِي غَا يتْوَارْفع غَار وجنَّا، ئِكَّر يوجّه اَغمْبُوْب نّس بَاش اَذ يرَاح غَار ثنْدِينْت ن لْقُدْس. 52ئِسّكّ اَرُّسُل قْبڒ مَا ٱذ يرَاح نتَّا، رُوْحن نِثْنِي ؤُذْفن غَار يِجّن ن دْشَار ذِي ثْمُوْرْث ن أَيث-سَامَارْيَا حمَا اَذَاس سْوجْذن اَمْشَان. 53وَلَكِن يوْذَان ن دْشَار نِّي وَار ث قْبِيڒن شَا مِينْزِي سّْنن يتْرَاح إِلَّا غَار لْقُدْس.
54ئِمحْضَارن نّس يَعْقُوْب ذ يُوْحَنَّا وَامِي ؤُفِين مَانَاينِّي نَّان-اَس إِ عِيْسَى: "آ سِيذِي، مَا ثخْسذ أَ نْڒَاغَا إِ ثْمسِّي اَذ تهْوَا زݣ وجنَّا حمَا اَثن ثشّ؟"
55ئِنْدق-د عِيْسَى ينْهَا-ثن ينَّا-ٱسن لَّا. 56صَافِي كَّرن رُوْحن غَار يِجّن ن دْشَار نّغْنِي.
يِنِّي يخْسن اَذ ذْفَارن سِيذِيثْنغ عِيْسَى
57وَامِي ݣُّوْرن خ وبْرِيذ، يُوْسَا-د يجّن ينَّا-ٱس إِ عِيْسَى: "نش اَش ذْفَارغ مَانِي مَا ثْرُوْحذ."
58ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."
59ينَّا-ٱس عِيْسَى إِ يِجّن نّغْنِي: "ذْفَار-اَيِي-د!"
ينَّا-ٱس ونِّي: "آ سِيذِي، سَامح-اَيِي ذ اَمزْوَارُو اَذ رَاحغ اَذ نضْڒغ بَابَا."
60ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."
61يُوْسَا-د يجّن نّغْنِي ينَّا-ٱس إِ عِيْسَى: "أَشك ذْفَارغ آ سِيذِي، وَلَكِن ذ اَمزْوَارُو اجّ-اَيِي اَذ مْسَافَاضغ خ فَامِلْيَا ينُو."
62ينَّا-ٱس عِيْسَى: "ونِّي يسرْسن فُوْس نّس خ وسْغَار عَاذ يخزَّار غَار ذفَّار اَتَاف وَار يصدْجح شَا اَذ يخْذم ذِي ڒْمُلْك ن أَربِّـي."
Zvasarudzwa nguva ino
لوقا 9: ريف
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
لوقا 9
9
سِيذِيثْنغ عِيْسَى يسّكّ ارُّسُل أَذ بشَّرن
1ئِڒَاغَا-د عِيْسَى خ ثنْعَاش ن اَرُّسُل، يُوْشَا-ٱسن ثِزمَّار ذ سُّلْطَا اَذ حكْمن خ مَارَّا جْنُوْن أُو عَاوذ حمَا اَذ سْݣنْفَان ڒهْڒَاشَاث. 2ئِسّكّ-يثن حمَا اَذ بشَّرن س ڒْمُلْك ن أَربِّـي اَذ سْݣنْفَان يمهْڒَاش. 3ينَّا-ٱسن: "وَار كِذْوم تِيوِيم وَالُو خ وبْرِيذ. وَار كسِّيم نِي اَعكَّاز، نِي اَقْرَاب، نِي اَغْرُوْم، نِي نُّقَارْث، نِي ثْنَاين ن يتْشَامِّيرن. 4خْمِي غَا ثَاذْفم غَار شَان ثدَّارْث، قِّيمم ذِنِّي اَڒ غَا ثُوْيُوْرم سّنِّي. 5مڒَا وَار كنِّيو قْبِيڒن شَا ذِي شَان ثنْدِينْت، فّْغم سّنِّي مسْحث ثَعجَّاشْت زݣ يضَارن نْوم اَم شَا ن شْهَاذث خَاسن." 6صَافِي رُوْحن اَرُّسُل عْذُوْن ذِي ڒدْشُوْرَاث، تْبشَّارن سْݣنْفَان يوْذَان ذِي مْكُڒ اَمْشَان.
7لْوَالِي هِيرُودُس يَارَّا-د ڒخْبَار خ مَارَّا مِين يتوْقِيعن، ئِذْهش مِينْزِي شَان يِوْذَان قَّارن قَا وَانِيتَا ذ يَحْيَى نِّي، ئِتْوَاسكَّر-د زِي ڒْموْث. 8ئِجّن يقَّار لَّا، قَا ذ إِلْيَاس إِي د يمظْهَارن. ئِجّن يقَّار لَّا، قَا يكَّر-د يجّن زِي لْأَنْبِيَا نِّي يقْذِيمن.
9هِيرُوْدُس ينَّا: "أَقَا نش قسّغ اَزدْجِيف إِ يَحْيَى نِّي، مِين يعْنَا وَانِيتَا إِي خف تسْڒِيغ مَانَايَا؟" ئِخس اَث يࢲر.
سِيذِيثْنغ عِيْسَى يسشّ خمْسَاڒَاف ن يرْيَازن
10وَامِي د ذوْڒن اَرُّسُل، عَوْذن-اَس إِ عِيْسَى خ مَارَّا مِين ݣِّين. يُوْوِي-ثن سّنِّي غَار جِّهث ن يِجّن ن وبِيلَاج ؤُمِي قَّارن بَيْت صَيْدَا. 11وَامِي ڒْغَاشِي سّْنن مَانَايَا ذْفَارن-ث. نتَّا يسْتقْبڒ-يثن يبْذَا يسَّاوَاڒ اَكِذْسن خ ڒْمُلْك ن أَربِّـي يسْݣنْفَا يِنِّي يخْسن اَذ ݣنْفَان.
12وَامِي يعْذُو ڒْحَاڒ ؤُسِين-د غَارس ثنْعَاش ن يمحْضَارن نّس نَّان-اَس: "سكّ يوْذَان-أَ سَّا غَار ڒدْشُوْرَاث ذ ثُوْذْرِين يُوْذْسن اَمُّو ذ وَامُّو، أَذ رْزُوْن مِين غَا شّن ذ مَانِي غَا سنْسن مِينْزِي اَمْشَان-أَ ذ ڒخْڒَا وَاهَا."
13ينَّا-ٱسن عِيْسَى: "ؤُشم-اَسن كنِّيو مِين غَا شّن."
نَّان-اَس: "نشِّين غَارْنغ ذَا غِير خمْسَا ن ثْخبَّازِين ذ ثْنَاين ن يسڒْمَان. مَا أَ نْرَاح نشِّين أَ نْسغ مَشَّا إِ مَارَّا يوْذَان-أَ؟" 14(مِينْزِي ذِنِّي شَان خمْسَاڒَاف ن يرْيَازن).
ينَّا-ٱسن عِيْسَى إِ يمحْضَارن نّس: "سْغِيمم-ثن ذ لْفِرْقَاث، خمْسِين خمْسِين."
15ݣِّين مَانَاينِّي، سْغِيمن-ثن مَارَّا. 16ئِكَّر يطّف خمْسَا نِّي ن ثْخبَّازِين ذ ثْنَاين نِّي ن يسڒْمَان، ئِيْسِي ثِيطَّاوِين نّس غَار وجنَّا أُوْشَا يشكَّر أَربِّـي. يرْزَا اَغْرُوْم نِّي يُوْشَا-اَسن-ث إِ يمحْضَارن نّس حمَا اَث فرْقن خ يِوْذَان نِّي مَارَّا. 17شِّين مَارَّا جِّيوْنن. سّنِّي يْسِين ثنْعَاش ن ثقْرَابِين عمَّارنْت س يڒقُّوْزن نِّي يشطّن.
بُطْرُس يتْشهَّاذ خ لْمَسِيح
18ئِجّن ن نْهَار عِيْسَى يتْࢲَادْجَا وَاحْذس طَّارْف نّس يمحْضَارن نّس. ئِكَّر يسّقْسَا-ثن ينَّا-ٱسن: "مِين خَافِي قَّارن يِوْذَان؟"
19أَرِّين خَاس نَّان-اَس: "ئِجّن يقَّار شك ذ يَحْيَى. ئِجّن يقَّار شك ذ إِلْيَاس. ئِجّن يقَّار شك زِي لْأَنْبِيَا يقْذِيمن إِي د يكَّرن زِي ڒْموْث."
20ينَّا-ٱسن عِيْسَى: "ئِي كنِّيو، مِين ذَايِي د تَارَّام نش؟"
ئِنْدق-د بُطْرُس ينَّا-ٱس: "شك ذ لْمَسِيح ن أَربِّـي."
21عِيْسَى يأَكّد خَاسن يُوْمَر-يثن بَاش وَار تْخبَّارن حَدّ خ مَانَاينِّي.
22ينَّا-ٱسن إِ يمحْضَارن نّس: "مِّيس ن بْنَاذم لَابُد اَذ يتْوَاعدّب خ وَاطَّاس ن ثْمسْڒَايِين، اَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْموْث."
23ثُمَّا ينَّا-ٱسن إِ مَارَّا يوْذَان نِّي: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس، لَابُد كُڒ نْهَار اَذ يكسِّي صَّلِيب نّس مِينْخف غَا يعدّب اَذَايِي يذْفَار. 24ڒَاحقَّاش ونِّي يرزُّوْن اَذ يسنْجم ثُوْذَارْث نّس اَتَاف اَث يخْسَر. ونِّي غَا يخْسَرن ثُوْذَارْث نّس خ سَّبَاب ينُو اَتَاف اَث يسنْجم. 25مِينْزِي غَا ينْفع بْنَاذم مڒَا يرْبح دُّنشْت-أَ قَاع وَا يخْسَر يخف نّس نِغ يضيّع يخف نّس؟ 26ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا نّس ذ لْعَظَمَا ن بَابَاس اَك لْمَلَائِكَاث يقدّْسن. 27أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن ڒْمُلْك ن أَربِّـي."
سِيذْنَا مُوْسَى ذ سِيذْنَا إِلْيَاس تْمظْهَارن-د اَك سِيذِيثْنغ عِيْسَى
28منْبَعْد إِ وَاوَاڒ نِّي شَان ثْمنْيَام يݣَعّذ عِيْسَى غَار وذْرَار حمَا اَذ يࢲَّادْج، يُوْوِي اَكِذس بُطْرُس ذ يُوْحَنَّا ذ يَعْقُوْب. 29وَامِي يࢲُّوْدْج، ئِبدّڒ وغمْبُوْب نّس يذْوڒ ذَايس نُّوْر، يذْوڒ وَارُّوْض نّس ذ اَشمْڒَاڒ يتْشعْشِيع. 30مظْهَارن-د ثْنَاين ن يرْيَازن سَّاوَاڒن اَكِذس يجّن ذ نَّبِي مُوْسَى يجّن ذ نَّبِي إِلْيَاس. 31مظْهَارن-د اَك عِيْسَى س يِجّن ن لْعَظَمَا ذ ثَمقّْرَانْت، بْذَان سَّاوَاڒن اَكِذس خ وُوْفُوْغ نّس إِي زِي غَا يفّغ ذغْيَا زِي لْقُدْس. 32وَلَكِن بُطْرُس ذ يِنِّي اَكِذس تطّْصن تْنُوْدُّوْمن س يِيضص، وَامِي فَاقن مْلِيح ثُمَّا ؤُفِين لْعَظَمَا ن عِيْسَى، أَكِذس ثْنَاين ن يرْيَازن بدّن.
33وَامِي عَاذ ݣُّوْرن زَّايس يرْيَازن نِّي، ئِنْدق-د بُطْرُس ينَّا-ٱس إِ عِيْسَى: "آ سِيذِي، ذ اَصبْحَان اَكِذش نقِّيم ذَانِيتَا. نشِّين أَ نݣّ ثْڒَاثَا ن يقِيضَان، ئِجّن إِ شك، ئِجّن إِ مُوْسَى، ئِجّن إِ إِلْيَاس."
بُطْرُس تُوْغَا يفَجَا، وَار يُوْفِي شَا مِين غَا يِينِي. 34وَامِي نتَّا تُوْغَاث عَاذ يسَّاوَاڒ يهْوَا-د خَاسن يج وسيْنُو#9.34 أَسيْنُو نتَّا ذ اَسݣْنُو. يغطَّا-ثن ݣّْوْذن.
35ثنْدق-د زَّايس يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي إِي يخْضَرغ، صنّْطث غَارس."
36وَامِي صَافِي ثْمِيجَّا نِّي ثسِّيوڒ ؤُفِين عِيْسَى وَاحْذس. ئِمحْضَارن نِّي سْنُوْفَّرن مَانَاينِّي ذݣ وُوْڒ نْسن وَار خبَّرن حَدّ ذِي لْأَيَامَاث نِّي خ مِين ࢲْرِين.
سِيذِيثْنغ عِيْسَى يسْݣنْفَا يجّن ن وحنْجِير ذَايس جّنّ
37ثِيوشَّا نّس هْوَان-د زݣ وذْرَار، رحّْبن زَّايْسن ڒْغَاشِي اَطَّاس.
38ئِڒَاغَا يجّن ن ورْيَاز زِي ڒْغَاشِي نِّي ينَّا: "آ لْمُعَلِّم، تتَّارغ زَّايش اَذ تخْزَرذ مِّي اَقَا ذ وَا وَاهَا إِي غَارِي. 39ممِّي يخطّف-يث يجّن ن جّنّ، ذغْيَا يسْنكَّر ثْغُوْيّث. جّنّ نِّي يسرْجِيجِي-ث اَڒ د غَا يسُوْفغ نتَّا كُوْفُّو زݣ وقمُّوْم نّس، وَار ذَاس يرخُّو حتَّا ٱڒ ث غَا يسَالَا. 40تَّارغ زݣ يمحْضَارن نّش اَزَّايس سُوْفْغن جّنّ-أَ وَلَكِن نِثْنِي وَار ذَاس زمَّرن شَا."
41يَارَّا خَاسن عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان، آ يِنِّي يفّْغن اَبْرِيذ! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِي-يَايِي-د مِّيش ذَانِيتَا."
42وَامِي د يقَارّب وحنْجِير نِّي غَار عِيْسَى، ئِسرْجِيجِي-ث جّنّ نِّي يغْضڒ-يث غَار ثْمُورْث. ئِسْبدّ عِيْسَى جّنّ نِّي اَعفَّان، ئِسْݣنْفَا اَحنْجِير نِّي يَارِّي-ث إِ بَابَاس. 43قِّيمن يِوْذَان نِّي مَارَّا تْعجّْبن ذِي جّْهذ ن أَربِّـي.
وَامِي تْعجّْبن مَارَّا ذِي قَاع مِين يݣَّا عِيْسَى، ئِكَّر نتَّا ينَّا-ٱسن إِ يمحْضَارن نّس: 44"صنّْطث مْلِيح إِ وَاوَاڒ-أَ إِي ذَاوم غَا ينِيغ: مِّيس ن بْنَاذم عْڒَاين اَذ يتْوَاسلّم غَار يفَاسّن ن يِوْذَان." 45وَلَكِن نِثْنِي وَار فهِيمن شَا إِ وَاوَاڒ نِّي، ئِقْسح خَاسن حمَا اَذ فهْمن، ݣّْوْذن اَث سّقْسَان خ مِين ذَاسن ينَّا.
مَانْون إِݣ يدْجَان ذ اَمقّْرَان قَاع؟
46تْمنْغَان يمحْضَارن اَك وَايَاوْيَا ؤُݣ يدْجَان ذ اَمقّْرَان زَّايْسن. 47عِيْسَى يسّن مِين غَارْسن ذݣ وُوْڒَاون نْسن. ئِسْقَارّب-د غَارس يج وحنْجِير ذ اَمزْيَان، ئِسْبدّ-يث زَّاثس. 48ينَّا-ٱسن: "ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن. مِينْزِي ونِّي يدْجَان زَّايْوم ذ اَمزْيَان قَاع، ذ نتَّا إِݣ يدْجَان ذ اَمقّْرَان."
49ينَّا-ٱس يُوْحَنَّا: "آ لْمُعَلِّم، قَا نࢲْرَا يجّن يسُوْفُوْغ جْنُوْن عْلَاحْسَاب يسم نّش. نشِّين نرْزُو اَث نسْبدّ وَامِي وَار يدْجِي شَا ذ اَمحْضَار اَكِذْنغ."
50ينَّا-ٱس عِيْسَى: "وَار ث سْبدَّام شَا. مِينْزِي يِنِّي وَار يدْجِين شَا ضد نْوم، أَقَاثن اَكِذْوم."
ئِجّن ن دْشَار ذِي سَامَارْيَا وَار يقبّڒ شَا سِيذِيثْنغ عِيْسَى
51عِيْسَى وَامِي د تُوْوض ڒْوقْث نّس إِي ذِي غَا يتْوَارْفع غَار وجنَّا، ئِكَّر يوجّه اَغمْبُوْب نّس بَاش اَذ يرَاح غَار ثنْدِينْت ن لْقُدْس. 52ئِسّكّ اَرُّسُل قْبڒ مَا ٱذ يرَاح نتَّا، رُوْحن نِثْنِي ؤُذْفن غَار يِجّن ن دْشَار ذِي ثْمُوْرْث ن أَيث-سَامَارْيَا حمَا اَذَاس سْوجْذن اَمْشَان. 53وَلَكِن يوْذَان ن دْشَار نِّي وَار ث قْبِيڒن شَا مِينْزِي سّْنن يتْرَاح إِلَّا غَار لْقُدْس.
54ئِمحْضَارن نّس يَعْقُوْب ذ يُوْحَنَّا وَامِي ؤُفِين مَانَاينِّي نَّان-اَس إِ عِيْسَى: "آ سِيذِي، مَا ثخْسذ أَ نْڒَاغَا إِ ثْمسِّي اَذ تهْوَا زݣ وجنَّا حمَا اَثن ثشّ؟"
55ئِنْدق-د عِيْسَى ينْهَا-ثن ينَّا-ٱسن لَّا. 56صَافِي كَّرن رُوْحن غَار يِجّن ن دْشَار نّغْنِي.
يِنِّي يخْسن اَذ ذْفَارن سِيذِيثْنغ عِيْسَى
57وَامِي ݣُّوْرن خ وبْرِيذ، يُوْسَا-د يجّن ينَّا-ٱس إِ عِيْسَى: "نش اَش ذْفَارغ مَانِي مَا ثْرُوْحذ."
58ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."
59ينَّا-ٱس عِيْسَى إِ يِجّن نّغْنِي: "ذْفَار-اَيِي-د!"
ينَّا-ٱس ونِّي: "آ سِيذِي، سَامح-اَيِي ذ اَمزْوَارُو اَذ رَاحغ اَذ نضْڒغ بَابَا."
60ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."
61يُوْسَا-د يجّن نّغْنِي ينَّا-ٱس إِ عِيْسَى: "أَشك ذْفَارغ آ سِيذِي، وَلَكِن ذ اَمزْوَارُو اجّ-اَيِي اَذ مْسَافَاضغ خ فَامِلْيَا ينُو."
62ينَّا-ٱس عِيْسَى: "ونِّي يسرْسن فُوْس نّس خ وسْغَار عَاذ يخزَّار غَار ذفَّار اَتَاف وَار يصدْجح شَا اَذ يخْذم ذِي ڒْمُلْك ن أَربِّـي."
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda