يوحنا 20
20
ئِمحْضَارن وَار تِيفن شَا سِيذِيثْنغ عِيْسَى ذݣ ونْضڒ
1ذِي نْهَار اَمزْوَارُو ن سِّيمَانَا، ثُوْسَا-د مَرْيَم ثَمَݣْدَالِيث#20.1 مَرْيَم ثَمَݣْدَالِيث نتَّاث زݣ وبِيلَاج نِّي ؤُمِي قَّارن مَݣْدَلَا. غَار يِيفْرِي ن ونْضڒ ن عِيْسَى زِيش. تُوْغَا عَاذ ثَادْجسْت، ثُوْفَا اَزْرُو يتْوَاكّس خ يِيفْرِي ن ونْضڒ. 2ثُوْزّڒ-د ثُوْسَا-د غَار سِمْعَان بُطْرُس ذ ومحْضَار نّغْنِي ونِّي يعِيزّن خ عِيْسَى اَطَّاس، ثنَّا-ٱسن قَا يْسِين عِيْسَى زݣ يِيفْرِي ن ونْضڒ، وَار نسِّين مَانِي ث ݣّين.
3-4ئِفّغ بُطْرُس ذ ومحْضَار نِّي نّغْنِي رُوْحن س ثَازّْڒَا س ثْنَاين إِذْسن غَار يِيفْرِي ن ونْضڒ. أَمحْضَار نِّي يزْوَار-اَس إِ بُطْرُس يُوْوض ذ اَمزْوَارُو غَار يِيفْرِي ن ونْضڒ. 5ئِسِيجّ خ يِيفْرِي يُوْفَا ڒشْفن يمَارْس ذِنِّي وَلَكِن وَار يُوْذِيف شَا. 6ئِذفَّار-يث-يذ سِمْعَان بُطْرُس ئِخْضڒ، يُوْذف ذݣ يِيفْرِي ن ونْضڒ. ئِتْوَاڒَا ڒشْفن نِّي 7يُوْفَا ڒْقَبّ إِي زِي تُوْغَا يغطَّا وزدْجِيف ن عِيْسَى وَار يدْجِي شَا اَݣ ڒشْفن، ئِضْفس وَاحْذس. 8ڒخْدّنِّي يُوْذف ومحْضَار نِّي يزْوَارن غَار يِيفْرِي ن ونْضڒ، يࢲْرَا مَانَاينِّي يُوْمن. 9وَلَكِن نِثْنِي عَاذ وَار فْهِيمن شَا زِي لْكِتَاب بلِّي لَابُد اَذ يكَّر عِيْسَى زِي ڒْموْث. 10سّنِّي روّْحن يمحْضَارن.
سِيذِيثْنغ عِيْسَى يتْمظْهَار-د إِ مَرْيَم ثَمَݣْدَالِيث
11مَرْيَم ثْبدّ غَار ثوَّارْث ن يِيفْرِي ن ونْضڒ ثقِّيم ثتْرُو. وَامِي ثتْرُو ثْسِيجّ خ يِيفْرِي ن ونْضڒ 12ثُوْفَا ثْنَاين ن لمَالَائِكَاث س وَارُّوْض ذ اَشمْڒَاڒ يشْتن ثقِّيم غَار وزدْجِيف يشْتن ثقِّيم غَار يضَارن مَانِي تُوْغَا ثدْجَا دَّات ن عِيْسَى.
13نَّانْت-اَس: "آ ثَمْغَارْث مِين شم يُوْغِين ثتْرُوذ؟"
ثنَّا-ٱسنْت: "يْسِين سِيذِي، وَار سِّينغ مَانِي ث سرْسن." 14ثنَّا مَانَاينِّي ثخْزَر غَار ذفَّار ثُوْفَا ذِنِّي عِيْسَى، وَلَكِن نتَّاث وَار ثسِّين شَا نتَّا ذ عِيْسَى.
15ينَّا-ٱس عِيْسَى إِ مَرْيَم: "آ ثَمْغَارْث مِين شم يُوْغِين ثتْرُوْذ، مِيخف ثْرزُّوْذ؟"
مَرْيَم تْغِير-اَس ذ بَاب ن جَرْدَا نِّي، ثنَّا-ٱس: "آ سِيذِي مڒَا ذ شك إِي ث ييْسِين، إِن-اَيِي مَانِي ث ثْسرْسذ حمَا اَث يْسِيغ."
16ينَّا-ٱس عِيْسَى: "آ مَرْيَم!"
ڒخْدّنِّي ثعْقڒ-يث ثنَّا-ٱس س وَاوَاڒ ن يسْرَائِيلِيْين: "آ رَابُنِي!" (زَعْمَا <آ لْمُعَلِّم.>)
17ينَّا-ٱس عِيْسَى: "وَار ذَايِي تطّف شَا،#20.17 إِمْكن تُوْغَا تطّف-يث زݣ يضَارن نّس. خْزَر مَتَّى 28:9. قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."
18ثْرُوْح مَرْيَم ثَمَݣْدَالِيث ثسِّيوض-ٱسن ڒخْبَار إِ يمحْضَارن ثنَّا-ٱسن قَا ࢲْرِيغ سِيذِيثْنغ يسِّيوڒ-د اَكِذِي اَقَا مِين ذَايِي ينَّا...
سِيذِيثْنغ عِيْسَى يتْمظْهَار-د ثْڒَاثَا ن ثْوَاڒَاثِين إِ يمحْضَارن نّس
19نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم." 20ينَّا-ٱسن مَانَايَا، يسْبيّن-اَسن-د يفَاسّن نّس ذ وغزْذِيس نّس. فَرْحن يمحْضَارن وَامِي ࢲْرِين سِيذِيثْسن. 21ينَّا-ٱسن عَاوذ عِيْسَى: "سْڒَام خَاوم. مَامّش ذَايِي د يسّكّ بَابَا، أَمُّو نش اَكنِّيو سّكّغ." 22وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن. 23ونِّي ؤُمِي ثْسَمْحم إِ دّْنُوْب نّس، أَذَاس تْوَاسَمْحنْت. ونِّي ؤُمِي وَار ثسْمِيحم شَا، وَار ذَاس تْوَاسْمِيحنْت شَا."
24وَلَكِن يجّن زِي ثنْعَاش ن يمحْضَارن نّس ؤُمي قَّارن تُوْمَا تْڒَاغَان-اَس أَشْنِيو،#20.24 أَشْنِيو نتَّا ذ اَڬْنِيو. وَار كِسن يدْجِي شَا وَامِي د يُوْسَا عِيْسَى. 25نَّان-اَس يمحْضَارن نِّي نّغْنِي قَا نࢲْرَا سِيذِيثْنغ!
ئِكَّر تُوْمَا ينَّا-ٱسن: "مڒَا وَار ࢲْرِيغ شَا لْأَثَر ن يمسْمِيڒن ذݣ يفَاسّن نّس اَذ ݣّغ ضَاض ينُو ذݣ ومْشَان ن يمسْمِيڒن نِّي، أَذ سرْسغ فُوْس ينُو خ وغزْذِيس نّس، وَار تِيمْنغ شَا."
26منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!" 27ينَّا-ٱس إِ تُوْمَا: "ٱݣّ ضَاض نّش ذَانِيتَا، خْزَر يفَاسّن ينُو. سرْس فُوْس نّش خ وغزْذِيس ينُو. وَار تْشكَّا شَا؛ لَّا، أَمن."
28ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"
29ينَّا-ٱس عِيْسَى: "أَڒ وَامِي ذَايِي ثࢲْرِيذ، عَاذ إِي ثُوْمْنذ؟ سَّعْذ ن يِنِّي وَار ذَايِي ࢲْرِين شَا، ؤُمْنن."
30يݣّا عِيْسَى اَطَّاس ن لْمُعْجِيزَاث نّغْنِي زَّاث إِ يمحْضَارن نّس، نِثنْتِي وَار ؤُرِينْت شَا ذِي لْكِتَاب-أَ. 31ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.
Zvasarudzwa nguva ino
يوحنا 20: ريف
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
يوحنا 20
20
ئِمحْضَارن وَار تِيفن شَا سِيذِيثْنغ عِيْسَى ذݣ ونْضڒ
1ذِي نْهَار اَمزْوَارُو ن سِّيمَانَا، ثُوْسَا-د مَرْيَم ثَمَݣْدَالِيث#20.1 مَرْيَم ثَمَݣْدَالِيث نتَّاث زݣ وبِيلَاج نِّي ؤُمِي قَّارن مَݣْدَلَا. غَار يِيفْرِي ن ونْضڒ ن عِيْسَى زِيش. تُوْغَا عَاذ ثَادْجسْت، ثُوْفَا اَزْرُو يتْوَاكّس خ يِيفْرِي ن ونْضڒ. 2ثُوْزّڒ-د ثُوْسَا-د غَار سِمْعَان بُطْرُس ذ ومحْضَار نّغْنِي ونِّي يعِيزّن خ عِيْسَى اَطَّاس، ثنَّا-ٱسن قَا يْسِين عِيْسَى زݣ يِيفْرِي ن ونْضڒ، وَار نسِّين مَانِي ث ݣّين.
3-4ئِفّغ بُطْرُس ذ ومحْضَار نِّي نّغْنِي رُوْحن س ثَازّْڒَا س ثْنَاين إِذْسن غَار يِيفْرِي ن ونْضڒ. أَمحْضَار نِّي يزْوَار-اَس إِ بُطْرُس يُوْوض ذ اَمزْوَارُو غَار يِيفْرِي ن ونْضڒ. 5ئِسِيجّ خ يِيفْرِي يُوْفَا ڒشْفن يمَارْس ذِنِّي وَلَكِن وَار يُوْذِيف شَا. 6ئِذفَّار-يث-يذ سِمْعَان بُطْرُس ئِخْضڒ، يُوْذف ذݣ يِيفْرِي ن ونْضڒ. ئِتْوَاڒَا ڒشْفن نِّي 7يُوْفَا ڒْقَبّ إِي زِي تُوْغَا يغطَّا وزدْجِيف ن عِيْسَى وَار يدْجِي شَا اَݣ ڒشْفن، ئِضْفس وَاحْذس. 8ڒخْدّنِّي يُوْذف ومحْضَار نِّي يزْوَارن غَار يِيفْرِي ن ونْضڒ، يࢲْرَا مَانَاينِّي يُوْمن. 9وَلَكِن نِثْنِي عَاذ وَار فْهِيمن شَا زِي لْكِتَاب بلِّي لَابُد اَذ يكَّر عِيْسَى زِي ڒْموْث. 10سّنِّي روّْحن يمحْضَارن.
سِيذِيثْنغ عِيْسَى يتْمظْهَار-د إِ مَرْيَم ثَمَݣْدَالِيث
11مَرْيَم ثْبدّ غَار ثوَّارْث ن يِيفْرِي ن ونْضڒ ثقِّيم ثتْرُو. وَامِي ثتْرُو ثْسِيجّ خ يِيفْرِي ن ونْضڒ 12ثُوْفَا ثْنَاين ن لمَالَائِكَاث س وَارُّوْض ذ اَشمْڒَاڒ يشْتن ثقِّيم غَار وزدْجِيف يشْتن ثقِّيم غَار يضَارن مَانِي تُوْغَا ثدْجَا دَّات ن عِيْسَى.
13نَّانْت-اَس: "آ ثَمْغَارْث مِين شم يُوْغِين ثتْرُوذ؟"
ثنَّا-ٱسنْت: "يْسِين سِيذِي، وَار سِّينغ مَانِي ث سرْسن." 14ثنَّا مَانَاينِّي ثخْزَر غَار ذفَّار ثُوْفَا ذِنِّي عِيْسَى، وَلَكِن نتَّاث وَار ثسِّين شَا نتَّا ذ عِيْسَى.
15ينَّا-ٱس عِيْسَى إِ مَرْيَم: "آ ثَمْغَارْث مِين شم يُوْغِين ثتْرُوْذ، مِيخف ثْرزُّوْذ؟"
مَرْيَم تْغِير-اَس ذ بَاب ن جَرْدَا نِّي، ثنَّا-ٱس: "آ سِيذِي مڒَا ذ شك إِي ث ييْسِين، إِن-اَيِي مَانِي ث ثْسرْسذ حمَا اَث يْسِيغ."
16ينَّا-ٱس عِيْسَى: "آ مَرْيَم!"
ڒخْدّنِّي ثعْقڒ-يث ثنَّا-ٱس س وَاوَاڒ ن يسْرَائِيلِيْين: "آ رَابُنِي!" (زَعْمَا <آ لْمُعَلِّم.>)
17ينَّا-ٱس عِيْسَى: "وَار ذَايِي تطّف شَا،#20.17 إِمْكن تُوْغَا تطّف-يث زݣ يضَارن نّس. خْزَر مَتَّى 28:9. قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."
18ثْرُوْح مَرْيَم ثَمَݣْدَالِيث ثسِّيوض-ٱسن ڒخْبَار إِ يمحْضَارن ثنَّا-ٱسن قَا ࢲْرِيغ سِيذِيثْنغ يسِّيوڒ-د اَكِذِي اَقَا مِين ذَايِي ينَّا...
سِيذِيثْنغ عِيْسَى يتْمظْهَار-د ثْڒَاثَا ن ثْوَاڒَاثِين إِ يمحْضَارن نّس
19نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم." 20ينَّا-ٱسن مَانَايَا، يسْبيّن-اَسن-د يفَاسّن نّس ذ وغزْذِيس نّس. فَرْحن يمحْضَارن وَامِي ࢲْرِين سِيذِيثْسن. 21ينَّا-ٱسن عَاوذ عِيْسَى: "سْڒَام خَاوم. مَامّش ذَايِي د يسّكّ بَابَا، أَمُّو نش اَكنِّيو سّكّغ." 22وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن. 23ونِّي ؤُمِي ثْسَمْحم إِ دّْنُوْب نّس، أَذَاس تْوَاسَمْحنْت. ونِّي ؤُمِي وَار ثسْمِيحم شَا، وَار ذَاس تْوَاسْمِيحنْت شَا."
24وَلَكِن يجّن زِي ثنْعَاش ن يمحْضَارن نّس ؤُمي قَّارن تُوْمَا تْڒَاغَان-اَس أَشْنِيو،#20.24 أَشْنِيو نتَّا ذ اَڬْنِيو. وَار كِسن يدْجِي شَا وَامِي د يُوْسَا عِيْسَى. 25نَّان-اَس يمحْضَارن نِّي نّغْنِي قَا نࢲْرَا سِيذِيثْنغ!
ئِكَّر تُوْمَا ينَّا-ٱسن: "مڒَا وَار ࢲْرِيغ شَا لْأَثَر ن يمسْمِيڒن ذݣ يفَاسّن نّس اَذ ݣّغ ضَاض ينُو ذݣ ومْشَان ن يمسْمِيڒن نِّي، أَذ سرْسغ فُوْس ينُو خ وغزْذِيس نّس، وَار تِيمْنغ شَا."
26منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!" 27ينَّا-ٱس إِ تُوْمَا: "ٱݣّ ضَاض نّش ذَانِيتَا، خْزَر يفَاسّن ينُو. سرْس فُوْس نّش خ وغزْذِيس ينُو. وَار تْشكَّا شَا؛ لَّا، أَمن."
28ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"
29ينَّا-ٱس عِيْسَى: "أَڒ وَامِي ذَايِي ثࢲْرِيذ، عَاذ إِي ثُوْمْنذ؟ سَّعْذ ن يِنِّي وَار ذَايِي ࢲْرِين شَا، ؤُمْنن."
30يݣّا عِيْسَى اَطَّاس ن لْمُعْجِيزَاث نّغْنِي زَّاث إِ يمحْضَارن نّس، نِثنْتِي وَار ؤُرِينْت شَا ذِي لْكِتَاب-أَ. 31ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda