मरकुस 16
16
ईसु ओज्यु जिंदो होगो
(मत्ती 28:1–8; लूका 24:1–12; यहून्ना 20:1–10)
1अरामहाळा दिन क पाछै मरीयम मगदलिनी, सलोमी अर याकूब की माँ मरीयम ईसु की लास को अभिसेक करबा ताँई सुगंद आबाळी चिज मोल ली 2अर बे सपता का पेला दिन दितबारनै, सुआरै सूरज निकळताई कबर प गई। 3बे आपसरी म खेबा लागी, “कबर क मुंडा आगै का भाठानै कूण सरकासी?” 4अर बे सामै देखी जणा भाठो तो सरकेड़ो हो। बो भाठो बोळो बडो हो। 5बे बेगीसी कबर क मांयनै जार देखी क एक मोट्यार धोळा गाबा पेर्या दाया नाकै बेठ्यो हो अर बे बिनै देखर उकचुक होगी। 6अर बो मोट्यार बानै खयो, “थे डरो मना थे जि ईसु नासरीनै ढुंढो हो, जिनै सुळी प चढायो गयो हो बो अठै कोनी ह बो मरग्यो हो पण इब जी उठ्यो ज बिस्वास नइ होवै जणा बि झघानै देखल्यो जठै बे बिकी लासनै धर्या हा। 7#मत्त 26:32; मर 14:28थे अठैऊँ जाओ अर ईसु का चेलानै अर पतरसनै ओ समचार द्यो क बो थारै अगाऊ गलिल जासी जंय्यां बो थानै पेल्याई बोल्यो हो। बो थानै बठैई मिलसी।” 8अर बे डरगी अर ताजूब करतीई कबरऊँ भागर निकळी, अर बे कोईनैई क्युंई कोनी बतायो क्युं क बे सचमई डरगी ही।#16:8सबऊँ मानी-थानी पुराणी दो यूनानी भासा की पोथ्या म मरकुस को चोखो समचार सोळवां पाठ की आठवी आयत पई पूरो होज्यावै ह।
ईसु मरीयम मगदलिनीनै दिख्यो
(मत्ती 28:9,10; यहून्ना 20:11–18)
9ईसु जिंदो होबा क पाछै सपता का पेला दिन दितबारनै, मरीयम मगदलिनी जिमैऊँ ईसु सात ओपरी बलाय काडी ही बिनै दिख्यो। 10बा जार ईसु का सात्यानै जखा बोळा दुखी हा अर रोवा हा बानै ओ समचार दिओ। 11अर बे बिकी इ बातनै सुणर क बो ओज्यु जिंदो होगो ह अर बिनै दिख्यो ह बे बिकी बाता प बिस्वास कोनी कर्या।
दो चेलानै ईसु दिख्यो
(लूका 24:13–35)
12इकै पाछै दुसरा रूप म ईसु चेला मऊँ दोनै दिख्यो जखा यरूसलेमऊँ आपका गाँव जार्या हा। 13बे पाछा आर ओरानै इ बात को समचार दिओ पण बे बाको बी बिस्वास कोनी कर्यो।
ग्यारा चेलानै ईसु दिख्यो
(मत्ती 28:16–20; लूका 24:36–49; यहून्ना 20:19–23; काम 1:6–8)
14इकै पाछै रोटी खाबा की टेम ईसु बा ग्यारा चेलानै बी दिख्यो। ईसु बाका भेम अर हिया की कल्डाई प बानै दकाल्यो। क्युं क बे ईसु क जिंदो होबा को समचार देबाळा की बाता प बिस्वास कोनी कर्या। 15#काम 1:8जणा पाछै ईसु बानै ओडायो, “थे सगळा जगत म जार चोखा समचार को हेलो द्यो। 16अर जखो बी थारी बाता प बिस्वास करसी अर बतिस्मो लेसी बिको छुटकारो होसी अर जखो बिस्वास कोनी करसी बो पापी रेह्सी अर सजा भोगसी। 17मेर प बिस्वास करबाळा म अ सेलाणी होसी क बे मेरा नामऊँ ओपरी बलायानै भगासी अर बे नई-नई भासा बोलसी। 18ज बे आपका हाताऊँ साँप बी पकड़ै अर झेर बी पीज्यावै जणा बी बाकै क्युंई कोनी होसी, अर बे रोगला प हात धरसी जणा बे ठिक होज्यासी।”
ईसु को ईस्बर नगरी म उठायो जाबो
(लूका 24:50–53; काम 1:9–11)
19 #
काम 1:9–11
अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो। 20अर बिका चेला झघा-झघा जार परबु को परबचन दिओ। बाकै सागै परबु काम करर्यो हो। अर बो चमत्कारी सेलाणीऊँ बचनानै सच करर्यो।
Zvasarudzwa nguva ino
मरकुस 16: एस डब्लु वी
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved