मरकुस 13
13
मनदर ढेह्बा की भबिस्वाणी
(मत्ती 24:1,2; लूका 21:5,6)
1जद ईसु यरूसलेम का मनदर क मांयनैऊँ बारनै जार्यो हो जणा बि टेम बिकाळा चेला मऊँ एक चेलो ईसुनै बोल्यो, “ओ गरूजी देख अ भाठा अर आ हेली कत्ती सोवणी ह।” 2ईसु बिकी इ बातनै सुणर बिनै बोल्यो, “के तू इ बडीसारी हेलीनै देखै ह? अठै एक बी भाठो कोनी रेह्सी सगळा भाठा ढा दिआ जासी।”
विपदा अर सताव
(मत्ती 24:3–14; लूका 21:7–19)
3जद ईसु जेतून का डूँगर प मनदर क सामै बेठ्यो हो जणा बिऊँ पतरस, याकूब, अर अंदरिआस एकला म बुज्या 4बे ईसुनै बुज्या, “अ बाता कद घटसी? अर आ बाता क होबा की सेलाणी काँई होसी?” बाकी बाता सुणर 5ईसु बानै बोल्यो, “थे समळर रेहज्यो थारै सागै कोई छळ नइ करज्या। 6मेरा नामऊँ बोळासारा आसी अर खेसी ‘म मसी हूँ’ अंय्यां बोलर बे बोळासारा मिनखानै भंगरासी। 7अर जद थे राड़ अर लड़ायां की खबरा सुणो जणा मना डरज्यो, क्युं क आ बाता को होबो ते ह पण बा घड़ी नास की कोनी होसी। 8अर जात्या-जात्या प अर देस-देस प चढाई करसी। अर कठै-कठै तो भूचाळ आसी अर काळ पड़सी अर अ सगळी बाता हाल तो जच्चा क सरूका उठबाळा दरद जंय्यां की ह। 9#मत्त 10:17–20; लूक 12:11,12पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको। 10पण आ पक्की ह क आऊँ पेल्या धरती का सगळा कूणबानै चोखो समचार सुणायो जासी। 11अर जद थानै पकड़र लोग कचेरी क हवालै करीं जणा थे इ बात की जमाई चिंत्या मना करज्यो क थानै काँई खेणो ह? बी घड़ी पबितर आत्मा जखा सबद दे बेई बोलज्यो क्युं क बोलबाळा थे कोनी पण पबितर आत्मा होसी। 12भाई-भाईनै पकड़ा'र मरवासी अर अंय्यांई बाप आपका टाबरा क सागै करसी अर टाबर आपका माँ-बाप क खिलाप होर बानै मरवासी। 13#मत्त 10:22अर मेरा नाम की बजेऊँ सगळा मिनख थारूँ बेर राखसी, पण जखो आखीर ताँई सबर करसी बोई बचायो जासी।”
बिनास की घड़ी
(मत्ती 24:15–28; लूका 21:20–24)
14जद थे उजाड़बाळी सूगली चिजानै #13:14 उजाड़बाळी सूगली चिजानै, सेतानजठै नइ होणी चाए ही बठै देखो (बाचबाळो खुदई जाणले इको मतबल काँई ह?) जणा जखो यहूदिआ म होवै, बानै डूँगरा म भाग जाणो चाए। 15#लूक 17:31अर जखा मिनख आपकी छात प होवै बे आपका घरा म क्युंई चिज ल्याबा ताँई नइ उतरै। 16अर जखो खेत म होवै बो आपका गाबा लेबा ताँई नइ मुड़ै। 17अ दिन बा लूगाया ताँई जखी आसऊँ होसी अर दुद प्याबाळी टाबरा की माँ ताँई बोळी पिड़ा का होसी। 18थे अरदास कर्या करो क अ बाता स्याळा म नइ हो। 19#दरसा 7:14बा दिना म अंय्यां को कळेस आसी जखो जुगाद म जद परमेसर इ दुनियानै रची जदऊँ लेर नइ तो हाल ताँई आयो अर नइ इकै पाछै कदै आसी। 20ज परमेसर बा दिनानै कम नइ करतो जणा कोईबी कोनी बचतो। पण बिका टाळेड़ा मिनखा की बजेऊँ परमेसर बा दिनानै कम कर दिओ ह। 21बा दिना म थानै कोई खेवै, “देखो अठै ह मसी नहिस बठै ह मसी।” जद थे बिको बिस्वास मना करज्यो। 22थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी। 23पण थे समळर रिह्यो म थानै अ सगळी बाता पेल्याऊँई बता दिनी ह।
मिनख का बेटा को ओज्यु आबो
(मत्ती 24:29–31; लूका 21:25–28)
24 #
दरसा 6:12
बा दिना म, बि कळेस क पाछै सूरज उजाळानै खो देसी अर चाँद बी कोनी चमकसी। 25#दरसा 6:13अर अकास मऊँ तारा बी तळै पड़ मरसी। अर अकास की सक्तिया हलाई जासी जिऊँ बे आपकी झघा छोड देसी। 26#दरसा 1:7जणा लोग मिनख का बेटानै महासक्ति अर मेमा क सागै बादळा प आतो देखसी।
27“अर बो आपका ईस्बर नगरी दुतानै भेजसी क बे धरती अर अकास प जार च्यारूमेरूँ बिका टाळेड़ा मिनखानै भेळा करीं।”
अंजीर का दरख्तऊँ सीख देबो
(मत्ती 24:32–35; लूका 21:29–33)
28“थे अंजीर का दरख्तऊँ सीखो जद बिकी डाळ्यां नरम होवै अर बिकै कुपळ फूटबा लागै जणा थे बिनै देखर जाणज्याओ हो क उंदयाळो आबाळो ह। 29अंय्यांई जद थे आ बातानै होता देखो जणा जाणज्याज्यो क बा घड़ी सांकड़ैई ह, अर थळी पई ह। 30म थानै सची खेऊँ हूँ, जद ताँई अ बाता कोनी बितसी इ पिडी को नास कोनी होसी। 31अकास अर धरती टळ ज्यासी पण मेरी बाता कोनी टळै।
जागता रिह्यो
(मत्ती 24:36–44)
32 #
मत्त 24:36
“बि दिन अर बि घड़ी क बारां म कोईबी कोनी जाणै, नइ तो ईस्बर नगरी दुत अर नइ बेटो पण परम-पिताई बिकै बारां म जाणै ह। 33इ बजेऊँ थे समळर जागता रेहज्यो थानै कोनी बेरो क बो दिन कद आसी अर नइ थे बि दिन क बारां म जाणो। 34#लूक 12:36–38ओ अंय्यां होसी जंय्यां कोई मिनख दिसावर जाबाऊँ पेल्या आपका घरनै आपका दास क हवालै कर बानै न्यारो-न्यारो काम बाटर चल्यो जावै अर चोकीदारनै पेरो लगाबा को हुकम देर अंय्यां बोलर क जद ताँई म कोनी आऊँ तू घर की समाळ करजे। 35इ ताँई थे चेता म रेह्ओ क्युं क थे कोनी जाणो क घर को मालिक कद आसी। आथण्या आसी क मज रात म आसी क भागपाट्या आसी नहिस दिन चढ्या आसी। 36अर अंय्यां नइ होज्या कदै बो चाणचुक्यो आर थानै सोतो देखै। 37अर जखी बाता म थानै खेऊँ हूँ बेई बात म सगळानै खेऊँ हूँ क थे सगळा जागता रेहज्यो।”
Zvasarudzwa nguva ino
मरकुस 13: एस डब्लु वी
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved
मरकुस 13
13
मनदर ढेह्बा की भबिस्वाणी
(मत्ती 24:1,2; लूका 21:5,6)
1जद ईसु यरूसलेम का मनदर क मांयनैऊँ बारनै जार्यो हो जणा बि टेम बिकाळा चेला मऊँ एक चेलो ईसुनै बोल्यो, “ओ गरूजी देख अ भाठा अर आ हेली कत्ती सोवणी ह।” 2ईसु बिकी इ बातनै सुणर बिनै बोल्यो, “के तू इ बडीसारी हेलीनै देखै ह? अठै एक बी भाठो कोनी रेह्सी सगळा भाठा ढा दिआ जासी।”
विपदा अर सताव
(मत्ती 24:3–14; लूका 21:7–19)
3जद ईसु जेतून का डूँगर प मनदर क सामै बेठ्यो हो जणा बिऊँ पतरस, याकूब, अर अंदरिआस एकला म बुज्या 4बे ईसुनै बुज्या, “अ बाता कद घटसी? अर आ बाता क होबा की सेलाणी काँई होसी?” बाकी बाता सुणर 5ईसु बानै बोल्यो, “थे समळर रेहज्यो थारै सागै कोई छळ नइ करज्या। 6मेरा नामऊँ बोळासारा आसी अर खेसी ‘म मसी हूँ’ अंय्यां बोलर बे बोळासारा मिनखानै भंगरासी। 7अर जद थे राड़ अर लड़ायां की खबरा सुणो जणा मना डरज्यो, क्युं क आ बाता को होबो ते ह पण बा घड़ी नास की कोनी होसी। 8अर जात्या-जात्या प अर देस-देस प चढाई करसी। अर कठै-कठै तो भूचाळ आसी अर काळ पड़सी अर अ सगळी बाता हाल तो जच्चा क सरूका उठबाळा दरद जंय्यां की ह। 9#मत्त 10:17–20; लूक 12:11,12पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको। 10पण आ पक्की ह क आऊँ पेल्या धरती का सगळा कूणबानै चोखो समचार सुणायो जासी। 11अर जद थानै पकड़र लोग कचेरी क हवालै करीं जणा थे इ बात की जमाई चिंत्या मना करज्यो क थानै काँई खेणो ह? बी घड़ी पबितर आत्मा जखा सबद दे बेई बोलज्यो क्युं क बोलबाळा थे कोनी पण पबितर आत्मा होसी। 12भाई-भाईनै पकड़ा'र मरवासी अर अंय्यांई बाप आपका टाबरा क सागै करसी अर टाबर आपका माँ-बाप क खिलाप होर बानै मरवासी। 13#मत्त 10:22अर मेरा नाम की बजेऊँ सगळा मिनख थारूँ बेर राखसी, पण जखो आखीर ताँई सबर करसी बोई बचायो जासी।”
बिनास की घड़ी
(मत्ती 24:15–28; लूका 21:20–24)
14जद थे उजाड़बाळी सूगली चिजानै #13:14 उजाड़बाळी सूगली चिजानै, सेतानजठै नइ होणी चाए ही बठै देखो (बाचबाळो खुदई जाणले इको मतबल काँई ह?) जणा जखो यहूदिआ म होवै, बानै डूँगरा म भाग जाणो चाए। 15#लूक 17:31अर जखा मिनख आपकी छात प होवै बे आपका घरा म क्युंई चिज ल्याबा ताँई नइ उतरै। 16अर जखो खेत म होवै बो आपका गाबा लेबा ताँई नइ मुड़ै। 17अ दिन बा लूगाया ताँई जखी आसऊँ होसी अर दुद प्याबाळी टाबरा की माँ ताँई बोळी पिड़ा का होसी। 18थे अरदास कर्या करो क अ बाता स्याळा म नइ हो। 19#दरसा 7:14बा दिना म अंय्यां को कळेस आसी जखो जुगाद म जद परमेसर इ दुनियानै रची जदऊँ लेर नइ तो हाल ताँई आयो अर नइ इकै पाछै कदै आसी। 20ज परमेसर बा दिनानै कम नइ करतो जणा कोईबी कोनी बचतो। पण बिका टाळेड़ा मिनखा की बजेऊँ परमेसर बा दिनानै कम कर दिओ ह। 21बा दिना म थानै कोई खेवै, “देखो अठै ह मसी नहिस बठै ह मसी।” जद थे बिको बिस्वास मना करज्यो। 22थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी। 23पण थे समळर रिह्यो म थानै अ सगळी बाता पेल्याऊँई बता दिनी ह।
मिनख का बेटा को ओज्यु आबो
(मत्ती 24:29–31; लूका 21:25–28)
24 #
दरसा 6:12
बा दिना म, बि कळेस क पाछै सूरज उजाळानै खो देसी अर चाँद बी कोनी चमकसी। 25#दरसा 6:13अर अकास मऊँ तारा बी तळै पड़ मरसी। अर अकास की सक्तिया हलाई जासी जिऊँ बे आपकी झघा छोड देसी। 26#दरसा 1:7जणा लोग मिनख का बेटानै महासक्ति अर मेमा क सागै बादळा प आतो देखसी।
27“अर बो आपका ईस्बर नगरी दुतानै भेजसी क बे धरती अर अकास प जार च्यारूमेरूँ बिका टाळेड़ा मिनखानै भेळा करीं।”
अंजीर का दरख्तऊँ सीख देबो
(मत्ती 24:32–35; लूका 21:29–33)
28“थे अंजीर का दरख्तऊँ सीखो जद बिकी डाळ्यां नरम होवै अर बिकै कुपळ फूटबा लागै जणा थे बिनै देखर जाणज्याओ हो क उंदयाळो आबाळो ह। 29अंय्यांई जद थे आ बातानै होता देखो जणा जाणज्याज्यो क बा घड़ी सांकड़ैई ह, अर थळी पई ह। 30म थानै सची खेऊँ हूँ, जद ताँई अ बाता कोनी बितसी इ पिडी को नास कोनी होसी। 31अकास अर धरती टळ ज्यासी पण मेरी बाता कोनी टळै।
जागता रिह्यो
(मत्ती 24:36–44)
32 #
मत्त 24:36
“बि दिन अर बि घड़ी क बारां म कोईबी कोनी जाणै, नइ तो ईस्बर नगरी दुत अर नइ बेटो पण परम-पिताई बिकै बारां म जाणै ह। 33इ बजेऊँ थे समळर जागता रेहज्यो थानै कोनी बेरो क बो दिन कद आसी अर नइ थे बि दिन क बारां म जाणो। 34#लूक 12:36–38ओ अंय्यां होसी जंय्यां कोई मिनख दिसावर जाबाऊँ पेल्या आपका घरनै आपका दास क हवालै कर बानै न्यारो-न्यारो काम बाटर चल्यो जावै अर चोकीदारनै पेरो लगाबा को हुकम देर अंय्यां बोलर क जद ताँई म कोनी आऊँ तू घर की समाळ करजे। 35इ ताँई थे चेता म रेह्ओ क्युं क थे कोनी जाणो क घर को मालिक कद आसी। आथण्या आसी क मज रात म आसी क भागपाट्या आसी नहिस दिन चढ्या आसी। 36अर अंय्यां नइ होज्या कदै बो चाणचुक्यो आर थानै सोतो देखै। 37अर जखी बाता म थानै खेऊँ हूँ बेई बात म सगळानै खेऊँ हूँ क थे सगळा जागता रेहज्यो।”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved