प्रेरित 22
22
1“आदरणीय जनसमुदाय, सबजन्हक सामुन्नेम मै आपन बचाउक लाग ब्वालटुँ, म्वार बात सुनी।”
2हुँक्र पावलह हुँकन्हक आपन हिब्रू भाषम ब्वालट् सुन्ल त, सबजन चूप लग्ल।
3पावल कल, “मै किलिकिया क्षेत्रक टार्सस सहरम जन्मल यहूदी हुइटुँ, ओ यिह यरूशलेम सहरम हुर्कनहुँ। गुरु गमलिएल महीह हमार पुर्खनसे चल्तीआइल यहूदी व्यवस्थमक एक-एक बात सिखारख्ल। आज अप्नहुँक्र परमेश्वरक आदर कर्ना कामम जत्रा उत्साहित बाटी, मै फे ओत्रह उत्साहित रनहुँ।#प्रे ५:३४-३९ 4मुक्तिक डगरम लागल मनैन मै सतैनासम सतैनु। कुई-कुई त मुवा फे पैल। का पुरुष, का महिला, मै जेहीह भेटाउँ ओइहेह पकर्क झ्यालखानम डारदिउँ।#प्रे ८:३; २६:९-११ 5यी बात सत्य हो कैक प्रधान पूजारी ओ महासभक सारा सदस्यहुँक्र फे कहसेक्ठ। मै उहाँहुँकनसे दमस्कस सहरक यहूदीहुँकन सम्बोधन करल एकठो चिठी फे पारख्नहुँ। उ चिठीम मै उहाँ रहल विश्वासीहुँकन पकर्ना ओ हुँकन सिक्रीले बाहान्क यरूशलेमम अन्ना, ओ हुँकन सजाय देह पैना अधिकार पारख्नहुँ।
6“मै जाइट्-जाइट् दमस्कसक लग्घ पुगरनहुँ, दिनक लगभग दुपहर रहलहुई, तब एकचोट्टे स्वर्गमसे बरा ज्योति म्वार आञ्जरपाञ्जर चम्कल। 7मै नेङ्ग्टी-नेङ्ग्टी भूइँयम गिरगैनु ओ असिक कहट् सुन्नु, ‘शाऊल, शाऊल, काजे टुँ महीह सँताइटो?’
8“मै पुछ्नु, ‘प्रभु, अप्न के हुइटी?’
“उहाँ कल, ‘मै नासरत सहरक येशू हुइटुँ, जेहीह टुँ सँताइटो।’ 9म्वारसँग रहुइयन अजरार देख्ल, तर महीसे बोलुइयक बात नैबुझ्ल।
10“मै कनु, ‘हे प्रभु, आब मै का करुँ?’
“प्रभु महीह कल, ‘उठ्क दमस्कस सहरम जाओ, ओ टुँहार करपर्ना काम मै उहँ कहम्।’ 11ज्योति कर्रसे चम्कलक कारण मै कुछु फे द्याख नैसेक्नु। तब म्वारसँग रहुइयन महीह डोर्यैटी दमस्कसम लैगिल।
12“दमस्कसम हननिया नाउँ रहल एकठो मनैया रलह। ऊ मोशक व्यवस्था अनुसार चलँट् ओ सब यहूदीहुँक्र हुँकहार आदर करँट्। 13ऊ म्वारठे आक पञ्ज्र ठह्रेइल, ओ महीह कल, ‘शाऊल भाइ, फेदोस्र देख्नाहा होजाओ।’ ऊ अत्रा कटीकि मै हुँकहीन देख्डर्नु।
14“ऊ कल, ‘हमार पुर्खन्हक परमेश्वर टुँ उहाँक इच्छा जानक लाग, धर्मी येशूह द्याखक लाग, ओ उहाँक बोली सुनक लाग टुँहीन रोजरख्ल। 15काकरकि टुँ उहाँक साक्षी होक आपन द्याखल ओ सुनल बात सबजहनसे बटोइबो। 16आब काजे ढिल कर्ना? उठो ओ बप्तिस्मा लेओ। ओ येशूसे बिन्ती कैक आपन पाप धोमाङ्गो।’
17“मै उहाँसे यरूशलेमम गैनु, ओ एक दिन मन्दिरम प्रार्थना कर्टीकर्टी ध्यान-मग्न हुइल् ब्याला 18येशूह मै देख्नु ओ उहाँ महीह असिक कल, ‘यरूशलेमसे झट्ट जाजाओ, काकरकि म्वार बारेम टुँहार कहल बात यिहाँक मनै सुनुइया नैहुइट।’
19“मै कनु, ‘हे प्रभु, मै हरेक सभाघरम जाक अप्नकम विश्वास करुइयन झ्यालखानम डर्लक ओ पिट्लक बात सबजहन थाहँ बाटन। 20अप्नक साक्षी बकुइया स्तिफनसक हत्यम म्वार फे पूरा सहमति रह। मै फे ओठहेँ ठह्र्याइल रनहुँ ओ हुँकहार हत्या करुइयन्हक लुगा कुरटनहुँ।’#प्रे ७:५८
21“तब प्रभु महीह कल, ‘जाओ, मै टुँहीन गैरयहूदीन्हकठे धेर दूर-दूरसम पठैम।’”
22अत्रा कहट्सम केल भीडक मनै पावलक बात सुन्ल, ओ चिच्यैटी कहलग्ल, “असिन मनैयह, मुवैहीपरी! यी बच्ना योग्यक नैहो!”
23हुँक्र आपन-आपन लुगा ओ धूर उरैटी चिच्यैटीरल। 24यी देख्क सेनापति पावलह ब्यारेक भित्तर लैजाक कर्रसे कोर्रा लगैना आदेश देल। ओसिक कोर्रा लगैलसे पावल आपन करल अपराध स्वीकार करी ओ भीडक मनै काजे ओसिक झोँक्यारल कैक पत्ता लगाइ सेक्जाई कना हुँकहार आशा रलहन। 25सिपाहीहुँक्र कोर्रा लगाइक लाग हुँकहीन बान्ध लग्ल त, पावल ओठे ठह्र्याइल एकठो कप्तानह पुछ्ल, “का रोमी नागरिकह दोषी बिना ठह्रैल कोर्रा लगैना ठीक हो?”
26कप्तान यी सुन्ल त, सेनापतिकठे जाक कल, “अप्न का करक लाग बाटी? उ मनैया त रोमी नागरिक हो!”
27तब सेनापति पावलकठे जाक पुछ्ल, “का टुँ रोमी नागरिक हुइटो?”
पावल कल, “हुइटुँ।”
28सेनापति कल, “मै फे रोमी हुइटुँ, तर यी नागरिक हक पाइक लाग मै धेर रूप्या तिर्नहुँ।”
पावल कल, “मै त जन्मटीहिक रोमी नागरिक हुइटुँ।”
29यी बात सुन्टीकि, पावलह सोधपुछ करक लाग तयार हुइल् सिपाहीहुँक्र पाछ हट्ल, ओ सेनापति फे डरैल काकरकि पावलह बाहान्क कोर्रा लगैना आदेश उह देलह।
पावल महासभक सामुन्ने
30द्वासर दिन सेनापति मुख्य पूजारीन ओ महासभक सारा सदस्यन सभम बलैल। ऊ खास समस्या पत्ता लगाइ चाहल रलह। उहओर्से ऊ बान्धल पावलह छोर्क सभम हाजिर करैल।
Zvasarudzwa nguva ino
प्रेरित 22: thl
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2020, Wycliffe Bible Translators, Inc. All rights reserved.