याकूब 4
4
संसारा ने दोस्ती
1तुहांरे बिच लड़ाईयां कने झगड़यां री वजह क्या इ? क्या ये तुहांरे अन्दर बुरी इच्छां रे संघर्षा रिया वजह ते नीं? 2तुहें लालसा कराँ ये पर तुहांजो मिलदा नींआ, इस खातर तुहें हत्या कने लालच कराँ ये, फेरी बी सै जे तुहें चाँये सै हासिल नीं करी पान्दे; इस खातर तुहें लड़ाई झगड़ा कराँ ये। फेरी बी तुहांजो नीं मिलदा, काँह्भई तुहें परमेशरा ते नीं मंगदे। 3तुहें मंगणे पर पान्दे इस खातर नींये, काँह्भई गल़त इरादे ने मंगां ये, ताकि सिर्फ अपणियां इच्छां जो पूरा करी सक्को।
4विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे। 5क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन#4:5 जीवन यनि आत्मा दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”
6बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।” 7इस खातर खुद परमेशरा रे अधीन हुई जवा, कने शैतान्ना रा बरोध करा, तिस तुहांरे सामणे ते नट्ठी जाणा।
8परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा। 9अपणे पापां रिया वजह ते दुखी हुआ, कने शोक करा, कने रोआ। हुई सक्कां तुहांरा ये हसणा शोका च कने तुहांरी ये मौज उदासिया च बदली जो। 10प्रभुये रे सामणे अप्पूँजो नम्र करा, तां तिस तुहांजो आदर देणा।
विश्वासियां पर दोष मढ़ना
11मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां। 12व्यवस्था रा देणे औल़ा कने तिसरा न्याय करने औल़ा त इक इ हाया सै जे परमेशर आ, तिस्सो इ बचाणे कने बर्बाद करने रा अधिकार आ। इस खातर तू कुण आ, सै जे अपणे पड़ेसिये पर दोष लगां?
भविष्य रा फिक्र
13तुहें सै जे येढ़ा बोलां ये भई आज या कल अहां किसी दुज्जे नगरा च जाईने इक साल व्यापार करीने किछ कमांगे। 14पर सच्चाई त येई भई तुहें नीं जाणदे भई कल क्या हूणा, तुहांरी जिन्दगी हाई कितणी? ये भापा साई सै जे थोड़ी देर दिस्सां इ फेरी गायब हुई जाईं।
15इसरे बजाय तुहांजो ये बोलणा चाहिन्दा, भई “जे प्रभु चाओ तां अहें जिऊंदा रैहन्गे, कने ये या सै काम्म बी करगे।” 16पर हुण तुहें अपणिया योजना रे बारे च घमण्ड कराँ ये; सै सारा घमण्ड बुरा हुआं। 17इस खातर सै जे भलाई करना जाणाँ, पर करदा नींआ, तिसरे खातर ये पाप आ।
Zvasarudzwa nguva ino
याकूब 4: KFSNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This work is licensed under Creative Commons Attribution-ShareAlike 4.0 License.
याकूब 4
4
संसारा ने दोस्ती
1तुहांरे बिच लड़ाईयां कने झगड़यां री वजह क्या इ? क्या ये तुहांरे अन्दर बुरी इच्छां रे संघर्षा रिया वजह ते नीं? 2तुहें लालसा कराँ ये पर तुहांजो मिलदा नींआ, इस खातर तुहें हत्या कने लालच कराँ ये, फेरी बी सै जे तुहें चाँये सै हासिल नीं करी पान्दे; इस खातर तुहें लड़ाई झगड़ा कराँ ये। फेरी बी तुहांजो नीं मिलदा, काँह्भई तुहें परमेशरा ते नीं मंगदे। 3तुहें मंगणे पर पान्दे इस खातर नींये, काँह्भई गल़त इरादे ने मंगां ये, ताकि सिर्फ अपणियां इच्छां जो पूरा करी सक्को।
4विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे। 5क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन#4:5 जीवन यनि आत्मा दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”
6बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।” 7इस खातर खुद परमेशरा रे अधीन हुई जवा, कने शैतान्ना रा बरोध करा, तिस तुहांरे सामणे ते नट्ठी जाणा।
8परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा। 9अपणे पापां रिया वजह ते दुखी हुआ, कने शोक करा, कने रोआ। हुई सक्कां तुहांरा ये हसणा शोका च कने तुहांरी ये मौज उदासिया च बदली जो। 10प्रभुये रे सामणे अप्पूँजो नम्र करा, तां तिस तुहांजो आदर देणा।
विश्वासियां पर दोष मढ़ना
11मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां। 12व्यवस्था रा देणे औल़ा कने तिसरा न्याय करने औल़ा त इक इ हाया सै जे परमेशर आ, तिस्सो इ बचाणे कने बर्बाद करने रा अधिकार आ। इस खातर तू कुण आ, सै जे अपणे पड़ेसिये पर दोष लगां?
भविष्य रा फिक्र
13तुहें सै जे येढ़ा बोलां ये भई आज या कल अहां किसी दुज्जे नगरा च जाईने इक साल व्यापार करीने किछ कमांगे। 14पर सच्चाई त येई भई तुहें नीं जाणदे भई कल क्या हूणा, तुहांरी जिन्दगी हाई कितणी? ये भापा साई सै जे थोड़ी देर दिस्सां इ फेरी गायब हुई जाईं।
15इसरे बजाय तुहांजो ये बोलणा चाहिन्दा, भई “जे प्रभु चाओ तां अहें जिऊंदा रैहन्गे, कने ये या सै काम्म बी करगे।” 16पर हुण तुहें अपणिया योजना रे बारे च घमण्ड कराँ ये; सै सारा घमण्ड बुरा हुआं। 17इस खातर सै जे भलाई करना जाणाँ, पर करदा नींआ, तिसरे खातर ये पाप आ।
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This work is licensed under Creative Commons Attribution-ShareAlike 4.0 License.