प्रेरितां 26
26
अग्रिप्पा रे सामणे पौलुसा री सफाई देणा
1अग्रिप्पे पौलुसा ने गलाया, “तिज्जो अपणे बारे च बोलणे रा हुक्म आ।” तां पौलुस चुप रैहणे खातर हत्था रा ईशारा करीने जवाब देणे लगया,
2“हे राजा अग्रिप्पा तितनियां गल्लां रा जे यहूदी अगुवे माह पर दोष लाया रायें, आज्ज तेरे सामणे तिन्हांरा जवाब देणे ते हऊँ अप्पूँजो धन्या समझां, 3खास करीने इस खातर भई तू यहूदियां रे सब्बीं रीति रिवाजां कने विवादां जो जाणाँ। इस खातर हऊँ विनती कराँ, धीरजा ने मेरी सुणी लै।
4“तियां जे मेरा चाल-चल़ण बच्छपना तेई अपणे लोकां रे बिच कने यरूशलेम च तेढ़ा जे था, तिस्सो कई साथी यहूदी जाणाँ ये। 5जे सै गवाही देणा चाओ, तां सै मेरे बच्छपना ते मिन्जो पछयाणां ये, भई हऊँ फरीसी हुईने अपणे धर्मा रे सब ते खरे पन्था रे मुतावक चलया। 6कने हुण इस वायदे रिया आशा रिया वजह ते सै जे परमेशरे अहांरे पूर्वजां ने कित्या था, माह पर मुकद्दमा चलया राँ। 7तिसा प्रतिज्ञा रे पूरे हुणे री आशा लाईने, अहांरे बारा गोत्र अपणे सारे मना ते रात दिन परमेशरा री अराधना करदे आया रायें। हे राजा, इसा इ आशा रे बारे च यहूदी अगुवे मांह पर दोष लांये। 8तुहां चते किसी जो बी ये गल्ल विश्वास लायक काँह नीं लगदी भई परमेशर मूईरयां जो जिऊंदा करी देआं।
9“मैं बी समझया था भई नासरत च रैहणे औल़े यीशुये रे नौआं रे बरोधा च मिन्जो बौहत किछ करना चाहिन्दा। 10कने मैं यरूशलेम च येढ़ा इ कित्या; कने मुखियायाजकां ते अधिकार लईने मते सारे पवित्र लोकां जो जेलखान्ने च पाया, कने ताहली जे सै मारी दित्ते जां थे, तां हऊँ बी तिन्हांरे बरोधा च अपणी सहमति देआं था। 11कने हर यहूदी सभा घर च हऊँ तिन्हांजो ताड़ना देई-देईने यीशुये री निंध्या करवां था, येत्थी तक भई गुस्से रे मारे येढ़ा पागल हुईग्या भई दुज्यां नगराँ च बी जाई-जाईने तिन्हांजो सतां था।
अपणे मन बदलने रा बर्णन
(प्रेरितां 9:1-19; 22:6-16)
12“इसा इ टेरा च ताहली जे हऊँ मुखियायाजकां ते अधिकार कने हुक्म पत्र लईने दमिश्क नगरा जो जाया राँ था; 13तां हे राजा, रस्ते च दपैहरा रे बगत मैं अम्बरा ते सूरजा रिया चमका ते बी बधीने इक ज्योति, अपणे कने अपणे सौगी चलने औल़यां रे चऊँ पासयां चमकदी देखी। 14तां जे अहें सारे धरतिया पर पैईगे, तां मैं इब्रानी भाषा च, मिन्जो येढ़ा बोलदे इक अवाज़ सुणी, ‘हे शाऊल, हे शाऊल, तू मिन्जो दुख देणे रिया वजह ने खुद अप्पूँ जोई दुख देई कराँ।’
15“मैं गलाया, ‘हे प्रभु, तू कुण आ?’ प्रभुये गलाया, ‘हऊँ यीशु आ तिस रेयां लोकां जो जे तू दुख देईराँ। 16पर तू उट्ठ, अपणे पैराँ पर खड़ा हो; काँह्भई मैं तिज्जो इस खातर दर्शण दित्या भई तिज्जो तिन्हां गल्लां रा बी सेवक कने गवाह बणाऊं, सै जे तैं देखी रियां, कने तिन्हांरा बी तिन्हां खातर जे मांह तिज्जो दर्शण देणा। 17कने माह तिज्जो तेरे लोकां ते कने अन्यजातियां ते बचांदे रैहणा, तिन्हांले जे हुण हऊँ तिज्जो इस खातर भेज्या दा, 18भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’
अपणयां कम्मां रा बर्णन
19“इस खातर हे राजा अग्रिप्पा, मैं तिस स्वर्गीय दर्शणा रा पालन कित्या, 20पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा। 21ताहली जे हऊँ इन्हां गल्लां रा प्रचार मन्दरा च कराँ था, इस रिया वजह ते यहूदी मिन्जो पकड़ीने मारने री कोशिश कराँ थे।
22“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ, 23भई मसीह जो दुख सैहणे पौणा, कने तिस इ सब्बीं ते पैहले मूईरेयां चते जिऊंदा हुईने, अहां रयां लोकां च कने अन्यजातियां च परमेशरा रा सन्देश सै जे ज्योतिया साई आ तिसरा प्रचार करना।”
24ताहली जे पौलुस इसा रितिया ने जवाब देई कराँ था, तां फेस्तुसे ऊच्चिया अवाज़ा च गलाया, “हे पौलुस, तू पागल आ। बौहती विध्यां ते तू पागल हुईगरा।” 25पर पौलुसे गलाया, “हे महामहीम फेस्तुस हऊँ पागल निआं, पर सच्चाई कने बुद्धिया रियां गल्लां बोलां। 26राजा बी ये गल्लां जाणाँ, तिसरे सामणे जे हऊँ निडर हुईने गलाया राँ; कने मिन्जो विश्वास आ, भई इन्हां गल्लां चते कोई बी तिसते छिपीरी नीं, काँह्भई ये घटना सारयां लोके सुणिरी भई यीशु मसीह सौगी क्या हुईरा। 27हे राजा अग्रिप्पा क्या तू भविष्यवक्तयां रा विश्वास कराँ? हाँ, हऊँ जाणाँ भई तू विश्वास कराँ।” 28हुण अग्रिप्पे पौलुसा ने गलाया, “क्या तू थोड़े इ समझाणे ते मिन्जो मसीही बनाणा चाँह?” 29पौलुसे जबाब दित्या, थोड़े वगता च, चाये मते वगता च, “परमेशरा ने मेरी प्राथना येई भई नां सिर्फ तू, पर सै सारे लोक बी, सै जे आज्ज मिन्जो सुणया राँये, तेढ़े इ हुई जाओ, तेढ़ा जे हऊँ विश्वासी आ, सिवाय इन्हां जंजीराँ ते।” 30तां राजा कने राजपाल कने बिरनीके कने तिसने सौगी बैठणे औल़े उट्ठीने चलीगे; 31कने तियां जे सै जाया राँ थे अप्पूँ चियें बोलणे लगे, “इने माहणुये येढ़ा त किछ नीं कित्या, सै जे मौती रिया सजा या जेल्ला च पाणे लायक हो।” 32अग्रिप्पे फेस्तुसा ने गलाया, “जे ये माहणु बादशाह कैसरा री दुहाई नीं देन्दा, तां छुट्टी सक्कां था।”
Zvasarudzwa nguva ino
प्रेरितां 26: KFSNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This work is licensed under Creative Commons Attribution-ShareAlike 4.0 License.
प्रेरितां 26
26
अग्रिप्पा रे सामणे पौलुसा री सफाई देणा
1अग्रिप्पे पौलुसा ने गलाया, “तिज्जो अपणे बारे च बोलणे रा हुक्म आ।” तां पौलुस चुप रैहणे खातर हत्था रा ईशारा करीने जवाब देणे लगया,
2“हे राजा अग्रिप्पा तितनियां गल्लां रा जे यहूदी अगुवे माह पर दोष लाया रायें, आज्ज तेरे सामणे तिन्हांरा जवाब देणे ते हऊँ अप्पूँजो धन्या समझां, 3खास करीने इस खातर भई तू यहूदियां रे सब्बीं रीति रिवाजां कने विवादां जो जाणाँ। इस खातर हऊँ विनती कराँ, धीरजा ने मेरी सुणी लै।
4“तियां जे मेरा चाल-चल़ण बच्छपना तेई अपणे लोकां रे बिच कने यरूशलेम च तेढ़ा जे था, तिस्सो कई साथी यहूदी जाणाँ ये। 5जे सै गवाही देणा चाओ, तां सै मेरे बच्छपना ते मिन्जो पछयाणां ये, भई हऊँ फरीसी हुईने अपणे धर्मा रे सब ते खरे पन्था रे मुतावक चलया। 6कने हुण इस वायदे रिया आशा रिया वजह ते सै जे परमेशरे अहांरे पूर्वजां ने कित्या था, माह पर मुकद्दमा चलया राँ। 7तिसा प्रतिज्ञा रे पूरे हुणे री आशा लाईने, अहांरे बारा गोत्र अपणे सारे मना ते रात दिन परमेशरा री अराधना करदे आया रायें। हे राजा, इसा इ आशा रे बारे च यहूदी अगुवे मांह पर दोष लांये। 8तुहां चते किसी जो बी ये गल्ल विश्वास लायक काँह नीं लगदी भई परमेशर मूईरयां जो जिऊंदा करी देआं।
9“मैं बी समझया था भई नासरत च रैहणे औल़े यीशुये रे नौआं रे बरोधा च मिन्जो बौहत किछ करना चाहिन्दा। 10कने मैं यरूशलेम च येढ़ा इ कित्या; कने मुखियायाजकां ते अधिकार लईने मते सारे पवित्र लोकां जो जेलखान्ने च पाया, कने ताहली जे सै मारी दित्ते जां थे, तां हऊँ बी तिन्हांरे बरोधा च अपणी सहमति देआं था। 11कने हर यहूदी सभा घर च हऊँ तिन्हांजो ताड़ना देई-देईने यीशुये री निंध्या करवां था, येत्थी तक भई गुस्से रे मारे येढ़ा पागल हुईग्या भई दुज्यां नगराँ च बी जाई-जाईने तिन्हांजो सतां था।
अपणे मन बदलने रा बर्णन
(प्रेरितां 9:1-19; 22:6-16)
12“इसा इ टेरा च ताहली जे हऊँ मुखियायाजकां ते अधिकार कने हुक्म पत्र लईने दमिश्क नगरा जो जाया राँ था; 13तां हे राजा, रस्ते च दपैहरा रे बगत मैं अम्बरा ते सूरजा रिया चमका ते बी बधीने इक ज्योति, अपणे कने अपणे सौगी चलने औल़यां रे चऊँ पासयां चमकदी देखी। 14तां जे अहें सारे धरतिया पर पैईगे, तां मैं इब्रानी भाषा च, मिन्जो येढ़ा बोलदे इक अवाज़ सुणी, ‘हे शाऊल, हे शाऊल, तू मिन्जो दुख देणे रिया वजह ने खुद अप्पूँ जोई दुख देई कराँ।’
15“मैं गलाया, ‘हे प्रभु, तू कुण आ?’ प्रभुये गलाया, ‘हऊँ यीशु आ तिस रेयां लोकां जो जे तू दुख देईराँ। 16पर तू उट्ठ, अपणे पैराँ पर खड़ा हो; काँह्भई मैं तिज्जो इस खातर दर्शण दित्या भई तिज्जो तिन्हां गल्लां रा बी सेवक कने गवाह बणाऊं, सै जे तैं देखी रियां, कने तिन्हांरा बी तिन्हां खातर जे मांह तिज्जो दर्शण देणा। 17कने माह तिज्जो तेरे लोकां ते कने अन्यजातियां ते बचांदे रैहणा, तिन्हांले जे हुण हऊँ तिज्जो इस खातर भेज्या दा, 18भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’
अपणयां कम्मां रा बर्णन
19“इस खातर हे राजा अग्रिप्पा, मैं तिस स्वर्गीय दर्शणा रा पालन कित्या, 20पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा। 21ताहली जे हऊँ इन्हां गल्लां रा प्रचार मन्दरा च कराँ था, इस रिया वजह ते यहूदी मिन्जो पकड़ीने मारने री कोशिश कराँ थे।
22“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ, 23भई मसीह जो दुख सैहणे पौणा, कने तिस इ सब्बीं ते पैहले मूईरेयां चते जिऊंदा हुईने, अहां रयां लोकां च कने अन्यजातियां च परमेशरा रा सन्देश सै जे ज्योतिया साई आ तिसरा प्रचार करना।”
24ताहली जे पौलुस इसा रितिया ने जवाब देई कराँ था, तां फेस्तुसे ऊच्चिया अवाज़ा च गलाया, “हे पौलुस, तू पागल आ। बौहती विध्यां ते तू पागल हुईगरा।” 25पर पौलुसे गलाया, “हे महामहीम फेस्तुस हऊँ पागल निआं, पर सच्चाई कने बुद्धिया रियां गल्लां बोलां। 26राजा बी ये गल्लां जाणाँ, तिसरे सामणे जे हऊँ निडर हुईने गलाया राँ; कने मिन्जो विश्वास आ, भई इन्हां गल्लां चते कोई बी तिसते छिपीरी नीं, काँह्भई ये घटना सारयां लोके सुणिरी भई यीशु मसीह सौगी क्या हुईरा। 27हे राजा अग्रिप्पा क्या तू भविष्यवक्तयां रा विश्वास कराँ? हाँ, हऊँ जाणाँ भई तू विश्वास कराँ।” 28हुण अग्रिप्पे पौलुसा ने गलाया, “क्या तू थोड़े इ समझाणे ते मिन्जो मसीही बनाणा चाँह?” 29पौलुसे जबाब दित्या, थोड़े वगता च, चाये मते वगता च, “परमेशरा ने मेरी प्राथना येई भई नां सिर्फ तू, पर सै सारे लोक बी, सै जे आज्ज मिन्जो सुणया राँये, तेढ़े इ हुई जाओ, तेढ़ा जे हऊँ विश्वासी आ, सिवाय इन्हां जंजीराँ ते।” 30तां राजा कने राजपाल कने बिरनीके कने तिसने सौगी बैठणे औल़े उट्ठीने चलीगे; 31कने तियां जे सै जाया राँ थे अप्पूँ चियें बोलणे लगे, “इने माहणुये येढ़ा त किछ नीं कित्या, सै जे मौती रिया सजा या जेल्ला च पाणे लायक हो।” 32अग्रिप्पे फेस्तुसा ने गलाया, “जे ये माहणु बादशाह कैसरा री दुहाई नीं देन्दा, तां छुट्टी सक्कां था।”
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This work is licensed under Creative Commons Attribution-ShareAlike 4.0 License.