बळयिर 24
24
गुमसिना मुनेह पोलुनगा कसुर्क वाटिह्तोर
1पया एयुङ दियाङ आनेके, अनन्या पेर्माल#23:2 ओसो यहुदिराङ उय्तुर पेदल्कु, वेरु तिरतुलु पेदिरतोग़ वकिलिन पोसि, केसरिया सहरते वातोर. वासि पेलिक्स गुमसिना मुनेह,#23:24 पोलुना पोग़ोन कसुर तोहतोर.#25:1,15 2-3पया पेलिक्स पोलुन तता वेहतोग़. ततस्के तिरतुलु वकिल ओना पोग़ोन इद्रम कसुर वाट बोटटोग़ इतेके, “ओ पेलिक्स महरज, निमा राजेम ताकिह कीयनस्केडाह, माट यहुदा पटटोरोम मुर्तिय लळय आयवा मतोम. नीवाय तेल्वतेनाह्कु, मावा जाततोर सुद्रेम आसोर दास्तोर, तानेनाह्कु नीक जोहर आयि. माट बेक अतेकाय, नीवा मयगा मनदनद इद गूनमता अमेसा सीता कीय्ह्नोम. 4नना नीक वेल्लाङे पोल्लोङ वेहच तिपल केवोन मति, नीवा गूनमते मावाङ रेंड पोल्लोना अर्जतुन केंजा. 5वेग़ मन्कल जग्ळा पुटिह केवाल, बूममेंड मनवालोर सबेटोर यहुदिरा नडुम कोंटेङ पुटिह केवाल. ओसो वेग़ नासरिरा लाग्वद तुंगाता पेदामन्कल आंदोग़.#24:5 येसु नासरेत नाटे बेर्सिस मतोग़, अदिह्क ओन विस्वस केवोर यहुदिर, येसुना विस्वसिरिन नासरिर इंदुर. 6मावा मंदिरतुनकळ्वोग़ कीयलाह आसोर मतोग़,#21:28 मति अद्रम केवाह माट वेन पोयतोम. [अस्के माट मावाङ अडोना लेकाते वेन सिक्सा ईस मनेरोम. 7मति सीपय्कना मुक्याल लूसियाल#23:26; 24:22 वासि, मयग्डाहि वेन ऊंदिस ओतोग़.#21:33 8ओसि वेना पोग़ोन कसुर वाटटोरिन, नियगा वायलाह वेहतोग़.#24:6-8 अस्के माट मावाङ अडोना लेकाते वेन सिक्सा ईस मनेरोम. मति सीपय्कना मुक्याल लूसियाल वासि, मयग्डाहि वेन ऊंदिस ओतोग़. ओसि वेना पोग़ोन कसुर वाटटोरिन, नियगा वायलाह वेहतोग़. वेल्लाङे पाळ्नाङ मोदुल काग्देह्कनगा इद पोल्लो वावो.] इंजेके निमान वेन ताल्ह्किस ऊळा, अस्के माट कसुर्क वाटटव सबे पोल्लोन निमा पुनदकिन,” इतोग़. 9अस्के अगा वास मतोर यहुदिर वने वकिलनेह आसि, इव पोल्लोङ निटमे इनजोर इंदुर.
पोलु तनाङ पोल्लोङ पेलिक्स गुमसिन वेहतह्तोग़
10पया गुमसि पोलुन निमा वेहा इनजोर कय तोहतोग़. अस्के पोलु इद्रम वेहतलाह बोटटोग़ इतेके, “महरज, निमा वेल्लाङे वर्साङ, मावा यहुदा पटटगा नेयम कीसोर मतिन इनजोर पुतन. अदिनेनाह्क गिर्दाते नना कसुरलेवोनन इन्जि तोहतह्नन. 11बारा दियाना मुने, नना देवुळतुन मोळ्कलाह येरुसलेमतगा अन्ज मतन. इद पोल्लो निटम इनजोर, निमा वने ताल्ह्किस पुनदा पग़यकिन. 12देवुळता पार्तनाताङ लोह्कनगा आयि, मंदिरतगा आयि, सहरतगा आयि, नना बोनाय संगे गिटोगटो आयनदिन वेर ऊळोर. ओसो लोकुरिन जमा कीसि, रोदा पोय्पिह कीयनदिन वने ऊळोर.#24:18; 25:8 13नावा पोग़ोन वेर वाटटोर अव कसुर्कनाङ पोल्लोङ निटमे इनजोर तोहतलाह, वेरगा साक्सि वने इले.#25:7
14“मति इद उंद पोल्लो नना कबुल आय्ह्नन. बेद अग़दुन वेर लाग्वा अग़दा तुंगा इन्ह्तोर, अदे येसुसामिन विस्वस कीयनद अग़दे नना ताकिस, मावाङ तादोर-बाबोरा देवुळतुन माळिह्नन. मोसानाङ अडोनगा, ओसो देवुळता कबुरतोरा सास्त्रमतगा रासतव सबे पोल्लोन माळिह्नन.#25:8; 26:4-7,22-23; 28:23 15देवुळि उंद दिया हातोरग्डाहि सेतेमतोरिन, लाग्वोरिन तेग़्किह कीयग़ा इनजोर, वेर देवुळता पोग़ोन आसा तासतप लेह्का, नना वने आसा तासिह्नन.#दानिय्येल 12:2; मत्याल 25:46; योहन 5:28-29; 11:24; बळयिर 23:6-8; 26:6 16अदिह्क देवुळता मुनेह आयि, लोकुरा मुनेह आयि, अमेसा जीवाताहि कसुरलेवप मन्जि, ताकलाह ऊळिह्नन.#23:1; 1 कुरिंततोर 10:32; 2 कुरिंततोर 1:12; 2 तिमोति 1:3; इब्रितोर 13:18
17“नना वेल्लाङे वर्साङ येरुसलेम इलवा मतन, मति इंजेके मावा गरिब यहुदि जाततोरेनाह्क, जमा कीतद दर्मम एव्सिह कीयलाह,#रोम सहरतोर 15:25-28; 1 कुरिंततोर 16:1-4; 2 कुरिंततोर 8:1-4; गलातितोर 2:10 ओसो मंदिरतगा देवुळतुह्क मोक ईयलाहि, येरुसलेम वास मतन. 18मंदिरतगा एडना रिवजतुन मारिह कीतापया, ओर नाक मंदिरतगा ऊळतोर.#21:26-28 अस्के अगा नावा संगे वेल्लाय मुल इलोर आसि, बातय रोदा वने इलो.#24:12 19मति आसिया पटटोर उय्तुर यहुदिर अगा वास मतोर, ओरे रोदा पोयलाह बोटटोर.#21:27-28 नावा बातालाय तप मतेक अचोन, नयगा कसुर वाटलाहि ओर इगा वास मनेर. 20अले वेर इगा नितोरे वेहिर, येरुसलेमते तग्वाङ केवालोर अद दिया नावा बाताल कसुर दोर्किह कीतोर. 21आं ‘डोलतोर वने जीवा अरयह्तोर इनजोर, नना विस्वस कीताह्कु, नाक पर्ह्किस ऊळिह्निर अय!’ इनजोर इद उंद पोल्लोतुन मात्रम, निटमे ओरा मुनेह जोरते केयिस वेहतन,”#23:6 इनजोर पोलु इतोग़.
22पेलिक्स इतेके येसुसामिन विस्वस कीयनद पोल्लोतुन बेस केंजिस मतोग़, अदिह्क “सीपय्कना मुक्याल लूसियाल#23:26; 24:7 वातापया, नीवा पोल्लोता पय्सल कीकन,” इनजोर वेहच मारिह कीतोग़. 23पया दरोगान इद्रम उकुम ईतोग़, “पोलुन दोहवालेवा जेलतगा तासा. ओसो ओना तोळतोर बातालाय ईयलाह वातेके, ओरिन रोमिह केमा,”#27:3; 28:16 इनजोर इतोग़.
पेलिक्सिह्कु दुरुसिलाह्कु, येसुना कबुरि
24उचुक दियाना पया, पेलिक्स तना मुते, यहुदि आंचाळ दुरुसिलान पोस वातोग़.#24:24 इद दुरुसिलाल, मुने हातोग़ एरोद अग्रिपा राजाना वीस्रा मयाळ आंदु. ओसो अद्यय 25 अगा वावाल दुस्रोग़ अग्रिपा राजाना एलाळ आंदु. पया पोलुन केय लोहतोग़, पोलु वातस्के येसु किर्स्तुन विस्वस कीयनद पोल्लोतुन, आळ इर्वुर केंजसोर मतोर. 25अस्के देवुळता सेतेमते बेद्रम ताकना, मेंदुदा उळ्बेतुन बेद्रम आव्रे कीयना,#2 पत्रु 1:6 देवुळ आक्रिते दुनियामेटोरा नेयम बेद्रम कीयग़ा, इव पोल्लोन पोलु वेहतोग़. पया इव पोल्लोङ केंजिस, पेलिक्स पकाय रेयिस पोलुन इतोग़, “इंजेके आस्ता, निमा अन, नाक पुर्सत दोर्कतेक, अचोन नीक केयकन” इनजोर, ओन लोहतोग़. 26पोलु जेलतग्डाह पेसलाह, कुस्क्ने नावा कयदे कोताङ ईयनोग़, इद्रम गुमसिना आसा वने मंदु.#24:17 अदिह्क ऊक-ऊके ओन केयिस गोटिङ कींदोग़.
27मति रेंड वर्साङ आनेके, पुर्कियुस पेस्तुस पेदिरतोग़,#25:1,4,9,12; 26:24-25,32 पेलिक्सना जागातगा गुमसि आतोग़.#24:27 येसु पुटटापया 60-62 वर्साने पेलिक्स गुमसिना जागाते, वेग़ पुर्कियुस पेस्तुस गुमसि आतोग़. पया पेलिक्स दायह्पा, पोलु कसुरलेवोग़ इनजोर पुन्ज तेला, यहुदिरिन गिर्दा कीयलाह,#12:3; 25:9 पोलुन जेलतग्डाह विळ्सवाय अतोग़.
Zvasarudzwa nguva ino
बळयिर 24: माडियाबाय्बल
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc. All rights reserved.