Olóma 8
8
Giliíli a dúgunemú
1Kanɛ́, godɔ́ɔdɔ gooba gɛsɛnɛ go do báá go báaba bɔ́ ɔ́bɛnɔnɔmɔ́ na Yésu Kilítu. 2Mammana, gicele gá Gimmúmpúu gá Giliíli, mɔ́ɔnyɔ a fáananamɔ́ gɛɔyɔ go gibénebiginye gɛ́ɛgɛ na Yésu Kilítu, gicele gɛ́ɛgɔ gɛ́ mba páŋá go gicele gá gɛlɔgɔ gɛ́ɛgɛ gɛ́ gɔ́gɛnɔnɔmɔ́ naá nigúe. 3Gicele gɛ́ dɛ mbáa lɛ bá go có fáa gɛɔyɔ, goakɛ́ bɛɛcɔ́ɔ batɔ bá nnyɔ́dɔ dɛ lɛ́ kanɛ bogaaga bá go ɔyɔ aŋa Gicele gɛ oyamɔ́. Kanɛ́ bɔ́ɔbɔ Gicele gɛ́ lɔ́mɔ́ gɛ́ dɛ báá ba go ŋa, Asaŋa a mba bó ŋaáa. Go busío bá gɛlɔgɔ, a báá dómá Moɔnɔ́ bɛhɛ́ ba moatɛ́ naá cí, a búú úle na nnyɔ́dɔ aŋa bɛɛcɔ́ɔ bologílógí. Nɔ́ɔ gɔ́ɔ, Asaŋa a mbaá sómbá gɛsɛnɛ go bɛlɔgɔ bɛ́ɛbɛ batɔ bá ŋananamɔ́ naá nnyɔ́dɔ yabɔ́. 4Asaŋa a mbaá ŋaáa nɔ́ɔnɔ go goŋaá dɛ bɛa bogaaga bá go ɔyɔ aŋa botɛ́nɛ́ɛ bá Gicele bó oyamɔ́. Gɛcamɛna moánɛ, dɛ dɛ gɔnɔ́ go ɔyɔ gɛ́cɔ́ gá moatɛ́, dɛ ɔyɔmɔ́ go bogaaga bá Gimmúmpúu gá Giliíli. 5Gɔ́ɔ báaba bɔ́ ɔyɔmɔ́ go bogaaga bá nnyɔ́dɔ yabɔ́, bá ŋanana bɔ́ɔbɔ nnyɔ́dɔ yabɔ́ ɛ lɛ́galɛgamɔ́. Kanɛ́ báaba bɔ́ ɔyɔmɔ́ go bogaaga bá Gimmúmpúu gá Giliíli, bá ŋanana aŋa mɔ́ɔ a lɛ́galɛgamɔ́. 6Go amɔ́ go ɔyɔ go mbééníŋínyí ya nnyɔ́dɔ yahɔ go á gúé, go amɔ́ go ɔyɔ kanɛ́ go mbééníŋínyí ya Gimmúmpúu gá Giliíli, o bɛa gɛɔyɔ na buumbénú. 7Báaba bá béeniŋenyemú aŋa nnyɔ́dɔ yabɔ́ ɛ lɛ́galɛgamɔ́, bá lɛ́ babɛlɔ́bɛlɔ bá Asaŋa, bá dɛ ɔ́bɛ́nɔ́nɔ́ɔ Gicele gá Asaŋa moatɛ́, bá dɛ báá ba go gɛ́ ɔ́bɛnɔ akɛ́ manɛ́! 8Báaba bɔ́ ɔyɔmɔ́ aŋa nnyɔ́dɔ yabɔ́ ɛ lɛ́galɛgamɔ́, bá dɛ fɛɛnanɛ́náa Asaŋa, bá dɛ báá bá go mo fɛɛna.
9Kanɛ́ bɛɛnyɔ́ɔ, no do gɔnɔ́ go ɔyɔ go bogaaga bá nnyɔ́dɔ yɛnyɔ́, no ɔyɔmɔ́ go bogaaga bá Gimmúmpúu gá Giliíli ba Asaŋa mɔ́ɔnyɔ ɔ ɔyɔmɔ́ naá bɛɛnyɔ́ɔ. Aáŋa mɔtɔ a dɛ bɛanánáa Giliíli ba Kilítusu, ba ndiemi a dɛ ɔ́bɛ́nɔ́nɔ́ɔ nɛhɛ́. 10Aáŋa Kilítusu a lɛ́ naá bɛɛnyɔ́ɔ, akɛ́ nnyɔ́dɔ yɛnyɔ́ ɛ gúe go busío bá gɛlɔgɔ, Gimmúmpúu gá Giliíli a lɛ́ gɛɔyɔ naá bɛɛnyɔ́ɔ, mammana no lɛ́ ɛ́yáalú bɛtɛ́nɛ́ɛ bá batɔ naá busío bá Asaŋa. 11Aáŋa Giliíli ba Asaŋa mɔ́ɔnyɔ a mbaá fúfúné Yésusu naá begúe a lɛ́ naá bɛɛnyɔ́ɔ, bó lɛ́ mammana go goŋaá Asaŋa moánɛ mɔ́ɔnyɔ a mbaá fúfúné Kilítusu a ŋga fúfúné tɔ́nɔ nnyɔ́dɔ sɛ́nyɔ́ go bogaaga bá Giliíli mɔ́ɔnyɔ ɔ ɔyɔmɔ́ naá bɛɛnyɔ́ɔ.
12Kanɛ́, aŋa bó lɔ́mɔ́ nɔ́ɔnɔ bolimóní bámɛ, dɛ bɛanana ufínó, caá akɛ́ yá nnyɔ́dɔ, go go ɔyɔ aŋa ɛ lɛ́galɛgamɔ́. 13No amɔ́ no ándɛnɛna go gɛɔyɔ gá nnyɔ́dɔ, no ná gúe. Kanɛ́ go bogaaga bá Gimmúmpúu gá Giliíli, no amɔ́ no óna bɛgáda bɛ́nyɔ́ bá meŋiigíe bá nnyɔ́dɔ, no ŋgɔ ɔyɔ́ɔ. 14Biimée báaba Giliíli ba Asaŋa i indenyemú bá lɛ́ baaná bá Asaŋa. 15Mammana, Giliíli moánɛ mɔ́ɔnyɔ no mbaá bɛáa, a dɛ báá mɔ́ɔnyɔ a nyó íyenyemú bɛɔlɛ́, a gɔnɔ nyó degedenye; a lɔ́mɔ́ Giliíli mɔ́ɔnyɔ a nyó íyienyemú baaná bá Asaŋa. Giliíli ba ndiemi mɔ́ɔ a có fáananamɔ́ bogaaga bá go fínenye Asaŋa dɛ amɔ́: Ába! nɔ́ɔnɔ gó lɛ́ aá Baaba. 16Giliíli moánɛ a ŋanana goŋaá dɛ hɛma naá odɛ́má yɛ́cɔ́ dɛ amɔ́ dɛ lɛ́ baaná bá Asaŋa. 17Kanɛ́ aŋa dɛ lɔ́mɔ́ baaná bɛ́hɛ́, gɔ́ɔ dɛ ŋgaá dáŋábá besé iŋkimée sɛ́ɛsɛ Asaŋa a mbaá dánɛ́ná boɛ́nɔ bɛ́hɛ́. Dɛ ŋga sɛ́ dáŋábáa olɔŋɔ na Kilítusu, goakɛ́ aŋa dɛ ɔ́bɛgɔnɔmɔ́ olɔŋɔ nɛhɛ́, dɛ ŋga bɛ́ɛ́mbá tɔ́nɔ olɔŋɔ nɛhɛ́ naá nigúmi nɛ́hɛ́#8.17 O bana, go eninye na 2 Kɔl 4.17; 1 Pí 4.13..
Nigúmi ná Asaŋa nɛ́ɛnɛ a ŋgaá fáá
18Ŋgíyimene caá gɛɔ́bɛgɔ gɛ́ɛgɛ dɛ bɛananamɔ́ ínoni yɛ́ɛyɛ gɛ́ lɛ́ boóma bá dugúnú. Gɛ́ dɛ bɛanánáa gieninye na nigúmi nɛ́ɛnɛ Asaŋa a ŋgaá có fáá. 19Kanɛ́ bigedie biimée bɛ́ lɛ́ oŋgíso go pɛ́, bɛ́ gɛ́gana gobóloodio gá baaná bá Asaŋa. 20Asaŋa a mbi íyíe bigedie bɛ́hɛ́ boóma bá dugúnú; bó do mbáa lɛ go bɛ́ moatɛ́, Asaŋa mɔ́ɔ a mbaá bagá oŋgíso. Akɛ́ nɔ́ɔnɔ toodo odɛ́máa ɛ lɛ́ hɔ́ɔ na bigedie biimée naá boayá bá Asaŋa: 21ɛɛ́ŋ, buisí búmmue, bigedie moánɛ tɔ́nɔ bɛ́ ŋga bɛ́ɛ́mbá sódíolú naá magálá má nigúe nɛ́ɛnɛ nɛ́ bí íyenyemú bɛɔlɛ́, manɛ́, bɛ́ ŋgɛɛ́ ɛ́dá dáŋaba bofilíi bɔ́ɔbɔ baaná bá Asaŋa bá ŋgaá bɛáa naá nigúmi.
22Dɛ íyimene dɛ amɔ́, gó bayɛga fueké gó nco go éme ínoni, bigedie biimée bɛ́ híme, bɛ́ ɔ́bɛgɔnɔ aŋa okɔ́dɔ ba go nómana. 23Gɛɔ́bɛgɔ gɛ́ɛgɔ gɛ́ dɛ báá goana go bigedie bɛ́ aá bɛ́, bɛɛcɔ́ɔ tɔ́nɔ báaba Asaŋa a mbaá có fáá pááná sá busío busío sá Giliíli dɛ híme tɔ́nɔ naá odɛ́má yɛ́cɔ́. Dɛ gɛ́gana oŋgíso go pɛ́ goŋaá Asaŋa a có íyie baaná bɛ́hɛ́, nɔ́ɔnɔ go lɛ́ aá, a fáŋa nnyɔ́dɔ yɛcɔ́ go go bɛ́ɛmba filíi go busío buimée#8.23 O bana, go eninye na 2 Kɔl 5.2-4.. 24Asaŋa a mba có sódío, kɔ́ɔ dɛ gá lɔ́mɔ́ dɛ dɛ ɛ́ná nigúmi moánɛ, oŋgíso yá gá lɛ́ go pɛ́. Gɔ́ɔgɔ dɛ núunemú boóma bɔ́ɔbɔ dɛ báa lɔmɔ́ dɛ sɛma odɛ́má go bɔ́ɔ, toodo odɛ́máa ɛ dɛ báá gɔnɔ́, goakɛ́ dɛ ná lɛ́ na bɔ́. Bá dɛ sɛmáa odɛ́má go boóma bɔ́ɔbɔ o ná lɔ́mɔ́ na bɔ́. 25Kanɛ́ aáŋa dɛ sɛma odɛ́má go bɔ́ɔbɔ dɛ lɔ́mɔ́ dɛ dɛ ɛ́nánáa, dɛ bó gɛ́gana oŋgíso go pɛ́. 26Caŋa táŋɛ́ mmue Gimmúmpúu gá Giliíli a nco có óhigonyo naá bonɔ́nɔ́ bɛ́cɔ́, goakɛ́ dɛ dɛ íyíménée go bósógolonyo aŋa gó háananamɔ́. Kanɛ́ Giliíli moánɛ a gaŋɛmɛdana gɛ́cɔ́ na gohíme mbɔ́dɔ yɛ́ɛyɛ nyuudé nɛ́ lɔ́mɔ́ nɛ́ dɛ bósó bá go hóda go oyɛda. 27Kanɛ́ Asaŋa mɔ́ɔnyɔ a núunemú bɔ́ɔbɔ naá odɛ́má gúunú, i íyimene bɔ́ɔbɔ Gimmúmpúu gá Giliíli ɔ ɔŋɔnɔmɔ́; ɔ ɔŋɔnɔmɔ́ aŋa Asaŋa a lɛ́galɛgamɔ́ go báaba bɔ́ ɔ́bɛnɔnɔmɔ́ nɛhɛ́.
28Dɛ íyimene gɔnɔ́ goŋaá Asaŋa a yɔgɔnɔ buimée go báaba bá mo maamanamɔ́ go besé yabɔ́, bɔ́ɔ báaba a mbaá dɔ́ŋɛ́nɔ́ go ndɛ́ga yɛhɛ́. 29Mammana, báaba Asaŋa a mbaá dóáná go iyide, a báá dóáná tɔ́nɔ go sómba goŋaá bá bɛ́ɛmba púényí na Moɔnɔ́, go goŋaá Mɔ́ɔnyɔ a bɛ́ɛmba moɔnɔ́ ogɔ́nɔ́ ba gɛcɛcá gá bolimóní. 30Aba moánɛ báaba a mbaá sómbá goŋaá bá bɛ́ɛmba púényí na Moɔnɔ́, a báá bó dɔ́ŋɛ́nɔ́ tɔ́nɔ, báaba a mbaá dɔ́ŋɛ́nɔ́, a báá bó íyíe bɛtɛ́nɛ́ɛ bá batɔ naá busío bɛ́hɛ́, bá ndiemi, a báá bó fáá tɔ́nɔ nigúmi.
Gɛnɔ́ɔ́nɛ́nɔ́ gá Asaŋa gɛ́ dómba
31Kanɛ́ dɛ lɔ́mɔ́ bá go gɔnɔ go oyɛda dɛ amɔ́ nɛɛ́nɛ o? Aáŋa Asaŋa a lɛ́ nɛcɔ́, mɔtɔ ba go có nuigenye a dɛ báá. 32Mɔ́ɔ mɔ́ɔnyɔ a mbaá lɔbɛ́nɔ́ a dɛ ɛŋá Moɔnɔ́ bɛhɛ́ ba moatɛ́, kanɛ́ a báá mo sɛncɛ́gá go busío bɛ́cɔ́ biimée, a ná có fáa tɔ́nɔ buimée nɛhɛ́. 33Mɔtɔ ba go gɔnɔ sɔ́mɛnɔ báaba Asaŋa a mbií iyídé a dɛ báá. Asaŋa ba moatɛ́ o oyamɔ́ a amɔ́ bá lɛ́ bɛtɛ́nɛ́ɛ bá batɔ. 34Mɔtɔ ba go bó ága naá ncíbo ya gɛaŋɔ́ a dɛ báá, ɛɛ́ɛŋ, Yésu Kilítu a mba gúé, a báá fúfúgé, a lɛ́ naá ombɔ́gɔ onɔ́mɛ yá Asaŋa, a gaŋɛmɛdana gɛ́cɔ́. 35Boóma bá go có ádona na gɛnɔ́ɔ́nɛ́nɔ́ gá Kilítusu bó do báá. Akɛ́ makánya, akɛ́ mecíkílí, akɛ́ noséésényée, akɛ́ ncaná, akɛ́ gosóga, akɛ́ gɛɛmba, akɛ́ nigúe. 36Aŋa bó lɔ́mɔ́ ɔ́ŋɔ́ɔlú goŋaá: Daadáa, go busío báhɔ gɔ́ɔ dɛ lɔ́mɔ́ sɛncɛ́gáalú go nigúe, medúgú miimée. Bá có gɔ́lɔnɔ aŋa bɛdómbáa bɛ́ɛbɛ bɛ́ ɛ́danamɔ́ na bɛ́ naá nɛóna#8.36 Ɛsagɔ 44.23.. 37Kanɛ́ naá buimée bɔ́ɔbɔ, dɛ mánɛgana na bogaaga bá mɔ́ɔnyɔ a mbaá có maamánáa. 38Ɛɛ́ɛŋ, ŋgíyimene mammana caá: akɛ́ nigúe, akɛ́ gɛɔyɔ, akɛ́ bɛɛ́ŋgɛlɛsɛ, akɛ́ bɛmánɛgɛna, akɛ́ ínoni akɛ́ nembeli, akɛ́ magaaga, 39akɛ́ bɔ́ɔbɔ naá mmoɛná, akɛ́ bɔ́ɔbɔ naá cí, akɛ́ gigedie gíncoó gímmue, boóma bá go có ádona na gɛnɔ́ɔ́nɛ́nɔ́ gɛ́ɛgɛ Asaŋa a mbaá có loodío gá Yésu Kilítu Daadáa bɛcɔ́, bó do báá.
Zvasarudzwa nguva ino
Olóma 8: YAS
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Olóma 8
8
Giliíli a dúgunemú
1Kanɛ́, godɔ́ɔdɔ gooba gɛsɛnɛ go do báá go báaba bɔ́ ɔ́bɛnɔnɔmɔ́ na Yésu Kilítu. 2Mammana, gicele gá Gimmúmpúu gá Giliíli, mɔ́ɔnyɔ a fáananamɔ́ gɛɔyɔ go gibénebiginye gɛ́ɛgɛ na Yésu Kilítu, gicele gɛ́ɛgɔ gɛ́ mba páŋá go gicele gá gɛlɔgɔ gɛ́ɛgɛ gɛ́ gɔ́gɛnɔnɔmɔ́ naá nigúe. 3Gicele gɛ́ dɛ mbáa lɛ bá go có fáa gɛɔyɔ, goakɛ́ bɛɛcɔ́ɔ batɔ bá nnyɔ́dɔ dɛ lɛ́ kanɛ bogaaga bá go ɔyɔ aŋa Gicele gɛ oyamɔ́. Kanɛ́ bɔ́ɔbɔ Gicele gɛ́ lɔ́mɔ́ gɛ́ dɛ báá ba go ŋa, Asaŋa a mba bó ŋaáa. Go busío bá gɛlɔgɔ, a báá dómá Moɔnɔ́ bɛhɛ́ ba moatɛ́ naá cí, a búú úle na nnyɔ́dɔ aŋa bɛɛcɔ́ɔ bologílógí. Nɔ́ɔ gɔ́ɔ, Asaŋa a mbaá sómbá gɛsɛnɛ go bɛlɔgɔ bɛ́ɛbɛ batɔ bá ŋananamɔ́ naá nnyɔ́dɔ yabɔ́. 4Asaŋa a mbaá ŋaáa nɔ́ɔnɔ go goŋaá dɛ bɛa bogaaga bá go ɔyɔ aŋa botɛ́nɛ́ɛ bá Gicele bó oyamɔ́. Gɛcamɛna moánɛ, dɛ dɛ gɔnɔ́ go ɔyɔ gɛ́cɔ́ gá moatɛ́, dɛ ɔyɔmɔ́ go bogaaga bá Gimmúmpúu gá Giliíli. 5Gɔ́ɔ báaba bɔ́ ɔyɔmɔ́ go bogaaga bá nnyɔ́dɔ yabɔ́, bá ŋanana bɔ́ɔbɔ nnyɔ́dɔ yabɔ́ ɛ lɛ́galɛgamɔ́. Kanɛ́ báaba bɔ́ ɔyɔmɔ́ go bogaaga bá Gimmúmpúu gá Giliíli, bá ŋanana aŋa mɔ́ɔ a lɛ́galɛgamɔ́. 6Go amɔ́ go ɔyɔ go mbééníŋínyí ya nnyɔ́dɔ yahɔ go á gúé, go amɔ́ go ɔyɔ kanɛ́ go mbééníŋínyí ya Gimmúmpúu gá Giliíli, o bɛa gɛɔyɔ na buumbénú. 7Báaba bá béeniŋenyemú aŋa nnyɔ́dɔ yabɔ́ ɛ lɛ́galɛgamɔ́, bá lɛ́ babɛlɔ́bɛlɔ bá Asaŋa, bá dɛ ɔ́bɛ́nɔ́nɔ́ɔ Gicele gá Asaŋa moatɛ́, bá dɛ báá ba go gɛ́ ɔ́bɛnɔ akɛ́ manɛ́! 8Báaba bɔ́ ɔyɔmɔ́ aŋa nnyɔ́dɔ yabɔ́ ɛ lɛ́galɛgamɔ́, bá dɛ fɛɛnanɛ́náa Asaŋa, bá dɛ báá bá go mo fɛɛna.
9Kanɛ́ bɛɛnyɔ́ɔ, no do gɔnɔ́ go ɔyɔ go bogaaga bá nnyɔ́dɔ yɛnyɔ́, no ɔyɔmɔ́ go bogaaga bá Gimmúmpúu gá Giliíli ba Asaŋa mɔ́ɔnyɔ ɔ ɔyɔmɔ́ naá bɛɛnyɔ́ɔ. Aáŋa mɔtɔ a dɛ bɛanánáa Giliíli ba Kilítusu, ba ndiemi a dɛ ɔ́bɛ́nɔ́nɔ́ɔ nɛhɛ́. 10Aáŋa Kilítusu a lɛ́ naá bɛɛnyɔ́ɔ, akɛ́ nnyɔ́dɔ yɛnyɔ́ ɛ gúe go busío bá gɛlɔgɔ, Gimmúmpúu gá Giliíli a lɛ́ gɛɔyɔ naá bɛɛnyɔ́ɔ, mammana no lɛ́ ɛ́yáalú bɛtɛ́nɛ́ɛ bá batɔ naá busío bá Asaŋa. 11Aáŋa Giliíli ba Asaŋa mɔ́ɔnyɔ a mbaá fúfúné Yésusu naá begúe a lɛ́ naá bɛɛnyɔ́ɔ, bó lɛ́ mammana go goŋaá Asaŋa moánɛ mɔ́ɔnyɔ a mbaá fúfúné Kilítusu a ŋga fúfúné tɔ́nɔ nnyɔ́dɔ sɛ́nyɔ́ go bogaaga bá Giliíli mɔ́ɔnyɔ ɔ ɔyɔmɔ́ naá bɛɛnyɔ́ɔ.
12Kanɛ́, aŋa bó lɔ́mɔ́ nɔ́ɔnɔ bolimóní bámɛ, dɛ bɛanana ufínó, caá akɛ́ yá nnyɔ́dɔ, go go ɔyɔ aŋa ɛ lɛ́galɛgamɔ́. 13No amɔ́ no ándɛnɛna go gɛɔyɔ gá nnyɔ́dɔ, no ná gúe. Kanɛ́ go bogaaga bá Gimmúmpúu gá Giliíli, no amɔ́ no óna bɛgáda bɛ́nyɔ́ bá meŋiigíe bá nnyɔ́dɔ, no ŋgɔ ɔyɔ́ɔ. 14Biimée báaba Giliíli ba Asaŋa i indenyemú bá lɛ́ baaná bá Asaŋa. 15Mammana, Giliíli moánɛ mɔ́ɔnyɔ no mbaá bɛáa, a dɛ báá mɔ́ɔnyɔ a nyó íyenyemú bɛɔlɛ́, a gɔnɔ nyó degedenye; a lɔ́mɔ́ Giliíli mɔ́ɔnyɔ a nyó íyienyemú baaná bá Asaŋa. Giliíli ba ndiemi mɔ́ɔ a có fáananamɔ́ bogaaga bá go fínenye Asaŋa dɛ amɔ́: Ába! nɔ́ɔnɔ gó lɛ́ aá Baaba. 16Giliíli moánɛ a ŋanana goŋaá dɛ hɛma naá odɛ́má yɛ́cɔ́ dɛ amɔ́ dɛ lɛ́ baaná bá Asaŋa. 17Kanɛ́ aŋa dɛ lɔ́mɔ́ baaná bɛ́hɛ́, gɔ́ɔ dɛ ŋgaá dáŋábá besé iŋkimée sɛ́ɛsɛ Asaŋa a mbaá dánɛ́ná boɛ́nɔ bɛ́hɛ́. Dɛ ŋga sɛ́ dáŋábáa olɔŋɔ na Kilítusu, goakɛ́ aŋa dɛ ɔ́bɛgɔnɔmɔ́ olɔŋɔ nɛhɛ́, dɛ ŋga bɛ́ɛ́mbá tɔ́nɔ olɔŋɔ nɛhɛ́ naá nigúmi nɛ́hɛ́#8.17 O bana, go eninye na 2 Kɔl 4.17; 1 Pí 4.13..
Nigúmi ná Asaŋa nɛ́ɛnɛ a ŋgaá fáá
18Ŋgíyimene caá gɛɔ́bɛgɔ gɛ́ɛgɛ dɛ bɛananamɔ́ ínoni yɛ́ɛyɛ gɛ́ lɛ́ boóma bá dugúnú. Gɛ́ dɛ bɛanánáa gieninye na nigúmi nɛ́ɛnɛ Asaŋa a ŋgaá có fáá. 19Kanɛ́ bigedie biimée bɛ́ lɛ́ oŋgíso go pɛ́, bɛ́ gɛ́gana gobóloodio gá baaná bá Asaŋa. 20Asaŋa a mbi íyíe bigedie bɛ́hɛ́ boóma bá dugúnú; bó do mbáa lɛ go bɛ́ moatɛ́, Asaŋa mɔ́ɔ a mbaá bagá oŋgíso. Akɛ́ nɔ́ɔnɔ toodo odɛ́máa ɛ lɛ́ hɔ́ɔ na bigedie biimée naá boayá bá Asaŋa: 21ɛɛ́ŋ, buisí búmmue, bigedie moánɛ tɔ́nɔ bɛ́ ŋga bɛ́ɛ́mbá sódíolú naá magálá má nigúe nɛ́ɛnɛ nɛ́ bí íyenyemú bɛɔlɛ́, manɛ́, bɛ́ ŋgɛɛ́ ɛ́dá dáŋaba bofilíi bɔ́ɔbɔ baaná bá Asaŋa bá ŋgaá bɛáa naá nigúmi.
22Dɛ íyimene dɛ amɔ́, gó bayɛga fueké gó nco go éme ínoni, bigedie biimée bɛ́ híme, bɛ́ ɔ́bɛgɔnɔ aŋa okɔ́dɔ ba go nómana. 23Gɛɔ́bɛgɔ gɛ́ɛgɔ gɛ́ dɛ báá goana go bigedie bɛ́ aá bɛ́, bɛɛcɔ́ɔ tɔ́nɔ báaba Asaŋa a mbaá có fáá pááná sá busío busío sá Giliíli dɛ híme tɔ́nɔ naá odɛ́má yɛ́cɔ́. Dɛ gɛ́gana oŋgíso go pɛ́ goŋaá Asaŋa a có íyie baaná bɛ́hɛ́, nɔ́ɔnɔ go lɛ́ aá, a fáŋa nnyɔ́dɔ yɛcɔ́ go go bɛ́ɛmba filíi go busío buimée#8.23 O bana, go eninye na 2 Kɔl 5.2-4.. 24Asaŋa a mba có sódío, kɔ́ɔ dɛ gá lɔ́mɔ́ dɛ dɛ ɛ́ná nigúmi moánɛ, oŋgíso yá gá lɛ́ go pɛ́. Gɔ́ɔgɔ dɛ núunemú boóma bɔ́ɔbɔ dɛ báa lɔmɔ́ dɛ sɛma odɛ́má go bɔ́ɔ, toodo odɛ́máa ɛ dɛ báá gɔnɔ́, goakɛ́ dɛ ná lɛ́ na bɔ́. Bá dɛ sɛmáa odɛ́má go boóma bɔ́ɔbɔ o ná lɔ́mɔ́ na bɔ́. 25Kanɛ́ aáŋa dɛ sɛma odɛ́má go bɔ́ɔbɔ dɛ lɔ́mɔ́ dɛ dɛ ɛ́nánáa, dɛ bó gɛ́gana oŋgíso go pɛ́. 26Caŋa táŋɛ́ mmue Gimmúmpúu gá Giliíli a nco có óhigonyo naá bonɔ́nɔ́ bɛ́cɔ́, goakɛ́ dɛ dɛ íyíménée go bósógolonyo aŋa gó háananamɔ́. Kanɛ́ Giliíli moánɛ a gaŋɛmɛdana gɛ́cɔ́ na gohíme mbɔ́dɔ yɛ́ɛyɛ nyuudé nɛ́ lɔ́mɔ́ nɛ́ dɛ bósó bá go hóda go oyɛda. 27Kanɛ́ Asaŋa mɔ́ɔnyɔ a núunemú bɔ́ɔbɔ naá odɛ́má gúunú, i íyimene bɔ́ɔbɔ Gimmúmpúu gá Giliíli ɔ ɔŋɔnɔmɔ́; ɔ ɔŋɔnɔmɔ́ aŋa Asaŋa a lɛ́galɛgamɔ́ go báaba bɔ́ ɔ́bɛnɔnɔmɔ́ nɛhɛ́.
28Dɛ íyimene gɔnɔ́ goŋaá Asaŋa a yɔgɔnɔ buimée go báaba bá mo maamanamɔ́ go besé yabɔ́, bɔ́ɔ báaba a mbaá dɔ́ŋɛ́nɔ́ go ndɛ́ga yɛhɛ́. 29Mammana, báaba Asaŋa a mbaá dóáná go iyide, a báá dóáná tɔ́nɔ go sómba goŋaá bá bɛ́ɛmba púényí na Moɔnɔ́, go goŋaá Mɔ́ɔnyɔ a bɛ́ɛmba moɔnɔ́ ogɔ́nɔ́ ba gɛcɛcá gá bolimóní. 30Aba moánɛ báaba a mbaá sómbá goŋaá bá bɛ́ɛmba púényí na Moɔnɔ́, a báá bó dɔ́ŋɛ́nɔ́ tɔ́nɔ, báaba a mbaá dɔ́ŋɛ́nɔ́, a báá bó íyíe bɛtɛ́nɛ́ɛ bá batɔ naá busío bɛ́hɛ́, bá ndiemi, a báá bó fáá tɔ́nɔ nigúmi.
Gɛnɔ́ɔ́nɛ́nɔ́ gá Asaŋa gɛ́ dómba
31Kanɛ́ dɛ lɔ́mɔ́ bá go gɔnɔ go oyɛda dɛ amɔ́ nɛɛ́nɛ o? Aáŋa Asaŋa a lɛ́ nɛcɔ́, mɔtɔ ba go có nuigenye a dɛ báá. 32Mɔ́ɔ mɔ́ɔnyɔ a mbaá lɔbɛ́nɔ́ a dɛ ɛŋá Moɔnɔ́ bɛhɛ́ ba moatɛ́, kanɛ́ a báá mo sɛncɛ́gá go busío bɛ́cɔ́ biimée, a ná có fáa tɔ́nɔ buimée nɛhɛ́. 33Mɔtɔ ba go gɔnɔ sɔ́mɛnɔ báaba Asaŋa a mbií iyídé a dɛ báá. Asaŋa ba moatɛ́ o oyamɔ́ a amɔ́ bá lɛ́ bɛtɛ́nɛ́ɛ bá batɔ. 34Mɔtɔ ba go bó ága naá ncíbo ya gɛaŋɔ́ a dɛ báá, ɛɛ́ɛŋ, Yésu Kilítu a mba gúé, a báá fúfúgé, a lɛ́ naá ombɔ́gɔ onɔ́mɛ yá Asaŋa, a gaŋɛmɛdana gɛ́cɔ́. 35Boóma bá go có ádona na gɛnɔ́ɔ́nɛ́nɔ́ gá Kilítusu bó do báá. Akɛ́ makánya, akɛ́ mecíkílí, akɛ́ noséésényée, akɛ́ ncaná, akɛ́ gosóga, akɛ́ gɛɛmba, akɛ́ nigúe. 36Aŋa bó lɔ́mɔ́ ɔ́ŋɔ́ɔlú goŋaá: Daadáa, go busío báhɔ gɔ́ɔ dɛ lɔ́mɔ́ sɛncɛ́gáalú go nigúe, medúgú miimée. Bá có gɔ́lɔnɔ aŋa bɛdómbáa bɛ́ɛbɛ bɛ́ ɛ́danamɔ́ na bɛ́ naá nɛóna#8.36 Ɛsagɔ 44.23.. 37Kanɛ́ naá buimée bɔ́ɔbɔ, dɛ mánɛgana na bogaaga bá mɔ́ɔnyɔ a mbaá có maamánáa. 38Ɛɛ́ɛŋ, ŋgíyimene mammana caá: akɛ́ nigúe, akɛ́ gɛɔyɔ, akɛ́ bɛɛ́ŋgɛlɛsɛ, akɛ́ bɛmánɛgɛna, akɛ́ ínoni akɛ́ nembeli, akɛ́ magaaga, 39akɛ́ bɔ́ɔbɔ naá mmoɛná, akɛ́ bɔ́ɔbɔ naá cí, akɛ́ gigedie gíncoó gímmue, boóma bá go có ádona na gɛnɔ́ɔ́nɛ́nɔ́ gɛ́ɛgɛ Asaŋa a mbaá có loodío gá Yésu Kilítu Daadáa bɛcɔ́, bó do báá.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda