Buk wa To̱ni̱a̱u̱ 3
3
Angaru Peturu ki Jon e̱e̱t ci ngooli
1Ovvo da̱ i̱i̱te̱ne̱ emani Peturu ki Jon Ce̱e̱ze̱ wa Ta̱mu̱ta̱dde̱no̱ ngati okko ki yo̱mo̱n, i̱i̱we̱ wa lawinto. 2Ma̱i̱je̱ nginati aave e̱e̱ti̱ ci a̱rri̱ta̱i̱ kize nganynganye zoona da̱ la̱du̱n, odongek da̱ gon ol nonno aran wa azi zar ne, aran ci a̱zi̱ze̱, okko enne ala o̱ro̱bi̱ya̱ olle wak a̱vvu̱na̱k Ce̱e̱z wa Ta̱mu̱ta̱dde̱no̱. 3Baling icin enne Peturu ki Jon ming i̱i̱zo̱ Ce̱e̱z wa Ta̱mu̱ta̱dde̱no̱, ala zin enne nogo abunna ming aanyik nonno o̱ro̱bi̱ya̱. 4Egelemit zin Peturu ki Jon nonno, kar Peturu kizek nonno ne, “Cinnet da̱ ju̱rru̱m.” 5Egelem zin enne nogo de̱de̱, abarik i̱no̱n zinina azi ne, icima atidic nege aanyik nonno gi̱i̱ imma.
6Kar zin Peturu kize ne, “I̱llo̱i̱ annit o̱ro̱bi̱ya̱ icima dhahab ci kaanyin, abarik zin kaanyi gi̱i̱ ci kanyai icu, zare cik Ye̱su̱ Ki̱ri̱sto̱#3:6 Ye̱su̱ Ki̱ri̱sto̱: Azi keng cik zar cik een Ye̱su̱ ko̱ ne i̱ti̱ri̱zze̱t Ta̱mu̱ta̱dde̱n agita. Utuge ci Gi̱ri̱yo̱ azi keng ci zar cik een Ki̱ri̱sto̱ ko̱ ne, wa o̱de̱ atahala Ta̱mu̱ta̱dde̱n kize Alaan. Utuge ci I̱bu̱ru̱ azi keng ci zar cik een Ki̱ri̱sto̱ ko̱ ne Missaya. wa orog ci een Nazeret, ka̱nne̱ki̱ ne, tinga je̱e̱na̱ kar to.”
7Kar zin Peturu ka̱gga̱m nonno a̱zzi̱t ci a̱zzo̱, ngati eelanne nonno kitinga je̱e̱na̱. Ataman niko, ubunntta zoona cik e̱e̱t neci. 8Itinga ngati ingoze, kibil je̱e̱na̱ zoone, kar zin ku̱lu̱c lo̱o̱c. Orkorrit zin enne ki nogo oot reene ci Ce̱e̱z wa Ta̱mu̱ta̱dde̱no̱ ecito, ngati owoye je̱e̱na̱ kar zin kingoz katal oroot kar bo̱do̱k kinnat Ta̱mu̱ta̱dde̱n. 9Icinnet ol do̱o̱k nonno ngati owoye, kar kinnat Ta̱mu̱ta̱dde̱n, 10ma baling i̱ye̱zta̱ ol nonno ming een e̱e̱t wa gon alaye Ce̱e̱ze̱ wa Ta̱mu̱ta̱dde̱no̱, arane wa akannek ol kize aran ci a̱zi̱ze̱ ko̱, u̱ku̱lte̱k nege gi̱i̱ ci ogonik Ta̱mu̱ta̱dde̱n nonno ko̱.
Uwak Peturu a̱lu̱wa̱we̱ ci alawe ol Ta̱mu̱ta̱dde̱n
11Baling icinnet ol e̱e̱t neci ngati a̱gga̱mo̱ azzin ki Peturu ki Jon ngati azi zara baali ci Solomoni, u̱ku̱lte̱k zin ol do̱o̱k je̱e̱n, kar zin ol do̱o̱k ki̱vi̱rto̱zi̱k nogo. 12Baling icin Peturu ol u̱tu̱gu̱zzo̱ niko, uwahek zin enne nogo zoz ci Ta̱mu̱ta̱dde̱no̱, azi ne, “Olli Israilo, nya ming a̱ku̱le̱kku̱ zoz necu ko̱? Nya ming acinnetu ki ci een agit cik kanyakka doiz icima ka̱gga̱yya̱ Ta̱mu̱ta̱dde̱n, kar kanyikka e̱e̱t necu koto ko̱? 13Eci Ta̱mu̱ta̱dde̱n ci Aburahami,#3:13 Aburaham: Awu Ta̱mu̱ta̱dde̱n nonno abunna ming uungnek boor ki lo̱o̱c cinne lo̱o̱c kar kunu Ta̱mu̱ta̱dde̱n rok lo̱o̱c ci een jor. I̱ki̱ya̱ enne ize be̱e̱ti̱ olli Ya̱u̱do̱. Abak enne e̱rki̱nya̱ i̱bbo̱ng co̱de̱ ki obet tu̱rge̱ (1,800) baling ngen Ye̱su̱ ki̱ti̱rra̱i̱ ke̱. IkebKananet 12-26. ki I̱sa̱ko̱#3:13 I̱sa̱ko̱: Een enne do̱le̱c ci bali u̱du̱wa̱ Ta̱mu̱ta̱dde̱n azi ne, kanyik Aburaham. IkebKananet 17-35. ki Ya̱ko̱bo̱#3:13 Ya̱ko̱bo̱: Een enne ngerrti do̱le̱c ci Aburahami wa bali anyak dooli cik macik omoto ki rama. Utuhu Ta̱mu̱ta̱dde̱n zar ciginnek kize Israil. Awu ol dooli ciginnek kizeto olli Israilo, imma i̱i̱te̱ne̱ ci Ye̱su̱ awu ol nogo kizeto Ya̱u̱d. IkebKananet 25-50. ki ji̱ji̱ti̱gga̱c#Lu̱ge̱z 3:6,15 nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱. 14Een enne ba̱li̱ye̱ E̱e̱t wa Abunna O̱de̱ A̱li̱le̱ oroot, utuburtu abarik nonno, kar zin abarik i̱jji̱nne̱t Pilato abunna ming oogakkung e̱e̱t wa mu̱nye̱nu̱. 15U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu. 16Kar tu̱we̱nte̱ ci zar cik Ye̱su̱, okko zin e̱e̱ti̱ ci acinnu niga ko̱ kar bo̱do̱k a̱gga̱c ko̱ kubunna kokkom ele kak. Tu̱we̱ne̱t zin wa ka̱tu̱yya̱ Ye̱su̱ nenen ci aanyik e̱e̱t necu kubunna ngati acinnu niga do̱o̱k ko̱ nenen.
17“Ma̱i̱je̱ zin i̱yo̱ko̱, gotonogga, ka̱gga̱ niko u̱tu̱gu̱zzu̱ niga ki lo̱ddi̱ki̱re̱ cuggo̱k kaal go̱o̱le̱ ci iróng niga a̱gga̱yyu̱. 18Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna. 19Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi. 20Kar atin Ta̱mu̱ta̱dde̱n ki̱tto̱na̱u̱ng Ki̱ri̱sto̱ wa bali la̱du̱n atahalaung enne Ye̱su̱ ke̱. 21Irahek arrak atin ta̱mu̱-kenga zee ki̱vi̱ta̱ arrak atin kaala do̱o̱k kidimante kize jor ki bali ming u̱du̱wa̱ Ta̱mu̱ta̱dde̱n go̱o̱le̱ ci a̱ri̱tto̱k wak a̱li̱le̱ balik abak bali reena ke̱. 22Eci bali azi Musesi#3:22 Muses: Baling okko Yosevo a̱da̱i̱, izeto dooli cik Israilo du̱cca̱k Masira, edeca e̱rki̱nya̱ cik e̱e̱ggi̱n obet we̱c (400). Atahala Ta̱mu̱ta̱dde̱n Muses kize e̱e̱t ci a̱lu̱ge̱ olli Israilo ngati e̱e̱ggi̱n du̱cca̱k Masire. Aanyik Ta̱mu̱ta̱dde̱n olli Israilo lo̱ti̱nno̱k ngati Musesi, nonno ci azi ol ne, Lo̱ti̱nno̱k cik Musesi. Abak i̱yo̱ko̱ da̱ Musesi e̱rki̱nya̱ i̱bbo̱ng co̱de̱ ki obet we̱c (1,400) bali ngen Ye̱su̱ ki̱ti̱rra̱i̱ ke̱. IkebLu̱ge̱z 2-24. ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t#3:22 A̱ri̱to̱i̱t: Ozoz bali Peturu zoz ci obod ki a̱ri̱to̱i̱t imma ci azi Musesi ne, a̱kku̱ atin. Een Ye̱su̱ a̱ri̱to̱i̱t neci. IkebDeuteronomy 18:15-18; Jon 1:21; 6:14; Buk wa To̱ni̱a̱u̱ 7:37. ci zoz cinne orgene cunno̱ng ki i̱yo̱ko̱ anna ko̱; abunna la̱du̱n ming aziknnu kaal ne̱k a̱du̱wa̱kku̱ng ke̱ do̱o̱k. 23Ming iróng e̱e̱ti̱ imma aziye nonno, engeryai atin enne olle ciginnek.’#Deuteronomy 18:15-19
24“De̱de̱, a̱ri̱tto̱wa̱ do̱o̱k akane ngati Samweli, ki wak meelek ozozit kaal wak u̱tu̱gu̱ Ye̱su̱ i̱i̱nya̱ ciko. 25Aragiztu zin niga zo̱zzo̱k cik a̱ri̱tto̱u̱ ki olom bali ogon Ta̱mu̱ta̱dde̱n ki ji̱ji̱ti̱ggo̱k ke̱. A̱nne̱k enne Aburaham ne, ‘Zo̱ze̱ ci dooli cigunnek amuda atin ol lo̱o̱co̱we̱ do̱o̱k ma̱yu̱we̱ne̱t.’#Kananet 22:18; Kananet 26:4 26Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”
Zvasarudzwa nguva ino
Buk wa To̱ni̱a̱u̱ 3: tex
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 3
3
Angaru Peturu ki Jon e̱e̱t ci ngooli
1Ovvo da̱ i̱i̱te̱ne̱ emani Peturu ki Jon Ce̱e̱ze̱ wa Ta̱mu̱ta̱dde̱no̱ ngati okko ki yo̱mo̱n, i̱i̱we̱ wa lawinto. 2Ma̱i̱je̱ nginati aave e̱e̱ti̱ ci a̱rri̱ta̱i̱ kize nganynganye zoona da̱ la̱du̱n, odongek da̱ gon ol nonno aran wa azi zar ne, aran ci a̱zi̱ze̱, okko enne ala o̱ro̱bi̱ya̱ olle wak a̱vvu̱na̱k Ce̱e̱z wa Ta̱mu̱ta̱dde̱no̱. 3Baling icin enne Peturu ki Jon ming i̱i̱zo̱ Ce̱e̱z wa Ta̱mu̱ta̱dde̱no̱, ala zin enne nogo abunna ming aanyik nonno o̱ro̱bi̱ya̱. 4Egelemit zin Peturu ki Jon nonno, kar Peturu kizek nonno ne, “Cinnet da̱ ju̱rru̱m.” 5Egelem zin enne nogo de̱de̱, abarik i̱no̱n zinina azi ne, icima atidic nege aanyik nonno gi̱i̱ imma.
6Kar zin Peturu kize ne, “I̱llo̱i̱ annit o̱ro̱bi̱ya̱ icima dhahab ci kaanyin, abarik zin kaanyi gi̱i̱ ci kanyai icu, zare cik Ye̱su̱ Ki̱ri̱sto̱#3:6 Ye̱su̱ Ki̱ri̱sto̱: Azi keng cik zar cik een Ye̱su̱ ko̱ ne i̱ti̱ri̱zze̱t Ta̱mu̱ta̱dde̱n agita. Utuge ci Gi̱ri̱yo̱ azi keng ci zar cik een Ki̱ri̱sto̱ ko̱ ne, wa o̱de̱ atahala Ta̱mu̱ta̱dde̱n kize Alaan. Utuge ci I̱bu̱ru̱ azi keng ci zar cik een Ki̱ri̱sto̱ ko̱ ne Missaya. wa orog ci een Nazeret, ka̱nne̱ki̱ ne, tinga je̱e̱na̱ kar to.”
7Kar zin Peturu ka̱gga̱m nonno a̱zzi̱t ci a̱zzo̱, ngati eelanne nonno kitinga je̱e̱na̱. Ataman niko, ubunntta zoona cik e̱e̱t neci. 8Itinga ngati ingoze, kibil je̱e̱na̱ zoone, kar zin ku̱lu̱c lo̱o̱c. Orkorrit zin enne ki nogo oot reene ci Ce̱e̱z wa Ta̱mu̱ta̱dde̱no̱ ecito, ngati owoye je̱e̱na̱ kar zin kingoz katal oroot kar bo̱do̱k kinnat Ta̱mu̱ta̱dde̱n. 9Icinnet ol do̱o̱k nonno ngati owoye, kar kinnat Ta̱mu̱ta̱dde̱n, 10ma baling i̱ye̱zta̱ ol nonno ming een e̱e̱t wa gon alaye Ce̱e̱ze̱ wa Ta̱mu̱ta̱dde̱no̱, arane wa akannek ol kize aran ci a̱zi̱ze̱ ko̱, u̱ku̱lte̱k nege gi̱i̱ ci ogonik Ta̱mu̱ta̱dde̱n nonno ko̱.
Uwak Peturu a̱lu̱wa̱we̱ ci alawe ol Ta̱mu̱ta̱dde̱n
11Baling icinnet ol e̱e̱t neci ngati a̱gga̱mo̱ azzin ki Peturu ki Jon ngati azi zara baali ci Solomoni, u̱ku̱lte̱k zin ol do̱o̱k je̱e̱n, kar zin ol do̱o̱k ki̱vi̱rto̱zi̱k nogo. 12Baling icin Peturu ol u̱tu̱gu̱zzo̱ niko, uwahek zin enne nogo zoz ci Ta̱mu̱ta̱dde̱no̱, azi ne, “Olli Israilo, nya ming a̱ku̱le̱kku̱ zoz necu ko̱? Nya ming acinnetu ki ci een agit cik kanyakka doiz icima ka̱gga̱yya̱ Ta̱mu̱ta̱dde̱n, kar kanyikka e̱e̱t necu koto ko̱? 13Eci Ta̱mu̱ta̱dde̱n ci Aburahami,#3:13 Aburaham: Awu Ta̱mu̱ta̱dde̱n nonno abunna ming uungnek boor ki lo̱o̱c cinne lo̱o̱c kar kunu Ta̱mu̱ta̱dde̱n rok lo̱o̱c ci een jor. I̱ki̱ya̱ enne ize be̱e̱ti̱ olli Ya̱u̱do̱. Abak enne e̱rki̱nya̱ i̱bbo̱ng co̱de̱ ki obet tu̱rge̱ (1,800) baling ngen Ye̱su̱ ki̱ti̱rra̱i̱ ke̱. IkebKananet 12-26. ki I̱sa̱ko̱#3:13 I̱sa̱ko̱: Een enne do̱le̱c ci bali u̱du̱wa̱ Ta̱mu̱ta̱dde̱n azi ne, kanyik Aburaham. IkebKananet 17-35. ki Ya̱ko̱bo̱#3:13 Ya̱ko̱bo̱: Een enne ngerrti do̱le̱c ci Aburahami wa bali anyak dooli cik macik omoto ki rama. Utuhu Ta̱mu̱ta̱dde̱n zar ciginnek kize Israil. Awu ol dooli ciginnek kizeto olli Israilo, imma i̱i̱te̱ne̱ ci Ye̱su̱ awu ol nogo kizeto Ya̱u̱d. IkebKananet 25-50. ki ji̱ji̱ti̱gga̱c#Lu̱ge̱z 3:6,15 nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱. 14Een enne ba̱li̱ye̱ E̱e̱t wa Abunna O̱de̱ A̱li̱le̱ oroot, utuburtu abarik nonno, kar zin abarik i̱jji̱nne̱t Pilato abunna ming oogakkung e̱e̱t wa mu̱nye̱nu̱. 15U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu. 16Kar tu̱we̱nte̱ ci zar cik Ye̱su̱, okko zin e̱e̱ti̱ ci acinnu niga ko̱ kar bo̱do̱k a̱gga̱c ko̱ kubunna kokkom ele kak. Tu̱we̱ne̱t zin wa ka̱tu̱yya̱ Ye̱su̱ nenen ci aanyik e̱e̱t necu kubunna ngati acinnu niga do̱o̱k ko̱ nenen.
17“Ma̱i̱je̱ zin i̱yo̱ko̱, gotonogga, ka̱gga̱ niko u̱tu̱gu̱zzu̱ niga ki lo̱ddi̱ki̱re̱ cuggo̱k kaal go̱o̱le̱ ci iróng niga a̱gga̱yyu̱. 18Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna. 19Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi. 20Kar atin Ta̱mu̱ta̱dde̱n ki̱tto̱na̱u̱ng Ki̱ri̱sto̱ wa bali la̱du̱n atahalaung enne Ye̱su̱ ke̱. 21Irahek arrak atin ta̱mu̱-kenga zee ki̱vi̱ta̱ arrak atin kaala do̱o̱k kidimante kize jor ki bali ming u̱du̱wa̱ Ta̱mu̱ta̱dde̱n go̱o̱le̱ ci a̱ri̱tto̱k wak a̱li̱le̱ balik abak bali reena ke̱. 22Eci bali azi Musesi#3:22 Muses: Baling okko Yosevo a̱da̱i̱, izeto dooli cik Israilo du̱cca̱k Masira, edeca e̱rki̱nya̱ cik e̱e̱ggi̱n obet we̱c (400). Atahala Ta̱mu̱ta̱dde̱n Muses kize e̱e̱t ci a̱lu̱ge̱ olli Israilo ngati e̱e̱ggi̱n du̱cca̱k Masire. Aanyik Ta̱mu̱ta̱dde̱n olli Israilo lo̱ti̱nno̱k ngati Musesi, nonno ci azi ol ne, Lo̱ti̱nno̱k cik Musesi. Abak i̱yo̱ko̱ da̱ Musesi e̱rki̱nya̱ i̱bbo̱ng co̱de̱ ki obet we̱c (1,400) bali ngen Ye̱su̱ ki̱ti̱rra̱i̱ ke̱. IkebLu̱ge̱z 2-24. ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t#3:22 A̱ri̱to̱i̱t: Ozoz bali Peturu zoz ci obod ki a̱ri̱to̱i̱t imma ci azi Musesi ne, a̱kku̱ atin. Een Ye̱su̱ a̱ri̱to̱i̱t neci. IkebDeuteronomy 18:15-18; Jon 1:21; 6:14; Buk wa To̱ni̱a̱u̱ 7:37. ci zoz cinne orgene cunno̱ng ki i̱yo̱ko̱ anna ko̱; abunna la̱du̱n ming aziknnu kaal ne̱k a̱du̱wa̱kku̱ng ke̱ do̱o̱k. 23Ming iróng e̱e̱ti̱ imma aziye nonno, engeryai atin enne olle ciginnek.’#Deuteronomy 18:15-19
24“De̱de̱, a̱ri̱tto̱wa̱ do̱o̱k akane ngati Samweli, ki wak meelek ozozit kaal wak u̱tu̱gu̱ Ye̱su̱ i̱i̱nya̱ ciko. 25Aragiztu zin niga zo̱zzo̱k cik a̱ri̱tto̱u̱ ki olom bali ogon Ta̱mu̱ta̱dde̱n ki ji̱ji̱ti̱ggo̱k ke̱. A̱nne̱k enne Aburaham ne, ‘Zo̱ze̱ ci dooli cigunnek amuda atin ol lo̱o̱co̱we̱ do̱o̱k ma̱yu̱we̱ne̱t.’#Kananet 22:18; Kananet 26:4 26Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2018, Wycliffe Bible Translators, Inc. All rights reserved.