Hosea 11
11
Rudo rwaMwari kuvanhu vake vakapanduka
1“Isiraeri paakanga achiri
mwana mudiki, ndaimuda.
Ndakadaidza mwana wangu iyeyu
kubva kuIjipiti.
2Pandaimudaidza
ndopaainyanya kutsaukana neni.
Vakaramba vachipira zvibayiro zvavo
kuna Bhaari
uye vachipisirawo rusenzi kuzvifananidzo zvokunamata.
3Asi iyeni ndini ndakadzidzisa
vokwaEfuremu kufamba.
Ndaivatakura mumaoko
asi zvokuziva kuti ndini ndaivarapa,
havana kuziva.
4Ndaivatungamirira netambo yengoni
pamwe neyamabhande orudo.
Ndakavasimudza somwana muduku
pachipfuva changu
ndikakotama ndichivapa chokudya.
5“KuIjipiti havachadzokera
asi Asiria ndiyo ichavatongao
nokuti vakaramba kudzokera kwandiri.
6Hondo ichatsviriridza mumaguta avo
ichityoranisa zvihuri zvemisuo mikuru yavo,
ichivaparadza mutsvingo dzavo
dzokuzvidzivirira nadzo muhondo.
7Vanhu vangu vaomarara
nenyaya yokutsaukana neni.
Saka joko nderavo
hapana anovakumura.
8“Ndingagokurasai seiko nhai vokwaEfuremu?
Ndingagokutii kuche mumaoko avo seiko
nhaimi vokwaIsiraeri?
Ndingagokubatai somubatiro
wandakaita guta reAdhima here,
kana zvandakaita kuguta reZebhoimu?
Mwoyo wangu unoramba mukati mangu.
Mwoyo wangu wetsitsi
uri kutoramba uchiwedzera kukudai.
9Handicharatidza hasha dzangu dzinotyisa,
vokwaEfuremu, handichavaparadza zvakare
nokuti ini ndiri Mwari
handisi munhu,
iye Anoera, ndiri pakati penyu
uye handisi kuuya kuzoparadza.#11:9 Kuzoparadza: MuchiHebheru, “Handisi kuzopinda muguta.”
10Vachatevera Tenzi
iye achidzvova seshumba,
achidzvova kudaro
vana vake vachauya vachidedera
vachibva kumadokero.
11Vachauya vachibhabhama seshiri
vachibva kuIjipiti,
senjiva, vachibva kunyika yeAsiria
ndichivadzosera kumisha yavo,
ndozviri kutaura Tenzi.”
Mhosva ine vokwaIsiraeri nevokwaJudha
12VokwaEfuremu vandikomberedza namanyepo,
vembawo yokwaIsiraeri
vachindikomberedza nounyengedzi.
Asi vokwaJudha
vanofamba naTenzi#11:12 Kana kuti, “Vanozivikanwa naTenzi.”
uye vakatendeseka
kuna iye Anoera.
Zvasarudzwa nguva ino
Hosea 11: SCLB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.
Hosea 11
11
Rudo rwaMwari kuvanhu vake vakapanduka
1“Isiraeri paakanga achiri
mwana mudiki, ndaimuda.
Ndakadaidza mwana wangu iyeyu
kubva kuIjipiti.
2Pandaimudaidza
ndopaainyanya kutsaukana neni.
Vakaramba vachipira zvibayiro zvavo
kuna Bhaari
uye vachipisirawo rusenzi kuzvifananidzo zvokunamata.
3Asi iyeni ndini ndakadzidzisa
vokwaEfuremu kufamba.
Ndaivatakura mumaoko
asi zvokuziva kuti ndini ndaivarapa,
havana kuziva.
4Ndaivatungamirira netambo yengoni
pamwe neyamabhande orudo.
Ndakavasimudza somwana muduku
pachipfuva changu
ndikakotama ndichivapa chokudya.
5“KuIjipiti havachadzokera
asi Asiria ndiyo ichavatongao
nokuti vakaramba kudzokera kwandiri.
6Hondo ichatsviriridza mumaguta avo
ichityoranisa zvihuri zvemisuo mikuru yavo,
ichivaparadza mutsvingo dzavo
dzokuzvidzivirira nadzo muhondo.
7Vanhu vangu vaomarara
nenyaya yokutsaukana neni.
Saka joko nderavo
hapana anovakumura.
8“Ndingagokurasai seiko nhai vokwaEfuremu?
Ndingagokutii kuche mumaoko avo seiko
nhaimi vokwaIsiraeri?
Ndingagokubatai somubatiro
wandakaita guta reAdhima here,
kana zvandakaita kuguta reZebhoimu?
Mwoyo wangu unoramba mukati mangu.
Mwoyo wangu wetsitsi
uri kutoramba uchiwedzera kukudai.
9Handicharatidza hasha dzangu dzinotyisa,
vokwaEfuremu, handichavaparadza zvakare
nokuti ini ndiri Mwari
handisi munhu,
iye Anoera, ndiri pakati penyu
uye handisi kuuya kuzoparadza.#11:9 Kuzoparadza: MuchiHebheru, “Handisi kuzopinda muguta.”
10Vachatevera Tenzi
iye achidzvova seshumba,
achidzvova kudaro
vana vake vachauya vachidedera
vachibva kumadokero.
11Vachauya vachibhabhama seshiri
vachibva kuIjipiti,
senjiva, vachibva kunyika yeAsiria
ndichivadzosera kumisha yavo,
ndozviri kutaura Tenzi.”
Mhosva ine vokwaIsiraeri nevokwaJudha
12VokwaEfuremu vandikomberedza namanyepo,
vembawo yokwaIsiraeri
vachindikomberedza nounyengedzi.
Asi vokwaJudha
vanofamba naTenzi#11:12 Kana kuti, “Vanozivikanwa naTenzi.”
uye vakatendeseka
kuna iye Anoera.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.